Fréttablaðið - 30.05.2008, Blaðsíða 82
30. maí 2008 FÖSTUDAGUR
HANDBOLTI Íslenska landsliðið
hefur leik í undankeppni
Ólympíu leikanna í Wroclaw í
Póllandi í kvöld. Ísland er í ákaf-
lega sterkum riðli en aðeins
tvær þjóðir af fjórum munu
vinna sér þátttökurétt á Ólympíu-
leikunum í Peking sem fram
fara í ágúst.
Mótherjar Íslands í riðlinum
eru Svíþjóð, Pólland og Argent-
ína og fyrsta verkefni strákanna
okkar er Argentínumenn, sem
eru ekki þekktir fyrir mikil
afrek á handboltasviðinu en eru
þó með eitt öflugasta liðið í
Suður-Ameríku. Nokkur hefð er
fyrir handbolta í grunnskólum
þar á bæ en þegar skólaskyldu
lýkur fara flestir í fótbolta eða
snúa sér að öðru.
Argentínumenn hafa sífellt
verið að bæta sig í greininni og
komust til að mynda í heims-
meistarakeppnina í Þýskalandi
árið 2006. Þeir riðu ekki feitum
hesti frá því móti; töpuðu fyrir
Pólverjum, 29-15, sem og Þjóð-
verjum, 32-20, en lögðu granna
sína frá Brasilíu, 22-20.
Í keppni neðstu liðanna lagði
Argentína lið Kúvæt, 28-25, en
tapaði naumlega fyrir Úkraínu,
23-22. Úkraína lagði einmitt
íslenska liðið í riðlakeppninni
en komst þrátt fyrir það ekki
áfram. Frækinn sigur Íslands á
Frakklandi sá til þess.
Argentínumenn tóku þátt í
alþjóðlegu móti á Spáni fyrr á
árinu gegn sterkum þjóðum og
árangurinn þar gefur ágæta
mynd af styrkleika liðsins, sem
tapaði fyrir Spánverjum, 31-25,
og var kjöldregið af Frökkum,
29-15. það lagði aftur á móti lið
Svartfellinga, 25-16.
Ef við förum í klisjurnar má
segja að Argentína sé sýnd veiði
en ekki gefin. Íslenska liðið
verður að mæta rétt stemmt til
leiks og klára þennan leik, sem
á að vera skyldusigur. Mæti
liðið aftur á móti til leiks með
sama hugarfari og gegn Úkra-
ínu 2006 gæti farið illa.
- hbg
Ísland hefur leik í undankeppni ÓL gegn Argentínu:
Fyrsta lotan léttust
HAUSINN VERÐUR AÐ VERA Í LAGI
Róbert Gunnarsson og félagar geta
ekki leyft sér neitt kæruleysi líkt og
gegn Úkraínu 2006. FRÉTTABLAÐIÐ/PJETUR
UNDANKEPPNI ÓL
HENRY BIRGIR GUNNARSSON
skrifar frá Póllandi
henry@frettabladid.is
LAGERSALA
síðustu dagar
Lagersala Eirvíkur að
Suðurlandsbraut 20
Verðhrun
VASKAR
HELLUBORÐ
MATVINNSLUVÉLAR
INNBYGGÐIR
ÍSSKÁPAR
FRYSTISKÁPAR
OFNAR
HÁFAR
VIFTUR
30-8
0% A
FSLÁ
TTU
R
HANDBOLTI Íslenska landsliðið kom
til pólsku borgarinnar Wroclaw
frá Magdeburg í gær. Strákarnir
tóku sína fyrstu æfingu í hinni
glæsilegu Hala Stulecia-höll í gær
og gekk æfingin ágætlega. Guð-
mundur Guðmundsson landsliðs-
þjálfari var nokkuð brattur eftir
æfinguna.
„Við erum fullir eftirvæntingar.
Það er mjög góður andi í hópnum
og mér finnst vera gott jafnvægi.
Nú þurfum við að koma með það
góða úr Spánverjaleikjunum og
þétta vörnina. Við ætlum okkur að
ná takmarki okkar hérna,“ sagði
Guðmundur eftir æfinguna. Hann
sagði ástandið á hópnum vera
nokkuð gott en einna helstu
áhyggjurnar eru af Alexander
Petersson, sem er slæmur í ökkl-
unum.
Guðmundur valdi í gær fjórtán
manna hóp sem mun spila þessa
þrjá leiki og þeir þrír sem eru utan
hans eru Björgvin Páll Gústavs-
son, Bjarni Fritzson og Hannes
Jón Jónsson. Guðmundur má kalla
einn þeirra inn meiðist einhver í
liðinu en þarf þá að sýna fram á
læknisvottorð fyrir manninn sem
hann tekur meiddan út.
Þó svo að andstæðingur dagsins
sé fyrir fram talinn vera frekar
veikur ætlar Guðmundur ekki að
falla í þá gryfju að vanmeta Arg-
entínumenn og stefnan er ekki að
ná einhverri hvíld í leiknum.
„Það verður keyrt á verkefnið
af fullum krafti. Argentína er
sýnd veiði en ekki gefinn og við
vitum það. Ef við mætum ekki af
fullum krafti þá getur hæglega
farið illa. Ég krefst algjörrar ein-
beitingar og menn eiga ekki að
spara orku. Ég mun stilla upp
mína sterkasta liði frá byrjun og
keyra á þá af fullu gasi,“ sagði
Guðmundur ákveðinn á svip.
„Ég ætla kannski ekki að sýna
alla ásana mína í þessum leik og
ég er með ákveðið plan sem ég vil
ekki endilega tala of mikið um
núna. Svo er að sjá hvort við náum
að halda því. Þetta hús er annars
stórkostlegt og það verður veru-
lega gaman að spila hérna um
helgina,“ sagði Guðmundur en
hann sagðist aðspurður ekki geta
svarað því hvort hann vildi að Sví-
þjóð eða Pólland ynni á morgun.
„Ég vil bara hugsa um okkur.
Það skiptir öllu máli.“
Stilli upp mínu
sterkasta liði
Guðmundur Guðmundsson landsliðsþjálfari lítur
ekki á leikinn gegn Argentínu sem einhverja hvíld
heldur ætlar hann að keyra af fullum krafti í dag.
ÞJÁLFARARNIR Guðmundur Guðmundsson
sést hér stýra æfingu í Wroclaw í gær.
FRÉTTABLAÐIÐ/HENRY BIRGIR