Fréttablaðið - 30.05.2008, Blaðsíða 80

44 30. maí 2008 FÖSTUDAGUR
sport@frettabladid.is
FH-ingar sýndu styrk sinn í fjórðu umferðinni og
héldu sigurgöngu sinni á KR gangandi. FH hefur
spilað afar vel og er í öðru sætinu á eftir Keflavík
sem situr eitt á toppnum. FH vann í stórleik
umferðarinnar en leikur Keflavíkur og ÍA var sá
umtalaðasti.
Guðjón Þórðarson liggur sjaldan á skoðunum
sínum og eru ummæli hans eftir leikinn nú
til skoðunar hjá aganefnd KSÍ. Guðjón sakaði
dómara um að stimpla Skagamenn, og
sérstaklega Stefán Þórðarson sem fékk
rautt spjald í leiknum. KSÍ neitar því
staðfastlega.
Annar athyglisverður
leikur var stórsigur Grind-
víkinga á Blikum. Fimm
mörk Suðurnesja-
liðsins í fyrri
hálfleik voru
ótrúleg sjón hjá liði sem hafði aðeins skorað eitt
mark í þremur leikjum.
Valsmenn buðu til veislu á Vodafone-vellinum
og fóru með sigur á nýliðum Fjölnis. Þóttu þeir
heppnir að taka öll stigin gegn frísku Fjölnisliði
sem sýndi enn og aftur að það er til alls líklegt.
4. UMFERÐ LANDSBANKADEILDAR KARLA: HASARINN HELDUR ÁFRAM
Sterkar skoðanir og markaveisla
> Atvik umferðarinnar
Rauða spjaldið hjá Stefáni Þórðarsyni. Stefán fékk réttilega
gult spjald í upphafi leiks ÍA og Keflavíkur. Annað
spjald hans var þó umdeilt og hefur uppskorið
mikið fjaðrafok síðan. Þjálfari ÍA var ómyrkur í
máli í garð dómarans eins og má meðal annars
lesa um hér fyrir neðan.
> Bestu ummælin
„Ég vildi fá að sjá þrektölur hjá dóm-
aranum, ég vildi fá að sjá fituprósent-
una hjá honum, ég vildi fá að sjá
úthaldstölurnar hans,” sagði Guðjón
Þórðarson, þjálfari ÍA, við Stöð 2 Sport
eftir 3-1 tap í Keflavík. Hann var ósáttur
með störf Ólafs Ragnarssonar í leiknum.
TÖLURNAR TALA
Flest skot: 19, Keflavík
Flest skot á mark: 10, Grindavík
Fæst skot: 4, Fram
Hæsta meðaleink.: 7,0 Grindavík
Lægsta meðaleink.: 3,86, Breiðab.
Grófasta liðið: 23 brot, ÍA
Prúðasta liðið: 7 brot, Fylkir
Flestir áhorf.: FH-KR, 2.249
Fæstir áhorf.: Breiðab.-Grin., 965
Áhorfendur alls: 8.800
> Besti dómarinn: Garðar Örn
Hinriksson fékk níu í einkunn fyrir
frammistöðu sína í Kaplakrika. Hann
dæmdi leik FH og KR og stóð sig með
miklum sóma.
Kjartan Sturluson
Guðmundur Mete Auðun Helgason Tommy Nielsen (2)
Hólmar Örn Rúnarsson (3)
Ian Jeffs
Matthías Vilhjálmsson
Orri Hjaltalín
Scott Ramsay (2)
Jóhann Þórhallsson
Tomasz Stolpa
3-4-3
FÓTBOLTI Grindvíkingar sýndu
loksins að þeir kunna alveg að
spila fótbolta í 6-3 sigrinum á Blik-
um á mánudag. Tomasz Stolpa og
Scott Ramsey báru af, sá fyrr-
nefndi skoraði tvö og lagði upp
eitt og er maður 4. umferðar
Landsbankadeildarinnar hjá
Fréttablaðinu.
Stolpa kom til Íslands frá Sví-
þjóð þar sem hann spilaði síðast
með Gefle en þar áður Enköping.
Hann viðurkennir sjálfur að hann
hafi ekki alltaf verið á skotskón-
um en hann var þó markahæsti
leikmaður 2. deildar í Póllandi,
heimalandi sínu, áður en hann fór
til útlanda á vit ævintýra.
Nú er hann kominn til Íslands.
„Mig langaði að spila reglulega í
níutíu mínútur og sá Ísland sem
kjörinn vettvang fyrir það. Tilboð-
ið frá Grindavík var mjög gott og
bar skjótt að. Ég tók mér ekki
langan umhugsunarfrest og ákvað
að stökkva á þetta. Ég vissi ekki
neitt um landið eða fótboltann
hérna,“ sagði Stolpa, sem gerði
fimm mánaða samning. Hann
hefur spilað í öllum leikjum
Grindavíkur til þessa.
Hann kemur til Íslands í atvinnu-
mennsku. Stolpa býr í Grindavík
og fékk íbúð og bíl við undirskrift.
„Þetta er mjög lítill bær, hér er
ekki neitt að gera. En þetta er
ágætt, Reykjavík er nokkuð
nálægt. Ég hef annars ekki mikið
að gera hérna. Ég var reyndar að
koma úr Bláa lóninu, sem var fínt.
Ég þarf að finna mér eitthvað að
gera, kannski fer ég að veiða,“
sagði Stolpa glaðbeittur og bætti
við að hann prófaði kannski golf.
Á vefsíðu Grindavíkurbæjar er
tekið fram að helstu skemmtan-
irnar séu við höfnina, hestaleigan
og gönguleiðirnar sem upplýsi um
leyndardóma hraunsins sem
umkringir bæinn.
Stolpa segist hugsa vel um sjálf-
an sig og er ánægður með að geta
einbeitt sér að fótboltanum. „Ég
hef nægan tíma til að hugsa um
mig og fótboltann, það er jákvætt,“
segir atvinnumaðurinn. Hann
segir launin á Íslandi vera ágæt en
erfitt sé að bera þau saman við
launin á Norðurlöndunum, þau séu
þó áberandi hæst í Noregi.
Gæði fótboltans á Íslandi koma
Stolpa einnig á óvart. „Deildin er
miklu betri en ég hélt, hér eru góð
lið og margir góðir leikmenn.
Sumir hafa spilað í mjög góðum
liðum. Það er þó erfitt að bera
deildirnar á Norðurlöndunum
saman.“
Leikmenn Grindavíkur hafa
boðið Stolpa velkominn en hann er
einn nokkurra erlenda leikmanna
hjá félaginu. „Strákarnir eru
skemmtilegir og meira að segja
stjórnin hefur verið að hjálpa mér
að koma mér fyrir. Það hefur
hjálpað mér mikið. Allir eru að
bjóða mér heim til sín í kaffi,“
sagði framherjinn.
Stolpa segir að Grindavíkurliðið
sé betra en taflan gefi til kynna.
„Við erum með gott lið, óheppnin
hefur elt okkur. Vonandi náum við
að halda þessu áfram eftir sigur-
inn gegn Breiðabliki,“ sagði Tom-
asz Stolpa.
hjalti@frettabladid.is
Ekkert í Grindavík nema fótboltinn
Tomasz Stolpa átti stórleik fyrir Grindavík gegn Breiðabliki og er maður 4. umferðar Landsbankadeildar-
innar. Hann er atvinnumaður hér á landi og líkar vel þrátt fyrir takmarkað skemmtanalíf í Grindavík.
FÖGNUÐUR Leikmenn Grindavíkur flykkjast að Stolpa eftir fyrra mark hans gegn
Breiðabliki í 6-3 sigri Grindavíkur á mánudag. FRÉTTABLAÐIÐ/VILHELM
FÓTBOLTI Ched Evans, hinn nítján
ára gamli leikmaður Manchester
City sem skoraði sigurmarkið í
leiknum gegn Íslandi, viður-
kenndi tvennt eftir leikinn á mið-
vikudag. Í fyrsta lagi að um
algjört heppnismark hefði verið
að ræða og að hann hefði ekki
haft hugmynd um hvar Ísland
var áður en hann kom í leikinn.
Markið skoraði Evans með
skemmtilegri hælspyrnu.
„Þetta var algjört heppnis-
mark hjá mér, ég er ekki vanur
að reyna svona hluti en ég er
ánægður með að það borgaði
sig,“ sagði Evans kampakátur.
„Hann stal senunni og á allan
rétt á því að vera ánægður,“
sagði John Toshack, þjálfari
Wales, við BBC.
Með sinni fyrstu snertingu
með landsliði Wales tryggði hann
Wales þriðja sigurleikinn í röð
en hann skrifaði nýverið undir
nýjan þriggja ára samning við
City. „Þessir landsleikir eru ekki
jafn auðveldir og þeir líta út
fyrir að vera,“ gantaðist Evans.
Liðsmenn Wales voru afar
ungir og viðurkennir Evans að
sér hafi liðið eins og hann væri
að spila landsleik með 21 árs liði
landsins. „Þetta var frábært af
því ég á svo marga vini í þessu
liði. Þetta var eins og að spila
fyrir U21 árs liðið og ég fann því
ekki fyrir jafn mikilli pressu,
auk þess sem ég þekkti svo
marga liðsfélaga mína,“ sagði
markaskorarinn Ched Evans.
Toschack hrósaði Evans í
hástert eftir leikinn. „Þetta er
ástæðan fyrir því að City samdi
við hann aftur,“ sagði þjálfarinn
en Evans var lánaður til Norwich
á síðasta tímabili. - hþh
Markaskorari Wales vissi ekki hvar Ísland var:
„Þetta var algjört
heppnismark hjá mér“
HEPPNISMARK Evans fagnað eftir
sigurmarkið. FRÉTTABLAÐIÐ/RÓSA
HANDBOLTI Birkir Ívar Guðmunds-
son hefur skrifað undir þriggja
ára samning við Hauka. Þetta
staðfesti Aron Kristjánsson,
þjálfari liðsins, í gær.
Fréttablaðið greindi frá því í
síðustu viku að Birkir myndi
skrifa undir hjá Haukum, svo
lengi sem ekkert annað erlendis
kæmi upp. Birkir sagði þá að
Haukar hefðu alltaf verið sinn
fyrsti kostur, svo framarlega sem
félagið vildi hann aftur. Mikill
áhugi reyndist fyrir því.
Birkir kemur heim í heiðardal-
inn en hinn 32 ára gamli mark-
maður lék með liðinu áður en
hann gekk í raðir Lübbecke í
Þýskalandi árið 2006. - hþh
Birkir Ívar Guðmundsson:
Skrifaði undir
hjá Haukum
KOMINN HEIM Birkir skrifaði undir
þriggja ára samning. FRÉTTABLAÐIÐ/ANTON
HANDBOLTI Handknattleikskappinn
Gylfi Gylfason hefur ákveðið að
ganga til liðs við þýska úrvals-
deildarliðið Minden. Hann lék
áður með Wilhelmshaven, sem
féll úr úrvalsdeildinni á nýaf-
stöðnu keppnistímabili.
Samkvæmt heimasíðu Minden
samdi Gylfi til tveggja ára við
félagið. Annar Íslendingur, Einar
Örn Jónsson, hefur sem kunnugt
er leikið með Minden undanfarin
ár en hann heldur heim á leið í
sumar og mun leika með Haukum
næsta vetur.
„Liðið náði að halda flestum af
sínum bestu leikmönnum en það
þarf þó að sýna stöðugari leik en
áður. Ég hef fulla trú á því að það
verði raunin,“ sagði Gylfi við
heimasíðu Minden. „Ég er maður
liðsheildarinnar og geri allt fyrir
liðið,“ bætti hann við. - óþ
Gylfi Gylfason skiptir um lið:
Kominn til
Minden
FÆRIR SIG UM SET Gylfi Gylfason skrifaði
undir tveggja ára samning við Minden.
NORDIC PHOTOS/GETTY