Fréttablaðið - 15.06.2008, Blaðsíða 38
ATVINNA
15. júní 2008 SUNNUDAGUR22
Auður Óskarsdóttir er
blómaskreytir. Hún
plantar matjurtum og
sumarblómum í Grasa-
garðinum í Laugardal.
„Grasagarðurinn er safn og
við hugsum um plönturn-
ar sem slíkar, við merkjum
þær og þær eiga allar sinn
kóda,“ segir Auður. Hún
bætir við að starfið hennar
felist í því að planta og við-
halda plöntunum.
Auður tekur daginn
snemma. „Ég byrja hérna
úti í miðri borg að vinna,
alltaf í yndislegu veðri,
bara mismunandi yndis-
legu. Ég heyri fuglasöng og
ég heyri í dýrunum í Hús-
dýragarðinum. Ég tel mig
vera í mest spennandi starfi
í veröldinni,“ segir Auður
ánægð með starfið sitt.
Talið berst að námi Auðar.
„Ég er af blómaskreyting-
arbraut Garðyrkjuskól-
ans, þannig að ég er blóma-
skreytir. Blómaskreyt-
ingarnámið felst að miklu
leyti í því að búa til blóma-
skreytingar í ílát, verklega
kennslan er mjög mikið
þannig. Við getum búið til
blómaskreytingar í mold-
ina alveg eins og í skálina.
Það eru sömu lögmál sem
gilda í raun og veru.“
Auður segist alveg frá
því hún man eftir sér hafa
haft mjög mikinn áhuga
á blómaskreytingum og
garðahönnun. „Ég held ég
hafi ekki gert mér grein
fyrir því að ég gæti farið
út í þetta,“ segir Auður og
bætir við að hún hafi því
ekki alltaf hugsað sér að
verða blómaskreytir.
„Þetta nám er nú ekki
svo gamalt hérna. Ég held
að fyrstu blómaskreytinga-
nemar hafi útskrifast 1992.
Það var ekkert um það að
ræða hérna áður fyrr.“
Þegar Auður er innt eftir
því hvað hún hafði hugs-
að sér að starfa við áður
en blómaskreytinganám-
ið kom til segist hún allt-
af hafa verið mjög upptek-
in af því að búa eitthvað
til. „Ég er kannski svolítill
hönnuður í mér,“ segir hún
og hlær.
Partur af starfi Auðar
felst í fræðslu, bæði fyrir
börn og fullorðna. Síðast-
liðinn fimmtudag, 12. júní,
var einmitt fræðslukvöld
í Grasagarðinum þar sem
hún fræddi fólk um hvernig
raða á saman matjurtum og
sumarblómum. „Garðurinn
getur verið einn blómapott-
ur á sama hátt og skreyt-
ingin í skálinni getur orðið
stór garður.“ - mmf
Heimsins allra
skemmtilegasta starf
Auður Óskarsdóttir hefur alltaf haft mikinn áhuga á blómaskreyting-
um. FRÉTTABLAÐIÐ/STEFÁN
14