Fréttablaðið - 15.06.2008, Blaðsíða 63

SUNNUDAGUR 15. júní 2008 23
Leikkonan Katherine Heigl úr
Grey’s Anatomy hefur farið fram á
að nafn hennar verði tekið af lista
yfir þær leikkonur sem koma til
greina til að hljóta tilnefningu til
Emmy-verðlaunanna. Hún hlaut
Emmy-verðlaunin fyrir túlkun sína
á Isobel Stevens í læknadramanu
vinsæla í fyrra. Heigl segist hins
vegar ekki verðskulda verðlaunin í
ár, þar sem hún hafi ekki fengið úr
miklu að moða frá handritshöfund-
um.
„Mér fannst ekki að ég hefði
fengið efni sem verðskuldaði til-
nefningu til Emmy-verðlaunanna
og til að reyna að viðhalda virðu-
leika samtakanna lét ég fjarlægja
nafn mitt af listanum,“ sagði Heigl
í viðtali við Los Angeles Times.
„Þar að auki vildi ég ekki eyði-
leggja möguleika einhverrar leik-
konu sem hafði fengið slíkt efni,“
bætti hún við.
Aðstandendur Grey’s Anatomy
eru ekki alfarið sáttir við þessar
útleggingar Heigl. „Fólk lagði sig
allt fram til þess að koma til móts
við kvikmyndatökur hjá henni, og
svo gagnrýnir hún þáttinn fyrir að
gefa henni ekki nægilegt efni? Það
er vanþakklátt gagnvart rithöfund-
unum sem áttu heiðurinn af því að
hún vann þessi verðlaun til að byrja
með,“ segir heimildarmaður Enter-
tainment Weekly um stemninguna á
bak við tjöldin hjá Grey’s Anatomy.
Þetta ýtir undir orðróm um að
Heigl vilji losna frá þáttunum sem
fyrst. Hún hefur upp á síðkastið
leikið í myndum á borð við Knock-
ed Up og 27 Dresses og er sá leikari
úr þáttaröðinni vinsælu sem hefur
átt hvað mestum vinsældum að
fagna á hvíta tjaldinu frá því að
þættirnir slógu í gegn. Hún mun
því ólm vilja skilja Izzie Stevens að
baki og einbeita sér að þeim ferli
sínum.
Ósætti hjá Grey‘s Anatomy
VILL EKKI EMMY
Katherine Heigl
vill ekki sjá að hún
verði tilnefnd til
Emmy-verðlaun-
anna í ár, þar sem
henni finnst hún
ekki hafa fengið úr
miklu að moða frá
handritshöfundum
Grey‘s Anatomy.
Orðrómur hefur kviknað um endur-
komu Brimklóar á tónleikamark-
aðinn. „Menn eru að vinna ýmis-
legt annað. En jú, við erum að
skrafa saman. Það er með okkur
eins og stjórnmálamennina, það er
þrýst á okkur úr mörgum áttum.
Við erum að hugsa þetta og það
kæmi mér ekki á óvart að við
kæmum fram á völlinn á næst-
unni,“ sagði Björgvin Halldórs-
son. Ef til þess kæmi myndi Brim-
kló spila á öllum helstu stöðunum,
víða um landsbyggðina. Spurður
hvort hann íhugaði rútutúr svar-
aði hann að „þetta yrði kannski
tekið alla leið“. Ef af verður er
stefnan sett á tónleikaferð seinni
part sumars eða næsta haust. Ann-
ars er Björgvin að æfa upp djass-
band með Birni Thoroddsen auk
vinnu í hljóðveri. - kbs
Bó gó með Kló?
BRIMKLÓ Á LEIÐ Í RÚTUFERÐ? Björgvin
Halldórsson á tónleikum.
Listahópurinn Weird Girls leitar
nú logandi ljósi að gamaldags
hjólaskautum. „Þeir verða hluti
af næsta verkefni hjá okkur, sem
verður væntanlega í júlí. Meira
get ég eiginlega ekki sagt, enda
er þetta alltaf svolítið leyni-
makk,“ segir Ragnhildur
Jóhannsdóttir, einn meðlima
Weird Girls. Hópinn vantar
skauta í stærðum 36, 37, 38, 39,
41 og 42 og þeir þurfa ekki að
hafa annað til að bera en að vera
nothæfir.
Ragnhildur segir það þó hafa
gengið brösuglega að hafa uppi á
skautum. „Ég hef fengið ein og
ein skilaboð um að einhver lumi
á skautum, en margir virðast
vera búnir að týna sínum. Og
sumir tíma ekki sínum,“ segir
Ragnhildur, sem telur að við
línuskauta sé að sakast hvað
varðar brotthvarf gömlu
skautanna. „Þeir eru samt ennþá
í framleiðslu úti, en það virðast
allir hafa skipt út fyrir línu-
skauta,“ segir hún. „Ég hef
reyndar ekki farið á línuskauta
sjálf ennþá. Síðast þegar ég fór á
hjólaskauta voru það svona
gamaldags, þannig að mig
grunar að ég þurfi smá þjálfun-
arbúðir þegar ég skelli mér
loksins í þá,“ segir hún og hlær.
Weird Girls hefur verið boðið
á listahátíð í London í október, og
þegar blaðamaður náði tali af
Ragnhildi var hún á leið í
fjáröflun fyrir ferðina. „Við
ætlum að selja gömlu fötin
okkar á útimarkaðnum hjá
Organ, vorum í gær og verðum
þar í dag,“ segir Ragnhildur.
Markaðurinn er opinn frá 14 til
19. Lumi einhver á gamaldags
hjólaskautum má hafa samband
við Ragnhildi í síma 659 6644.
Leita hjóla-
skauta log-
andi ljósi
LÝSA EFTIR SKAUTUM Listahópurinn
Weird Girls leitar logandi ljósi að gamal-
dags hjólaskautum fyrir næsta verkefni
sitt. FRÉTTABLAÐIÐ/VILHELM
ÚTDAUÐIR? Línuskaut-
ar virðast hafa valdið
útdauða hjóla-
skautanna hér á
landi, en Weird
Girls hefur reynst
erfitt að hafa
uppi á pörum
á borð við
þetta.
N
O
R
D
IC
PH
O
TO
S/
G
ET
TY
Þú missir ekki bara bílprófið ef þú ekur of hratt, heldur gæti bíllinn þinn verið
gerður upptækur og þú greitt sekt sem jafngildir mánaðarlaunum margra.
Hraðakstur borgar sig ekki - Í ALVÖRUNNI!