Fréttablaðið - 26.05.2008, Blaðsíða 11

MÁNUDAGUR 26. maí 2008 11
SJÁVARÚTVEGUR Rannsóknaverkefni í þorskeldi
voru áberandi í úthlutun AVS-rannsóknasjóðs
sjávarútvegs- og landbúnaðarráðuneytisins í
ár. Alls fengu 64 verkefni styrki að þessu
sinni með samtals um 320 milljónum króna en
heildarfjöldi styrkja árið 2008 er orðinn 74.
Ráðstöfunarfé sjóðsins var 100 milljónum
króna hærra nú en á síðasta ári eða samtals
rúmar 350 milljónir.
Fleiri umsóknir hafa verið til umfjöllunar
hjá sjóðnum en áður, eða rúmlega 130. Eins
og undanfarin ár eru umsóknir metnar í fjór-
um faghópum AVS-sjóðsins þar sem teknar
eru fyrir umsóknir sem taka á fiskeldi, líf-
tækni, markaði og svo umsvifamesta flokkn-
um sem tekur á umsóknum er falla að veiðum
og vinnslu.
Miklar vonir eru bundnar við þorskeldi hér
á landi og verkefni sem lúta að þessari vax-
andi atvinnugrein því áberandi í úthlutuninni
í ár. Mest áberandi meðal fiskeldisverkefn-
anna er „Kynbætur í þorskeldi og seiðaeldi“.
Sjóðurinn hefur einnig styrkt allnokkur verk-
efni er taka á öðrum þáttum þorskeldis. Verk-
efni til að styrkja markaðssetningu eldis-
bleikju eru einnig áberandi enda talið afar
mikilvægt að þessi íslenska eldistegund nái
að skapa sér frekari sess á erlendum mörkuð-
um. - shá
AVS-rannsóknasjóðurinn styrkir 64 verkefni með 320 milljóna króna framlagi:
Mikil áhersla er lögð á þorskeldi
SLÁTURTÍÐ Hraðfrystihúsið Gunnvör á Hnífsdal
er leiðandi fyrirtæki í þorskeldi. Miklar vonir eru
bundnar við eldið.
MYND/VALDIMAR
SKIPULAGSMÁL Sérstök skipulags-
sýning á öllum þeim fjölmörgu
verkefnum sem í gangi eru í
miðborg Reykjavíkur verður
opnuð á sunnudaginn.
Var þetta nýlega samþykkt í
Skipulagsráði Reykjavíkur en
ráðið telur mikilvægt að gefa
íbúum þannig tækifæri til að
kynna sér allar tillögur og
hugmyndir um uppbyggingu og
umbætur í miðborginni. Sam-
kvæmt upplýsingum frá skipulags-
og umhverfissviði Reykjavíkur-
borgar verður sýningin haldin í
húsi við Laugaveg 33. Þar verða
hengdar upp skipulagsáætlanir og
útlistuð áform sem tengjast
miðborginni, uppbyggingu og
verndun. Þá munu sérfræðingar
skipulags- og byggingasviðs í
miðborgarmálum hafa reglulega
viðveru á sýningunni. - ovd
Skipulagssýning í Reykjavík:
Kynna verkefni
í miðborginni
LAUGAVEGUR 33 Húsið mun hýsa
skipulagssýningu á verkefnum í miðborg
Reykjavíkur. FRÉTTABLAÐIÐ/VALLI
LÖGREGLUMÁL Tæp 60 prósent
líkamsárása í apríl voru framin
að nóttu til samkvæmt afbrotatöl-
fræði Ríkislögreglustjóra fyrir
síðastliðinn mánuð.
Í sömu skýrslu kemur fram að
flest hraðakstursbrot voru framin
að degi til eða á tímabilinu milli
klukkan eitt og sex síðdegis en
umferðarlagabrot voru 5.592
talsins sem er umtalsverð fjölgun
frá apríl 2005 til 2007. Má rekja
fjölgunina að miklu leyti til
aukinnar notkunar hraðakst-
urs myndavéla. Eignaspjöll eru
þau brot sem helst dreifast jafnt
yfir allan sólarhringinn. - ovd
Afbrotatölfræði í apríl:
Umferðarlaga-
brotum fjölgar
LÖGREGLAN HEFUR Í NÓGU AÐ SNÚAST
Hegningarlagabrotum í apríl fækkaði frá
sama mánuði í fyrra en fjölgar ef miðað
er við aprílmánuði áranna 2005 og
2006. FRÉTTABLAÐIÐ/HARI
BANDARÍKIN 73 ára kona í Fort
Worth í Bandaríkjunum þurfti að
gangast undir aðgerð eftir að hún
skaut sjálfa sig í fingurinn á
heimili sínu. Æði rann á konuna
þegar hún lenti í rifrildi við
ríflega fimmtugan son sinn um
það hvort eðlilegt væri að hún
klæddist aldrei neinum fötum
heima við.
Þegar sonurinn reyndi að fá
hana til að láta af strípilífinu gekk
hún á dyr og sótti byssu. Úr byss-
unni hljóp skot sem hafnaði í vísi-
fingri vinstri handar. Lögreglan
tók vopnið af konunni og afhenti
syninum það. Læknar töldu sárið
ekki lífshættulegt. - sh
Rifrildi um strípifýsn lauk illa:
Nakin móðir
skaut sig í putta
Stútur velti bíl fyrir norðan
Bíll valt við bæinn Tröð í Eyjafirði á
þriðja tímanum í fyrrinótt. Tveir voru í
bílnum og er ökumaðurinn grunaður
um ölvun við akstur. Tvímenningarnir
hlutu lítils háttar meiðsli.
LÖGREGLUFRÉTTIR