Fréttablaðið - 08.06.2008, Blaðsíða 16
16 8. júní 2008 SUNNUDAGUR
Þ
að var líkt og sjálfur
Guð almáttugur hefði
stigið niður til jarðar
og staldrað í um tvær
klukkustundir á
Anfield-leikvangnum
í Liverpool síðastliðið sunnudags-
kvöld, þegar eftirlætis sonur borg-
arinnar, Paul McCartney, kom til
að halda tónleika í fæðingarborg
sinni, sé miðað við fögnuðinn og
tilfinningaflóðið sem streymdi.
„Þetta var gæsahúð alla leið - allan
tímann,“ sagði Bjartmar eftir tón-
leikana og horfði rannsakandi í
augu blaðamanns svona rétt til að
athuga hvort þau væru ekki örugg-
lega tárvot. Því þannig var því
farið meðal tónleikagesta margra.
Jafnvel fullorðnir karlmenn, til-
finningaleg klakabúnt, hágrétu á
36 þúsund manna tónleikunum
sem samkvæmt bresku pressunni
voru þeir bestu sem Sir Paul hefur
haldið á ferlinum. „What a Knight“
skrifaði Liverpool Echo í flenni-
fyrirsögn á forsíðu. Og hafði það
eftir þeim elstu í starfsliði bítils-
ins að aldrei hafi betur til tekist
með tónleika McCartneys. „Já, ég
fór að skæla á McCartney,“ segir
Grímur Atlason, hinn hávaxni
fyrrverandi bæjarstjóri Bolung-
arvíkur og bassaleikari sem þarna
sá goðið sitt – ekki í fyrsta skipti:
„Dr. Gunni fór að gráta á McCartn-
ey í New York haustið 2005 í Good
Day Sunshine. Ég skældi ekki þá
en nú trilluðu tárin niður í Let Me
Roll It,“ segir Grímur sem er ekki
frá því að lög frá ferli hljómsveit-
arinnar Wings hafi komið best út.
Hinn tæplega sjötugi McCartn-
ey (f.1942) var í ótrúlega góðu
formi. Gunnar Þórðarson í Hljóm-
um staðfestir að hann hafi sungið
öll lögin í sömu tóntegund og þá
þegar þau komu út. „Ég heyrði
ekki betur. Og sá að svo var miðað
við hljómana.“
Kannski var ekki að undra að
Íslendingarnir væru sérstaklega
uppnumdir og móttækilegir fyrir
goðinu enda var upphituninin fyrir
tónleikana miklu eins og best verð-
ur á kosið. Þeir höfðu komið til
Liverpool að kvöldi föstudags og
formaður FTT, Jakob Frímann,
leiddi hópinn af fádæma öryggi
um bítlaborgina. Einhverjir helstu
bítlasérfræðingar þjóðarinnar,
þeir Óttar Felix Hauksson og Þor-
steinn Eggertsson, voru með í för
og stoppuðu upp í ef menn götuðu
þar sem farið var um bítlaslóðir.
Og kvöldinu áður höfðu sjálfir
Hljómar frá Keflavík troðið upp í
Cavern-klúbbnum. Fóru algerlega
á kostum í funheitum kjallaranum
- einkum Gunni sem að sögn Ótt-
ars sýndi og sannaði að hann er
einhver mesti og besti rokkhund-
ur sem Ísland hefur alið.
Konur og karlar hágrétu
Um síðustu helgi fór um hundrað manna hópur Íslendinga pílagrímsför til Liverpool á bítlaslóðir á veg-
um FTT. Jakob Bjarnar Grétarsson var með í för og sá þegar gamalt æði tók sig upp hjá bítlakynslóðinni er
Hljómar tóku síðasta „gigg” sitt á hinum fornfræga Cavern-klúbbi og karlmenn grétu á Anfield-leikvangin-
um á tónleikum Paul McCartney.
BALLIÐ AÐ BYRJA Flogið var til Manchester, ekið til Liverpool þar sem menn snöruðu sér í burstaða bítlaskó og skoðuðu bæjarbraginn. Fjölmiðlamenn voru með í för, svo
sem Ólafur Páll Gunnarsson útvarpsmaður, sem kláraði allt pláss á upptökugræjum sínum í ferðinni. Verður athyglisvert að heyra þátt hans um pílagrímsförina miklu. Hann
sveif að sjálfsögðu strax á Þorstein Eggertsson sem er öðrum mönnum fróðari um Liverpool og The Beatles. Bakvið tekur Sverrir Stormsker svo púlsinn á Liverpool.
FRÉTTABLAÐIÐ/JAKOB
HERRA ROKK Í LIVERPOOL Rúnar Júlíusson sagði b
sem hann var staddur á Adelphi-hótelinu þar sem
Þýskalandi og beðið um eiginhandaráritun. Þessi
um leið lítillæti. Þarna er verið að bíða rútu fyrir fr
bítlaslóðir.
HLJÓMAR VIÐ PENNY LANE Að sjálfsögðu kom hó
íslensku bítlar stilltu sér upp fyrir myndatöku við þ
McCartney samdi um samnefndan óð.
FÉLAGAR Í Á HÁLFA ÖLD Gunnar Þórðarson fór hre
og var fremstur meðal jafningja. Rúnar Gunnarsson
og Eggert Kristinsson sem hætti í Hljómum eftir sö
árum síðar.
JAKOB EINS OG HEIMA HJÁ SÉR Í
LENNON-SVÍTUNNI Á Hard Days Night
Hotel. Allar dyr stóðu Jakobi F. opnar. Fyrir
kvöldverð var fordrykkur í Lennon-svítunni
þar sem Jakob settist við hvíta flygilinn.
LIVE AND LET DIE Hápunktur fararinnar hlýtur að teljast þegar Paul McCartney í þrumuformi renndi sér í
hvern slagarann af öðrum. Þarna getur að líta sviðið á Anfield leikvanginum þegar hann syngur Bond-lagið
sem Wings flutti - Live and Let Die - og áðdáendurnir gengu af göflum.
HVA
STÖÐ
sig e
Leifs
Alþin
Hljó
VANDLEGA SKRÁÐ FERÐ Sjónvarpsfólkið Egill Eðvarðsson og Elsa María ásamt Jóni Páli tökumanni skráðu
ferðina og verður gaman að sjá afraksturinn. Þarna í kirkjugarðinum þar sem hvílir Eleanor Rigby - sem
reyndar tengist samnefndu lagi McCartneys ekki hið minnsta.
FRIÐUR SÉ MEÐ YÐUR Fyrir framan
kirkjuna þar sem sem Bítlarnir hófu
fyrst æfingar og komu fram að undirlagi
velviljaðs klerks er þessi bautasteinn.
Áletrunin á vel við friðardúfuna Bjart-
mar - sem mætti sólbrúnn til leiks frá
Jamaica og Egilsstöðum.