Fréttablaðið - 11.06.2008, Blaðsíða 21

[ ]
Nú þegar sumarið er að ganga
í garð fara margir að huga að
garðinum og pallinum sínum.
Við hús Halldórs Kristjáns-
sonar á Akureyri er nýupp-
gerður pallur.
Halldór Kristjánsson skipti um
gólfið í pallinum sínum við húsið
sitt á Akureyri nýlega og segist
vera brúnn og sæll eftir þá vinnu.
Þegar Halldór er inntur eftir því
hversu langan tíma það tók hann
að skipta um gólfið segir hann það
hafa tekið um það bil viku. „Þetta
voru svona tveir dagar eitthvað
fram á kvöld og svo brot úr dögum
þess á milli. Ég var samtals svona
þrjá vinnudaga,“ segir hann.
Fyrst Halldór þurfti á annað
borð að fara í vinnu við að skipta
um gólfið í pallinum ákvað hann
að stækka pallinn í leiðinni. Vegna
þess hve gólfið var lélegt var það
þó mikilvægasta verkefnið að laga
það og því ákvað hann að fara ekki
í frekari framkvæmdir að þessu
sinni. Í gólfið notaði Halldór gagn-
varinn við sem var af stærðinni
tólf sentimetrar sinnum átján
millímetrar.
Margir Íslendingar bíða eftir
sumrinu með eftirvæntingu því þá
koma langir sumardagar með sól á
palli og í garði. Flestir pallaeig-
endur hlakka til þess eftir langan,
dimman vetur að sitja úti í sól-
skininu langt fram eftir kvöldi og
Halldór er þar engin undantekn-
ing. Hann hefur í hyggju að vera
mjög mikið á pallinum í sumar og
er nú þegar búinn að eyða miklum
tíma á honum og við hann í vor
vegna viðgerðanna.
„Það er minnsta málið að skipta
svona um gólfið. Ég fór ekkert í
neinar undirstöður eða neitt
svoleiðis. Það er náttúrulega aðal-
atriðið að setja upp veggina og
stoðirnar, það er miklu meira
mál,“ segir Halldór að lokum
hæverskur.
martaf@frettabladid.is
Sumar á sólpallinum
Halldór ætlar að vera mikið á pallinum í sumar. FRÉTTABLAÐIÐ/VÖLUNDUR
Þvottavélar finnast á flestum heimilum. Þær eru algert
þarfaþing en passa þarf upp á að hreinsa sigtið í þeim reglu-
lega. Þar safnast oft saman hár og ryk sem mikilvægt er að losa.
Viðskiptavinir
A.T.H.
Lokað vegna sumarleyfa
frá 25. júní til 8. júlí