Fréttablaðið - 17.06.2008, Blaðsíða 19

ÞRIÐJUDAGUR 17. júní 2008 3
Þjóðbúningar eru viðeigandi hátíðarklæði fyrir
fjölskylduna á sjálfum þjóðhátíðardeginum.
„Svarti upphluturinn með öllu skartinu sem allir
þekkja er alltaf sígildur og vinsæll. Síðan var mikil
stemning fyrir peysufötum þegar ég byrjaði að kenna
og á árunum frá 1994-2000 vildu allir koma sér upp
búningi. Á sínum tíma var gamli upphluturinn, sem
er mjög litskrúðugur, blár eða grænn eða rauður, í
mikilli sveiflu,“ segir Oddný Kristjánsdóttir, klæð-
skeri og annar eigandi Þjóðbúningastofunnar ásamt
Guðrúnu Hildi Rosenkjær.
Þær hafa rekið stofuna í núverandi mynd síðan
2000 og taka að sér að sauma ýmsar gerðir þjóðbún-
inga frá grunni, gera við og bæta við búninga, halda
námskeið í gerð þjóðbúninga og eru með búninga í
umboðssölu.
„Áhugi á þjóðbúningum hefur aukist mjög og
aðsókn á námskeiðin er orðin mjög góð. Þess vegna
á ég ekki von á öðru en að það endi með að allir
verði í þessu þjóðlega skarti á þjóðhátíðardaginn,“
segir Oddný hlæjandi.
Námskeiðin sem um er rætt eru á vegum Heimilis-
iðnaðarskólans í Reykjavík. Þar er meðal annnars
boðið upp á ellefu vikna námskeið þar sem bæði
konur og karlar sauma eigin búninga. Auk þess sem
Oddný nefnir lengri námskeið þar sem þátttakendur
eru í þriggja til fimm ára áskrift eins og hún segir. „Á
lengri námskeiðum er verið að sauma fald- og skaut-
búninga þar sem saumaskapurinn er ógurlegur. Bæði
balderingar og aðrar skreytingar sem taka mjög
langan tíma. Þá hittum við þáttakendur einu sinni í
mánuði, en síðan eru þeir á öðrum námskeiðum hjá
Heimilisiðnaðarskólanum samhliða stundunum með
okkur.“
Flestir skarta þjóðbúningi á hátíðarstundum
eins og við brúðkaup, fermingar, skírnir,
útskriftir og á 17. júní. Sjálf á Oddný peysuföt
og upphlut sem hún notar við hátíðleg tilefni.
„Sumir eru feimnir við að vera í búningi ef
þeir eru einir, en þetta er að aukast. Þá er
maður alltaf pottþétt fínn og ég á einnig margar
skyrtur og svuntur sem ég skipti um eftir
hentugleikum. Síðan er misjafnt hverju ég
klæðist þegar ég er að kynna starfsemina
og fjalla um búningana.“
Hún nefnir einnig marga
viðskiptavini sem eru
búsettir í Noregi, þar
er þjóðbúninga-
hefðin mjög
sterk. „Íslend-
ingar búsettir í
Noregi, jafnvel
af annarri og
þriðju kynslóð, vilja gjarnan búning frá
gamla landinu. Jafnvel þótt þeir tali ekki
íslensku,“ útskýrir Oddný og heldur
áfram: „Síðan erfast oft búningar og
silfur milli kynslóða og tengir þær
þannig með þessum sameiginlega
menningararfi.“
Upplýsingar um nám skeiðin
má nálgast hjá Heimilis-
iðnaðar skólanum www.
heimilisidnadur.is og Oddný
segir að fólk megi reikna
með að eyða allt að fimm
hundruð þúsundum í búning
og silfur. Nánari upplýsingar
um íslenska þjóðbúninginn
er að finna á heimasíðu
Þjóðbúningaráðs: www.
buningurinn.is
rh@frettabladid.is
Þjóðleg og hátíðleg
Oddný segir áhuga á þjóðbúningum hafa aukist og aðsókn á
námskeið í gerð þjóðbúninga góða. FRÉTTABLAÐIÐ/RÓSA
Í fyrsta skipti eru öll ástarljóð
Páls Ólafssonar komin út í einni bók.
Þórarinn Hjartarson tók ljóðin saman og rekur sögu Páls og Ragnhildar
– eina frægustu ástarsögu á Íslandi. List Páls lifir enn á vörum þjóðarinnar,
enda borin uppi af eldi hjartans og óvenju léttvængjuðu rími.
Gjöf sem yljar og gleður.
Viðhaldsfríar
ÞAKRENNUR
Smiðjuvegi 4C
Box 281 202 Kópavogur
Sími 587 2202 Fax 587 2203
hagblikk@hagblikk.is www.hagblikk.is
Varmaskiptasamstæður
loftræstistokkar og tengistykki
Hágæða
HAGBLIKK ehf.
Þegar hús eru klædd með „viðhaldsfrírri“ klæðningu er nauðsynlegt að nota „viðhaldsfríar“ þakrennur.
Rennurnar frá Grövík Verk í Noregi eru gerðar úr 0,9 mm áli og tærast ekki, ryðga, né brotna.
Fyrsta rennan var framleidd árið 1956 og er enn í notkun.
Litir til á lager: Svartar, hvítar, rauðbrúnar og ólitaðar.
A
ug
l.
Þó
rh
ild
ar
1
46
0.
24
Auglýsingasími
– Mest lesið