Fréttablaðið - 23.05.2008, Blaðsíða 58
26 23. maí 2008 FÖSTUDAGUR
UMRÆÐAN
Sverrir Stormsker svarar Stefáni Hilmarssyni
Ég virðist hafa hitt á einhvern afar viðkvæman blett í sálartetri Stefáns
Hilmarssonar með grein minni í síðustu viku
þar sem ég kom lítillega inn á hans persónu
eða hans karakterleysi öllu heldur, því hann
skrifar grein í Fréttablaðið þann 21. maí
alveg sótrauður af bræði þar sem hann
fárast yfir því að ég skyldi hafa hitt naglann
á höfuðið.
Rangfærslurnar og dylgjurnar í grein hans eru svo
yfirgripsmiklar að ég þarf tvær greinar til að
leiðrétta þær. Ekki til að hafa síðasta orðið heldur
það sem sannara reynist.
Það veit öll þjóðin nema Stefán hver það var sem
„dröslaði honum á lappir og samdi ofan í hann fyrstu
vinsælu lögin sem hann söng inn á plötur og gerðu
hann að því sem hann vildi verða – frægan,“ eins og
ég orðaði það í grein minni. Ég er síst af öllu að telja
það mér til tekna og ætlast síst af öllu til þess af
manni eins og Stefáni að hann hafi hátt um það þó
hann hafi fjölyrt um það í öllum fjölmiðlum á sínum
tíma. Það er enginn að biðja hann um að hrópa þessi
sannindi á torgum í dag en úr því að hann er að tjá
sig um sinn feril á annað borð, t.d. á heimasíðu sinni,
þá á hann náttúrlega að fara með rétt mál. Það lýsir
ekki beysnum karakter að reyna að ljúga með
æpandi þögninni. Stefán var mjálmandi í mér einsog
smákrakki öllum stundum biðjandi mig að gera sig
frægan: „Gerðu það gerðu mig frægan. Mig langar
svo að verða frægur.“ Og ég gerði það. Þessi
Kvennaskólakrakki hafði sérkennilega háa rödd, ekki
óáþekka Mikka mús. Áður hafði hann sungið örfá
handónýt endurvinnslulög inn á plötur sem vöktu
enga athygli en fyrstu lögin sem gerðu hann vinsæl-
an voru eftir mig: „Við erum við,“ „Búum til betri
börn,“ Horfðu á björtu hliðarnar,“ og svo „Sókrates“
sem kom honum endanlega á koppinn. Þetta er
ekkert flókið. Það muna þetta allir yfir þrítugt. Allir
nema Stefán sem er í afneitun og feluleik. Aumkunar-
vert og broslegt í senn. Maður roðnar eiginlega fyrir
hans hönd því öll þjóðin veit þetta, en þetta skiptir í
sjálfu sér alls engu máli þar sem í hlut á svo sem
enginn stórsöngvari heldur (kot)roskin kelling sem
er aðallega í samkeppni við Andrés önd. En rétt skal
vera rétt.
Það er einkennilegt að allt sem hann sakar mig um
í dylgjugrein sinni, svo sem „metnaðarleysi, óreglu,
dramb og hroðvirkni“ eru einmitt helstu einkenni
Stefáns og það er mjög auðvelt að færa rök
fyrir því. Stefán er veistu-ekki-hver-ég-er-
gæi. Drambið og óregluna þekkja nú flestir,
skál fyrir því, en metnaðarleysið og hroð-
virknina þekkja hugsanlega færri því menn
eru ekki alltaf svo snöggir að kveikja. Skal
nefna nokkur dæmi: Er einhver metnaður
fólginn í því að endurvinna Vilhjálm
Vilhjálmsson og „heiðra“ þann góða söngv-
ara með þeim afleiðingum að maður heyrir
ekki lengur lögin í hans flutningi í útvarpinu
heldur bara einhverra eftirapa eins og
Stefáns og fleiri? Heldur Stefán virkilega í drambi
sínu að hann komist með tærnar þar sem Vilhjálmur
hafði hælana? Þetta er afætubisness, metnaðarleysi,
andleysi og heimska. Er það metnaðarfullt að stæla
Bítlana í Háskólabíói eins og Stefán er að gera baki
brotnu? Nei. Menn geta ekki lagst mikið lægra. Þetta
er það metnaðarlausasta og lágkúrulegasta sem
nokkur „tónlistarmaður“ getur tekið sér fyrir
hendur. Í þessu rugli er Stefán alveg upp fyrir haus.
Viðbrögð hans við gagnrýni minni eru viðbrögð
sandkassakrakkans: „Ef þú segir að ég sé aumingi þá
geturðu bara sjálfur verið aumingi.“ Engin rök. Bara
bull.
Besta dæmið um metnaðarleysi og hroðvirkni
Stefáns (eiginleika sem hann vænir mig um) er texta-
hnoð hans. Það þarf ekki að fletta lengi í textum
Stefáns til að sjá að þar fer maður sem á eingöngu að
syngja. Þar er allt yfirfljótandi af ambögum,
málfræðivillum og kunnáttuleysi í bragfræði. Dæmi
úr frægum texta Stefáns: „Hvar eru gleði mín og
sorg?“ Ambögurnar eru efni í heila skólabók um það
hvernig ekki á að gera texta. Hann reynir að nota
stuðlasetningu en kann það ekki. Þetta er allt
kolvitlaust ort. Hvaða maður með gramm af kröfu-
hörku, metnaði og viti yrkir svona illa? Jú, maður
sem hugsar eingöngu um STEF-gjöldin.
STEFán rifti okkar samstarfi á sínum tíma m.a. af
því að ég leyfði honum ekki að semja metnaðarlausa
heimskulega texta við mín lög. Hann vildi nefnilega
fá STEF-gjöld eins og ég. Í því lá hans metnaður.
Hann vildi fórna gæðum fyrir STEF-gjöld. Ég vildi
hins vegar vanda til verksins og láta hann bara sjá
um það sem hann kunni og það var að gaula. En
Stebbi litli vildi yrkja því Stebbi litli vildi líka fá
STEF-gjöld. STEFán hefur aldrei getað skilið að það
er betra að þegja og vera álitinn vitlaus en að opna
kjaftinn og eyða öllum vafa.
Höfundur er tónlistarmaður og rithöfundur. Lengri
útgáfu greinarinnar má lesa á Vísi.
Ambögusmiður í afneitun
SVERRIR
STORMSKER
Hagvöxtur um allt land
UMRÆÐAN
Örlygur Hnefill
Jónsson skrifar um
byggðamál
Í dag, föstudaginn 23. maí 2008, heldur
Byggðastofnun ársfund
sinn á Egilsstöðum. Í
framhaldi venjulegra
aðalfundarstarfa verður
fjallað um brýnt mál sem varð-
ar landsmenn alla, þ.e. hagvöxt
um allt land.
Byggðastofnun vann nýlega
ásamt Hagfræðistofnun Háskóla
Íslands skýrslu um hagvöxt ein-
stakra landsvæða á árunum
1998-2005. Vakti skýrsla þessi
mikla athygli, þar sem fram
kom mikill mismunur á hag-
vexti milli einstakra landsvæða.
Hagvöxtur er mestur á höfuð-
borgarsvæðinu og á Austurlandi
rúmlega 50%. Annars staðar er
hagvöxtur undir landsmeðaltali,
sem er 40% á umræddu tíma-
bili. Á tveim landsvæðum er
hagvöxtur neikvæður á tímabil-
inu, þ.e. á Vestfjörðum, um 3%
og á Norðurlandi vestra, um
9%.
Það er réttlætis- og jafnréttis-
mál að hagur þegnanna sé með
sem líkustum hætti óháð búsetu.
Tekur það til allra þátta eins og
þjónustu, menntunar, heilsu-
gæslu, samgangna, fjarskipta
og alls þess sem nútímamaður-
inn telur til eðlilegra og góðra
lífskjara. Því er brýnt að efla og
bæta hagvöxt þeirra landsvæða
sem hafa orðið undir í þróun síð-
ustu ára. Atvinnuuppbygging,
orku- og auðlindanýting heima í
héraði er virkasta tækið til
þessa. Bættar samgöngur og
efling innviða í veikari byggð-
um stuðlar einnig að
þessu. Byggðastofnun
hefur komið af fullum
þunga, fyrir tilstyrk
ríkis stjórnar Íslands, að
málum vegna niður-
skurðar veiðiheimilda á
yfirstandandi fiskveið-
ári og að uppbyggingu
hefðbundinna atvinnu-
greina og nýsköpun,
sem ætíð er fagnaðar-
efni á landsbyggðinni.
Þessa dagana er mikið rætt
um Íbúðalánasjóð, þá ágætu
stofnun. En hverjum hefur sú
stofnun nýst best hin síðari ár.
Hvar hefur uppbygging íbúðar-
húsnæðis verið með ódýru láns-
fjármagni Íbúðalánasjóðs í
krafti ríkisábyrgðar. Það er á
höfuðborgarsvæðinu. Í svari
þáverandi félagsmálaráðherra
við fyrirspurn minni á Alþingi
2001, hvert lán Íbúðalánasjóðs
hafi farið á árunum 1990-2000
kom fram að rúm 90% af þeim
fóru til uppbyggingar á áhrifa-
svæði höfuðborgarinnar. Þessi
ein stærsta byggðaaðgerð
Íslandssögunnar efldi auðvitað
hagvöxtinn á höfuðborgarsvæð-
inu og ekkert nema gott um það
að segja.
Hins vegar skiptir jafnvægi í
byggð miklu og allar nágranna-
þjóðir okkar hafa markvissa
stefnu í þeim málum. Eitt af því
og það sem hvað mestu skiptir í
því sambandi er að efla hagvöxt
einstakra svæða. Það verður
umræðuefni fulltrúa Háskóla
Íslands, Háskólans á Akureyri
og Samtaka atvinnulífsins auk
heimamanna á Austfjörðum að
ræða þetta á fundi Byggðastofn-
unar sem er öllum opinn.
Höfundur er formaður stjórnar
Byggðastofnunar.
ÖRLYGUR HNEFILL
JÓNSSON
SEND IÐ OKK UR LÍNU
Við hvetj um les end ur til að senda okk ur
línu og leggja orð í belg um mál efni líð andi
stund ar. Grein ar og bréf skulu vera stutt og
gagn orð. Ein göngu er tek ið á móti efni sem
sent er frá Skoð ana síð unni á vis ir.is. Þar eru
nán ari leið bein ing ar. Rit stjórn ákveð ur hvort
efni birt ist í Frétta blað inu eða Vísi eða í báð-
um miðl un um að hluta eða í heild. Áskil inn
er rétt ur til leið rétt inga og til að stytta efni.
BRÉF TIL BLAÐSINS
Eftir góða skíðavertíð
Hermann Valsson, fulltrúi VG í
íþrótta- og tómstundaráði Reykja-
víkur, skrifar:
Nú hefur skíðasvæðum borgarbúa
verði lokað eftir besta vetur í þó nokk-
urn tíma. Þessi vetur hófst með nokkr-
um látum sem snerust um mönnun
á svæðunum. Erfiðlega gekk til að
byrja með að ráða í lausar stöður og
að halda svæðunum opnum á fullum
krafti í ljósi þessa. Sjálfur tók ég þátt í
þessari orrahríð sem formaður stjórnar
skíðasvæðanna í tíð hundraðdaga
meirihlutans. Þar fuku á tíðum stór
orð og var ég sakaður um rangfærslur
í mínu máli og krafinn um opinbera
afsökun. Ég átti síðan ágæt samtöl
við þá sem þar komu að og vona ég
innilega að við höfum lokið okkar
missætti. Hvað sem því líður þá virðist
sem þessi umfjöllun, þó neikvæð væri,
hafi skilað sér í fleiri starfsmönnum
í fjöllin. Nóg til þess að hægt var að
fara í fulla opnun bæði í Bláfjöllum
og Skálafelli. Stundum er neikvæð
umræða af hinu góða.
Á þeim tíma sem ég var við
stjórnvölinn var unnið að samningi
um framtíðaruppbyggingu og var sú
vinna á lokastigi þegar ég fór frá vegna
meirihlutaskiptanna síðustu. Ég sá til
þess að núverandi formaður fengi allar
þær upplýsingar sem hann þurfti til að
klára málið og vona ég að því fari að
ljúka með uppsetningu á snjógerðar-
vélum á báðum skíðasvæðunum og
uppsetningu snjógirðinga án frekari
tafa – skíðamenn eiga það skilið. Ég vil
að lokum þakka starfsfólki skíðasvæð-
anna fyrir frábæra vinnu. Svæðin voru
til mikillar fyrirmyndar í vetur, vel troð-
in og sérlega gaman að koma í fjöllin.
Með þessu framhaldi verður skíða-
íþróttin að nýju þessi stórskemmtilega
fjölskylduíþrótt sem hún var áður.
Takk kærlega fyrir frábæran skíðavetur.
Sjáumst þann næsta.
Landsbankinn býður 16 ára og yngri á völlinn.
Sækja þarf boðsmiðann í næsta útibú Landsbankans.
Landsbankadeild kvenna
Fjölnirfös. 23. maí
fös. 23. maí
fös. 23. maí
fös. 23. maí
3. umferð
Valur
Keflavík Fylkir19:15
19:15
Afturelding Stjarnan19:15
KR Breiðablik19:15
lau. 24. maí HK/Víkingur Þór/KA15:00