Fréttablaðið - 11.06.2008, Blaðsíða 24

11. JÚNÍ 2008 MIÐVIKUDAGUR8 ● fréttablaðið ● í sumarskapi
Hvað er sumarlegra en heimil-
isgarður í góðri rækt sem hefur
uppá endalausa möguleika að
bjóða til útivistar? Þannig er
garðurinn hjá Kristínu Viggós-
dóttur og Birgi Dýrfjörð sem
búa í Skeifu í Stjörnugróf.
„Þetta er frekar náttúrulegur
garður og við höfum ekki eytt miklu
í hönnun eða dýra gosbrunna,“
segir Kristín Viggós dóttir brosandi
þegar beðið er leyfis að líta á garð-
inn við heimili þeirra hjóna. Hún
segir hann hvergi nærri kominn í
sinn fegursta skrúða. Samt eru lit-
brigðin fjölbreytt enda kveðst hún
hafa byggt blómabeðin upp þannig
að þar sé alltaf eitthvað útsprung-
ið frá því snemma vors og fram á
haust.
Hraungrýti af Reykjanesinu
setur sterkan svip á beðin fyrri
part sumars en Kristín segir fjöl-
æru blómin vaxa hrauninu yfir
höfuð þegar á líður. Tegundirnar
eru óteljandi. „Fjölæru blóm-
in eru fengin héðan og þaðan og
þegar ég er að vinna í garðinum
er ég oft með hugann við fólkið,
bæði lifandi og gengið, sem gaf
mér þau. Það er partur af ánægj-
unni og plönturnar verða persónu-
legri fyrir vikið,“ segir hún.
Birgir þykist ekki mikill blóma-
karl en hann á hugmyndina að litl-
um golfvelli í garðinum og kom þar
fyrir níu holum. Frúin er ánægð
með framtakið. „Það er mjög góð
hreyfing að fara út á kvöldin og
taka nokkrar sveiflur þegar veður
er gott,“ segir hún.
- gun
Plönturnar verða
persónulegar
Aðkoman að húsinu er einkar snyrtileg. Nýjar hellur í innkeyrslunni og hraundrangar af Reykjanesinu gegna hlutverki hliðstólpa. FRÉTTABLAÐIÐ/GVA
Skeifa er í garðinum við Skeifu. Þar er
litskrúðugt grjót á pöllum og meira að
segja austfirsk fjara í keri.
Litlir álfar gægjast út úr hraungrýtinu. „Við erum stundum með veislur og krakkarnir fá garðinn lánaðan við sérstök tæki-
færi. Þá er huggulegt að hafa tjald yfir pallinum,“ segir Kristín.
Eitt aðalhornið í garðinum er með blómabeð á báðar hendur.
Víða hefur verið skapað skjól og ekki spillir að geta kveikt upp í eldstæði.