Fréttablaðið - 10.06.2008, Blaðsíða 42
KÖRFUBOLTI Jón Arnór Stefánsson
gagnrýnir félaga sína eftir 72-80
tap Lottomatica Roma í þriðja
úrslitaleik sínum á móti Monte-
paschi Siena. Liðið komst mest tut-
tugu stigum yfir í fyrri hálfleik
leikur þess fór í algjört rugl í
seinni hálfleik og það tapaði á end-
anum.
Jón skoraði átta stig í leiknum
en sérstaklega var gaman að fylgj-
ast með honum í vörninni. Hann
var ekki eins sáttur við frammi-
stöðu sumra leikmanna í hans liði,
til dæmis Króatann Roko Ukic
sem Toronto Raptors valdi árið
2005 en hefur aldrei spilað í NBA.
Ukic skoraði 11 af 14 stigum í
rusltíma í lokin og fór illa með
margar sóknir fram að því. „Hann
var skelfilegur og hann hefur ekki
verið að spila vel. Hann er leik-
stjórnandinn okkar en er að reyna
of mikið sjálfur og gefur ekki
tuðruna oft á tíðum. Við þurfum að
láta boltann ganga kantanna á
milli til þess að hreyfa vörnina og
ráðast síðan á hana. Hann er bara
að hanga of mikið á boltanum. Ég
er ósáttur við hans leik og hef
verið það,“ sagði Jón hreinskilinn.
Vel er hægt að skilja pirring hans
því boltaflæðið er nánast ekkert í
liðinu þökk sé mönnum eins og
Ukic.
Það er aðeins Jón Arnór sem er
að hreyfa boltann hratt á milli
kanta. „Menn í liðinu eru ekki alveg
að fatta það að boltinn þarf að
ganga betur til að við getum kom-
ist almennilega í gang í sókninni,“
segir Jón Arnór en það var líka
áberandi að okkar maður fékk ekki
boltann þegar hann var galopinn.
Slæm hittni hans á örugglega
þátt í því en hann fékk heldur ekki
boltann eftir að hann hitti vel í
þriðja leiknum. „Ég er orðinn
vanur því að fá ekki boltann þegar
ég er opinn. Ég er að fá mjög fá
skot í leik. Ég verð bara að vera
með níutíu prósenta nýtingu í þess-
um skotum ef ég á að skora eitt-
hvað. Það er klárlega ekki mitt
hlutverki í þessu liði að skora,“
segir Jón Arnór. Fjórði leikurinn er
í kvöld og leikur Lottomatica upp á
líf og dauða. Tap þýðir að liðið er
komið í sumarfrí, sem er ekki á
óskalista leikmanna alveg strax.
26 10. júní 2008 ÞRIÐJUDAGUR
sport@frettabladid.is
ÍTALSKI KÖRFUBOLTINN
ÓSKAR ÓFEIGUR JÓNSSON
skrifar frá Róm
ooj@frettabladid.is
Jón Arnór Stefánsson skammar liðsfélaga sína í Lottomatica Roma:
Ég er orðinn vanur því að fá ekki boltann
SKAMMIR Jón Arnór vandar liðsfélögum sínum ekki kveðjurnar, einn þeirra er Ukic,
nr. 20. FRÉTTABLAÐIÐ/OOJ
KÖRFUBOLTI Jón Arnór Stefánsson
fékk góða heimsókn því faðir
hans Stefán Eggertsson var
mættur til Ítalíu og fylgdist með
leik tvö sem fram fór í Siena og
svo leik þrjú sem var í Róm í
fyrrakvöld. Stefán var að
sjálfsögðu ekki sáttur með að
horfa upp á Lottomatica kasta frá
sér leiknum. „Mér fannst það
algjör óþarfi að tapa þessum leik
eftir að hafa náð svona góðri
byrjun. Ég var ekki sáttur með
hvernig þjálfarinn stjórnaði
liðinu og mér fannst hann klikka í
innáskiptingunum,“ sagði Stefán.
Honum finnst oft á tíðum Jón fá
ekki alveg réttu tækifærin. „Mér
finnst hann oft skipta Jóni Arnóri
út af þegar vel gengur og allt er í
blóma. Hann er síðan fljótur að
setja Jón inn á þegar allt fer í
vitleysu. Jón hitti betur í dag.
Hann hefur ekki verið að hitta vel
en þeir hafa líka ekki verið að
spila mikið upp á skytturnar. Mér
finnst hann vera orðinn svolítið
lím í þessu liði. Þeir eru klárlega
með betra varnarlið þegar Jón er
inná,“ sagði Stefán, sem gerir nú
ekki mikið af því að heimsækja
strákinn. Hann kom þó einnig um
jólin. Stefán verður ekki á fjórða
leiknum í Róm því hann fór aftur
heim í gærmorgun.
- óój
Stefán Eggertsson, faðir Jóns:
Jón er límið í
liði Lottomatica
LÍMIÐ Í ROMA Jón Arnór í leiknum á
sunnudag ásamt Shaun Stonerook,
fyrirliða Siena. FRÉTTABLAÐIÐ/ÓÓJ
FÓTBOLTI Rauða spjaldið sem
Davíð Þór Viðarsson fékk í leik
FH og Fjölnis olli nokkru
fjaðrafoki og voru FH-ingar ekki
par sáttir við að hinn ungi
Þóroddur Hjaltalín yngri skyldi
senda miðjumanninn í sturtu.
Davíð var ætlað að hafa brotið
gróflega á Gunnari Má Guð-
mundssyni Fjölnismanni en
Gunnar segir að það hafi verið
rangt hjá Þóroddi að reka Davíð
af velli.
„Hann togaði í mig og ég datt.
Ég reyndar lét mig ekki detta.
Hann kippti bara óvænt í mig.
Þóroddur var að horfa í hina
áttina enda stóð ég fyrir aftan
hann. Hann hefur því ályktað
eitthvað annað,“ sagði Gunnar
Már við Vísi í gær. - hbg
Gunnar Már, Fjölnismaður:
Davíð Þór átti
ekki að fá rautt
ÓSÁTTUR Davíð Þór sést hér fylgjast
með álengdar eftir að hafa verið vikið af
velli. FRÉTTABLAÐIÐ/DANÍEL
NBA Los Angeles Lakers er komið
með bakið upp við vegg í einvíg-
inu gegn Boston Celtics í úrslitum
NBA-körfuboltans. Celtics hefur
2-0 forystu eftir 108-102 sigur í
fyrrinótt. Næstu þrír leikir fara
fram í Los Angeles.
Paul Pierce skoraði 28 stig
fyrir Boston, Leon Powe 21 stig
og Kevin Garnett og Ray Allen
17. Kobe Bryant skoraði 30 fyrir
Lakers og Pau Gasol 17. - hþh
Boston Celtics er komið í 2-0:
Boston komið í
bílstjórasætið
> Garðar Örn missti sig í vitleysu
Milan Stefán Jankovic þjálfari og Ingvar Guðjónsson, fram-
kvæmdastjóri Grindavíkur fengu báðir rautt spjald eftir
1-0 sigurinn á Fram á sunnudag. „Janko öskraði eitthvað á
króatísku en ég veit ekki hvað. Þegar Scotty var rekinn út
af missti ég mig aðeins. Ég sagði við Gunna Gylfa línuvörð
að þeir þyrftu að standa í lappirnar og þeir væru að verða
sér til skammar. Mér fannst á okkur hallað,“ sagði Ingvar í
gær. „Því miður fannst mér Garðar ekki standa sig í þess-
um leik, ég hef kosið hann besta dómara lands-
ins síðustu tvö ár, en hann missti sig algjörlega
í vitleysu í þessum leik. Ef leikmenn eiga
að geta talið upp í tíu og róað sig niður
áður en þeir segja einhverja þvælu verða
dómarar að geta það líka áður en þeir taka
afdrifaríkar ákvarðanir.“
Sveinn Elías Elíasson úr Fjölni og Helga Margrét Þorsteinsdóttir úr
Ármanni urðu um helgina Norðurlandameistarar í Jyväskylä í Finn-
landi. Sveinn sigraði í tugþraut 18-19 ára, 19 stigum á undan næsta
keppanda, og Helga í sjöþraut 17 ára og yngri með
miklum yfirburðum, 253 stigum.
„Ég er þreyttur, algjörlega lurkum laminn,“ sagði
Sveinn, sem var að bíða eftir flugi heim líkt og Helga
þegar Fréttablaðið náði tali af þeim í gær.
Markmið Sveins fyrir mótið voru skýr. „Ég kom
til þess að vinna, ég ætlaði ekki að vera í
topp þremur eða eitthvað slíkt,
ég ætlaði bara að vinna,“ sagði
kappinn, sem var þó ekkert
sérstaklega ánægður með sjálfan
sig. „Mér gekk bara svona „la la“ en
þetta var fyrsta keppni sumarsins og
ég er rétt að komast í gang. Þetta var fínt byrj-
unarmót en aðalmótið í sumar er HM 19 ára og
yngri eftir rúman mánuð. Það var fín upphitun
að verða Norðurlandameistari,“ sagði Sveinn léttur. Hann vinnur
sem húsvörður í Orkuveitunni í sumar og fær myndarlegan styrk frá
fyrirtækinu. „Ég var meira að segja á launum hérna úti,“ sagði Sveinn,
sem má fara á æfingar þegar hann vill frá vinnu sinni.
Helga Margrét náði sínum besta árangri í sjöþraut
en líkt og Sveinn var hún ekki sátt með árangur sinn
í öllum greinum. „Ég átti tvær mjög slakar greinar,
kúluvarpið og langstökkið, en árangurinn heilt yfir var
mjög góður og eiginlega framar mínum björtustu
vonum,“ sagði Helga. Henni fannst lítið standa
upp úr annað en heildarstigatalan. „Þetta er í
fyrsta skipti sem ég keppi í mörgum greinum í
sumar. Ég var búin að ákveða að hafa svolítið
gaman af þessu og það skilaði sér vel,“ sagði
Helga „Ég fékk mikla samkeppni. Ég var með
40 stiga forskot eftir fyrri daginn og missti svo
forskotið. Ég vann svo nokkrar greinar örugg-
lega en ég var nú samt orðin nokkuð stressuð
undir lokin,“ sagði Helga, sem vann þó að lokum.
SVEINN ELÍAS ELÍSSON OG HELGA MARGRÉT ÞORSTEINSDÓTTIR: URÐU NORÐURLANDAMEISTARAR UM HELGINA
Húsvörðurinn lurkum laminn eftir sigurinn
FÓTBOLTI Skagamaðurinn Stefán
Þórðarson íhugar það nú alvar-
lega að leggja skóna á hilluna.
Stefán hefur litið rauða spjaldið
síðustu tvö skiptin sem hann
hefur gengið inn á völlinn með
Skagamönnum.
Hann er því sjálfkrafa kominn í
tveggja leikja bann og aga- og
úrskurðarnefnd gæti þess vegna
þyngt refsingu Stefáns á fundi
sínum í dag.
„Ég mun setjast niður með
góðum mönnum og ræða mitt
framhald í fótbolta. Þetta er ekki
skemmtileg umræða sem er í
gangi og hvernig menn nálgast
fótboltann hér heima finnst mér
vera umhugsunarefni. Ég er ekki
til í að halda áfram ef þetta á að
vera svona.
Ég hef ekki gaman af þessu
lengur og ég er mjög alvarlega að
hugsa um að hætta í fótbolta.
Þetta kemur niður á liðinu og
umfjöllunin um liðið er neikvæð.
Mér finnst það ekki vera þess
virði að standa í þessu þegar
menn eru að sanna eitthvað fyrir
mér inni á vellinum. Ég hef verið
í fótbolta því það er gaman en
ekki út af peningum. Það er ekki
gaman í fótbolta eins og staðan er
í dag,“ sagði Stefán frekar þung-
ur á brún við Fréttablaðið í gær.
Stefán fékk rauða spjaldið í
frægum leik gegn Keflavík í lok
síðasta mánaðar og svo aftur gegn
HK á sunnudag þegar aðstoðar-
dómari leiksins taldi Stefán hafa
traðkað viljandi á nafna sínum
Eggertssyni í HK.
„Ég fer í tæklingu, vinn boltann
og dómarinn er ofan í okkur. Ég
traðka síðan á honum í leiðinni.
Ég viðurkenni það fúslega. Hann
lendir bara undir mér en ég traðk-
aði alls ekki viljandi á honum.
Langur vegur frá því,“ sagði
Stefán, sem hefur áhyggjur af
fótboltalandslaginu á Íslandi.
„Mér finnst þessi staða vera
mjög alvarleg og menn verða að
hugsa sinn gang. Þegar aðalfrétta-
efnið er fjöldi rauðra spjalda í
umferð þá finnst mér fótboltinn
vera á rangri braut því miður. Þessi
fjöldi rauðra spjalda er umhugsun-
arefni. Er fótboltinn að verða svona
ofsalega ljótur og grófur? Ef svo er
verða menn að hugsa sinn gang.
Mér finnst það sorglegt hvernig
fótboltinn er orðinn hérna heima,“
sagði Stefán, sem á allt eins von á
löngu banni frá aganefndinni.
„Það kæmi mér ekkert á óvart ef
þeir dæma mig líka eftir sjónvarp-
inu og þyngja refsinguna. Það er
búið að margsanna að rauða spjald-
ið sem ég fékk gegn Keflavík var
rangur dómur. Ef það var eins leiks
bann þá hlýtur þetta að vera ævi-
langt bann ef ég er sekur núna. Það
kæmi mér ekki á óvart að fá 5-10
leikja bann fyrst ég fékk bann
þrátt fyrir að vera saklaus,“ sagði
Stefán. henry@frettabladid.is
Boltinn er á rangri braut
Skagamaðurinn Stefán Þórðarson íhugar að hætta í fótbolta eftir að hafa litið
rauða spjaldið í tveim leikjum í röð. Hann segist ekki lengur hafa gaman af
fótbolta. Stefán segir sorglegt hvernig komið sé fyrir íslenskum fótbolta.
Á LEIÐ Í SKAMMARKRÓKINN Stefán gengur hér til búningsherbergja eftir að hafa
verið rekinn af velli í Keflavík. Hann fékk líka rautt í næsta leik. FRÉTTABLAÐIÐ/GÍSLI BALDUR