Fréttablaðið - 26.05.2008, Blaðsíða 59
MÁNUDAGUR 26. maí 2008 27
Hringdu í síma
ef blaðið berst ekki
FYLKIR 2-1 HK
1-0 Jóhann Þórhallsson (52.)
1-1 Iddi Alkhag (56.)
2-1 Jóhann Þórhallsson (58.)
Fylkisvöllur, áhorf.: 1.262
Magnús Þórisson (7)
TÖLFRÆÐIN
Skot (á mark) 10–11 (7–6)
Varin skot Fjalar 5 – Gunnleifur 5
Horn 4–5
Aukaspyrnur fengnar 9–7
Rangstöður 2–1
Fylkir 4–5–1 Fjalar Þorgeirsson 8 - Þórir Hannes-
son 7, Kristján Valdimarsson 6, Valur Fannar Gísla-
son 7, Víðir Leifsson - (6., Andrés Már Jóhannesson
6), Peter Gravesen 6, Guðni Rúnar Helgason 5,
Ólafur Ingi Stígsson 5, Ian Jeffs 7, Halldór Hilmisson
4 (85., Ásgeir Börkur Ásgeirsson -) - Haukur Ingi
Guðnason 4 (46., *Jóhann Þórhallsson 9).
HK 4–5–1 Gunnleifur Gunnleifsson 7 - Stefán
Eggertsson 6, Hólmar Eyjólfsson 5, Finnbogi Llorens
5, Hörður Árnason 4 (68., Damir Muminovic 5)
- Mitja Brulc 4, Goran Brajkovic 5, Finnur Ólafsson
6, Þorlákur Hilmars. 5 (57., Almir Cosic 5), Aaron
Palomares 6 (86., Hermann Þórs. -) - Iddi Alkhag 7.
FÓTBOLTI Ekki tókst HK mönnum
að fá sín fyrstu stig í gærkvöld í
Árbæ því það voru Fylkismenn
sem fóru með sigur af hólmi, 2-1,
og unnu þar með sinn annan sigur
í röð og virðast vera að ná sér á
strik eftir erfiða byrjun.
Fyrri hálfleikur var einstaklega
bragðdaufur. Lítið var um sóknar-
tilburði hjá liðunum og þeim gekk
illa að byggja upp sóknir. Leik-
menn virkuðu hálf áhugalausir í
sínum aðgerðum og þó svo að held-
ur hafi lifnað yfir mönnum undir
lok hálfleiksins, og þá sérstaklega
gestunum í Kópavogi, var marka-
laust í leikhléi og ljóst að leikmenn
gætu lítið annað en bætt leik sinn í
síðari hálfleiknum.
Það var greinilegt að leikmenn
liðanna fengu góðar hálfleiksræð-
ur frá þjálfurum sínum því allt
annað var að sjá til liðanna. Eftir
einungis 13 mínútna leik voru
komin þrjú mörk og þar af hafði
Jóhann Þórhallsson skorað tvö
fyrir Fylki eftir að hafa verið skipt
inn á í hálfleik. Í millitíðinni jafn-
aði Iddi Alkhag fyrir HK eftir mis-
tök í öftustu línu Fylkismanna.
Leikmenn HK voru sterkari í síð-
ari hálfleiknum en tókst þó ekki að
jafna leikinn þrátt fyrir tækifæri
til að gera svo.
Leifur Garðarsson þjálfari var
vitaskuld ánægður í lok leiks. „Ég
er mjög ánægður með þessi þrjú
stig en kannski ekki alveg leikinn
sem slíkan. Þetta var ekki endi-
lega fallegt en við fengum þrjú
stig og út á það gengur þetta. Við
ræddum saman eins og fullorðnir
menn í hálfleik hvað við ætluðum
að gera, tempóið í fyrri hálfleik
var alltof hægt og menn voru að
klappa boltanum alltof mikið. Við
reyndum að breyta því og það
tókst,“ sagði Leifur.
Gunnar Guðmundsson, þjálfari
HK, var hins vegar ekki eins sátt-
ur. „Vissulega eru þetta vonbrigði
að klára þetta ekki að minnsta
kosti með einu stigi eða þess vegna
öllum þremur. Það er bara svona,“
sagði Gunnar.
- sjj
HK er enn án stiga í Landsbankadeildinni:
Jóhann sökkti HK
Á SIGURBRAUT Halldór Arnar Hilmisson og félagar í Fylki hafa unnið tvo leiki í röð
eftir sigur á HK í gær. FRÉTTABLAÐIÐ/DANÍEL