Fréttablaðið - 24.05.2008, Blaðsíða 40

HEIMILISHALD
MIKAEL MARINÓ RIVERA
● heimili&hönnun
Klarínettuleikarinn Ármann Helga-
son notar fingurna óspart en fyrir
utan það að leika á hljóðfærið er
hann handlaginn og hefur tekið
húsið sitt að miklu leyti í gegn. „Ég
hef verið með hamar í hendinni
síðan ég man eftir mér og finnst
gaman að hanna hluti í huganum
og koma þeim í framkvæmd. Þetta
hlýtur að vera einhver sköpunar-
þrá,“ segir Ármann.
Síðastliðið sumar setti hann upp
nýja eldhúsinnréttingu og skar eik-
arborðplötuna til. „Það er franskur
Provence-stíll yfir þessu enda
franskar hurðir,“ segir Ármann en
innréttinguna, sem er dönsk, fékk
hann í Eldaskálanum.
„Ég nota þrjátíu gráðu horn mjög
víða því húsið er frekar kantað.
Þannig næ ég fram meiri mýkt og
er borðplatan í kringum eldhúsva-
skinn til dæmis þannig. Ég lagði
líka parketið í stofunni og pallinn
í kringum húsið í þrjátíu gráður til
að brjóta upp þessa köntuðu fleti,“
segir Ármann en hann segist setja
punkt við framkvæmdir á haustin.
„Þá tekur vinnan við en þegar henni
lýkur á vorin hefst ég aftur handa
við framkvæmdir á heimilinu.“
Út um eldhúsgluggann má sjá
brekku þakta páskaliljum og segir
Ármann hana vekja upp enska nost-
algíu. „Mér líður svolítið eins og
að ég sé staddur einhvers staðar í
Mið-Evrópu hér í eldhúsinu mínu í
Garðabæ.“
Þó að Ármann búi í Garða bænum
er hann Hafnfirðingur í húð og hár.
„Ég sé yfir í fjörðinn héðan úr
suður hlíðum Garðabæjar og hjóla
yfir hraunið í vinnuna.“ Ármann,
sem vinnur í Tónlistarskóla Hafnar-
fjarðar, mun einmitt taka virkan
þátt í afmælishaldi í tilefni af 100
ára afmæli Hafnarfjarðar í næstu
viku. Á fimmtudaginn klukkan 21
spilar hann klarínettukvintett Moz-
arts með kammerhópnum Cammer-
arctica í Fríkirkjunni í Hafnar-
firði og á sunnudaginn klukkan hálf
fimm verða hátíðartónleikar á Ás-
völlum þar sem hann leikur einleik
með Kammersveit Hafnarfjarðar
og Sinfóníuhljómsveit Norðurlands.
- ve
Alltaf með hamar í hendi
● Ármanni Helgasyni finnst gaman að hanna hluti í huganum og koma þeim í framkvæmd.
Hann hefur frá unga aldri haft ánægju af því að smíða og tók eldhúsið nýlega í gegn.
Ármann setti upp nýja eldhúsinnréttingu í fyrrasumar en hann er kokkurinn á heimil-
inu og finnst fátt jafn róandi og að elda góðan mat eftir annasaman dag.
FRÉTTABLAÐIÐ/ARNÞÓR
S
núrur hafa gert margan góðan drenginn brjálaðan í gegnum tíð-
ina. Snúrur sem fylgja heimilistækjum og tólum geta verið svo
miklar að það er engan veginn hægt að fela þær. Eða svo héldu
menn þangað til farið var að gera stór skörð í veggi og troða
snúrunum þar inn og múra yfir og mála. Þannig var ekkert vesen á
snúrunum og allir voru sáttir við Guð og menn. Snúrulaus heimili var
alveg málið og fólk fór að skera göt í veggina úti um allt land eins og
enginn væri morgundagurinn.
Sjálfur er ég lítill aðdáandi snúra og í raun þoli ég þær ekki. Ég not-
ast við gamla trikkið að þruma upp einhverju húsgagni fyrir snúruhrúg-
una og þá er þannig séð laus við að horfa á einhverja risastóra flækju.
Tækninni fleytir fram á hverjum degi og
sífellt verða fleiri tæki þráðlaus eins og kall-
að er. Þegar fyrsti þráðlausi heimilissíminn
kom á sjónarsviðið á Íslandi fagnaði ein hús-
móðir í Vesturbænum svo mikið að hún var
lögð inn á spítala í fjórar vikur til aðhlynning-
ar. Eftir það hafa til dæmis tölvur orðið þráð-
lausar og það breyttu miklu fyrir marga.
Snúrulaus tæki eru vel þegin á íslensk
heimili og enginn afþakkar slíkt. Ekkert er
verra en þegar snúrur taka sig saman, til
dæmis fyrir aftan sjónvarpið, og flækjast
hver í annarri þannig að úr verður svo mikil
flækja að maður getur ekki annað en blótað og fórnað höndum. Merki-
legast er hvernig snúrur enda alltaf með því að flækjast. Eru þær lif-
andi? Eða er einhver maður úti í bæ sem laumast inn á heimili fólks á
nóttunni og flækir snúrur saman? Það er alveg sama hvað maður gerir,
snúrurnar enda alltaf í flækju. Maður hefur reynt að nota límband og
aðskilja snúrurnar en það dugar kannski í tvo daga áður en allt er komið
í rugl.
Ég hef fyrir löngu gefist upp í þessari baráttu og það fyrir löngu
og bíð því bara spenntur eftir því að öll heimilistæki verði þráðlaus.
Hugsið ykkur ef allt væri þráðlaust á heimilinu, það myndi breyta svo
miklu. Fullt af fólki myndi hætta að kaupa sér húsgögn með það í huga
að fela snúrur. Hægt væri að hafa allt eins og manni sýndist og maður
þyrfti ekki lengur að blóta þegar kíkt væri bak við sjónvarpsskenkinn.
Öll fæddumst við með einhvers konar snúru fasta í maganum á okkur
og sú snúra var klippt og við fengum frelsi. Hvernig væri að frelsa öll
tækin og tólin sem eru með snúrum.
Mergur málsins er hreinlega sá að ég trúi og treysti á tækni-
framfarir. Gemsinn var snilld og hægt að blaðra í hann hvar sem er.
Þetta frelsi vil ég upplifa með önnur tæki og hefði sko ekkert á móti því
að geta tekið snúrulausu þvottvélina með í útileiguna og hent í nokkrar
vélar á meðan ég grilla pylsur. Ég hvet nú verkfræðinga og uppfinning-
a menn til dáða og bíð spenntur eftir snúrulausum tækjum.
Bölvaðar snúrurnar
Merkilegast er
hvernig snúrur enda
alltaf með því að
flækjast. Eru þær
lifandi? Eða er einhver
maður úti í bæ sem
laumast inn á heimili
fólks á nóttinni og
flækir snúrur saman?
● ANDSVAR VIÐ EINFALDLEIKANUM Á tímum þar sem
einfaldleikinn virðist tröllríða allri hönnun er gaman að vita til
þess að rómantíkin er ekki alveg dauð. Fyrirtækið The French
Bedroom Company sérhæfir sig í glæsilegum frönskum hús-
gögnum. Langi mann í gullbryddaðar mublur í barokkstíl er
heimasíðan www.frenchbedroomcompany.co.uk góður staður
til að hefja leitina.
● Forsíðumynd: tók Valgarður Gíslason á heimili
Margrétar Guðnadóttur. Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar: Roald
Eyvindsson roald@frettabladid.is og Emilía Örlygsdóttir
emilia@frettabladid.is Auglýsingar: Ámundi Ámunda-
son s. 517 5724 Útlitshönnuður: Kristín Agnarsdóttir
kristina@frettabladid.is.
Danfoss stjórnbúnaður fyrir hitakerfi fæst í öllum helstu lagnaverslunum landsins
Vörn gegn brunaslysum frá Danfoss
Termix One tengigrind til hitunar á neysluvatni
Stillanlegt hitastig neysluvatns
Stórminnkar slysahættu af völdum heita neysluvatnsins
Jafn þrýstingur á heitu og köldu neysluvatni, lengir líftíma blöndunartækja
Léttari þrif, enginn kísill á flísum og hreinlætistækjum
Vönduð vara, lítill viðhaldskostnaður
Áralöng reynsla stjórnbúnaðar við íslenskar hitaveituaðstæður
Auðveld í uppsetningu
Snyrtileg hlíf fylgir
•
•
•
•
•
•
•
• www.stillumhitann.is
24. MAÍ 2008 LAUGARDAGUR2