Fréttablaðið - 24.05.2008, Blaðsíða 86
58 24. maí 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT 2. ríki í Suðvestur-Asíu, 6.
kusk, 8. for, 9. ónn, 11. gelt, 12. frétt,
14. þjóðerni, 16. pípa, 17. soðningur,
18. fát, 20. tveir eins, 21. auma.
LÓÐRÉTT 1. skref, 3. guð, 4. brá, 5.
knæpa, 7. ólaglegur, 10. veiðarfæri,
13. loft, 15. stunda, 16. iðka, 19. tveir
eins.
LAUSN
LÁRÉTT: 2. írak, 6. ló, 8. aur, 9. ofn,
11. gá, 12. fregn, 14. ítali, 16. æð, 17.
soð, 18. fum, 20. kk, 21. arma.
LÓÐRÉTT: 1. klof, 3. ra, 4. augnlok,
5. krá, 7. ófríður, 10. net, 13. gas, 15.
iðka, 16. æfa, 19. mm.
„Já, morgunkornið setti strik í reikninginn. Við reiknuðum ekki með
þessu. Héldum að þeir filmuðu bara að morgni dags. Þeir hljóta að vera
að kynna eitthvert kvöldkorn,“ segir Örn Árnason skemmtikraftur.
Örn þeysist nú um landið þvert og endilangt ásamt tenórnum hugum-
stóra Óskari Péturssyni og Jónasi Þóri píanóleikara en þeir flytja
skemmti- og söngdagskrá sem að mestu byggir á því að syngja lög
Everly-bræðra. Um síðustu helgi lentu þeir í óvæntri og harðri sam-
keppni um athygli bæjarbúa í Stykkishólmi sjálfa opnunarhelgi ferðalags
þeirra. Á sama tíma og söngdagskrá þeirra var hafði Kellogg’s morgun-
kornsframleiðandinn mikli óskað eftir 150 aukaleikurum úr hópi
bæjarbúa í Kellogg’s auglýsingu sem þá var verið að taka í bænum. „Já,
þeir voru vant við látnir Hólmarar,“ segir Örn. Hann má þó vel við una
því alls mættu 60 manns. „Það er í góðu lagi. En ef Kellogg’s hefði ekki
verið í bænum hefðu komið 160.“ Örn sýtir þetta þó ekki, skemmtunin
tókst vel og meðal annars mættu útlendingar sem sögðust aðeins hafa
skilið sex orð sem féllu á skemmtuninni. „Já, en það fylgdi sögunni að
þau sex orð hefðu einmitt verið frábær,“ segir Örn sem nú býr sig undir
samkeppni úr annarri átt. Hann er einn þeirra fáu Íslendinga sem hlýtur
að óska þess að Friðrik og Regína komist ekki upp úr undanúrslitunum í
Eurovision (það liggur væntanlega fyrir núna) en á laugardagskvöldið
ætla þeir félagar að troða upp í Dalabúð. „Á sama tíma og Eurovision er.
Já. Þá verður kannski ekki von á góðu,“ segir Örn sem ber sig vel. Segir
glatt á hjalla í Land Cruisernum sem þeir félagar fari á um Vesturland og
Vestfirði um þessar mundir. Næst er það svo Suðausturland. - jbg
Örn í erfiðri samkeppni við Kellogg‘s
SÖNGVARAR AF GUÐS NÁÐ Þeim Erni og Óskari hefur mætt óvænt samkeppni um
athygli þar sem þeir fara um landið og skemmta. FRÉTTABLAÐIÐ/ARNÞÓR
„Við erum yfir okkur kát sexmenningarnir. Við feng-
um að vita í vikunni að við komumst með til Liver-
pool,“ segir Sigrún Sigurðardóttir, sjúkraþjálfari og
einhver mesti Bítlaaðdáandi á Íslandi og þótt víðar
væri leitað.
Nú líður að hinni miklu pílagrímsför sem Félag
tónskálda og textahöfunda gengst fyrir til Liverpool
á Bítlaslóðir. Hundrað miðar voru í boði en mikil eft-
irspurn var og ekki komast færri með sem vilja. Sig-
rún og vinir hennar, sem öll hafa verið aðdáendur
Bítlanna lengi, sóttu strax um miða sem innifelur
ferðir, gistingu og miða á tónleika Paul McCartney
svo eitthvað sé nefnt, en máttu bíða milli vonar og
ótta því félagar í FTT sitja fyrir. Fréttablaðið greindi
frá því fyrir mánuði að Sigrún og vinir hennar væru
á biðlista og spennan nánast óbærileg meðal þeirra.
„Nú bíða Bítlahjörtun titrandi eftir niðurstöðunni,“
sagði Svandís við þetta tækifæri. Og nú fréttist það
um miðja vikuna að þau kæmust öll með.
„Það tókst að særa út örfáa aukamiða með því að
höfða til hinnar sterku ástríðu sem þarna býr að baki.
Að þarna stæði útaf einlægur hópur aðdáenda. Sem
betur fer sáu þeir aumur á okkur,“ segir Jakob Frí-
mann Magnússon, formaður Ftt. Hann segir að tekist
hafi að hliðra til og fá fleiri miða til fararinnar þegar
spurðist af þessum hópi einlægra Bítlavina á
Íslandi.
„Þetta er varla búið að síast inn enn þá, og ýmiss
konar viðbrögð fékk símastúlkan hjá Icelandair í
gær. Nú eru Bítlahjörtun orðin ögn rólegri en slá þó
hratt af tilhlökkun,“ segir Sigrún.
-jbg
Bítlastelpur með til Liverpool
BÍTLASTELPUR OG -STRÁKAR Mikilli spennu var aflétt á mið-
vikudag en þá fengu Sigrún og vinir hennar þau gleðitíðindi
að þau kæmust með til Liverpool.
Hreinn Erlingsson
Aldur: 23 ára
Starf: Ég vinn á
hæfingarstöðinni
í Fannborg, Kópa-
vogi.
Fjölskylda: For-
eldrar mínir og tvö
yngri systkini, Vignir
og Aldís.
Foreldrar: Helga
Hreinsdóttir, sem
er heimavinanndi
listamaður, og
Lúðvík Vignisson smiður.
Búseta: Ég bý í Hafnarfirði hjá
foreldrum mínum.
Stjörnumerki: Steingeit.
Hreinn mun halda til Búdapest í júlí þar
sem hann tekur þátt í keppninni Mr. Gay
Europe.
Sturla Jónsson, bílstjóri og mót-
mælandi, hefur fengið afhentan
bol með áletruninni Ekki meir Geir
frá pönkhljómsveitinni Volæði.
Eins og Fréttablaðið greindi frá á
dögunum hefur sveitin framleitt
fjölda bola með hinum ýmsu áletr-
unum þar sem skotið er föstum
skotum að stjórnmálamönnum og
öðru þjóðkunnu fólki. Með
uppátækinu vill Volæði
benda Sturlu á að hann
þurfi á einhverju nýju
og fersku að halda í
baráttu sinni, sem
virðist engan
endi ætla að
taka.
Veiðiljóð heitir nýjasta lag tónlistar-
mannsins Benna Hemm Hemm,
sem er komið í útvarpsspilun.
Lagið verður að finna á þriðju
breiðskífu kappans sem ber hið
óvenjulega heiti Murta St. Calunga.
Benni ætlar að storka örlögunum
með plötunni því hún kemur út á
hinum alræmda degi,
föstudaginn þrettánda
júní. Alls verða ellefu
lög á gripnum og
bíða hinir
fjölmörgu
aðdáend-
ur Benna
spenntir eftir
útkomunni.
Eins og greint var frá hér í blaðinu
á fimmtudag hafa þau Friðrik
Ómar og Regína Ósk brugðið á
það ráð að bjóða geisladiskinn sinn
hverjum þeim sem kaupir Domin-
ospitsu og kók. Nú þegar ljóst er
að Friðrik og Regína munu stíga
á svið í kvöld má búast við því að
eftirspurn eftir diski Eurobandsins
aukist talsvert. Yfirmenn
Dominos vonast til
þess að birgðirnar
af disknum dugi en
kvöldið í kvöld er eitt
af stóru pitsukvöld-
unum svoköll-
uðu. - fb/shs
FRÉTTIR AF FÓLKI
„Þetta er ákveðið, þeir tjáðu
mér það hjá STEF að þetta
væri kolólöglegt og mæltu
með því að ég myndi fara í
mál. Það verður tekið fyrir
strax eftir helgi,“ segir tón-
listarmað-
urinn
Sverrir
Storm-
sker
sem
hyggst
höfða mál á hendur Eyj-
ólfi Kristjánssyni fyrir
að brjóta höfundar-
réttarlög á textanum
við lagið Gott.
Sverrir hefur und-
anfarna daga sótt hart
að tónlistarmönnunum
Jóni Ólafssyni og Stef-
áni Hilmarssyni í
greinaskrifum sínum í
Fréttablaðinu en í gær
bættist Eyjólfur í hóp
þeirra poppara sem
Sverrir telur að hafi
hlunnfarið sig á undan-
förnum árum og brotið
á sínum rétti. Sverrir sak-
aði hann í grein sinni í gær
um að brjóta vísvitandi lög
en lagið „Gott“ naut töluverðra
vinsælda undir lok níunda ára-
tugarins. „Eyjólfur Kristjánsson
leikur sama feluleikinn og Stefán [Hilmarsson] og
fer með það eins og mannsmorð á heimasíðu sinni
að ég hafi samið textann „Gott” og skráir mig ekki
mínu rétta höfundarnafni eins og hann er skyldug-
ur til,“ skrifaði Sverrir í gær í Fréttablaðinu.
Sverri var alveg jafnmikið niðri fyrir þegar
Fréttablaðið hafði upp á honum. „Hann skráir mig
með föðurnafni, Sverrir Ólafsson, en það þekkir
mig enginn undir því nafni. Hann er því vísvítandi
að fela það hver gerði textann í raun og veru,“
útskýrir Sverrir, rétt áður en hann rauk á æfingu
fyrir tónleika Johnnys Logans á Hótel Íslandi í
kvöld. Sverrir þvertók hins vegar fyrir að hann
væri á höttunum eftir skaðabótum frá Eyfa. „Ég er
ekki að leita að peningum heldur er Eyjólfur bara
einfaldlega að brjóta sæmdarrétt og höfundarrétt-
arlög.“
„Í mál við mig? Af hverju?“ spyr Eyjólfur Kristj-
ánsson, ákaflega undrandi á fréttunum þegar honum
voru tíðindin borin. Eyjólfur var í golfi þegar Frétta-
blaðið náði tali af honum og eftir að honum höfðu
verið kynntir málavextir voru viðbrögð hans afar
einföld: „Nú, þá fer hann bara í mál við mig. Ég veit
eiginlega ekki hvað hefur komið yfir hann. Sverrir
hefur alltaf fengið sínar greiðslur fyrir þennan
texta og ég hef ekki hugmynd um af hverju hann er
að fara þessa leið.” freyrgigja@frettabladid.is
SVERRIR STORMSKER: POPPARADEILAN FYRIR DÓMSTÓLA
Stormsker í mál við Eyfa
UNDRANDI Eyjólfur Kristjánsson er
undrandi á þeim tíðindum að
Sverrir Stormsker ætli í mál við
hann.
STORMSKER Í HART Sverrir Stormsker sakar Eyjólf Kristjánsson um að reyna visvítandi að fela
hver samdi textann við lagið „Gott“. FRÉTTABLAÐIÐ/ANTON
VEISTU SVARIÐ
Svör við spurningum á síðu 8
1. Jóhanna Sigurðardóttir.
2. Frönsk.
3. Atli Sveinn Þórarinsson.