Fréttablaðið - 30.05.2008, Blaðsíða 10

SUÐURLANDSSKJÁLFTI
30. maí 2008 FÖSTUDAGUR10
Leiktækin í Húsdýragarðinum í
Laugardal gengu áfram síðdegis í
gær þrátt fyrir öfluga Suður-
landsskjálftann í gær.
„Við vorum ekkert hrædd við
þetta enda eru tækin sett upp út
frá ítrustu kröfum um festingar
og annað,“ segir Valdimar
Guðlaugsson, starfsmaður
Húsdýragarðsins. „Skjálftinn
fannst til dæmis varla við
fallturninn, sem á að þola sextíu
metra vind á sekúndu. Hann er
ekki á föstu heldur er púði undir
honum og hann á að vera pott-
þéttur. Við fylgdust mjög vel með
og tækin hreyfðust varla nema
skipið sem ekki var í gangi.“ - gar
Húsdýragarðurinn:
Tækin gengu
þótt jörð skylfi
FALLTURNINN Gekk þrátt fyrir stóra
skjálftann.
Jarðskjálftinn fannst vel í Grinda-
vík og nágrenni, að sögn Elínborg-
ar Gísladóttur sóknarprests. Elín-
borg sat í kirkjuskipinu í Grindavík
þegar skjálftinn kom. Hún segir að
hávaðinn hafi verið mikill og
skjálftinn hafi fundist mjög vel.
„Það kom mjög mikill hávaði og
svo eins og bylgja. Ljósakrónur og
ljósin fóru að sveiflast mikið og svo
heyrðust brestir í húsinu,“ segir
Elínborg. Hún býr í fjölbýlishúsi
við Suðurhóp í Grindavík og segir
að flestir sem hún hafi hitt hafi
fundið skjálftann. „Hann fannst
mjög vel hér í húsunum, sérstak-
lega ef fólk var inni í húsi,“ segir
Elínborg og bætir við að hlutir hafi
þó ekki færst úr stað.
Árni Sigfússon, bæjarstjóri í
Reykjanesbæ, segir að jarðskjálft-
inn hafi fundist þar. „Þetta var
reyndar mjög hóflegt. Menn veltu
fyrir sér hvort þeir væru með svima-
kast eða hvort þetta væri skjálfti en
svo sáum við ljósakrónu hér inni
hjá okkur, það var góð hreyfing á
henni merkilegt nokk,“ segir hann.
Árni segir að skjálftinn hafi
almennt fundist í Reykjanesbæ,
þótt bærinn sé á þéttri grágrýtis-
hellu, sem er öðruvísi en á sprungu-
svæðinu við Grindavík. Í Reykja-
nesbæ sé mjög sjaldgæft að menn
finni fyrir jarðskjálfta. Þeir sem
voru á ferð í bílum á Reykjanes-
brautinni urðu ekki varir við
skjálftann. - ghs
LJÓSAKRÓNUR SVEIFLUÐUST „Ljósa-
krónur og ljósin fóru að sveiflast mikið,“
segir Elínborg Gísladóttir, sóknarprestur
í Grindavík, um jarðskjálftann.
Elínborg Gísladóttir, sóknarprestur í Grindavík, sat í kirkjuskipinu:
Brestir heyrðust í kirkjunni
Jarðskjálftinn fannst á lögreglu-
stöðinni á Ísafirði. „Við sátum
hérna inni í kaffistofu og vorum
að fá okkur síðdegiskaffi þegar
það byrjaði allt að rugga hérna en
það var ekki mjög mikið, rétt
aðeins eins og stóllinn hafi verið
laus í liðunum,“ segir Önundur
Jónsson, yfirlögregluþjónn á Vest-
fjörðum. Lögreglumennirnir voru
inni á kaffistofunni, tveir sitjandi,
einn stóð og hallaði sér upp að
skáp og svo aðrir sem voru stand-
andi.
Önundur segir að þeir sem hafi
setið hafi fundið fyrir skjálftanum
og sömuleiðis sá sem hallaði sér
upp að skápnum en hinir ekki.
Íbúar á Vestfjörðum hafa ekki
haft samband við lögregluna
vegna skjálftans enda segir
Önundur að hann hafi verið mjög
vægur. „Ef maður hefur verið í
jarðskjálfta áttar maður sig á að
þetta var jarðskjálfti en það er
mjög sjaldgæft að finna jarð-
skjálfta alla leið hingað til Ísa-
fjarðar,“ segir hann.
Lárus Valdimarsson, starfs-
maður í Netheimum á Ísafirði, fann
fyrir jarðskjálftanum. „Það byrj-
aði allt að titra inni í versluninni
hjá okkur. Mig rámar í að þetta
hafi verið svipað og var í Suður-
landsskjálftanum á sínum tíma,“
segir hann og telur að jarðskjálfti
finnist helst á Eyrinni á Ísafirði.
„Það svæði hentar væntan lega
betur fyrir svona bylgjur þannig
að þegar allt sveiflast finnur maður
titring,“ segir hann. - ghs
FANNST GREINILEGA Á ÍSAFIRÐI Íbúar
Ísafjarðar fundu margir fyrir skjálftanum
sem skók landið í gær.
Lögreglan á Ísafirði var í síðdegiskaffi í skjálftanum:
Skjálftinn fannst
vestur á fjörðum