Fréttablaðið - 13.06.2008, Blaðsíða 66

26 13. júní 2008 FÖSTUDAGUR
UMRÆÐAN
Elín Hallgrímsdóttir
skrifar um leikskóla-
mál á Akureyri
Hlynur Hallson, varafulltrúi VG í
skólanefnd Akureyrar-
bæjar, hefur haldið
uppi ómálefnalegri
umræðu í fjölmiðlum
um að leikskólapláss á
leikskólanum Hólmasól kosti meira
fyrir bæjarfélagið en pláss á öðrum
leikskólum bæjarins.
Það merkilega við þennan mál-
flutning er að á sama skólanefndar-
fundi og Hlynur lagði fram bókun
þar að lútandi var lagt fram yfirlit
yfir rekstur leikskólanna fyrir
fyrstu þrjá mánuði ársins. Í því
kemur skýrt fram að rekstur leik-
skólanna, þar með Hólmasólar, er
innan ramma fjárhagsáætlunar.
Samkvæmt samningi sem gerður
var við Hjallastefnuna ehf. í desem-
ber 2005 um rekstur leikskólans
Hólmasólar gildir gjaldskrá leik-
skóla Akureyrarbæjar þar.
Hlyni er tíðrætt um aukagreiðsl-
ur. Ef foreldrar velja að greiða í
foreldrafélagið borga þeir 500 kr. á
mánuði í 11 mánuði á ári og eins ef
þeir velja að greiða inn á sérstaka
myndasíðu barna sinna þá borga
þeir sömu upphæð fyrir þann
aðgang. Allar aðrar greiðslur eru
tilfallandi vegna lengri vistunar,
fatakaupa eða annars sem foreldr-
ar einnig velja. Því er fullyrðing
Hlyns um að foreldrar þurfi að
greiða 1.900 kr. á mánuði aukalega
röng.
Leikskólinn Hólmasól er rekinn
fyrir ákveðna samningsupphæð á
hverju ári og er 20% hennar bund-
in við neysluvísitölu. Inni í þeirri
upphæð er allur tilfallandi kostnað-
ur, t.d. vegna forfalla, sérfræði-
þjónustu, skrifstofu-
kostnaður og
afskrifaðra leikskóla-
gjalda. Þegar rekstrar-
kostnaður Hólmasólar
er borinn saman við
aðra leikskóla sem bær-
inn rekur að teknu til-
liti til fjölda leikskóla-
kennara er hvert pláss
þar ekki dýrara en á
öðrum leikskólum
bæjar ins. Fjárhags-
áætlanir leikskóla
Akureyrarbæjar eru teknar til
endur skoðunar á hverju ári og
mikil frávik hjá leikskólum bæjar-
ins þá metin og bætt í reksturinn ef
þannig stendur á. Einnig er það svo
að ef rekstur leikskóla fer fram úr
fjárhagsáætlun, t.d. vegna mikils
forfallakostnaðar, ber Akureyrar-
bær þann kostnað. Slíkt á ekki við
um þátttöku bæjarins í rekstri
Hólmasólar. Fullyrðingar Hlyns
um að leikskólum Akureyrarbæjar
sé mismunað fjárhagslega eru því
einfaldlega rangar.
Það er líka rangt sem Hlynur
heldur fram, að sjálfstæðismenn
telji að úthýsing muni bjarga öllu.
Hið rétta er að sjálfstæðismenn
leggja áherslu á að efla frelsi, sjálf-
stæði, frumkvæði og fjölbreytni
eins og t.d. birtist í Hjallastefnunni.
Auk þess sem þar hefur verið sýnt
fram á góðan árangur í rekstri.
Þannig var samningurinn við Mar-
gréti Pálu Ólafsdóttur, fram-
kvæmdastjóra Hjallastefnunnar,
gerður til að auka fjölbreytni í leik-
skólastarfsemi í bænum. Margrét
Pála hefur skapað nýja valmögu-
leika í skólastarfi sem er full
ástæða til að styðja við og aðeins af
hinu góða að opinberir skólar nýti
sér það sem slíkir frumkvöðlar
hafa skapað.
Höfundur er formaður skóla-
nefndar Akureyrarbæjar.
Fjölbreytni og val
Eftir Halldór Halldórsson
Umræða um Evrópusambandið hefur aukist undanfarin
misseri í takt við niðursveiflu
efnahagslífsins hér á landi. Þeim,
sem lengi hafa verið sannfærðir
um ágæti þess að ganga í ESB,
hefur vaxið ásmegin í umræðunni
og halda því fram að ástandið væri
betra ef Ísland væri inni. Þótt á
sumum megi skilja að nú sé
umræða um ESB að hefjast er það
rangt. Umræða um ESB hefur
verið í langan tíma og einkennst
stundum af trúarhita með eða á
móti.
Miðstýring og fjarlægð
Kostirnir við Evrópusambandið eru
þeir að þetta er viðskiptasamband
flestra landa í Evrópu, þetta er
upphaflega samband um að skapa
frið milli landa og ESB jafnar út
lífsgæðum þannig að það er
eftir sóknarvert fyrir fátækari lönd
Evrópu að komast þarna inn. Þessi
fátækari lönd eru flest í fyrrum A-
Evrópu þannig að um leið er
eftirsóknarvert að komast í ESB til
að vera í bandalagi sem veitir þeim
öryggistilfinningu því þau óttast
yfirgang Rússa og sagan sýnir að
sá ótti er ekki að ástæðulausu.
Gallarnir við ESB eru þeir að
ákvarðanataka er að mjög mörgu
leyti fjarri þjóðþingum og ríkis-
stjórnum aðildarlandanna. ESB er
miðstýrt apparat sem fjarlægist
íbúa þjóðlandanna því meira sem
miðstýringin eykst. Í sumum
málefnum hafa aðildarlöndin
ekkert að segja heldur er ákvarð-
anatakan hjá ESB. Vissulega eiga
aðildarlöndin sína fulltrúa innan
kerfisins en það gefur auga leið að
þeirra áhrif eru ekki slík að vilji
þeirra ríkisstjórna og þjóðþinga nái
allur fram að ganga.
Kostir og gallar fylgja EES
samningnum. Þó virðist manni að
kostirnir séu fleiri vegna þess að
við sem þjóð ráðum yfir okkar
auðlindum. Sjávarútveginum er
stjórnað hér heima en ekki af ESB.
Nú segir einhver að sjávarútvegur-
inn geti ekki verið í verri stöðu þó
honum væri stjórnað af ESB.
Svarið við því er einfaldlega að
viðkomandi þurfi þá að kynna sér
sjávarútveg innan ESB landanna og
afstöðu sjómanna í aðildarlöndun-
um til þeirrar stjórnunar. Íslenskur
sjávarútvegur kemur, þrátt fyrir
allt, betur út í þeim samanburði.
Náin tengsl Íslands og ESB
Það á ekki að hafna aðild Íslands að
ESB fyrirfram þrátt fyrir ýmsa
galla sem fylgja aðild. Við
erum mjög tengd ESB í
gegnum EES samninginn
og tökum þátt í verkefn-
um sem við höfum
aðgang að. Þá er íslenska
ríkið og hagsmunaaðilar
með starfsemi í Brussel til
þess að gæta hags-
muna gagnvart
Evrópusambands-
kerfinu. Samband
íslenskra
sveitarfélaga
opnaði einmitt
skrifstofu í
Brussel haustið
2006 í þeim
tilgangi að
gæta betur
hagsmuna
sveitarfélaganna á
Íslandi. Okkar lóð eru létt á
vogarskál ESB en í samstarfi við
aðrar þjóðir innan EES komum við
upplýsingum á framfæri og höfum
þannig áhrif á mál.
Það er eðlilegt að velta upp
kostum og göllum við hugsanlega
Evrópusambandsaðild með því að
skipuleggja aðildarviðræður sem
þjóðin geti svo tekið afstöðu til í
atkvæðagreiðslu. Þessir hlutir
gerast ekki umsvifalaust enda
engin lausn í því að hraða málum þó
núna sé verulegur mótbyr í
efnahagsmálum. Stærsta málið
núna er að takast á við þau með
þeim tækjum sem við höfum til
þess enda er Ísland ekki eina landið
sem tekst á við efnahagsvandamál.
Evrópuþjóðirnar eru í slíkri stöðu
líka. Smæð markaðarins hér á landi,
sérstök samsetning hlutabréfa-
markaðarins, sem er að mestu leyti
fjármálafyrirtæki á markaði og
mikill innflutningur vegna stórra
fjárfestinga gera það að verkum að
sveiflurnar eru meiri hérna.
Um leið og við tökumst á við
efnahagsmálin eigum við að gera
ráðstafanir með það að markmiði
að geta tekið ákvörðun um
aðildarumsókn eftir næstu
alþingiskosningar. Þá þarf að
vera búið að undirbúa málið það
vel að þjóðin geti tekið afstöðu
til þess hvort ESB aðild er
valkostur. Aðeins
þannig geta
efasemdarmenn um
ESB aðild, eins og
undirritaður,
sannfærst endan-
lega um það hvort
hún hentar
íslenskri þjóð eða
ekki.
Höfundur er
formaður Sam-
bands íslenskra
sveitarfélaga.
Ákvörðun um aðild eftir kosningar
ELÍN MARGRÉT
HALLGRÍMSDÓTTIR