Fréttablaðið - 24.05.2008, Blaðsíða 19

LAUGARDAGUR 24. maí 2008 19
SEND IÐ OKK UR LÍNU
Við hvetj um les end ur til að senda
okk ur línu og leggja orð í belg um
mál efni líð andi stund ar. Grein ar
og bréf skulu vera stutt og gagn-
orð. Ein göngu er tek ið á móti efni
sem sent er frá Skoð ana síð unni
á vis ir.is. Þar eru nán ari leið bein-
ing ar. Rit stjórn ákveð ur hvort efni
birt ist í Frétta blað inu eða Vísi eða
í báð um miðl un um að hluta eða
í heild. Áskil inn er rétt ur til leið rétt-
inga og til að stytta efni.
UMRÆÐAN
Jón Bjarnason skrifar um
Íbúðalánasjóð
Jóhanna Sigurðardóttir félags-málaráðherra skrifar stutta
grein í Fréttablaðið þann 19. maí
sl. Þar segir hún boðaðar breyt-
ingar á Íbúðalánasjóði fela „ein-
ungis í sér aðskilnað milli
almennra lánveitinga og félags-
legra lánveitinga“.
Ekki veit ég hvort það er rétt
hjá Jóhönnu að það sé „einungis“
þessi aðskilnaður sem standi til
hjá núverandi ríkisstjórn. Ýmsir
ráðherrar ríkisstjórnarinnar
hafa ábyrgðarlaust talað út og
suður um þetta mál á síðustu
dögum og vikum. Hitt er ljóst að
Sjálfstæðisflokkurinn og öfl
innan Samfylkingar sem höll eru
undir frjálshyggjuna vilja Íbúða-
lánasjóð feigan.
Ef það er hins vegar rétt hjá
Jóhönnu, að það eigi að skilja á
milli almennra og félagslegra
lánveitinga, er það í sjálfu sér
stórt mál sem felur í sér grund-
vallarbreytingu á starfi Íbúða-
lánasjóðs.
Þjóðinni skipt í ríka og fátæka
Ég hef trú á Jóhönnu Sigurðar-
dóttur en nú veldur hún mér
miklum vonbrigðum.
Með þeirri leið sem hér er
boðuð, aðskilnaði félagslegra og
almennra lána, mun fólk verða
dregið enn frekar í dilka en orðið
er í íslensku samfélagi: Annars
vegar er þeir sem metnir eru
vanburða og eiga að vera á „ölm-
usu“ hjá ríkinu; hins vegar eru
þeir sem taldir eru bjargálna og
fá lán á markaðsvöxtum bank-
anna – þeir sem metnir eru hæfir
fyrir bankana til að græða á.
Það er mikill misskilningur hjá
ráðherranum að ímynda sér að
hægt sé að reka tvískiptan Íbúða-
lánasjóð, annan fyrir fátæka og
hinn fyrir ríka. Í grunninn er
þetta aðför að þeirri jafnaðar-
hugsjón sem Íbúðalánasjóður
byggir á – opinn öllum, óháð þjóð-
félagsstöðu, efnahag, búsetu og
öðru.
Nái þessar tillögur ríkisstjórn-
arinnar fram að ganga er í raun
verið að grafa verulega undan
Íbúðalánasjóði og kasta húsnæð-
islánum fólks beint í gin við-
skiptabankanna með ófyrirsjáan-
legum afleiðingum fyrir
íbúðarkaupendur og íslenskt
samfélag.
Hvar lendir landsbyggðin í flokk-
unarkerfinu?
Hvar á landsbyggðin að fá lán
fyrir sínum eignum þegar „ein-
ungis“ er skilið á milli lána? Ekki
lána bankarnir til íbúðakaupa á
landsbyggðinni, svo mikið er víst.
Í augum fjármagnsafla er lands-
byggðarfólk í reynd þriðja flokks
þegnar þegar kemur að húsnæð-
isþörf og aðgangi að fjármagni.
Kannski er landsbyggðin bara
fyrirbrigði sem á að heyra fortíð-
inni til hjá Samfylkingunni? Það
virðist margt benda
til þess nú um stundir,
slíkt er háttalagið á
nær öllum sviðum er
varðar byggðir lands-
ins.
Ingibjörg Þórðar-
dóttir formaður
Félags fasteignasala
þekkir greinilega vel
aðstæður íbúðakaup-
enda um land allt.
Málflutningur hennar
í Kastljósi sl. mánudag fyrir sam-
félagslegum Íbúðalánasjóði fyrir
alla, var bæði sterkur og góður.
Hún skilur þessi mál greinilega
mun betur en þeir sem með völd-
in fara.
Ráðherrar ríkisstjórnarinnar
tala um málin af mikilli léttúð,
enda er væntan-
lega„einungis“ verið
að kollvarpa grunnin-
um að sterkum Íbúða-
lánasjóði jöfnuðar.
Þessi veruleikafirrta
ríkisstjórn ætti ef til
vill öll að fara í
kennslustund til Ingi-
bjargar Þórðardóttur,
og með þeim hætti
leitast við að nálgast
þjóð sína og fólkið í
landinu.
Ríkisstjórn viðskila við þjóðina
Í skoðanakönnun Gallup í desem-
ber síðastliðnum kom fram að
86% þjóðarinnar vilja hafa Íbúða-
lánasjóð áfram í óbreyttri mynd.
Mér kæmi ekki á óvart þó það
hlutfall hafi enn vaxið síðustu
mánuði, þrátt fyrir látlausan
áróður fjármagnsafla og yfir-
valda til hins gagnstæða. Ríkis-
stjórnin virðist verða æ meir við-
skila við þjóðina.
Að mínu viti tryggir maður
jöfnuð í samfélaginu m.a. með
því að jafna tekjugrunn fólks og
veita ókeypis aðgang að öflugri
almannaþjónustu s.s. heilsu-
gæslu, en ekki með því að flokka
fólk opinberlega niður í húsnæði
eftir efnahag. Það sér hver maður
sem kynnir sér málin að þessi
ójafnaðarleið ríkisstjórnarinnar
felur feigðina í sér fyrir Íbúða-
lánasjóð og þá félagshyggju sem
að baki honum býr. Enda er það
einmitt það sem fjármagnsöflin
vilja.
Íbúðarhúsnæði er ein af grunn-
þörfum fólks. Það er langsam-
lega gæfuríkast fyrir þjóðina að
hafa öflugan Íbúðalánasjóð með
ríkisábyrgð sem veitir grunnlán
til íbúðarkaupa þar sem allir hafa
sama rétt. Það er enda það sem
þjóðin vill.
Höfundur er þingmaður Vinstri
grænna í Norðvesturkjördæmi.
Íbúðalánasjóði „einungis“ kollvarpað?
JÓN BJARNASON
Það er mikill misskilningur hjá
ráðherranum að ímynda sér
að hægt sé að reka tvískiptan
Íbúðalánasjóð, annan fyrir
fátæka og hinn fyrir ríka.
Fossháls 5-9 • Sími 551 5600 • www.utilegumadurinn.is
Allt til ferðalagsins
Þægindi um land allt
Verið velkomin í Útilegumanninn, Fosshálsi 5-9 alla
daga. Við sýnum ykkur fellihýsin, hjólhýsin og bátana
okkar fyrir sumarið 2008 ásamt ferðavöru.
Á ferðalögum þínum um landið getur þú notið sams konar þæginda
og heima hjá þér á öllum uppáhaldsstöðunum þínum. Uppbúið rúm
og fyrirtaks aðstaða til að framreiða og njóta yndislegra máltíða
fylgja þér hvert sem leið þín liggur - en útsýnið er aldrei eins.
B
ir
t
m
e
ð
f
y
ri
rv
a
ra
u
m
v
e
rð
b
re
y
ti
n
g
a
r
OPIÐ
Helgar
12-16
Virka daga
10-18
Ríkulegur staðalbúnaður
Galvaníseruð grind
Evrópskar þrýstibremsur
Radial dekk / 13” álfelgur
Góð fjöðrun, hentar vel á ísl. vegum
Útdraganleg trappa við inngang
Breitt nefhjól (uppblásið gúmmídekk)
50 mm kúlutengi
220v tengill (blár skv. reglugerð)
Útvarp með geislaspilara,
hátalarar inni og úti
Upphitaðar 12 cm springdýnur
Vatnsh. öndunardúkur í svefnrými
Dometic kæliskápur XL 2,5 cubic
SMEV ryðfrí gaseldavél m/rafstarti
2 gaskútar
Gasviðvörunarkerfi
Öflug Truma combi 4 miðstöð
m/heitu vatni
Stór loftlúga m/þriggja hraða viftu
Skyggðir gluggar
2 feta geymsluhólf
Stórt farangurshólf
Voldugir öryggisarmar fyrir þak
og tjald
1 x færanlegt lesljós með viftu
110 amp rafgeymir
Heitt og kalt vatn, tengt
Rafmagnsvatnsdæla
86 lítra vatnstankur
Klósett með hengi
CD spilari/
útvarp
vatn tengt
heitt/kalt
Fjöðrun f.
ísl. aðstæður
Evrópskar
Þrýstibremsur
Upphitaðar
lúxusdýnur
12 cm
Rockwood fellihýsi
Verð frá 1.398.000 kr.
SumargjöfSólarrafhlaða, fortjald og gasgrillfylgir öllum fellihýsumTilboðið gildir til 15. júní