Fréttablaðið - 17.06.2008, Blaðsíða 2
2 17. júní 2008 ÞRIÐJUDAGUR
„Gunnleifur, voruð þið alveg
þróttlausir?“
„Já, eiginlega, þeir voru algjörir
HKarlar.“
Þróttur lagði HK á Valbjarnarvelli í
fyrradag og hélt þar með sigurgöngu
sinni áfram. Gunnleifur Gunnleifsson er
markvörður og fyrirliði HK.
DÓMSMÁL Robert Dariusz
Sobiecki hefur ákveðið að áfrýja
nauðgunardómi sem hann hlaut í
Héraðsdómi Reykjavíkur fyrir
helgi. Þetta staðfestir Sveinn
Andri Sveinsson, lögmaður hans.
Sobiecki hlaut þriggja ára
fangelsisdóm fyrir að nauðga
stúlku á salerni Hótels Sögu í
mars í fyrra. Honum var auk
þess gert að greiða fórnarlambi
sínu eina og hálfa milljón í
miskabætur. Héraðsdómur hafði
áður sýknað Sobiecki af
ákærunni en Hæstiréttur
ómerkti þann dóm og vísaði
honum aftur í hérað, þar sem
aðrir dómarar sakfelldu hann í
annarri atrennu. - sh
Hótel Sögu-nauðgari ósáttur:
Áfrýjar dómi
fyrir nauðgun
LÖGREGLUMÁL Tollgæslan lagði í
síðustu viku hald á um 550
olíumálverk sem erlendur maður
hafði trassað að framvísa við
komuna til Seyðisfjarðar með
Norrænu.
Að sögn Óskars Bjartmarz,
yfirlögregluþjóns á Egilsstöðum,
reyndi maðurinn ekki að fela
verkin fyrir tollvörðum. Þau munu
hafa verið máluð í Kína og hvorki
dýr né sérlega merkileg. Þau voru
af ýmsum stærðum. Ekki er ljóst
hvað maðurinn ætlaðist fyrir með
verkin hérlendis. Verkin komu með
sömu ferð og 190 kíló af fíkniefn-
um, og féll málverkafundurinn í
skuggann af því máli. - sh
Olíumálverk gerð upptæk:
Með 550 mál-
verk í Norrænu
VIÐSKIPTI Almenn auglýsingaverð-
skrá Fréttablaðsins hækkar um
4,5 prósent frá og með 1. júlí.
Rað- og smáauglýsingar hækka
um sex prósent á sama tíma.
Hækkunin er almenn og nær yfir
verðskrár og samninga.
Þessar aðgerðir eru vegna
hækkandi pappírs- og dreifingar-
kostnaðar. Með þeim er verið að
tryggja og treysta gæði og
dreifingu Fréttablaðsins.
Fréttablaðið:
Breytingar á
auglýsingaverði
FORSETAEMBÆTTIÐ Forsetabifreið
Sveins Björnssonar verður
notuð í fyrsta sinn við opinbert
tækifæri í dag. Forseti Íslands,
Ólafur Ragnar Grímsson, kemur
í henni til Alþingishússins við
upphaf hátíðarhaldanna á
Austurvelli.
Um hádegið verður hún hluti
af hátíðaakstri Fornbílaklúbbs-
ins frá Árbæjarsafni. Þá verður
henni ekið frá safninu í miðbæ-
inn, þar sem hún verður til sýnis
við Þjóðminjasafnið á milli
klukkan tvö og fimm.
Nýlega var lokið við endur-
gerð bifreiðarinnar. Hún er af
Packard-gerð frá árinu 1942.
Bifreiðin er aðeins notuð og
sýnd við sérstök tækifæri.
- hþj
Ólafur Ragnar á fornbíl í dag:
Fyrsta forseta-
bifreiðin notuð
ÓLAFUR RAGNAR OG FORSETABÍLINN
Packard Sveins Björnssonar í góðum gír.
VERSLUN Sala áfengis hjá Áfengis-
og tóbaksverslun ríkisins fer vax-
andi, en á sama tíma merkja sumir
birgjar samdrátt í sölu til veitinga-
húsa og vínveitingastaða.
„Sala til ÁTVR og hjá Fríhöfninni
er greinilega, svo heildarsalan er
frekar upp á við. En það er klárlega
minnkun í sölu á veitingahúsamark-
aðinn,“ segir Gunnar B. Sigurgeirs-
son, framkvæmdastjóri markaðs-
deildar Ölgerðarinnar.
Hann segir sölu á áfengi til verta
hafa dregist saman frá áramótum,
en er ekki tilbúinn að upplýsa
hversu mikið.
„Það er nokkuð viðurkennt að
efnahagsástandið hefur áhrif. Fólk
velur frekar þann kostinn að drekka
heima. Það er ein skýringin,“ segir
Gunnar.
Önnur skýring geti verið reyk-
ingabannið, en þó sé ekkert hægt að
fullyrða um það. Vegna breytts
efnahagsástands sé raunar erfitt að
sjá hver áhrif reykingabannsins
séu á áfengissöluna á skemmtistöð-
um.
Sala ÁTVR hefur aukist það sem
af er ári. Frá janúar og út maí var
aukningin í lítrum talið sex prósent,
segir Sigrún Ósk Sigurðardóttir,
aðstoðarforstjóri ÁTVR. Vertar
kaupa áfengi beint af byrgjum, án
aðkomu ÁTVR.
„Ég hef trú á því að jafnvægið
hafi eitthvað breyst,“ segir Kári
Ellertsson, markaðsstjóri hjá
Glóbus. Fólk fari seinna út að
skemmta sér og drekki frekar
áfengi í heimahúsi. Þó sé erfitt að
meta stöðuna í dag, hún muni frek-
ar liggja fyrir eftir sumarið.
„Það hefur komið einhver lægð í
þetta samanborið við síðasta ár, en
hvort það er marktækt veit ég ekki
alveg,“ segir Kári. „Í svona árferði
eins og er núna er þróunin frekar
sú að sala í vínbúðum og fríhöfn-
inni aukist.“
Sumir birgjar sem rætt var við
segja aðra sögu. Þannig hefur sala
til veitingastaða verið að aukast
hjá Vífilfelli, að sögn Símons
Ragnars Guðmundssonar sölu-
manns.
Sala á léttvíni og bjór til verta
eykst nokkuð, en sterka vínið
stendur í stað hjá heildsölunni
Karli K. Karlssyni, segir Guðlaugur
Guðlaugsson viðskiptastjóri. Sala
til ÁTVR hefur þó aukist áberandi
meira.
brjann@frettabladid.is
Sala færist til ÁTVR
frá skemmtistöðum
Sala áfengis eykst hjá ÁTVR þrátt fyrir versnandi efnahagsástand. Sumir birgj-
ar merkja samdrátt í sölu til verta. Þeir segja það benda til þess að salan sé að
færast til ÁTVR frá skemmtistöðum. Efnahagsástandið er ein skýringin.
DRYKKJA Varla hefur verið hægt að merkja í blíðviðrinu í miðborginni undanfarið að
áfengissala sé að dragast saman á veitingahúsum. FRÉTTABLAÐIÐ/VILHELM
Heldur hefur dregið úr sölu á dýrari
vínum hjá birgjum. Kári Ellertsson,
markaðsstjóri hjá Glóbus, segir það
sína tilfinningu að þeir sem drukkið
hafi dýrari vín haldi sig í svipuðum
verðflokki, en drekki þá lakari vín eftir
verðhækkanir tengdar gengishækkun.
Slæmt efnahagsástand gæti þýtt
minni sölu á dýrari vínum, segir Kári.
„Þetta gæti haft þau áhrif að þeir sem
hafa getað leyft sér að safna dýrari
vínum fari að drekka eitthvað af þeim
og haldi aftur af sér með það að
bæta í safnið.“
DÝRARI VÍNIN FREKAR Á UNDANHALDI
LÖGREGLUMÁL „Þessi hátíð hefur
verið að vinda upp á sig síðustu
árin bæði hvað varðar ónæði og
framkomu gesta,“ segir Daníel
Guðjónsson, yfirlögregluþjónn á
Akureyri, en miklar óspektir
voru um helgina í tengslum við
Bíladaga í bænum, sem lýkur í
dag.
Þrettán minniháttar líkams-
árásir komu til kasta lögreglu og
ein alvarlegri líkamsárás er til
rannsóknar. Þá hafa nokkur
skemmdarverk verið tilkynnt.
Kristján Þ. Kristjánsson,
stjórnarformaður Bílaklúbbs
Akureyrar, telur annað ekki koma
til greina en að Bíladagar verði
haldnir aftur að ári enda hafi
hátíðin sjálf gengið mjög vel.
„Ryskingar hjá fólki á nætur-
rölti tengjast öðrum en þátttak-
endum Bíladaga,“ segir Kristján.
„Hér hefur ríkt ró og engum
þurft að hafa afskipti af.“
Sigrún Björk Jakobsdóttir
bæjar stjóri segist munu hitta
lögreglu og skipuleggjendur
hátíðarinnar síðar í vikunni til að
fara yfir atburði helgarinnar.
„Framkvæmd hátíðarinnar
gekk með ágætum en það voru
fylgifiskar hennar sem ollu vand-
ræðum,“ segir Sigrún.
Mun meiri viðbúnaður var hjá
lögreglu vegna hátíðarinnar nú
en undanfarin ár, og beitti lög-
regla kylfum og piparúða til að
halda mannfjöldanum í skefjum.
- ht
Þrettán líkamsárásir komu til kasta lögreglu á Bíladögum á Akureyri um helgina:
Vill hátíðina aftur á næsta ári
BÍLADAGAR Á AKUREYRI
Þrettán líkamsárásir komu til kasta
lögreglu um helgina en þá voru
haldnir Bíladagar í bænum. Hátíð-
inni lýkur í dag.
DÓMSMÁL „Íslenska réttarkerfið
er eitt það skilvirkasta í Evrópu
og þó víðar
væri leitað,“
segir Sigurður
Líndal lagapróf-
essor.
Hann segir
þó ekki hægt að
vera á móti
millidómstigi
þar sem það
tryggi réttar-
öryggi í sessi með vitnaleiðslu á
tveimur dómstigum.
„Ókostirnir eru þó að réttar-
kerfið verður þyngra, málskostn-
aður talsvert hærri og málsmeð-
ferðin löng,“ segir Sigurður
„Fram á 18. öld bjuggu
Íslendingar við fjögur dómstig og
það þótti ansi þungt. Árið 1800
var lögréttudómurinn hins vegar
lagður niður og við það var
dómskerfið þrískipt. Þetta þótti
gríðarleg framför í réttarfari á
þeim tíma.“ - vsp
Prófessor um millidómstig:
Ekki hægt að
vera á móti
SIGURÐUR LÍNDAL
BANDARÍKIN Lögregla í Edge-
combe-sýslu í Norður-Karólínu
hefur handtekið foreldra sem
grunaðir eru um að hafa banað
þrettán ára syni sínum með því að
binda hann við tré til að kenna
honum lexíu. Föðurnum fannst
drengurinn hafa hegðað sér illa
og refsaði honum með því að láta
hann sofa utandyra. Hann batt
hann við tré í garðinum tvo daga í
röð. Drengurinn fannst látinn í
garðinum eftir seinni nóttina.
Foreldrarnir hafa báðir verið
kærðir fyrir manndráp og
misnotkun. Barnaverndaryfirvöld
hafa svipt þá forsjá yfir tveimur
öðrum börnum þeirra. Málið er
enn í rannsókn. - sh
Bandarískir foreldrar í haldi:
Sonurinn lést
bundinn við tré
SKIPULAGSMÁL „Við veittum leyfi
fyrir því að listamenn skreyttu
portið,“ segir Hanna Benedikts-
dóttir, fjármálastjóri fasteigna-
félagsins Festa sem á hús á svoköll-
uðum Hljómalindarreit. Reiturinn
er kenndur við húsið við Laugaveg
21 sem áður hýsti verslunina
Hljóma lind.
Hanna segir Íslenska Kaupfélagið
hafa fengið að vera endurgjalds-
laust í húsinu í sumar. Þar er rekið
kaffihús auk þess sem ýmsar uppá-
komur verða á svæðinu í sumar.
Hún segir þetta gert til að hafa líf á
svæðinu en enn sé nokkuð í að fram-
kvæmdir hefjist á reitnum.
Enn er unnið að deiliskipulagi
fyrir reitinn. „Við fundum reglu-
lega með borginni og málið er í
góðum farvegi,“ segir Hanna.
„Það styttist óðum í að frekari
hugmyndir verði kynntar skipu-
lagsyfirvöldum,“ segir Ásgeir Frið-
geirsson, talsmaður Samson Prop-
erties sem eiga Barónsreit.
„Við höfum verið í því að taka til,
mála og gera þetta snyrtilegt eins
og aðrir.“ Að sögn Ásgeirs gera ætl-
anir ráð fyrir að framkvæmdir taki
um tvö ár.
Þá segir Ásgeir ekkert húsanna á
reitnum standa autt. Ráðstafanir
gagnvart leigjendum verði gerðar
þegar séð er hvenær framkvæmdir
hefjast. - ovd
Eigendur stórra reita í miðbæ Reykjavíkur bíða fram á haust með framkvæmdir:
Engar framkvæmdir í sumar
VIÐ HLJÓMALINDARHÚSIÐ Gamla
Hljóma lindarhúsið, Laugavegur 21 og
portið þar á bak við öðlast nýtt líf í
sumar. FRÉTTABLAÐIÐ/DANÍEL
SPURNING DAGSINS