Fréttablaðið - 04.06.2008, Blaðsíða 28

4. JÚNÍ 2008 MIÐVIKUDAGUR12 ● fréttablaðið ● íslenskur iðnaður
Fyrirtækið Alexander Ólafsson
ehf., sem rekur malarvinnslu
í Vatnsskarðsnámu, hefur
hlotið viðurkenningarskjal um
að steinefni til steypugerðar
úr námunni uppfylli kröfur
evrópska steinefnastaðalsins
ÍST EN 12620.
Fyrirtækið er fyrst íslenskra fyrir-
tækja til að hljóta þessa vottun um
efnisgæði og framleiðslueftirlit á
steypumöl. Viðurkenningin hefur
mikla þýðingu fyrir fyrirtækið
þar sem byggingafulltrúar eru í
auknum mæli að gera kröfu um að
efni séu CE merkt.
„Ísland er partur af Evrópska
efnahagssvæðinu og því fylgir að
við þurfum að fara eftir samþykki
efnahagsbandalagsins. Ýmiss
konar tilskipanir eru gefnar út
og þær sem koma okkur í bygg-
ingariðnaðinum við eru bygg-
ingavörutilskipunin. Hún segir að
þegar menn eru að byggja mann-
virki, sama hvort það er á Íslandi
eða Spáni, þurfi menn að nota CE-
vottaðar byggingavörur,“ segir
Karsten Iversen, tæknifræðingur
hjá verkfræðistofunni Mannviti,
sem veitti ráðgjöf við innleiðingu
á framleiðslueftirlitinu. „Síðan
eru staðlar gefnir út fyrir allar
mögulegar byggingavörur, í þessu
tilfelli steinefni, til að tryggja
ákveðin lágmarksgæði og öryggi
og krafa gerð um að menn noti
þessar vörur alls staðar.“
Alexander Ólafsson ehf. er
fyrsta fyrirtækið á Íslandi sem
uppfyllir kröfur staðalsins, en
önnur fyrirtæki munu fylgja í
kjölfarið. Til að hljóta vottun-
ina þarf fyrirtækið að koma sér
upp skipulögðu gæðakerfi í sam-
ræmi við staðalinn. „Síðan þurfa
vottunar aðilar að taka kerfið
út, í þessu tilfelli British Stand-
ard Institute. Þeir fara þá í gegn-
um gæða kerfið og prófanirnar og
gefa síðan út vottun um að staðall-
inn sé uppfylltur.“ - mþþ
Fyrstir til að fylgja
staðli um steypumöl
Steypumöl úr Vatnsskarðsnámum Alexanders Ólafssonar ehf. uppfyllir nú kröfur frá
evrópska steinefnastaðlinum.
Fyrirtækið þarf að koma sér upp skipulögðu gæðakerfi í samræmi við Evrópustaðal-
inn til að fá vottunina.
Þróunarverkefni á sviði menningartengdrar ferðaþjónustu
hefur nú verið hleypt af stokkunum. Verkefnið er á vegum iðn-
aðarráðuneytisins en framkvæmdaaðilar eru Impra á Nýsköp-
unarmiðstöð Íslands og Ferðamálaskrifstofa í samvinnu við
ReykjavíkurAkademíuna.
Verkefninu er ætlað að fjölga arðbærum vörum og eða þjón-
ustu í menningartengdri ferðaþjónustu á landsbyggðinni og
auka þekkingu á sérkennum einstakra svæða. Einkum til að búa
til nýja kosti sem haft geta áhrif á ferðatilhögun eða dvalar-
lengd ferðamanna. En einnig að svara eftirspurn sem þegar er
til staðar og hefur ekki verið sinnt hingað til. Horft er til þess
annars vegar að efla þá menningartengdu ferðaþjónustu sem
er fyrir hendi og hins vegar að kynna ný sóknarfæri til frekari
uppbyggingar.
Æskilegt er að einhver eftirtalinna faglegra forsendna séu
hluti af verkefninu, þótt listinn sé ekki tæmandi: Strandmenn-
ing, með hliðsjón af sérkennum svæða sem byggt hafa afkomu
sína á sjávarnytjum. Sveitamenning, sem grundvallast á sögu
og menningu í dreifbýli, nytjum og svo framvegis. Heiðamenn-
ing, sem segir á sama tíma búsetusögu. Þjóðsagnaarfur. Sagna-
arfur okkar, Íslendingasögur. Sambúð manns og náttúru. Nútím-
inn. Tónlist. Myndlist. Byggðasaga.
Þátttaka í verkefninu er opin fyrirtækjum og hópum innan
þeirra, einstaklingum og einstaklingum sem óska eftir að vinna
saman. Upplýsingar um umsækjendur og verkefnishugmyndir
þeirra þurfa að koma fram á umsóknum. Umsóknir verða raf-
rænar og aðgengilegar á vefsíðu Impru.
Verkefnið er opið til umsóknar til 30. júní 2008. Nánar á www.
nmi.is. - rh
Styrkir til menningar-
tengdrar ferðaþjónustu
Mikið hefur verið gert út á menningartengda ferðaþjónustu í Laufási í Eyja-
firði. MYND/MINJASAFNIÐ Á AKUREYRI
www.tækni.is
Umsóknarfrestur er til 11. júní
Skapandi fagskóli
Hönnunar- og handverksskólinn
Úrval námsleiða fyrir skapandi einstaklinga.
• Fataiðn
• Klæðskurður
• Kjólasaumur
• Gull- og silfursmíði
• Keramik hönnun
• Almenn hönnun
• Stúdentspróf
Hönnunar- og handverksskólinn er hluti af Tækniskólanum, skóla
atvinnulífsins. Tækniskólinn er nýr framsækinn framhaldsskóli, sem byggir
á traustum grunni Fjöltækniskóla Íslands og Iðnskólans í Reykjavík.