Fréttablaðið - 06.06.2008, Blaðsíða 18

18 6. júní 2008 FÖSTUDAGUR
nær og fjær
„ORÐRÉTT“
VIKA 18
DAGBÓK NÝRRA ÍSLENDINGA
„Bygging heilsugæslustöðvarinnar gengur
vel,“ segir Charlotte sem nú er stödd í
Afríkuríkinu Líberíu á vegum IceAid.
„Á mánudaginn fékk ég að heimsækja
skólann hér og fræðast um mismunandi menningu og mállýsk-
ur í Líberíu. Þá tók ég eftir að ekkert barnanna átti skólatöskur
svo ég, ásamt nokkrum stelpum á munaðarleysingjaheimilinu,
ætlum á næstu dögum að útbúa skólatöskur. Á miðvikudaginn
heimsótti ég leikskólann og afhenti börnunum þar veggspjaldið
sem börnin á leikskólanum Stakkaborg útbjuggu. Við töluðum
um hversu Líbería og Ísland væru ólík lönd og í næstu viku
ætla börnin á leikskólanum að teikna myndir sem ég tek með
heim til Íslands.“
Charlotte Ólöf Jónsdóttir Ferrier
Heimsótti tvo
skóla í Líberíu
Drulluósáttur
„Ég er alveg drulluósáttur við
þetta og það eru það bara
flestir í Hveragerði.“
SIGURGEIR INGIMARSSON, ÍBÚI Í
HVERAGERÐI, UM AÐ BÓTAÞEGAR
ÚR VIÐLAGASJÓÐI BERI LÖGUM
SAMKVÆMT EIGIN ÁHÆTTU SEM
NEMUR FIMM PRÓSENTUM AF
TJÓNINU.
Fréttablaðið, 5. júní 2008
Sterk og gróf
„Ég tók eftir því að allar
myndirnar sem ég hafði
safnað voru sterkar og grófar,
af mótorhjólafólki og vöðvum
og allar svolítið kynferðis-
legar.“
TINNA HALLBERGSDÓTTIR UM
MYNDIR SEM HÚN SAFNAÐI Í LEIT
AÐ INNBLÆSTRI FYRIR LOKAVERK-
EFNI SITT Í FATAHÖNNUN FRÁ
LISTAHÁSKÓLA ÍSLANDS.
Fréttablaðið, 5. júní 2008
Sýning Halaleikhópsins
á Gaukshreiðrinu þótti
athyglisverðasta áhuga-
sýning ársins í samkeppni
Þjóðleikhússins. Verðlaunin
voru afnot af stóra sviði
leikhússins í eina kvöld-
stund og var sýningin sett
þar upp á miðvikudags-
kvöld.
„Stemningin var mikil, alveg ríf-
andi, bæði í hópnum og í salnum,“
segir Ása Hildur Guðjónsdóttir, for-
maður leikhópsins. Hún segir að
mætingin á stóra sviðið hafi verið
góð. „Salurinn var ofboðslega
ánægður og klappið ætlaði aldrei að
hætta.“
Tæplega 100 manns eru meðlimir
í Halaleikhópnum, bæði fatlaðir og
ófatlaðir. Í Gaukshreiðrinu léku 19
leikarar, en alls komu 42 að sýning-
unni með einum eða öðrum hætti.
Ádeilur verða gjarnan fyrir val-
inu hjá leikhópnum og sú er vissu-
lega raunin með sýninguna nú.
„Þetta verk er mjög mikil ádeila.
Það gerist á stofnun og margir af
leikurunum þekkja slíkar stofnanir
vel,“ segir Ása og segir miklar
umræður og pælingar hafa sprottið
í kringum ákvörðunina um að setja
verkið upp. „Það eru margir sem
segja að þetta verk hafi valdið for-
dómum gegn geðsjúkum á sínum
tíma.“
Sýning hópsins var valin sú
athyglisverðasta af ellefu sýning-
um sem tóku þátt í samkeppni
Þjóðleikhússins. Að sögn Ásu var
einstaklega vel tekið á móti hópn-
um í leikhúsinu. „Þau tóku meira
að segja út þrjár fremstu sætarað-
irnar til þess að þar gætu verið
hjólastólar, það hefur aldrei verið
gert áður.“ Að auki var hljóðkerfið
lagað að þörfum heyrnarskertra.
„Svo var þetta svo skemmtilegt
því þetta ber upp á fimmtán ára
afmæli leikhópsins. Þetta var rús-
ínan í pylsuendanum.“
thorunn@frettabladid.is
Mikil stemning á stóra sviðinu
FRUMSÝNINGIN UNDIRBÚIN 19 leikarar leika í uppsetningu Halaleikhópsins á
Gaukshreiðrinu, sem þótti vera áhugaverðasta áhugamannasýningin í samkeppni
Þjóðleikhússins. Verkið var sýnt við góðar undirtektir á stóra sviði leikhússins á mið-
vikudagskvöldið. FRÉTTABLAÐIÐ/VALLI
„Mér finnst svolítið leiðinlegt að það
hafi þurft að drepa ísbjörninn. Mér
var sagt að það hefði þurft þar sem
hann væri hættulegur. Áður en ég
fluttist hingað spáði ég í hvort það væru ísbirnir á Íslandi.
En konan mín sagði mér að þeir kæmu bara hingað af
og til, með ísjökum frá Grænlandi. Þar sem ísbirnir eru í
útrýmingarhættu hefði mér þótt betra ef hægt hefði verið
að finna aðra lausn. Svo fann ég vel fyrir jarðskjálftanum
á fimmtudaginn. Ég er ekki vanur jarðskjálftum þótt þeir
séu ekki óalgengir í Marokkó. Borgin Agadir eyðilagðist til
dæmis árið 1961 í sterkum skjálfta. Hún var mjög falleg,
stundum líkt við París, en hefur nú verið endurbyggð.“
Rachid Benguella
Hefði viljað sjá
ísbjörninn lifa
„Mér brá alveg svakalega í skjálftanum
enda var þetta í fyrsta sinn sem ég
finn fyrir jarðskjálfta,“ segir Junpehn.
„Ég var í kaffistofunni í vinnunni í
Fjarðarkaupum og allt í einu fer allt að hristast. Allir stóðu
upp og sumir öskruðu. Ég hafði ekki hugmynd um hvað var
að gerast en fljótlega á eftir útskýrðu samstarfsmennirnir
fyrir mér hvað hafði gerst.
En um síðustu helgi fór ég á Þjóðhátíðina í Hafnarfirði og
skemmti mér vel. Mér fannst mikið til sýningarbásanna
koma og þeirra hluta sem þar gat að líta en það sem vakti
mestu athygli mína var kynning á menningu hér á Íslandi
til forna.“
Junpehn Sriyoha
Brá í
skjálftanum
Síðasta helgi var annasöm hjá Algirdas
en hann var með bás á Þjóðhátíðinni
í Hafnarfirði og kynnti þar menningu
Litháen. „Þetta tókst afar vel í alla staði,“
segir hann. „Ég stjórnaði undirbúningnum en það voru um
tíu manns sem lögðu hönd á plóg og er ég þeim öllum afar
þakklátur. Reyndar tók þetta nokkuð óvænta stefnu þegar
það hafði ekki fundist neinn karlmaður til að dansa þjóðdans
okkar á stóra sviðinu. Þá bárust böndin að mér og gat ég ekki
skorast undan því svo ég steig dansinn og það tókst bara
nokkuð vel. Ég hafði lært dans í barnaskóla og það kom sér
aldeilis vel þarna.“
Algirdas Slapikas
Sýndi
þjóðdansinn
„Þessi þróun er hæg en jákvæð. Með
jafnri fimm prósenta aukningu frá ári
til árs komumst til jafns við karlana,“
segir Tinna Gunnlaugsdóttir þjóðleik-
hússtjóri um nýja skýrslu Rannsókn-
arseturs Vinnuréttar á Bifröst sem birt
var í gær.
Í skýrslunni voru niðurstöður þær
helstar að konum fjölgaði úr 8
prósent í 13 prósent í stjórnum 120
stærstu einkafyrirtækja landsins á
einu ári og í æðstu stjórnunarstöðum
fyrirtækja úr 14 í 19 prósent.
„Í opinbera geiranum eru konur
einnig að sækja í sig veðrið. Til dæmis
í menningargeiranum þar sem meðal
annars menntamálaráðherra, leikhús-
stjórar tveggja stærstu leikhúsanna
og stjórnandi Listahátíðar eru allar
konur.“
SJÓNARHÓLL
FLEIRI KONUR Í STJÓRNUM OG ÆÐSTU STÖÐUM FYRIRTÆKJA
Jákvæð en hæg þróun
TINNA GUNNLAUGSDÓTTIR Þjóðleik-
hússtjóri
■ Saga leit-
arvélarinnar
Google hófst
árið 1996 með
því að dokt-
orsnemar við Stanford-háskóla,
þeir Larry Page og Sergey Brin,
fengu hugmynd að nýrri tækni
fyrir leitarvélar á veraldarvefnum.
Fyrirtækið var stofnað í bílskúr
árið 1998. Árið 1999 fór leitarvél-
in fram úr AltaVista sem þá var
mest notaða leitarvélin. Ástæðan
fyrir því að Google tók fram úr
AltaVista þykir skýrast af því að
Google var með einfalt útlit en
AltaVista breyttist í heila vefgátt.
Starfsmenn Google nú eru um
5.700 talsins.
GOOGLE:
SIGRAÐI MEÐ
EINFALDLEIKANUM
„Ég er á leiðinni á húðflúrshátíð um helgina,“
segir Unnur glöð í bragði, enda er hún prýdd
nokkrum slíkum sjálf. „Þar verða bæði íslenskir
og erlendir flúrarar að leika listir sínar og ég held
að það verði mjög skemmtilegt að sjá.“
Unnur María er einnig bassaleikari Brúðar-
bandsins en þær gáfu út plötu fyrir nokkr-
um árum. Hún segir hljómsveitina hafa
verið í hléi frá tónleikahaldi undanfarin
misseri. „Núna starfa ég sem verkefnis-
stjóri Miðstöðvar munnlegrar sögu í
Þjóðarbókhlöðunni og vinn hörðum
höndum að því að skrá það efni sem
okkur hefur borist frá því að hún
tók til starfa á síðasta ári. Markmið
okkar er að safnkostur miðstöðv-
arinnar verði leitarbær í haust á
heimasíðu okkar, svo að það er
nóg að gera hjá mér.“
Ásamt störfum sínum hjá miðstöðinni er hún
einnig komin að því að ljúka mastersnámi í
sagnfræði. „Ég stefni á að nota sumarið til þess
að ljúka lokaritgerðinni minni og útskrifast í
haust. Ritgerðin fjallar um íslenskt pönk
og samspil þess við íslenska menningu.
Ég byggi hana aðallega á viðtölum við
fólk sem kom að pönkmenningunni
og umfjöllun fjölmiðla frá tíma-
bilinu. Fyrir nokkru stóð ég svo
að sýningunni Pönk og diskó í
Árbæjarsafninu.“
Unnur María ætlar að ljúka
sumrinu með því að ganga
Hornstrandirnar. „Ég var að
komast að því að ég kæmist
með Ferðafélagi Íslands og
hlakka mjög mikið til.“
HVAÐ ER AÐ FRÉTTA? UNNUR MARÍA BERGSVEINSDÓTTIR SAGNFRÆÐINGUR
Á húðflúrshátíð og Hornstrandir