Fréttablaðið - 26.05.2008, Blaðsíða 53

Andvaka
Á bak við þúsund nátta þungan svefn
í þögn og myrkri sastu gamall, einn.
Og inn í hús þíns ömurlegu kyrrð
kom aldrei neinn.
En tíminn læddist fram hjá, eykt af eykt,
með ískalt, stirðnað glott um vör og kinn.
Og dauðs manns augum horfði hægt og fast
í huga þinn.
Og hugsun sjálfs þín bylti sér og brann
sem banvænt eitur djúpt í þinni sál.
Þú bærðir vör, til einskis, angist þín
fékk aldrei mál.
Nei, þjáning þín bar aldrei ávöxt neinn,
og engan tilgang hafði lífs þíns nauð.
Hún lagðist yfir þreytu hjarta þíns
þung og dauð.
Vorvísa
Hægur andvari
húmblárrar nætur
um hug minn fer.
Ást mína og hamingju
enginn þekkir
og enginn sér.
Og ljóð mitt ber samskonar
svip og það,
sem ekki er.
Mannkynssaga fyrir byrjendur
Undan ferðamannsins fæti
valt steinn úr stað.
Og steinninn hélt áfram að velta,
veistu það?
Og sjö þúsund árum síðar
kom Sing Sing Hó.
Og Sing Sing Hó fékk sér konu,
en konan dó.
Og sjö þúsund árum síðar
kom Ghagga Ghú.
Um Ghagga Ghú finnst hvergi
nein heimild nú.
Og sjö þúsund árum síðar
komst þú, komst þú.
Utan hringsins
Ég geng í hring
í kringum allt, sem er.
Og innan þessa hrings
er veröld þín.
Minn skuggi féll um stund
á gluggans gler.
Ég geng í hring
í kringum allt, sem er.
Og utan þessa hrings
er veröld mín.
Gamalt lag
Ég sé þig enn er sól úr ægi rís,
og sveitin fyllist endurnærðu lífi.
Þú varst og ert mín hjartans heilladís,
þó heimur kaldur brjóst mitt sundur rífi.
Ég sé þig enn er sólin blessuð skín,
þó sértu löngu í eilífð burtu liðin.
Og hvíld mín ertu þegar dagur dvín,
og drottinn sendir þreyttum næturfriðinn.
Ég sé þig enn er sólin kveður dag,
og söngvar kvöldsins glatt um strætin hljóma.
Þú kemur eins og mildast ljúflingslag
um lífsins þrá og hjartans dýpstu óma.
Grautur og brauð
Þeir börðust, þeir börðust um brauðið og grautinn,
því brauð og grautur er mannanna fæða.
Þeir hlupu, þeir stukku, þó hlykkjótt sé brautin
að hamingjulind vorra jarðnesku gæða.
Og einn fékk þar of lítið og annar meira en nóg,
og einn lést af fylli, en hinn úr sulti dó.
Að ráða slíka gátu er mönnum þyngsta þrautin.
Þannig hljóðar sagan um brauðið og grautinn.
Í tvíl
Í tvílyft
býr trúu
Og mér
um svol
Og mér
hvert sá
Í tvílyft
má trúa
Og þú, s
og trúla
ert allta
að trú þ
En eins
hve áka
að ef til
þótt ann
Blóm
Ég svaf, ég svaf
í óvitund allra.
Og sótthiti dagsins
suðaði óráðsins
ómvana ljóð
yfir blöð mín.
Svo varð dimmt,
svo varð hljótt.
Og annarleg hönd
snart mig
og hvíslaði:
Hæ!
Þú skalt deyja.
STEINN STEINARR
VIÐ HEIÐRUM MINNINGU MEISTARANS
Ferð án fyrirheits
Lög við ljóð Steins Steinars
Flytjendur:
KK, Ellen Kristjánsdóttir, Helgi Björnsson, Þorsteinn Einarsson,
Svavar Knútur Kristinsson, Hildur Vala Einarsdóttir
GEISLADISKUR
Ferð án fyrirheits er yfirskrift tónleika og geisladisks. Tónleikar verða á Listahátíð í Reykjavík tvö kvöld í röð, 29.
og 30. maí. 4. júni verða tónleikar á Ísafirði, 12. júní á Akureyri og 19. júní á Eskifirði. Í ár eru liðin 100 ár frá
fæðingu Steins Steinars og er nafnið, Ferð án fyrirheits, sótt í eina af ljóðabókum hans. Söngvararnir KK, Ellen
Kristjánsdóttir, Helgi Björnsson, Þorsteinn Einarsson (úr Hjálmum), Hildur Vala Einarsdóttir og Svavar Knútur
Kristinsson (úr Hrauni) flytja lög sem samin hafa verið við kvæði skáldsins. Nýju lögin á geisladisknum semja Jón
Ólafsson og Sigurður Bjóla.
TÓNLEIKAR
Listahátíð í Reykjavík, Íslensku óperunni: 29. og 30. maí
Ísafjörður, Edinborgarhúsinu: 4. júní
Akureyri, Akureyrarkirkju: 12. júní
E kifjörður, Fjarðabyggð, Kirkju- og menningarmiðstöðinni: 19. júní
Forsala aðgöngumiða á www.midi.i
Hlustaðu á lögin Blóm í flutningi KK og
Í tvílyftu timburhúsi í flutningi Steina í
Hjálmum ókeypis á www.baekur.is
er stoltur styrktaraðili
þessa verkefnis