Fréttablaðið - 26.05.2008, Blaðsíða 32

● fréttablaðið ● híbýli - eldhús 26. MAÍ 2008 MÁNUDAGUR12
Stell eru notadrjúgt og dýrmætt djásn sem gaman er að bera
fram á dúkuð borð.
Fallegur borðbúnaður í settum, öðru nafni stell, finnst á flestum heimil-
um. Sumir búa svo vel að eiga eitt stell til daglegra nota og annað til að
dekka upp með á viðhafnarstundum. Algengt er að hjón byrji söfnun slíks
borðbúnaðar á brúðkaupsdaginn og síðan bætist við ein og ein skál eða
eitt og eitt fat á afmælum og jólum. Aðrir kaupa allt í einum pakka. Svo
gengur svona góss í arf frá kynslóð til kynslóðar ef vel er farið með það
og oft má finna viðeigandi hluti á fornsölum.
Ótal gerðir eru til af stellum. Þau eru gróf og fínleg, látlaus og íburðar-
mikil, einlit og mynstruð, handmáluð og verksmiðjuframleidd, konungleg
og í sveitastíl, sum ömmuleg og önnur með nútímasniði. Öll hafa þau til-
hneigingu til að verða með tímanum sígild og eft-
irsóknarverð. - gun
Bera með sér
hátíðablæ
Margit Brandt
fæst hjá Ormsson í Smáralind. Margir
kannast við það úr stofu þeirra Begga
og Pacasar sem sigruðu í samkeppninni
um smekklegasta heimilið á Hæðinni.
FRÉTTABLAÐIÐ/ARNÞÓR
Furstynjan nefnist þetta stell sem hefur verið framleitt frá 1951 og fengist hjá
Tékk-kristal í yfir þrjátíu ár. Nokkrar kynslóðir hafa heillast af því og enn nýtur það
vinsælda unga fólksins. FRÉTTABLAÐIÐ/VALLI
New wave er vinsælt stell í Villeroy &
Boch. Yfirbragðið er létt, flott og svíf-
andi. FRÉTTABLAÐIÐ/VALLI
Glerfínt glerstell í Unika er bæði til með gulli og platínu. Mikið úrval fæst þar af fylgi-
hlutum sem geta líka verið stakir og fara alls staðar vel á borði. FRÉTTABLAÐIÐ/ARNÞÓR
Mussel Mega er frá Royal Copenhagen og fæst í versluninni Kúnígúnd. Sex mismunandi
mynstur komu á markað um síðustu aldamót bæði í bláu og svargráu og fara sérlega vel
á borði með hvítu postulíni. MYND/ROYAL COPENHAGEN