Fréttablaðið - 06.06.2008, Blaðsíða 67

FÖSTUDAGUR 6. júní 2008 35
Indí-poppsveitin Alaska in Winter
spilar á skemmtistaðnum Organ í
kvöld. Sveitin er ættuð frá Nýju-
Mexíkó og hefur vakið athygli,
meðal annars vegna þess að Zach
Condon úr hljómsveitinni Beirut
spilar einnig með þeim. Hins vegar
er mjög varasamt að kalla sveitina
einhvers konar hliðarverkefni
Beirut, því um mun rafrænni tón-
list er að ræða og er forsprakkinn
annar. Gylfi Blöndal, tónlistarstjóri
Organ, segir hljómsveitina mikinn
hvalreka fyrir íslenskt tónlistarlíf
og hefur fyrsta plata sveitarinnar,
Dance Party in the Balkans, fengið
afbragðs dóma, meðal annars hjá
Pitchfork.
Forsprakki sveitarinnar, Brand-
on Bethancourt, lýkur þar með
löngum túr um Bandaríkin og Kan-
ada, en hann segist mjög spenntur
fyrir því að spila fyrir land og þjóð.
Þeim til aðstoðar verður Kira Kira,
sem spila um klukkan hálftíu. - kbs
Alaskahret á Organ
KULDI FRÁ NÝJU-MEXÍKÓ. Alaska in
Winter.
James Blunt mætir með starfslið og
fimm manna hljómsveit sína og
heldur tónleika í Laugardalshöllinni
fimmtudagskvöldið 12. júní. James
lofar kraftmiklum tónleikum og
segir að hann leyni á sér. Bluntar-
inn er í mikilli yfirreið um heiminn
og stoppar stutt við á Íslandi. Hann
kemur seint á miðvikudagskvöldi
og er rokinn snemma á föstudegi.
Spilar næst í Sarajevo á sunnudag-
inn.
Blunt gistir á hóteli í miðbænum
og fólk mun eflaust verða vart við
hann spókandi sig um í miðbænum.
Hann leggur nokkuð upp úr því að
vernda einkalíf sitt – segir að það
skipti engu máli – en hann var ein-
hleypur síðast þegar spurðist til.
Honum hefur þó verið spyrt við
ýmsar dömur í gegnum tíðina, m.a.
tónlistarkonuna Camillu Boler,
Dixie Chassay, sem valdi leikara í
Harry Potter-myndirnar, og súper-
módelið Petru Nemcova.
Popparanum þykir gott að fara í
tuðruspark fyrir tónleika og hefur
beðið um fótboltavöll til afnota fyrir
sig og félaga sína á fimmtudaginn.
Listi yfir baksviðsveigar – svokall-
aður „rider“ – er nokkuð karllægari
hjá James en vinsælustu lögin hans
gefa til kynna. Hann biður hvorki
um nuddolíu né ilmkerti heldur
leggur mest upp úr áfengi og tób-
aki. James vill tvær flöskur af
vodka, sitt hvora flöskuna af hvítu
og rauðu, kassa af staðarbjór, þrjá-
tíu og sex flöskur af Corona og
annað eins af ítalska bjórnum Per-
oni. Þá vill Blunt tvo pakka af Lucky
Strike og tvo af Marlboro Lights.
James leggur mun minna upp úr
mat en drykk og biður einungis um
samlokur og tvær tegundir af heit-
um mat, kjöt- og grænmetisrétt.
Uppselt er á tónleikana í dýrustu
sætin og þau ódýrustu, en enn þá
má fá miða í miðri Höllinni. - glh
Blunt vill fótbolta og vodka
Akureyringurinn Rúnar eff hefur
lengi haft mikinn áhuga á tónlist og
er þessa stundina við söngnám í
Kaupmannahöfn. Farg er hans
fyrsta plata. Á henni eru tólf frum-
samin lög og svo útgáfa Rúnars af
A-Ha laginu Take on Me.
Þó að það sé margt ágætlega gert
á Farg og inn á milli leynist þokka-
legar lagasmíðar og fín spila-
mennska þá einkennist platan af
miklum byrjendabrag. Rúnar er
efnilegur, en hann á alveg eftir að
skapa sér sinn eigin stíl og hefði
kannski betur beðið aðeins með að
gefa út plötu. Tónlistin er óeftir-
minnileg popp-rokkblanda. Það er
ekkert afgerandi við hana, hvorki
lögin sjálf, útsetningarnar né flutn-
ingurinn og heildarútkoman er þess
vegna byrjendaverk sem ristir ekki
djúpt. Trausti Júlíusson
Byrjendabragur
TÓNLIST
Farg
Rúnar eff
★★
Óeftirminnilegt byrjendaverk.
MUN KARLLÆGARI EN LÖGIN GEFA TIL
KYNNA James Blunt gistir í miðbænum
og fer í fótbolta.
Pönklummurnar í Sex Pistols eru
enn að og ferðast um heiminn í
allt sumar til að kynna nýjum
kynslóðum pönkslagara sína.
Leiðin liggur um alla Evrópu og
til Japans, en byrjar í Las Vegas á
morgun. Þá er nýr dvd-diskur á
leiðinni. Hann er nefndur eftir
gömlu Veru Lynn-lagi There’ll
Always Be An England. Aðalinni-
hald disksins eru tónleikar Pistols
í Brixton Academy í fyrra en
einnig er smellt inn viðtölum,
atriðum að tjaldabaki og sérstök-
um túristaleiðbeiningum Johnny
Rotten og félaga um London.
Julien Temple, sem hefur áður
unnið með bandinu, leikstýrði
diskinum.
Sex Pistols
spilara slagar-
ana í sumar
SEX PISTOLS ENN AÐ Nýr tónleikadiskur
og tónleikaferðalag.
Sjadu myndina - spiladu leikinN
4.899,-