Fréttablaðið - 15.06.2008, Blaðsíða 6

6 15. júní 2008 SUNNUDAGUR
SKÓGRÆKT „Það er gríðarlega mikið að gerast í
löndunum í kringum okkur í allri þessari áherslu á
líforku. Hún hefur hækkað heimsmarkaðsverð á
viðarafurðum og það virðist ætla að hækka áfram.
Það vantar lítið upp á að þetta verði stórkostlegt
tækifæri fyrir Ísland,“ segir Bjarni Diðrik Sigurðs-
son, prófessor í skógfræði við Landbúnaðarháskóla
Íslands.
Undanfarin ár hefur framleiðsla vínanda til
notkunar sem eldsneyti stóraukist. Mest hefur
verið framleitt úr kornafurðum og sykurreyr, en
áherslan er nú að færast á framleiðslu úr viðara-
furðum. Viðurinn er ódýrara hráefni og framboðið
margfalt meira. Verð viðarafurða hefur aukist
mikið, og útflutningur viðarkurls frá Íslandi gæti
orðið arðbær á komandi árum.
„Markmiðið er að skipta út jarðefnaeldsneytinu
fyrir líforku. Svo mikið þarf að framleiða að
sérfræðingar eru sammála um að vandamálið
verður ekki leyst með framleiðslu úr landbúnaðar-
afurðum. Það er ekki nóg ræktarland til þess. Viður
er það eina sem býður upp á nægilegt magn til
þessa,“ segir Bjarni. Í Svíþjóð og Bandaríkjunum
hefur eldsneytisframleiðsla úr viði verið rannsök-
uð síðustu fimmtán árin. Tæknin er nú komin á það
stig að verið er að reisa stórar verksmiðjur í
Skandinavíu og Bandaríkjunum sem eiga að
framleiða milljónir lítra af vínanda. Bjarni telur
líklegt að þegar þær áætlanir verði komnar á fullt
muni viðarverð hækka með svipuðum hætti og
verð landbúnaðarafurða undanfarið.
Vínandi er umhverfisvænni en jarðefnaeldsneyti.
Þegar jarðefnaeldsneyti er brennt losnar úr
læðingi koltvísýringur sem bætist við það magn
sem fyrir var í andrúmsloftinu. Við brennslu
vínanda losnar hins vegar koltvísýringur sem
plöntur höfðu áður bundið svo hann bætist ekki við
náttúrlega hringrás koltvísýringsins. Koltvísýring-
ur er gróðurhúsalofttegund, en vísindamenn telja
að losun þeirra stuðli að hlýnun jarðar.
Brasilía er það land þar sem notkun lífeldsneytis
á bifreiðar er komin lengst. Þar er vínandi fram-
leiddur úr sykurreyr og bæði notaður hreinn og
blandaður við bensín eða dísilolíu. Í Evrópu eru
Svíar komnir lengst í þessum efnum. Meirihluti
bifreiða sem seldar eru í Svíþjóð nú geta nýtt
vínanda.
gunnlaugurh@frettabladid.is
Viður frá Íslandi til
framleiðslu vínanda
Miklar hækkanir á verði trjáviðar gætu gert útflutning trjáviðarkurls frá Ís-
landi hagkvæman. Hækkanirnar eru meðal annars raktar til notkunar vín-
anda úr viði sem eldsneytis. Vínandi er umhverfisvænna eldsneyti en olía.
SKÓGUR VIÐ RAUÐAVATN Hækkanir á verði viðar gætu gert
útflutning frá Íslandi hagkvæman.
Skógfræðingarnir Loftur
Jónsson og Þór Þorfinns-
son hafa undanfarin þrjú
ár unnið að tilraunaverk-
efni um notkun trjáviðar til
kyndingar húsa. Verkefnið
er styrkt af Orkusjóði
og Evrópusambandinu.
Í framhaldi verkefnisins
verður reist kyndingarstöð
á Hallormsstað sem notuð
verður til að kynda nær-
liggjandi byggingar. Vonast
er til að hún verði komin
í gagnið næsta sumar.
„Framtíðin í nýtingu trjá-
viðar á Íslandi liggur fyrst
og fremst á þeim svæðum
þar sem ekki er jarðhiti
og skógur í nágrenni, svo
sem hér í Fljótsdals héraði,“
segir Þór. Útblástur kynd-
ingarstöðva er síaður svo
losunin samanstendur nær
eingöngu af vatnsgufu og
koltvísýringi.
NOTA TRJÁVIÐ TIL AÐ KYNDA
Netnjósnir um vopnaiðnað
Njósnað hefur verið um finnska ríkið
og finnskan vopnaiðnað á netinu og
hafa harðar árásir verið gerðar frá
árinu 2004. Embættismenn og starfs-
menn í vopnaiðnaði hafa til dæmis
fengið tölvupóst með vírus sem hafði
gert árásarmanninum kleift að hlaða
niður upplýsingum sem starfsmaður-
inn hafði aðgang að, að sögn Helsing-
in Sanomat.
FINNLAND
Ráðinn til Aker Seafoods
Jóhannes Pálsson, framkvæmdastjóri
markaðs- og sölumála hjá Síldar-
vinnslunni í Neskaupstað, hefur verið
ráðinn framkvæmdastjóri framleiðslu
hjá Aker Seafoods ASA í Ósló í Nor-
egi. Auk þess að vera með starfsstöð
í Noregi mun hann sinna Svíþjóð,
Danmörku og Frakklandi. Jóhannes
lætur af störfum hjá Síldarvinnslunni
1. ágúst.
NOREGUR
HEILBRIGÐISMÁL Læknastofur víða
um heim bjóða upp á skurðaðgerð
sem endurnýjar meyjarhaft. Í
sumum samfélögum er talið
mikilvægt að konur séu hreinar
meyjar við giftingu og skapar
aðgerðin þá ásýnd.
Aðgerðin er þekkt í Mið-
Austurlöndum og Rómönsku
Ameríku, en æ fleiri konur
undirgangast hana í Evrópu.
Franskir kvenréttindasinnar
hafa áhyggjur af því að fleiri
konur muni undirgangast aðgerð-
ina í kjölfar dóms þar sem
hjónaband var ógilt vegna þess að
konan hafði logið því að manninum
að hún væri hrein mey. - gh
Meyjarhaftsaðgerðir:
Franskar konur
óttast bylgju
JAPAN, AP Stór jarðskjálfti, 7,2 á
Richter, reið yfir norðurhluta Jap-
ans í gær. Í það minnsta sex eru
látnir og ellefu annarra saknað.
Slasaðir eru taldir vera á bilinu 140
til 200.
Stjórnvöld brugðust fljótt við og
kölluðu út hermenn, lögreglu og
slökkvilið til hjálparstarfa. „Mikil-
vægast er að bjarga eins mörgum
mannslífum og mögulegt er og við
erum að gera okkar besta,“ segir
Yasuo Fukuda forsætisráðherra.
Helsta vandamál björgunar-
sveita er slæmt aðgengi en miklar
skemmdir á vegum gera björgunar-
fólki afar erfitt að nálgast afskekkt
svæði.
Til samanburðar má geta þess að
skjálftinn sem varð á Suðurlandi
hinn 29. maí var fimmtíu sinnum
veikari en skjálftinn í Japan í gær.
Tæplega þrjátíu þúsund heimili
urðu rafmagnslaus í skjálftanum,
en í gærkvöld var rafmagn að
mestu komið á aftur. „Ástandið er
orðið venjulegt,“ segir Hideki
Hara, lögreglustjóri í Sendai, sem
er næsta stórborg við skjálftann.
„Símalínur, vatn og rafmagn er
komið í lag.“
Geislavirkt vatn lak úr keri í
kjarnorkuveri um hundrað kíló-
metrum frá upptökum skjálftans.
Lekinn náði þó ekki út fyrir kjarn-
orkuverið sjálft og ekki er talin
stafa hætta af honum.
Japan er á einu virkasta skjálfta-
svæði heims. Yfir sex þúsund lét-
ust í síðasta stóra skjálftanum sem
varð í Japan, árið 1995. - ges
Á annað hundrað slösuðust í miklum jarðskjálfta í Japan:
Í það minnsta sex látnir
GJÖRÓNÝTUR VEGUR Miklar skemmdir á
samgöngum gerðu björgunarfólki erfitt
fyrir. FRÉTTABLAÐIÐ/AP
Hefur þú hætt við utanlands-
ferð í sumar vegna versnandi
efnahagsástands?
Já 36,2%
Nei 63,8%
SPURNING DAGSINS Í DAG:
Horfðir þú á Grímuna?
Segðu þína skoðun á visir.is
LÖGREGLA Lögregla hafði afskipti
af nokkrum gestum Bíladaga á
Akureyri sem tjaldað höfðu utan
tjaldstæða á tveimur til þremur
stöðum í bænum í fyrrinótt. Sinnti
fólk beiðni um að fjarlægja tjöld
sín vel og ekki kom til þess að lög-
regla þyrfti að fjarlægja þau, að
sögn lögreglu.
Tjaldað var á barnaleikvelli á
horni Norðurgötu og Eiðsvalla-
götu í fyrrakvöld og var lögregla
kölluð til um kvöldmatarleytið.
Anna Rósantsdóttir, ein dagfor-
eldra sem nýta völlinn til barna-
gæslu, segir mest fjögur tjöld hafa
verið á leikvellinum en þegar lög-
regla kom á svæðið hafi eigendur
tjaldanna ekki verið á staðnum.
Síðasta tjaldið hafi verið tekið
niður um klukkan þrjú í fyrrinótt.
Anna kveðst hafa haft nokkrar
áhyggjur af því að brotist yrði inn
í húsnæði á leikvellinum sem hún
hefur á leigu ásamt eiginmanni
sínum og nýtir til barnagæslu,
enda engin salernisstaða til staðar
á leikvellinum.
Anna segir að þrifalega hafi
verið gengið um leikvöllinn og
tjaldgestir gengið frá öllu rusli
eftir sig.
„Það er til háborinnar skammar
að hugsa ekki betur um ungling-
ana, sem fá hvergi að tjalda,“ segir
Anna.
Gott ástand var á skipulögðum
tjaldstæðum Akureyrar og þurfti
lögregla lítið að hafa afskipti af
gestum þar. - ht
Lögregla bað nokkra gesti Bíladaga á Akureyri að fjarlægja tjöld utan tjaldstæða:
Nokkur tjöld á barnaleikvelli
TJALDAÐ Á BARNALEIKVELLI Lögregla
hafði í fyrrakvöld afskipti af nokkrum
gestum Bíladaga sem höfðu tjaldað á
utan tjaldstæða, meðal annars á leikvelli
við Norðurgötu. Síðasta tjaldið var tekið
niður um þrjúleytið í fyrrinótt.
FRÉTTABLAÐIÐ/INGIMAR B.
KJÖRKASSINN