Fréttablaðið - 15.06.2008, Blaðsíða 16
16 15. júní 2008 SUNNUDAGUR
Flug:
92.400 kr.
Rúta í bæinn:
2.600 kr.
Gisting:
48.300 kr.
Ein með öllu og kók:
760 kr.
Bláa lónið:
8.800 kr.
The Volcano Show:
1.800 kr
Humarveisla, Lækjarbrekka:
16.910 kr.
Tveir bjórar:
1.400 kr.
Réttur dagsins,
Grænn kostur:
2.780 kr.
Draugagangan:
5.000 kr.
Surprise-matseðill, Vín og skel:
16.690 kr.
Tíu bjórar:
7.000 kr.
Hvalaskoðun:
8.200 kr.
Reykjavík City
Sightseeing:
4.000 kr.
Hallgrímskirkjuturn:
800 kr.
J
ohn og Melinda, ímyndað
Íslandsáhugafólk frá New
York, skella sér til Reykja-
víkur í ágúst. Þau koma á
föstudagsmorgni, fara á
mánudegi og gista þrjár
nætur á hóteli í Reykjavík.
Þau gera allt það helsta
sem túristar „eiga að gera“ þegar
þeir koma til Íslands. Þau eru
vopnuð túristabókinni frá Lonely
Planet, sem er þeirra helsta hug-
myndauppspretta í ferðinni.
Þau pöntuðu flugið með góðum
fyrirvara og fá miðana á 92.400
kall samtals. Ef þau hefðu ekki
verið svona snemma í því hefðu
þau getað lent á miðum sem kosta
meira en 200.000 samtals. Hótelið
er miðlungs hótel í miðbænum,
tveggja manna á 16.100 kr. nóttin.
Ein með öllu á Bæjarins bestu
er fyrsta máltíð Johns og Melindu
eftir að þau koma á föstudags-
morguninn. Svo fara þau í Bláa
lónið til að ná úr sér þotuþreyt-
unni. Þar er komið „sumarverð“,
2.300 á mann í stað „vetrarverðs-
ins“, 1.800 á mann, en ameríska
parið tekur pakka frá Kynnisferð-
um sem leggst á 4.400 kr. á mann-
inn, rútan og sundið. Fersk úr lón-
inu fara þau á The Volcano Show.
Þau mæta snemma til að eiga súr-
realískt spjall við Vilhjálm Knud-
sen sem sérstaklega er mælt með
í Lonely Planet-bókinni. Um kvöld-
ið halda þau á Lækjarbrekku og fá
sér humarveislu fyrir tvo og
flösku af hvítvíni hússins, samtals
16.910 kr. Þau fara snemma að
sofa en fá sér samt einn bjór á
mann á hótelbarnum.
Á laugardag er komið að hinum
heimsfræga „Golden Circle“,
7.000 á mann til að sjá Gullfoss og
Geysi. Áður fá þau sér rétt dags-
ins á Grænum kosti. Eftir ferðina
fá þau sér fjögurra rétta
„Surprise“-matseðil hjá Vín og
skel og flösku af ódýrasta hvít-
víninu, samtals 16.690 kr. Strax á
eftir fara þau í Draugagönguna og
kíkja svo á hið heimsfræga nætur-
líf í Reykjavík.
Á sunnudegi er enn hamast í
túristapakkanum. Þau láta tveggja
hæða strætóinn keyra sig um
bæinn, 2.000 á mann. Þau fara upp
í Hallgrímskirkjuturn og fara í
hvalaskoðun með Eldingu, 4.100 á
mann.
Þetta er síðasti dagurinn svo nú
er um að gera að kaupa eitthvað. Í
Rammagerðinni kaupa þau sér
tvær lopapeysur (23.200 kr.), tvo
boli sem stendur á Iceland (5.000
kr.), tvo stakka frá 66° Norður
(27.000 kr.) ljósmyndabókina Lost
in Iceland (3.790 kr.), könnu (1.090
kr.) og staup (400 kr.). Samtals
eyða þau 60.480 krónum í Ramma-
gerðinni. Um kvöldið er það enn
ein fiskimáltíðin enda mælir bókin
sterklega með því. Nú eyðir parið
tæplega sextán þúsund kalli á Við
tjörnina.
Á mánudegi er komið að því að
kveðja. John og Melinda labba á
BSÍ og taka flugrútuna. Svo leyfa
þau sér kaffi og samloku á Kaffi-
tári á Leifsstöð, samtals 1.760 kr.
Helgin kostaði þau rúmlega þrjú
hundruð þúsund krónur, en John
og Melinda sjá ekki eftir neinu.
Þau koma bara aldrei aftur.
gunnarh@frettabladid.is
How do you
like Iceland?
Flug, hótel, humar og rándýrt vín. Það kostar túrista um 300 þúsund krónur
fyrir eina helgi í Reykjavík. Dr. Gunni skoðar kostnað við slíka okurferð.
ÓDÝRAST MEÐ STRÆTÓ? Ætli túristar komi nokkurn tímann aftur eftir okurhelgi á Íslandi?
➜ ÍSLANDSFERÐ JOHNS OG MELINDU