Fréttablaðið - 16.06.2008, Blaðsíða 28

16. JÚNÍ 2008 MÁNUDAGUR8 ● fréttablaðið ● híbýli - stofa
Laufey Ólafsdóttir, plötusnúður og formaður
Félags einstæðra foreldra, á mikið og veglegt
plötusafn sem hún geymir heima í stofu.
„Ég lít nú ekki á mig sem sérstakan plötusafnara,
heldur einfaldlega áhugamanneskju um tónlist,“ segir
Laufey Ólafsdóttir. Hún segist þó ekki vera alæta á
tónlist þótt plöturnar hennar spanni nokkuð vítt tón-
listarsvið. „Mikið af þeirri tónlist sem ég hef safn-
að tengist starfi mínu sem plötusnúður. Ég á mikið af
funk-, djass-, R&B- og hiphop-tónlist.“
Hún bætir við að vínylplötur hafi tilfinningalegt
gildi fyrir sig. „Kannski af því að maður ólst upp við
að hlusta á plöturnar. Mér hefur líka alltaf fundist
meiri eign í vínylplötum en geisladiskum. Meðal ann-
ars vegna þess að hljómgæði vínylplatna eru skemmti-
legri og meiri dýpt í hljómnum. Svo er auðvelt að ýta
þeim aftur af stað ef þær rispast, á meðan geisladisk-
urinn höktir bara í tækinu.“
Að sögn Laufeyjar er nú frekar erfitt að fá vínyl-
plötur, en starfs síns vegna hefur hún stundum látið
tónlistarverslanir panta þær fyrir sig. „Mest versla ég
þó plöturnar mínar erlendis.“
Hún viðurkennir þó að hafa nokkrum sinnum lent í
erfiðleikum með að flytja plöturnar á milli landa. „Það
er nú aðallega vegna þess hversu þungar þær eru og
því er erfitt að koma þeim í gegn sem handfarangri.
Ég hef lent í því að þurfa að skilja heila tösku af plöt-
um eftir, þar sem ég komst ekki með hana í gegn.“
Laufey segir heldur ekki hlaupið að því fá varahluti
í plötuspilara en hún á þrjá slíka; tvo notar hún í starfi
sínu sem plötusnúður og einn keypti hún notaðan. Hið
góða sé þó að hlutirnir endist nokkuð lengi. - kka
Vínyll vekur upp
góðar minningar
Laufey valdi þrjár
plötur úr safninu
sínu sem henni
þykir vænt um.
Þessi plata með
Marvin Gaye heitir
Trouble Man og var
gefin út árið 1972.
„Ég keypti hana í
London á útsölu.
Þetta er kvikmynda-
tónlist og að mestu
leyti instrumental.“
Laufey hefur lengi
verið mikill Prince-
aðdáandi. Þessi
Prince-plata heitir
Parade og kom út
árið 1986. „Fyrstu
plöturnar sem ég
keypti mér á ungl-
ingsárunum voru
plöturnar hans.“
„Þessi plata hefur
mikið tilfinningalegt
gildi,“ segir Laufey.
„Hún heitir Illmatic og
er með Nas frá 1994.“
Plötuna keypti Laufey
í London og hlustaði
mikið á hana þegar
hún gekk með sitt
fyrsta barn.
Laufey á orðið myndarlegt plötusafn. FRÉTTABLAÐIÐ/DANÍEL
Fínleg postulínsstell eru meðal þess sem passa vel í
flestar stofur og stellið Central Park eitt af þeim sí-
gildu. Það er þannig lagað að það á bæði að minna
á villta náttúru og borg eins og samnefndur garður
í New York. Það er hannað af finnska hönnuðinum
Mikaelu Dörfel og framleitt í hinni 250 ára gömlu
Furstenberg postulínsverksmiðju í Þýskalandi. Þó
er það í hæsta máta nútímalegt. Hér fæst það í Tékk
kristal í Kringlunni.
Central Park er hvítt með rúnnuð form og mjúkar
línur. Það samanstendur af bollum, diskum, skálum,
könnum og fötum. Hver hlutur fyrir sig hefur mikið
notagildi og hægt er að raða hlutunum saman á
marga vegu. Stóru skálarnar eru líka flottar á borð-
stofuborð einar og sér. -gun
Byggist bæði á
borg og náttúru
● HÖNNUN Full
slant borðin, sem hönnuð
eru af Todd Laby fyrir fyrirtæk-
ið Rhubarb Décor, eru gerð úr um-
hverfisvænum bambus og þau má nota á
ýmsa vegu. Þegar rýmið í stofunni er af skorn-
um skammti er heppilegt að geta komið bókum fyrir inni í borðunum
en ekki ofan á þeim. Borðin skapa náttúrulega undirstöðu fyrir bækur
sem er mikill kostur því það eyðileggur ekki kjölinn, en Laby vildi búa
til húsgagn þar sem bækurnar gætu hallað eðlilega en samt staðið
uppréttar.
Hvað þarf helst að hafa í huga þegar fjárfesta á í listaverk-
um? Christan Schoen, framkvæmdastjóri Kynningarmiðstöðv-
ar íslenskra listamanna, sem heldur úti heimasíðunni www.cia.is,
bendir á að ástæðurnar sem liggja að baki fjárfestingum í lista-
verkum geta verið æði mismunandi hjá fólki.
„Það er um að gera að vera óhræddur við að fylgja sinni eigin
sannfæringu þegar fjárfest er í listaverki,“ segir Christian og
bætir við að menn eigi að vera óhræddir við að velja verk sem
höfði til þeirra.
„Fyrir þá sem vilja velta þessu frekar fyrir sér er tilvalið að
kynna sér feril listamannsins,“ bendir hann á. „Það er jafnvel gott
ráð að fara og hitta listamanninn og reyna leggja sig þannig eftir
því að skilja það sem hann er að gera.“
Christian segir listaverkakaup vitanlega snúast um hversu
mikla fjármuni fólk hafi á milli handanna. Eins hversu mikla fjár-
muni hver og einn er tilbúinn að leggja í þá fjárfestingu sem lista-
verkakaup eru.
„Þeir sem þora að fylgja eigin sannfæringu og velja listaverk
sem höfða til þeirra eða finna út að ákveðinn listamaður er mjög
efnilegur, ættu að hafa hugfast að stundum þarf ekki að leggja
til mikið fé í raun og veru. En með tímanum getur fjárfestingin
vaxið og sú tilhugsun getur verið spennandi.“
Eins er gott að hafa á bak við eyrað að verk eftir listamenn sem
verða sýnilegri á alþjóðlegum vettvangi eru líklegri til að verða
verðmæt. Tíminn mun þó að sjálfsögðu leiða það í ljós hvort lista-
verkið eigi eftir að hækka mikið í verði. Lögmál markaðarins um
framboð og eftirspurn gildir vitanlega í heimi listarinnar eins og
annars staðar. Og því meiri sem eftirspurnin er eftir verkum til-
tekins listamanns því hærra verð fæst fyrir verkin hans. - vg
Að fylgja eigin sannfæringu
Christian Schoen, hjá Kynningarmiðstöð íslenskra listamanna, telur gott að
menn fylgi eftir eigin sannfæringu þegar fjárfest er í listaverkum.
FRÉTTABLAÐIÐ/VIHLEM
FR
ÉT
TA
BL
A
Ð
IÐ
/H
EI
Ð
A
● FRUMLEG HÖNNUN hægindastóls Berlín er huggulega lagaður
hægindastóll. Auðvelt er að leggja bakið á honum aftur og gera hann
þannig að þægilegum slökunarbekk og þegar það er upprétt myndar
það 90 gráðu horn og styður vel við hrygginn á þeim sem hægindisins
nýtur. Stólinn er allur með
tauáklæði nema höfuð-
púðinn og fótaskemillinn
sem eru leðurklæddir til að
minnka slit og auðvelda
þrif. Berlín er hannaður af
hinum þýska Stefan Heili-
ger sem fæddist einmitt í
Berlín árið 1941. Heimild/
www.g1interiors.com. Central Park er með
rúnnuð form og mjúkar línur.