Fréttablaðið - 16.06.2008, Blaðsíða 41

MÁNUDAGUR 16. júní 2008 17
„Ég heiti eftir afa mínum Heið-
reki Guðmundssyni frá Sandi og
þar sem ég fæddist 1. septem ber
eins og hann og er Guðmundsson
þótti víst ekkert annað koma til
greina.“ Þannig farast Heiðreki
Guðmundssyni verslunarstjóra
orð þegar hann er spurður um bak-
grunn nafns síns. „Það er til forn
hetjusaga um Heiðrek konung
þannig að þetta er eðalnafn.“
- Sem sagt ekkert tengt fjár-
rekstrum um heiðar!
(Skellihlæjandi) „Nei, ekki mér
vitanlega en maður veit auðvit-
að ekkert hvað menn voru að spá í
upphafi! Afi var fyrsti Heiðrekur-
inn á Íslandi og ég er held ég sá eini
núna sem ber það sem aðalnafn. En
einn ber það sem annað nafn.
-Engir fleiri í ættinni?
Nei, en afabræður mínir hétu
nokkuð mikilfenglegum nöfn-
um, án þess að ég sé nokkur
áhugamaður um ættfræði, en ég á
frændur sem heita Hermóður og
Hólmgrímur.
-Erfðir þú skáldagáfuna frá afa
þínum og langafa, Guðmundi Frið-
jónssyni?
„Nei, ég fékk rosalega lítið af
henni. Félagarnir eru stundum
með hóppressu á mig að setja eitt-
hvað saman þegar stórafmæli og
brúðkaup nálgast eða skrifa þarf
í gestabækur. Það er misjafnt
hvernig ég tek í það.“
Hvernig finnst þér svo að bera
þetta nafn?
Fólk hváir oft í tvígang eða
þrígang þegar ég segi það í síma
og ég fæ stundum pitsur send-
ar á Eirík. Það skiptir engu máli.
Margir tengja nafnið afa mínum,
einkum fólk á aldur við foreldra
mína og eldra.
-Þér hefur ekkert verið strítt á
því?
„Nei, bara létt barnagrín eins og
þetta sígilda „Er Heið-rekur við?
Að öðru leyti upplifði ég nokkuð
eðlilega æsku þrátt fyrir nafnið.“
-Heldurðu að Heiðreksnafninu
verði við haldið í fjölskyldunni?
„Það er góð spurning. En
það væri úr takti ef það kæmi
Heiðrekur Heiðreksson. Helst
yrði að vera einn ættliður á milli.
En maður veit ekki hvað framtíðin
ber í skauti sér.“
NAFNIÐ MITT: HEIÐREKUR GUÐMUNDSSON
Eina stríðnin létt barnagrín á borð við: Er Heið-rekur við?
Heiðrekur Guðmundsson verslunarstjóri
er ánægður með nafnið sitt.
FRÉTTABLAÐIÐ/RÓSA
Alla daga
frá10 til 22
800
5555
Fágaður
Fegraðu innkeyrsluna.
BMW 116i Advantage, sjálfskiptur kr. 3.830.000
B&L - Grjóthálsi 1 - 110 Reykjavík - Sími 575 1210 - bmw@bmw.is - www.bmw.is
Bíll á mynd BMW 116 sport. Fæst aðeins í sérpöntun.
BMW 116
5 dyra -1,6l. - 115 hestöfl - 7,5 ltr./100km
10,9 sek./0-100km - 179 CO2 g/km
Frá kr. 3.300.000