Fréttablaðið - 13.06.2008, Blaðsíða 16

16 13. júní 2008 FÖSTUDAGUR
nær og fjær
„ORÐRÉTT“
Hinn 71 árs gamli Guðjón Guðjónsson
hefur dælt úrvals harmonikkutónlist
yfir vegfarendur Laugavegs og
Austur strætis á góðviðrisdögum síð-
ustu sumra. Fréttablaðið tók þennan
roskna riddara götunnar tali.
„Ég fer nú líklega að hætta þessu fljótlega.
Maður þarf nú að vera til friðs einstöku
sinnum,“ segir hinn 71 árs gamli Guðjón
Guðjónsson, fyrrverandi flugstjóri og
húsasmíðameistari. Þeir sem leggja leið sína í
miðbæ Reykjavíkur reglulega hafa mjög
líklega orðið varir við Guðjón, en hann er
maðurinn sem keyrir gjarnan rúntinn niður
Laugaveginn og inn Austurstræti á góðvirðis-
dögum. Út um niðurskrúfaða bílrúðuna á
gljáfægðri Mercedez Benz bifreið Guðjóns
berst jafnan hressandi tónlist á hæsta styrk.
Hann gantast við gesti og gangandi, syngur
með lögum og slær jafnvel hörðustu FM-
hnökkum við í töffaraskap.
Guðjón segist hafa byrjað að keyra rúntinn
reglulega fyrir þremur til fjórum árum. „Ég
hef ekki orðið var við annað en að fólk kunni
vel að meta þessa uppátækjasemi í mér. Það
hefur að minnsta kosti enginn kvartað ennþá,
en stundum kemur að mér fólk og slær á létta
strengi, spyr hvaða músík ég ætli að bjóða
upp á þann daginn og fleira í þeim dúr.“
Guðjón er mikill tónlistar áhugamaður og
leyfir almúganum að njóta með sér þess besta
sem diskasafnið hans býður upp á. „Ég á
mikið af góðum diskum, og í raun má segja að
sumir þeirra séu betri en fljúgandi diskar,“
segir hann og hlær dátt. „Ég er mikið fyrir
ljúfa harmonikkutóna. Svo er ég einlægur
aðdáandi snillinga eins og Ragga Bjarna,
Engelberts Humperdinck og Toms Jones. Ég
fór að sjá Tom þegar hann hélt tónleika hér á
landi og skemmti mér konunglega.“
Guðjón býr ásamt eiginkonu sinni í
Hafnarfirði. Hann er að eigin sögn heims-
borgari, enda kom hann víða við í starfi sínu
sem flugmaður. „Ég bjó í tuttugu ár í Lúxem-
borg, og hef auk þess búið í Alaska, Tókýó og
Manchester í lengri eða skemmri tíma. Ég
kunni vel við mig í Lúxemborg. Þar tala
flestir ensku, en sjálfur lærði ég bara eina
setningu í þýsku; Ich liebe dich,“ segir hann
og brosir.
Guðjón getur vonandi nýtt sér þýskukunn-
áttuna á tíðum ferðum sínum um miðbæinn í
sumar. kjartan@frettabladid.is
Glymskratti góðviðrisdaganna
B 747 Einkanúmerið á Benz-bifreið Guðjóns er stytting á Boeing 747. Guðjón er fyrrverandi flugstjóri og hafsjór af
fróðleik og skemmtilegum sögum um flugtengd ævintýri. FRÉTTABLAÐIÐ/STEFÁN
Ljósasmiðjan JS er við fyrstu sýn
eins og hvert annað verkstæði en
þegar inn er komið er óhjákvæmi-
legt að finna sálina sem umlykur
allt. Á þessum árstíma eru þau
mest að gera við sláttuvélar og
aðrar smávélar, en á veturna
hanna þau og smíða leiðiskrossa
og jólastjörnur úr díóðuljósum.
„Við finnum leið til að redda
hlutunum. Fólk kemur kannski inn
alveg í öngum sínum af því að það
eru ekki til neinir varahlutir en þá
verður maður bara að smíða sjálf-
ur í þetta. Maður deyr ekki ráða-
laus. Svo gengur kúnninn kannski
út brosandi. Við leggjum ofur-
áherslu á að kúnninn sé ánægður,
hann er það dýrmætasta sem til
er,“ segir Sigurður Arnet Vil-
hjálmsson, annar tveggja eigenda
fyrirtækisins. „Við gerum að
minnsta kosti alltaf okkar besta til
að bjarga hlutunum. Þetta er líka
þrjóska. Maður vill ekki gefast
upp. Svo er maður kannski fjóra
eða fimm tíma að gera við vél en
getur ekki rukkað nema fyrir
tvo.“
Viðhorf starfsmannanna er af
gamla skólanum og þeir bera virð-
ingu fyrir hlutum. „Það er rosa-
lega ríkt í Íslendingum að henda
hlutum. Við grátum það að þurfa
að henda einhverju sem má gera
við en við erum náttúrlega orðnir
gamlir kallar.“
gudmundure@frettabladid.is
Síðustu leifar
gamla tímans
HRESSIR STARFSMENN En jafnframt ráðagóðir, lúsiðnir og heiðarlegir. FRÉTTABLAÐIÐ/GVA
Samt sáttur
„Í ljósi alls þessa er ég ekki
viss um að ég hefði hætt í
pólitíkinni nákvæmlega á
þessum tíma, ef ég hefði ekki
veikst. Samt er ég fullkom-
lega sáttur við að hafa hætt.“
DAVÍÐ ODDSSON UM VEIKINDI
SÍN OG TENGSL ÞEIRRA VIÐ ÞÁ
ÁKVÖRÐUN AÐ HÆTTA AFSKIPTUM
AF PÓLITÍK.
Heilbrigðismál, 12. júní 2008
Lélegir viðskiptavinir
„Þeir eiga það sameiginlegt
að vera ekki meðal okkar
uppáhaldsviðskiptavina þeg-
ar kemur að hárvörum, enda
ekki með neitt hár.“
ÁSGEIR SVEINSSON, FRAM-
KVÆMDASTJÓRI HALLDÓRS
JÓNSSONAR, UM ÞÁ ÁKVÖRÐUN AÐ
VELJA SKÖLLÓTTA FÓTBOLTAMENN Í
HÁRVÖRUAUGLÝSINGU.
Fréttablaðið, 12. júní 2008
„Þetta bensínverð er löngu orðið
allt of hátt,“ segir Erpur Eyvindarson
tónlistarmaður.
„Ég fylli ekki á bílinn fyrir minna
en 8.000 krónur, það er auðvitað
fáránlegt.“
Hann segir eitt þó jákvætt við
hækkandi eldsneytisverð.
„Þá getur fólk af alvöru farið að
tala um mun skynsamlegri orku-
gjafa. Þá neyðast bílafyrirtækin til
þess að fara fram í tímann og notast
við orkugjafa eins og jarðgas, vetni
eða rafmagn.
Hann segist sjálfur þó lítið nota
bíla og reynir að samnýta með
vinum og kunningjum.
„Það verður miklu betra fyrir
umhverfið og fjárhag fólks þegar við
förum að notast við aðra orkugjafa,“
bætir Erpur við að lokum.
SJÓNARHÓLL
HÆKKANDI ELDSNEYTISVERÐ
Ýtir undir aðra
orkunotkun
ERPUR EYVINDARSON
Tónlistarmaður
Starfsgreinasamband Íslands
Auglýsir
Núna stendur yfi r póstatkvæðagreiðsla um samkomulag Starfsgreinasambands Íslands, f.h.
aðildarfélaga sinna við fjármálaráðherra f.h. ríkissjóðs um breytingar á kjarasamningi aðila sem
skrifað var undir 26. maí s.l..
Atkvæðisrétt eiga allir félagsmenn aðildarfélaga SGS sem vinna eftir þessum ríkissamningi og
greiddu félagsgjöld til einhverra eftirtalinna félaga í apríl 2008:
Efl ingar-stéttarfélags, Einingar-Iðju, Verkalýðsfélags Akraness, Stéttarfélags Vesturlands, Verkalýðs-
félags Snæfellsbæjar, Verkalýðsfélagsins Stjörnunnar,Verkalýðsfélags Stykkishólms, Verkalýðsfélags
Vestfi rðinga, Verkalýðs- og sjómannafélags Bolungarvíkur, Verkalýðsfélags Hrútfi rðinga, Stét-
tarfélagsins Samstöðu, Öldunnar stéttarfélags, Framsýnar stéttarfélags, Afl s starfsgreinafélags,
Verkalýðsfélags Suðurlands, Bárunnar stéttarfélagas, Drífandi stéttarfélags, Verkalýðs- og sjóman-
nafélagsins Boðans, Verkalýðfélags Grindavíkur,
Verkalýðs- og sjómannafélag Kefl avíkur og nágrennis og Verkalýðs- og sjómannafélags Sandgerðis.
Kjörgögn og kynningarefni hefur verið sent út samkvæmt kjörskrá.
Fái einnhver sem telur sig eiga atkvæðisrétt ekki send kjörgögn, getur viðkomandi snúið sér til skrif-
stofu síns stéttarfélags, og fengið sig færðan á kjörskrá og greitt atkvæði, enda leggi viðkomandi
fram launaseðil sem sanni afdregin félagsgjöld í apríl 2008.
Tekið er við kjörskrárkærum samkvæmt framansögðu til kl. 12.00 föstudaginn 20. júní en þá lýkur
atkvæðagreiðslu um samninginn.
Reykjavík, 30. maí 2008.
Kjörstjórn
Starfsgreinasambands Íslands
Sætúni 1
105 Reykjavík
„Ég ligg nú bara og sleiki sólina hérna á
Suðurlandinu, þar sem ég verð við útskrift
mágkonu minnar úr Kennaraháskólanum.
Ég ætla að nýta fríið til að slappa af og jafna
mig eftir maraþon sem ég hljóp í Kaup-
mannahöfn í maí. Ég er ákaflega stoltur af
þessu maraþoni, sem ég hljóp með fleiri
Norðfirðingum, bæði Hálfdáni Steinþórs-
syni sjónvarpsstjörnu og Birni Magnússyni,
lækni og tengdapabba Hálfdáns,“ segir
Guðmundur Rafnkell Gíslason, sem alltaf
hefur mörg járn í eldinum. Hann er forseti
bæjarstjórnar í Fjarðabyggð, framkvæmda-
stjóri Gámaþjónustu Austurlands og liðs-
maður hljómsveitarinnar Sú Ellen.
„Það er mikið að frétta. Í fyrradag var
skemmtilega ráðstefna undir heitinu Vor
í Fjarðabyggð – Þankaþing, þar sem við
fengum ráðuneytisstjóra og fleiri til að
spá í framtíðina. Svo er ég líka
á fullu í uppbyggingu í starfi
mínu sem framkvæmdastjóri
gámaþjónust-
unnar. Við erum
með skemmti-
legt frum-
kvöðlastarf í
gangi hérna í
samvinnu við
Fjarðarál. Við
hendum engu
heldur
endurvinnum og endurnýtum allt sem
fellur til,“ segir Guðmundur.
Hann segir öll sólóverkefni í
tónlistinni vera í fríi þessa dagana
en bætir við að Sú Ellen sé að
vinna plötu í rólegheitunum.
„Þetta kemur allt með kalda
vatninu, hún kemur líklega á
næsta ári en það kemur bara í
ljós. Ég vil lítið gefa upp um plöt-
una en það eina sem ég get sagt
er að þemað verður í austfirsk-
um anda.“
HVAÐ ER AÐ FRÉTTA? GUÐMUNDUR R. GÍSLASON FORSETI BÆJARSTJÓRNAR Í FJARÐABYGGÐ
Sú Ellen-plata kemur með kalda vatninu