Fréttablaðið - 24.05.2008, Blaðsíða 46

● heimili&hönnun
Á vorsýningu Iðnskólans í Hafnarfirði sýna nemendur
úr öllum árgöngum skólans valin verkefni og kennir
þar ýmissa grasa.
Tíu nemendur útskrifast þetta árið úr hönnunar-
deild skólans og á sýningunni má meðal annars sjá af-
rakstur samvinnuverkefnis þeirra. Þau tóku í sundur
ljósritunarvél og unnu svo nytjahluti upp úr henni.
Erla Dís Arnardóttir er ein útskriftarnema og
vann hún skartgripi úr vélarhlutunum. „Þetta var
mjög skemmtilegur áfangi. Kennarinn okkar er með
véladellu og tilgangurinn með verkefninu var að
við skildum vélina. Svo vatt þetta upp á sig og varð
að heilli línu af hlutum sem við nefndum „Digital
Princess“, útskýrir Erla Dís. „Ég gerði hálsmen og
belti en hver einasti hluti er úr vélinni og það gerir
þetta skemmtilegt.“
Í áfanga sem snerist um að færa fólk saman
hannaði Guðrún Alfreðsdóttir gróðursetningarsett
fyrir vini, en hún mun útskrifast um jólin. „Ég vildi
gera vináttuna sýnilega,“ útskýrir Guðrún „Hug-
myndin er að fólk kaupi bakka með fræjum
og sáðmold og fari með til vinar eða vin-
konu. Gróðursetji fræin hvort í sinn sáð-
bakkann og skiptist svo á þeim. Þá
átt þú bakkann sem vinur þinn sáði í
og hugsar um vináttuna um leið og þú
hugsar um fræin.“
Í þessum sama áfanga hannaði Hildur
Erlingsdóttir bekk. „Ég hannaði eins
konar spilabekk en ofan á hann spónlagði
ég slönguspil. Svo lét ég sníða pullu ofan
á svo þetta er sæti fyrir tvo eða
þrjá en þegar pullan er tekin
af er hægt að setjast á þær
kringum borðið og spila,“
útskýrir Hildur, sem útskrifast í vor.
Edda Svavarsdóttir hannaði lítið borð í áfanga
þar sem nemendur unnu með formbeygðan við.
„Mig vantaði borð heim til mín svo ég hannaði þetta
litla hliðarborð,“ segir Edda. „Fæturnir eru tveir
hlutir úr formbeygðum við sem ganga saman. Það
eru engar festingar í þeim en þeir þrýstast saman
af þunganum af glerplötunni. Það má segja að
formið á þeim minni á bognar þvottaklemmur.“
Þær stöllur eru allar sammála um að námið
við Iðnskólann í Hafnarfirði sé skemmtilegt
og hvetja gesti til að koma á sýninguna en
hún er opin frá klukkan 13 til 16 alla daga og
stendur til 1. júní. - rat
„Þessi ágæta hilla er alveg nýtilkomin,“ segir Bára Kristinsdótt-
ir ljósmyndari þegar farið er fram á að hún sýni lesendum Frétta-
blaðsins uppáhaldshilluna sína á heimilinu. Sú er spónlögð með
hnotu og nær næstum frá gólfi til lofts. Bára kveðst hafa látið sér-
smíða hana. „Ég hafði hlakkað mikið til að fá verðuga hirslu fyrir
ljósmyndabækurnar sem ég hef sankað að mér gegnum tíðina en
hafa lengi verið lokaðar inni í skápum og ofan í kössum. En hillan
er alger gleypir svo þegar hún var komin upp þá áttaði ég mig á
að ég átti ekki eins mikið af bókum og ég hélt. Ég gat því stillt öllu
mögulegu upp í hana að auki.“
Mikið rétt. Ýmsa fallega muni hefur Bára sett í hin mörgu hólf
hillunnar. Þarna er til dæmis hvítur hrafn, uppstoppaður og mál-
aður með skipalakki eftir listamanninn Jón Sæmund. Annar fugl
og minni er fyrir neðan ljósmyndabækurnar. Hann er listaverk
úr járni og grjóti eftir Önnu Sigríði. Þar sem stór fuglabók er
í einni af efstu hillunum mætti draga þá ályktun að Bára væri
áhugamaður um hina fiðruðu dýrategund en það segir hún ekki
alls kostar rétt. „Ég er enginn sérstakur aðdáandi fugla, segir hún
afsakandi. „En hef þó mjög gaman af þessum listaverkum.“ - gun
HILLAN MÍN
Fékk sér góða hirslu
fyrir bækur og fugla
Bára er alsæl með nýju hilluna sem rúmar bókakost hennar og eftirlætis
listaverk. Þess má geta að myndir eftir Báru eru á sýningunni Endurkast í
Þjóðminjasafninu. FRÉTTABLAÐIÐ/VALLI
Edda Svavarsdóttir, Erla Dís Arnardóttir, Guðrún Alfreðsdóttir og Hildur Erlingsdóttir eru meðal sýnenda á vorsýningu Iðnskólans
í Hafnarfirði. FRÉTTALBAÐIÐ/ARNÞÓR
Fylgihlutir og
skart unnið upp
úr vélarhlutum
úr gamalli
ljósritunarvél,
eftir Erlu Dís
Arnardóttur.
Skart úr vélarhlutum og
fræbakkar fyrir vináttuna
■ Vorsýning Iðnskólans í Hafnarfirði verður opnuð í dag en þar sýna nemendur afrakstur
vinnu sinnar. Þær Erla Dís, Guðrún, Hildur og Edda eru meðal sýnenda.
Spilabekkurinn eftir Hildi Erlingsdóttur
sem sameinar fólk við spil.
Edda Svavarsdóttir
hannaði borðfætur úr
formbeygðum við.
Guðrún Alfreðsdóttir
hannaði sáðbakka
fyrir vini til að rækta
vináttuna.
HNÍFAPÖRIN HEKLA Saga hnífaparsins
Heklu sem Dögg Guðmundsdóttir
hannaði spannar orðið rúman áratug.
Hugmyndin kviknaði í módelhnífn-
um Ponte árið 1995. Hann þróaðist
yfir í hnífaparið Brú sem síðar breyttist
í Heklu. Bygging parsins er innblásin
af hringforminu, það lyftir sér upp af
borðinu eins og fjallið tignarlega og gefur
samsvörun við ávala diskbrún. Fjölskylda
Heklu er sífellt að stækka því æ fleiri teg-
undir áhalda eru framleiddar í seríunni,
sem samanstendur nú af tíu hlutum.
Hnífapörin eru úr stáli og fást í Epal.
Gaffall kostar 2.690 krónur, matskeið
2.690 krónur og hnífur 4.310 krónur.
24. MAÍ 2008 LAUGARDAGUR8