Fréttablaðið - 13.06.2008, Blaðsíða 32

MORGUNMATURINN: Heima hjá
mér í morgunsólinni á svölunum, gott
kaffi og ristað brauð með íslenskum
smjörva og danskri sultu.
SKYNDIBITINN: Bagels corner.
RÓMÓ ÚT AÐ BORÐA: Ég held ég
velji bara Indian Taj restaurant á Jerne-
banegade … ég elska indverskt:-)
LÍKAMSRÆKTIN: Ég fer allra minna
ferða á hjóli sem er frábær hreyfing og
eitt skemmtilegasta sem ég geri er að
hjóla um Kaupmannahöfn og skoða
mannlífið.
UPPÁHALDSVERSLUN: Ætli ég
versli ekki mest í efnabúðunum Ita
og Handler. En svo finnst mér alltaf
gaman að taka rúnt í Illum, Magasin,
Urban outfitters og H&M. Svo er haug-
ur af flottum litlum hönnunar- og lífs-
stílsbúðum sem gaman er að skoða úti
um allt í litlu götunum í miðbænum.
BEST GEYMDA LEYNDARMÁLIÐ:
Frederiksberg have og Værnedams-
vej sem er lítil æðisleg gata með fullt af
sniðugum búðum og kaffihúsum.
HVERNIG ER BEST AÐ EYÐA DEG-
INUM: Að fara í „brunch“ í Valby með
fjölskyldunni. Svo finnst okkur gaman
að fara í dýragarðinn og þangað förum
við oft. Einnig er gaman að fara í Fred-
eriksberg have á leiðinni heim, en það
er æðislegur garður við hliðina á dýra-
garðinum.
borgin mín
KAUPMANNAHÖFN
ANDREA MAGNÚSDÓTTIR, fatahönnunarnemi
„Á morgun er alþjóðlegi prjóna-
dagurinn haldinn hátíðlegur úti
um heim allan en þetta er í fjórða
sinn sem haldið er upp á þennan
dag. Af því tilefni ákvað ég að taka
mig til og skipulagði prjónauppák-
omu í Hallargarðinum,“ segir
Ilmur Dögg Gísladóttir, masters-
nemi i hagnýtri menningarmiðlun
og prjónakona, en þetta er í fyrsta
sinn sem haldið er upp á dag-
inn hér á Íslandi með formlegum
hætti. „Prjónaáhugafólk um heim
allan er hvatt til að leggja sitt af
mörkum og skipuleggja uppákomu
í tengslum við daginn en alls er
búið að skipuleggja í kringum 720
uppákomur á laugardaginn.“ Eftir
að Ilmur lét berast út að hún ætl-
aði að vera með prjónauppákomu
í Hallargarðinum höfðu samband
við hana tvær konur utan af landi
sem sömuleiðis ákváðu að leggja
sitt af mörkum. Dagurinn verður
því haldinn hátíðlegur ekki bara í
höfuðborginni heldur á landsvísu
en samkomurnar verða á Bursta-
felli á Vopnafirði og á pallinum á
Hótel Lundi í Vík Mýrdal. „Mark-
mið dagsins er að hvetja prjóna-
áhugafólk til að koma út á meðal
fólks með prjónana og gera um
leið prjón sýnilegt fyrir almenn-
ingi en það eru margir sem gera
sér ekki grein fyrir því hversu vin-
sæl iðja prjónið er,“ segir Ilmur
og gerir ráð fyrir að margir muni
koma í Hallargarðinn á laugardag-
inn enda hefur prjónið sem slíkt
endurnýjað lífdaga sína síðast-
liðin ár og aldrei verið vinsælla.
„Uppákoman hefst kl. 14 og mun
standa til kl. 18. Við hvetjum fólk
að koma vel klætt, með teppi, nesti,
góða skapið og sjálfsögðu eitthvað
á prjónunum eða aðra handavinnu
með sér,“ en samkvæmt veður-
spánni lítur út fyrir að veðurguð-
irnir verði prjónadeginum hliðholl-
ir. „Á meðan það rignir ekki verð-
ur prjónað úti undir berum himni
en annars munum við dreifa okkur
á nærliggjandi kaffihús,“ segir
Ilmur að lokum og hvetur prjóna-
fólk til að stíga fram í dagsljósið
og flagga þessari umhverfisvænu
iðju. www.prjona.net
Alþjóðlegur prjónadagur haldinn hátíðlegur í fyrsta sinn á Íslandi
Prjón og pikknikk
Ilmur hlakkar mikið til morgundagsins en hún vonast til að sem flestir mæti og
taki þátt í hinum alþjóðlega prjónadegi.
Förðunarmeistarinn Judy Chin sá
um að farða Söruh Jessicu Par-
ker í nýjustu Sex and the City-
myndinni. Judy notaði vörur frá
ameríska snyrtivörufyrirtæk-
inu MAC og þá aðallega power-
point-augnblýant sem kallast En-
graved, Blot-púður, Paint Pots á
augun, Fluidline-ælæner og ma-
skara sem kallast Mascara X. Þótt
Judy Chin hafi laðað fram marg-
ar mismunandi farðanir á meðan
á tökum stóð þá reyndi hún allt-
af að laða fram náttúrulega feg-
urð og að útlitið væri afslappað,
ekki of stíft. Hún lagði áherslu á
augun með því að búa til sterka
en jafnframt náttúrulega línu
við augnhárin og rammaði augun
alltaf inn með fallegum augnhár-
um. Kinnarnar voru róslitaðar,
varirnar mjúkar og húðin hafði
náttúrulegan ljóma.
Til að apa förðunarráð Judy
Chin eftir er málið að setja augn-
blýantinn í rótina á augnhárunum
og dreifa vel úr honum og nota
alltaf augnhárabrettara. Hún
gætti þess vel að nota nægan ma-
skara og greiddi svo úr augnhár-
unum á eftir. Hún notaði krem-
kinnalit svo hún gæti byggt litinn
upp í lögum. Farðinn á húðinni
var léttur og gaf húðinni raka-
kenndan blæ, hyljari var notaður
samhliða en einungis á þá staði
þar sem hans var þörf. Svo notaði
Judy Blot filmu til þess að draga
úr gljáanum (dregur í sig olíu)
eftir þörfum og púðraði einungis
ef þess var þörf. Þess má geta að
Sarah Jessica Parker er ekki eina
stjarnan sem Judy Chin farð-
ar því Jennifer Connelly, Rachel
Weisz og Kirsten Dunst eru allar
á listanum hennar.
Málaðu þig
eins og Carrie
Hér sést hvernig Sarah Jessica Parker
var förðuð fyrir brúðkaup sitt og Mr.
Big. MYND/GETTYIMAGES
4 • FÖSTUDAGUR 13. JÚNÍ 2008