Fréttablaðið - 30.05.2008, Blaðsíða 83

FÖSTUDAGUR 30. maí 2008 47
HANDBOLTI Rakel Dögg Bragadóttir
mun fara til Danmerkur eftir leik-
ina gegn Rúmeníu með íslenska
landsliðinu til að skoða aðstæður
hjá danska félaginu Frederiks-
havn. Félagið féll úr dönsku
úrvalsdeildinni á vordögum og
leikur því í næstefstu deild á
næsta tímabili.
Rakel hefur verið í sambandi
við félagið en það hefur enn ekki
boðið henni samning. „Ég mun
skoða þetta betur eftir verkefnið
með landsliðinu, ég er algjörlega
að einbeita mér að því núna,“ sagði
Rakel. „Ég mun taka ákvörðun
eftir að ég fer út að skoða þetta.“
Rakel segir að það komi ekkert
annað til greina en þetta lið úti og
ef hún semji ekki við það verði
hún áfram í herbúðum Stjörnunn-
ar. „Það er bara þetta lið eða
Stjarnan.“
Rakel varð Íslandsmeistari með
Stjörnunni en í Danmörku gæti
hún hitt fyrir Guðbjörgu Guð-
mannsdóttur, sem leikið hefur
undan farin tvö ár með Frederiks-
havn. Félagið komst upp í úrvals-
deildina árið 2006 en fór beint
niður aftur í ár. Það endaði í neðsta
sæti deildarinnar og vann fimm
leiki af 22. - hþh
Landsliðsfyrirliðinn Rakel Dögg Bragadóttir skoðar aðstæður hjá dönsku félagi:
Frederikshavn eða Stjarnan?
MEISTARAR Rakel fagnar Íslandsmeist-
aratitilinum. Hún gæti verið á leiðinni til
Danmerkur. FRÉTTABLAÐIÐ/ANTON
HANDBOLTI Júlíus Jónasson,
landsliðsþjálfari kvenna í
handbolta, valdi sautján leikmenn
fyrir leikina gegn Rúmeníu í
undankeppni EM. Fyrri leikurinn
er hér heima á sunnudag en sá
síðari um aðra helgi ytra.
Karen Knútsdóttir er eini
nýliðinn en hún er ein fjögurra
leikmanna sem eiga við smávægi-
leg meiðsli að stríða. Júlíus valdi
því sautján leikmenn í stað
sextán.
Auk hennar hafa Arna Sif
Pálsdóttir og Anna Úrsúla
Guðmundsdóttir glímt við meiðsli
en allar verða þær væntanlega til
í slaginn fyrir fyrri leikinn á
sunnudag. - hþh
Íslenska kvennalandsliðið:
Þrjár tæpar
vegna meiðsla
HÓPURINN
Markmenn:
Berglind Hansdóttir (Valur)
Íris Símonardóttir (Grótta)
Aðrir leikmenn:
Anna Úrsúla Guðmundsdóttir (Grótta)
Arna Sif Pálsdóttir (HK)
Dagný Skúladóttir (Valur)
Hanna Stefánsdóttir (Haukar)
Hildigunnur Einarsdóttir (Valur)
Hrafnhildur Skúladóttir (SK Århus)*
Karen Knútsdóttir (Fram)
Rakel Dögg Bragadóttir (Stjarnan)
Rut Jónsdóttir (HK)
Sara Sigurðardóttir (Fram)
Sigurbjörg Jóhannsdóttir (Fram)
Sólveig Kjærnested (Stjarnan)
Stella Sigurðardóttir (Fram)
Sunna María Einarsdóttir (Fylkir)
Þórey Rósa Stefánsdóttir (Fram)
Hrafnhildur Skúladóttur leikur landsleiki
númer 99 og 100 gegn Rúmenum.
HANDBOLTI Einn besti línumaður
heims, Marcus Ahlm sem leikur
með þýska meistaraliðiu Kiel, er
ekki í leikmannahópi Svía um
helgina.
Ahlm hefur lagt landsliðsskóna
á hilluna en það er mikið áfall
fyrir Svía enda Ahlm lykilmaður
bæði í vörn og sókn. - hbg
Sænska landsliðið:
Ahlm ekki með
HÆTTUR Marcus Ahlm var einn besti
leikmaður Svía. NORDICPHOTOS/GETTY
HANDBOLTI Hala Stulecia-höllin
þar sem leikið verður um helgina
er stórglæsileg.
Húsið var byggt á árunum
1911-1913 þegar Wroclaw var
hluti af Þýskalandi.
Húsið er með háu þaki og hátt
upp í loft. Áhorfendur sitja allan
hringinn en húsið tekur alls 6.400
manns í sæti. Húsið hefur látið
verulega á sjá að utan en er
einstaklega glæsilegt að sjá að
innan og er með sérstakari
íþróttahöllum sem undirritaður
hefur séð. - hbg
Leikstaðurinn í Póllandi:
Höllin frá 1913
95 ÁRA Höllin í Wroclaw hefur séð
tímanna tvenna. FRÉTTABLAÐIÐ/HENRY BIRGIR
HANDBOLTI Leikmannahópur
íslenska liðsins er í tiltölulega
góðu standi og eru engar
stórvægi legar áhyggjur að mati
landsliðsþjálfarans.
Alexander Petersson er slæmur
í báðum ökklum og svo eru Arnór
Atlason og Sigfús Sigurðsson að
glíma við smávægileg hnémeiðsli.
Aðrir eru algjörlega klárir í
slaginn.
„Það er sem betur fer ekki
mikið að gera og ég vona að það
breytist ekkert,“ sagði Brynjólfur
Jónsson, læknir landsliðsins. - hbg
Meiðsli íslenska landsliðsins:
Ekkert alvarlegt
TEYGJUR OG ARMBEYGJUR Björgvin Páll
Gústavsson og Einar Hólmgeirsson á
æfingunni í gær. FRÉTTABLAÐIÐ/HENRY BIRGIR