Fréttablaðið - 02.06.2008, Blaðsíða 8

8 2. júní 2008 MÁNUDAGUR
RV
U
n
iq
u
e
0
60
80
2
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Hentugt við grillið
- einnota borðbúnaður á tilboðsverði
Á tilboði í júní 2008Einnota diskar, glös, bollar og hnífapör20% afsláttur
LÖGREGLUMÁL Tveir menn eru
grunaðir um ölvun við akstur
eftir að þeir veltu bíl á laugar-
dagskvöld. Lögreglan á Suður-
nesjum fékk tilkynningu um
bílveltu á veginum við Vatns-
leysuströnd á ellefta tímanum á
laugardaginn. Þegar þangað var
komið kom í ljós að mennirnir
voru báðir ölvaðir. Voru þeir því
fluttir í fangageymslu þar sem
þeir gistu.
Þá varð tveggja bíla árekstur
við Hafnargötu í Keflavík á laugar-
dag. Ökumaður annars bílsins
stökk út úr bíl sínum og hljópst á
brott. Lögregla fann hann á heimili
sínu nokkru síðar. - þeb
Umferðarslys á Suðurnesjum:
Bílvelta vegna
ölvunaraksturs
1 Á landamærum hvaða
tveggja landa fannst áður
óþekktur ættbálkur nýverið?
2 Hvað heitir kvikmynda-
leikarinn sem opnaði ljós-
myndasýningu í Reykjavík um
helgina?
3 Hver þjálfar landslið karla í
handknattleik?
SVÖR Á SÍÐU 30
ÖRYGGISMÁL Dyra- og öryggisverð-
ir eru uggandi yfir auknu ofbeldi í
veitinga- og þjónustugeiranum og
óttast um öryggi sitt í starfi. Björn
Snæbjörnsson, formaður Einingar-
Iðju á Akureyri, segir að dyra- og
öryggisverðir hafi áhyggjur af
vaxandi ofbeldi og meiri vopna-
notkun í samfélaginu.
„Þeir eru hræddir um líf sitt og
limi. Það er engin launung á því að
harkan er meiri. Aukin fíkniefna-
neysla þýðir að harkan hefur auk-
ist í samskiptum og þeir eru bara
að velta fyrir sér hvað hægt sé að
gera til að vernda þá í starfi og
hvernig eigi að taka á þessum
málum í samvinnu við lögreglu og
yfirvöld,“ segir Björn.
Verkalýðsfélagið Eining-Iðja
stóð nýlega fyrir fundi með örygg-
is- og dyravörðum á Norðurlandi
þar sem farið var yfir ofbeldis-
þróunina í veitinga- og þjónustu-
geiranum og öryggismál dyra- og
öryggisvarða og rætt hvaða leiðir
gætu verið til úrbóta.
Valdimar Gunnarsson dyravörð-
ur er einn af forsprökkum fundar-
ins og hann fjallaði um ástandið.
„Það þarf ekki að fara mörgum
orðum um þá staðreynd að ofbeldi
og vopnaburður fara vaxandi í
þjóðfélaginu,“ segir Valdimar í
frétt á vef Einingar-Iðju og bendir
á að tilgangurinn með fundinum
hafi verið sá að opna umræðu um
öryggismál meðal öryggis- og
dyravarða.
„Þeir sem starfa við öryggis- og
dyravörslu verða fyrir ofbeldis-
hótunum, hvort sem er í orði eða
verki, um hverja helgi. Staðan er
orðin þannig að við verðum að
leita allra ráða til að tryggja
öryggi okkar,“ segir hann og spyr
hvað sé til ráða. Þar komi fræðsl-
an sterk inn, „en er ekki þörf á að
endurskoða og samræma hana
sem og reglugerðaverkið?“ spyr
hann og bendir á að öryggis- og
dyraverðir starfi eftir mismun-
andi reglugerðum og lögum.
Á fundinum var einnig rætt um
nýlegan dóm Héraðsdóms Reykja-
ness þar sem veitingastaðurinn
Strikið og dyravörður á staðnum
voru dæmd til að greiða tæpar 44
milljónir króna í bætur til manns
sem slasaðist á staðnum.
Málefni öryggis- og dyravarða
eru til umræðu hjá Starfsgreina-
sambandinu. „Þetta er mála-
flokkur sem við erum að skoða og
við höfum fengið ábendingar um,“
segir Björn Snæbjörnsson. Dyra-
verðir og öryggisverðir hafa fund-
að undanförnu og munu halda því
áfram næstu vikur. ghs@frettabladid.is
Dyraverðir óttast
um líf sitt og limi
Öryggis- og dyraverðir á veitinga- og skemmtistöðum verða fyrir hótunum um
ofbeldi um hverja helgi, hvort sem það er í orði eða verki. Þeir eru uggandi um
sinn hag vegna aukins ofbeldis og vilja úrbætur í samstarfi við yfirvöld.
UGGANDI Öryggis- og dyraverðir eru uggandi um öryggi sitt, sérstaklega á veitinga-
og skemmtistöðum um helgar, vegna þess að harka og ofbeldi fara stöðugt vaxandi.
Myndin er úr safni og tengist efni fréttarinnar ekki beint.
Þeir eru hræddir um
líf sitt og limi. Það er
engin launung á því að harkan
er meiri.
BJÖRN SNÆBJÖRNSSON
FORMAÐUR EININGAR-IÐJU Á AKUREYRI
DÓMSMÁL Verktakar á vegum
Fljótsdalshéraðs hefðu átt að gefa
eigendum hesthúsa í Votahvammi
kost á því að hirða byggingarefni
úr húsunum eftir að þau voru rifin,
í stað þess að farga þeim. Bærinn
er af þeim sökum skaðabóta-
skyldur.
Þetta kemur fram í dómi Héraðs-
dóms Austurlands, sem féll 20. maí
síðastliðinn. Átta hesthús voru reist
á svæðinu eftir að sveitarfélagið
veitti bráðabirgðaleyfi til bygginga
árið 1970. Húsin voru rifin í kjölfar
útburðarbeiðni sem Hæstiréttur
staðfesti í apríl 2006.
Eigendur hesthúsanna stefndu
sveitarfélaginu. Þeim hafði verið
gert að færa húsin, en féllust ekki á
það. Verktakar rifu þau í maí 2007.
Eigendurnir töldu brotið gegn
eignarrétti þeirra, en á það féllst
héraðsdómur ekki. Hann taldi hins
vegar að gengið hefði verið of
harkalega fram þegar húsin voru
rifin. Gefa hefði átt eigendum kost
á að hirða efni sem til féll, svo sem
ófúið timbur, í stað þess að farga.
Eigendunum voru því dæmdar
samtals 1,8 milljónir króna í skaða-
bætur, auk samtals 1,1 milljónar
króna í málskostnað.
Bjarni Einarsson, einn hesthúsa-
eigendanna, segist sáttur við að
dómur hafi fallið þeim í vil, en
ósáttur við að ekki hafi verið dæmd-
ar bætur samkvæmt mati á verð-
mæti hússins. Hann segir ólíklegt
að eigendur áfrýi málinu til Hæsta-
réttar. - bj
Héraðsdómur telur bótaskyldu hafa myndast vegna niðurrifs gamalla hesthúsa:
Máttu nýta byggingarefnið
TRUNTUBAKKAR Átta hesthús voru reist á lóð sem úthlutað var til bráðabirgða árið
1970. Þau hús sem ekki voru færð fyrir miðjan maí 2007 voru rifin. MYND/AUSTURGLUGGINN
ÞÝSKALAND, AP Í dag hefst í Þýskalandi tveggja vikna
ráðstefna um hlýnun jarðar, þar sem meiningin er að
ríki heims fari ofan í saumana á því hvað þarf að gera
til að framkvæma samkomulag sem undirritað var í
Balí á Indónesíu í desember síðastliðnum.
Það samkomulag þótti marka tímamót vegna þess
að í fyrsta sinn virðist sem Bandaríkin, Kína og Ind-
land ætli að vera með í sameiginlegu átaki ríkja heims
til þess að draga úr losun gróðurhúsalofttegunda.
„Nú fyrst er vinnan að hefjast fyrir alvöru,“ segir
Yvo de Boer, framkvæmdastjóri loftslagsmála hjá
Sameinuðu þjóðunum. Ráðstefnuna sækja meira en
tvö þúsund fulltrúar frá 162 ríkjum og tugum sér-
fræðingasamtaka.
Ráðstefnugestir búast þó margir hverjir ekki við
miklum tíðindum af þessari ráðstefnu. Það sé varla
fyrr en á næsta ári, þegar ný stjórn verði tekin við í
Bandaríkjunum, sem hjólin geti farið að snúast.
„Það er ólíklegt að við náum miklum árangri í ár
vegna þess að við þurfum skýr skilaboð frá Banda-
ríkjunum, og það gerist ekki fyrr en eftir kosning-
arnar,“ sagði Ian Fry, fulltrúi frá smáríkinu Tuvalu í
Kyrrahafi. - gb
Tveggja vikna ráðstefna um framkvæmd loftslagssamningsins frá Balí hefst í dag:
Beðið eftir Bandaríkjunum
YVO DE BOER Yfirmaður loftslagsmála hjá Sameinuðu þjóð-
unum segir vinnuna nú hefjast fyrir alvöru. NORDICPHOTOS/AFP
VEISTU SVARIÐ?