Fréttablaðið - 11.06.2008, Blaðsíða 26

11. JÚNÍ 2008 MIÐVIKUDAGUR10 ● fréttablaðið ● í sumarskapi
Í sumarfríinu er tilvalið að kanna nýja sundstaði.
Víða um land má finna litlar sundlaugar úti í guðs-
grænni náttúrunni. Þar er hægt að liggja og horfa
upp í brattar fjallshlíðar og láta sig dreyma.
Þó að laugarnar séu ekki endilega ætlaðar til
skriðsundsæfinga geta þær verið dásamlegur án-
ingarstaður á langleið. Þar er hægt að skola af sér
ferðarykið ásamt því að anda að sér fersku lofti og
fá innblástur frá stórbrotnu umhverfinu. - ve
Synt úti í náttúrunni
Selárdalslaug er tólf kílómetra frá Vopnafjarðarkauptúni. Laugin, sem er opin frá klukkan 10 til 22, er rómuð fyrir unhverfi sitt en
hún stendur á bakka Selár þar sem hún rennur í grunnu gljúfri. Heitir pottar eru við laugina og sólbaðsaðstaða góð í skjólsælu
gljúfrinu. MYND/SIGURVIN B. SIGURJÓNSSON
Sundlaugin á Þelamörk er hluti af Íþróttamiðstöðinni á Þela-
mörk í Hörgárdal. Hún er afar vinsæll áningarstaður ferða-
manna auk þess sem heimamenn og nágrannar eru duglegir
að nota hana. Við laugina eru tveir heitir pottar og rennibraut.
Staðsetningin er óviðjafnanleg enda er laugin umlukin tignar-
legum fjöllum. Hún verður opin eitthvað fram í júlí en þá
stendur til að hefjast handa við endurbætur á henni.
MYND/SIGURVIN B. SIGURJÓNSSON
Staðsetning laugarinnar á Krossnesi norðan við Norðurfjörð í
Árneshreppi á Ströndum er óvenjuleg. Þar ólmast Atlantshafið
á aðra hönd en á hina gnæfir fjallið yfir. Við laugina er einn
heitur pottur. Þar er engin gæsla en gestir geta skilið eftir
smápening. FRÉTTABLAÐIÐ/VILHELM
Sundaðstaðan í Húsafelli, sem er opin frá klukkan 10 til 22, samanstendur af tveimur laugum, tveimur heitum pottum og renni-
braut. Veðursældin, skógurinn og grónar hlíðar í kring gera heimsókn þangað að dásamlegri upplifun. MYND/SIGURÐUR H. MARKÚSSON
Hlíðarlaug í Úthlíð í Biskupstungum hefur í áranna rás verið einn af hornsteinum ferðaþjónustunnar á staðnum. Laugin er grunn
og hentar vel fyrir börn. Á staðnum er einnig heitur pottur og barnavaðlaug. Náttúrufegurðin blasir við úr lauginni og í nágrenn-
inu er ógrynni afþreyingar í boði. MYND/SIGURÐUR H. MARKÚSSON