Fréttablaðið - 02.06.2008, Blaðsíða 2
2 2. júní 2008 MÁNUDAGUR
FIMM STJÖRNU
GLÆPASAGA
Aska
✷✷✷
✷✷
– Hild
ur Hei
misdó
ttir,
Frétta
blaðin
u
JARÐSKJÁLFTI „Ég veit ekki hvað við
verðum hér lengi,“ segir Lúðvík
Haraldsson, bóndi á Krossi í
Ölfusi, sem ásamt konu sinni Eyr-
únu Rannveigu Þorláksdóttur
dvelur í sumarbústað skammt frá
bænum. Íbúðarhús Lúðvíks og
Rannveigar er óíbúðarhæft eftir
jarðskjálftann sem reið yfir á
fimmtudag.
Lögreglan lokaði um helgina 23
húsum á skjálftasvæðinu sem
talin eru ónýt eða óíbúðarhæf.
Ákvörðun þessa efnis var tekin á
fundi byggingafulltrúa og
almannavarnarnefnda.
Lúðvík segir þann hluta hússins
þar sem kjallari var ekki undir
hafa sigið í norður. „Við vorum
búin að taka húsið allt í gegn, síðan
í skjálftunum árið 2000,“ segir
Lúðvík en þau hjónin hafa búið að
Krossi í 54 ár. Húsið byggðu þau
árið 1954 úr holsteini og segir Lúð-
vík að síðar hafi húsið verið styrkt
og klætt að utan.
„Kort sem ég var að sjá frá Veð-
urstofunni sýnir að upptök skjálft-
ans voru eiginlega á hlaðinu hjá
okkur. Það var eins og húsið lyftist.
Við það féll konan mín í gólfið og
brákaði á sér handlegginn. En við
þökkum skaparanum fyrir að vera
á lífi,“ segir Lúðvík, sem missti
nokkuð af sauðfé þegar hlöðu-
veggur féll inn í fjárhúsin að
Krossi.
Ólafur Áki Ragnarsson, bæjar-
stjóri í Ölfusi og formaður almanna-
varnanefndar, segir húsin sem hafi
verið rýmd flest í eldri kantinum.
Alls hafi níu íbúðarhús, fjögur iðn-
aðar- og atvinnuhús og þrjú útihús
verið rýmd og innsigluð.
Flest húsin eru milli Hveragerð-
is og Selfoss, í því sem kallað er
Austursveitin, en einnig var
tveimur húsum lokað í Vestur-
sveitinni, milli Hveragerðis og
Þorlákshafnar.
Ólafur Áki segir flesta íbúa hús-
anna vera hjá ættingjum þó að
sveitarfélagið hafi boðið fram
húsnæði í Þorlákshöfn.
Um framhaldið segir Ólafur Áki
það forgangsatriði að skoða húsin
betur eftir helgi. „Við erum búin
að fá verkfræðistofu til liðs við
okkur og ég vona að um miðja viku
verði ljóst hvaða hús má nota og
hver þeirra eru ónothæf.“
Ólafur Áki biður fólk um að vera
ekki á ferðinni í Ingólfsfjalli. Þar
sé mikið um laust grjót og mikið
hafi hrunið úr fjallinu.
olav@frettabladid.is
Yfirgefa hús sitt og
flytja í sumarbústað
Hjónin á Krossi í Ölfusi hafa yfirgefið íbúðarhús sitt en það fór mjög illa í
jarðskjálftanum á fimmtudag. Lögreglan hefur lokað 23 húsum sem talin eru
óíbúðarhæf. Bæjarstjóri Ölfuss varar við því að vera á ferð undir Ingólfsfjalli.
Enn gætir nokkurra eftirskjálfta í
kjölfar jarðskjálftanna á Suðurlandi
á fimmtudaginn.
Mest er virknin nú við suðurenda
meginsprungunnar, um fimm
kílómetra norðan við Eyrarbakka
þar sem skjálftar að stærðinni 3,8,
3,5 og 2,7 urðu á þriðja tímanum
aðfaranótt sunnudagsins. Þá varð
eftirskjálfti að stærðinni 2,9 þrjá
kílómetra norðan við Hveragerði
laust fyrir klukkan átta í gærmorg-
un. Einnig hefur skjálftavirkni verið
um fimm kílómetra suðvestur af
Skálafelli á Hellisheiði og var skjálfti
að stærðinni 2,6 laust upp úr
klukkan hálf fjögur í fyrrinótt þeirra
stærstur. Samkvæmt upplýsingum
frá Veðurstofunni dregur heldur úr
eftirskjálftavirkni á svæðinu. - ovd
HELDUR DREGUR
ÚR SKJÁLFTAVIRKNI
SVÍÞJÓÐ Fulltrúar frá Jarðfræði-
stofnun Svíþjóðar lýstu nýver-
ið áhyggjum sínum yfir skorti á
grunnvatni í landinu. Samkvæmt
dagblaðinu Dagens Nyheter er
ástandið verst sunnarlega, en
mun skárra í Norður-Svíþjóð.
Veður hefur verið heitt og þurrt
að undanförnu og því hefur vatns-
neysla aukist verulega auk þess
sem úrkoma hefur ekki bæst við
grunnvatnsbirgðir.
Veðurspár gefa til kynna að
þurrkatíðin haldi áfram næstu
daga og jafnvel langt fram á
sumar og því er ljóst að Svíar
geta tæplega leyft sér löng og
svalandi steypiböð á næstunni.
- vþ
Þurrkatíð hefur áhrif í Svíþjóð:
Óttast vatns-
skort í sumar
VARNARMÁL Varnarmálastofnun Íslands tók formlega
til starfa í gær. Af verkefnum stofnunarinnar ber
hæst rekstur íslenska loftvarnakerfisins, sem
íslensk stjórnvöld tóku við af Bandaríkjamönnum
15. ágúst í fyrra, og rekstur Ratsjárstofnunar.
„Með því að reka íslenska loftvarnarkerfið og sjá
um önnur þau eftirlits- og varnartengdu verkefni
sem nýstofnsett Varnarmálastofnun á að sinna erum
við Íslendingar í senn að axla ábyrgð á eigin vörnum
og um leið að leggja til sameiginlegs öryggis
grannríkja okkar á Norður-Atlantshafi og bandalags-
ríkja NATO,“ sagði Ingibjörg Sólrún Gísladóttir
utanríkisráðherra af þessu tilefni.
Hún bætti við að með þessu rækju Íslendingar
skyldur sínar sem sjálfstætt fullvalda ríki en
stofnunin heyrir undir utanríkisráðherra.
Varnarmálastofnun mun reka öryggissvæði við
Keflavíkurflugvöll, Miðnesheiði, Helguvík, Bola-
fjall, Gunnólfsvíkurfjall og Stokksnes auk þess sem
stofnunin mun annast rekstur mannvirkja NATO
hérlendis. Er gert ráð fyrir að stofnunin vinni úr
upplýsingum frá NATO og veiti tímabundnum
herafla annarra NATO-ríkja á Íslandi stuðning.
Forstjóri Varnarmálastofnunar er Ellisif Tinna
Víðisdóttir og er gert ráð fyrir að upp undir fimmtíu
manns starfi hjá stofnuninni. Áætlaður heildar-
kostnaður til varnarmála árið 2008 er 1.350 milljónir
króna. - ovd
Áætlaður heildarkostnaður varnarmála fyrir þetta ár er 1.350 milljónir króna:
Öxlum ábyrgð á eigin vörnum
VARNARMÁLASTOFNUN OPNUÐ Ellisif Tinna Víðisdóttir,
forstjóri stofnunarinnar, ásamt Ingibjörgu Sólrúnu Gísladóttur
utanríkisráðherra. MYND/VÍKURFRÉTTIR
Bæjarstjórn Hveragerðis vill koma
á framfæri innilegu þakklæti til
allra björgunar- og viðbragðsaðila
sem aðstoðað hafa bæjarbúa í
þeim atburðum sem dunið hafa
yfir að undanförnu. Þetta kemur
fram í bókun bæjarstjórnar.
Jafnframt vill bæjarstjórnin
þakka starfsmönnum bæjarins og
öllum bæjarbúum það æðruleysi
og yfirvegun sem fólk hefur sýnt
vegna skjálftanna og afleiðinga
þeirra. - ovd
ÆÐRULEYSI
OG YFIRVEGUN
BJÖRGUNARSVEITIR Í HVERAGERÐI
Bæjarstjórn Hveragerðis vill þakka
björgunar- og viðbragðsaðilum fyrir
aðstoð við bæjarbúa vegna jarð-
skjálftanna. FRÉTTABLAÐIÐ/STEFÁN
Líðan drengsins er óbreytt
Líðan drengsins sem slasaðist þegar
gassprenging var í húsbíl í Grindavík á
föstudagskvöldið er óbreytt. Honum
er haldið sofandi í öndunarvél á
gjörgæsludeild Landspítalans. Tildrög
slyssins eru enn til rannsóknar hjá
lögreglunni á Suðurnesjum.
SLYS
Lúðvík, fór allt í köku í Hafnar-
firði?
„Ég er bakari svo ég reyndi að
sneiða framhjá því.“
Lúðvík Geirsson er bæjarstjóri í Hafnar-
firði þar sem Hafnfirðingum og gestum
var boðið upp á 100 metra afmælistertu í
tilefni af 100 ára afmæli Hafnarfjarðar.
LÖGREGLUMÁL Ráðist var á leigu-
bílstjóra í bíl sínum um klukkan
hálf fjögur aðfaranótt sunnudags.
Árásin átti sér stað í Bakkahverfi
í Breiðholti. Farþegi í bílnum
tók bílstjórann hálstaki og ógn-
aði honum með hnífi. Farþeginn
komst síðan undan með farsíma
og peninga, en ekki er vitað
hversu há peningaupphæðin var.
Leigubílstjórinn, sem er kona,
hlaut minniháttar áverka á hálsi
við árásina. Árásarmaðurinn var
enn ófundinn þegar Fréttablaðið
fór í prentun. - þeb
Farþegi rændi leigubílstjóra:
Ógnaði bílstjóra
með hnífi
NOREGUR Norðmönnum er mikill
vandi á höndum hvað viðkemur
móttöku flóttamanna. Nú sitja um
1.700 manns sem fengið hafa
búsetuleyfi í landinu á móttöku-
stöðvum fyrir flóttamenn og bíða
þess að vera úthlutað íbúðum í
einhverju af bæjarfélögunum.
Samkvæmt dagblaðinu Aftenpos-
ten hefur fjórðungur fólksins
beðið eftir búsetuúrræðum mun
lengur en reglur kveða á um.
Vandamálið sprettur af því að
norska ríkið veitir flóttamönnum
búsetuleyfi en svo er það á borði
bæjarfélaganna að veita flótta-
mönnunum aðstoð við búsetu og
aðlögun. - vþ
Flóttamannavandi í Noregi:
Bæjarfélögin
berjast á móti
REYKJAVÍK Smartkortakerfið er nú
til reynslu í Laugardalslaug. Átta
ár eru síðan frumvinna við verk-
efnið fór í gang og hefur hún kost-
að 350 milljónir króna. Smartkort
eru greiðslukort sem innihalda
örgjörva.
Árið 2000 kviknuðu fyrstu hug-
myndir innar ÍTR um kort sem
myndi gilda í þjónustu borgarinn-
ar. Á sínum tíma var settur upp
búnaður í strætisvagna til að lesa
kortin. Hann komst aldrei í gagn-
ið og þótti ekki nógu áreiðanleg-
ur. Strætó ákvað í fyrra að draga
sig úr verkefninu. Kostnaður fyr-
irtækisins við það nam þá rúm-
lega 250 milljónum króna.
Kostnaður Reykjavíkurborgar
við verkefnið er um 100 milljónir
króna.
Hörður Gíslason, aðstoðar-
framkvæmdastjóri Strætó, segir
að búnaðurinn sé enn í vögnun-
um. Vélbúnaðurinn nýtist að hluta
nú, því hann prentar út skipti-
miða. Hugbúnaðurinn hafi hins
vegar aldrei virkað sem skildi.
Komi fram lausn í þeim málum
geti komið til greina að nýta
kerfið.
Steinþór Einarsson hjá ÍTR
segir kerfið geta nýst vel til öfl-
unar upplýsinga og til að létta á
starfseminni. Hluti gesta geti
þannig afgreitt sig sjálfur. Kerfið
er nú til reynslu í Laugardalslaug
og gangi allt upp verður það sett í
gang í öllum laugum og jafnvel í
annarri þjónustu ÍTR.
- kóp
Smartkortakerfið er nú til reynslu í Laugardalslaus eftir áralanga þróun:
Smartkortin komin í notkun
KERFI TIL REYNSLU Lesurum hefur verið
komið upp í Laugardalslauginni.
FRÉTTABLAÐIÐ/ANTON
Í tilkynningu frá Rauða krossinum
segir að áfallahjálparteymi Rauða
krossins verði að störfum í þjón-
ustumiðstöðvunum á Selfossi og í
Hveragerði næstu daga frá klukkan
17 til 20.
Þjónustumiðstöðvarnar eru í
Tryggvaskála við Ölfusárbrú á Selfossi
og í húsnæði Rauða krossins við
Austurmörk í Hveragerði.
Hægt er að sækja upplýsingar um
sálrænan stuðning og upplýsingar um
viðbrögð við alvarlegum atburðum á
heimasíðu Rauða krossins, redcross.is
SÁLRÆNN STUÐNINGUR NÆSTU DAGA
FJÁRHÚSIN AÐ KROSSI Ábúendur á Krossi eru meðal þeirra sem rýmt hafa
hús sín vegna skemmda í kjölfar skjálftanna en nokkrar kindur og lömb
drápust þegar hlöðuveggur féll inn í fjárhúsin á bænum. MYND/GKS
SPURNING DAGSINS