Fréttablaðið - 18.06.2008, Blaðsíða 2

2 18. júní 2008 MIÐVIKUDAGUR
Einu sinni var sett nefnd
til að telja nefndir og hún
komst að þeirri niðurstöðu að
þær væru óteljandi.
SIGURÐUR LÍNDAL
LAGAPRÓFESSOR
flugfelag.is
Skráðu þig í
Netklúbbinn
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Félagar í Netklúbbnum
fá fyrstir upplýsingar
um tilboð og nýjungar
í tölvupósti.
Alltaf ódýrast á netinu
www.flugfelag.is
ÍS
L
E
N
S
K
A
S
IA
.I
S
F
L
U
4
16
84
0
4.
20
08
STJÓRNSÝSLA Virkar nefndir á
vegum ráðuneyta eru í dag 725 tals-
ins en voru 603 árið 2005. Þá eru
ótaldar nefndir á vegum sveitar-
félaga. Á vegum menntamálaráðu-
neytisins eru flestar nefndir starf-
andi eða 270 talsins.
„Það er ekki verið að skipa
nefndir að gamni sínu. Við skipum
ekki nefndir nema það sé skýrt til-
efni til þess,“ segir Guðmundur
Árnason ráðuneytisstjóri mennta-
málaráðuneytisins.
Hann segir það heyra til undan-
tekninga í menntamálaráðuneytinu
að nefndarmenn í verkefnanefnd-
um fái greitt fyrir störf sín.
Gréta Ingþórsdóttir aðstoðar-
maður forsætisráðherra tekur í
sama streng. „Það hefur gefist vel
að fara þessa leið,“ segir Gréta.
Hún segir ósköp eðlilegt að ráð-
herrar leiti til fólks með sérþekk-
ingu á ákveðnum sviðum til þess að
vinna að erfiðum málefnum.
Sigurður Kári Kristjánsson segir
hins vegar að nefndum þurfi að
fækka. „Það er verðugt verkefni að
fækka nefndunum og reyna að sam-
eina verksvið þeirra,“ segir
Sigurður Kári.
„Eflaust eru mikilvæg verkefni
sem margar nefndir hafa með hönd-
um en það hlýtur að vera erfiðara
fyrir ráðuneytin að hafa yfirsýn
yfir svona margar nefndir.“
Hann segir að hægt sé að sameina
allar fastar úrskurðarnefndir stjórn-
sýslunnar sem séu ansi margar.
„Stjórnsýslan myndi liðkast við
að sameina allar úrskurðarnefnd-
irnar undir einn hatt sem gæti þá
verið einhvers konar stjórnsýslu-
dómstóll.“
Sigurður Kári segir þessa leið
fækka nefndum, tryggja meiri eins-
leitni og aukið samræmi í málsmeð-
ferð innan stjórnsýslunnar. „Því
færri nefndir því betra stjórnar-
far.“ Þetta segir Sigurður Líndal
lagaprófessor.
Hann segir að þekkt sé að
nefndir vinni hægt og oft sé betra
að skipa einn mann til að vinna
ákveðna vinnu og hafa einn til
tvo honum til halds og trausts ef
með þarf. „Einu sinni var sett
nefnd til að telja nefndir og hún
komst að þeirri niðurstöðu að
þær væru óteljandi,“ sagði Sig-
urður Líndal að lokum.
Upplýsingar um nefndir á
vegum ráðuneytanna er hægt að
nálgast á vefsíðum hvers ráðu-
neytis fyrir sig.
vidirp@frettabladid.is
Þingmaður telur 725
nefndir fullmikið
Nefndir á vegum ráðuneyta eru nú 725 talsins en voru 603 árið 2005. Aðstoðar-
maður forsætisráðherra segir það að skipa málum í nefnd hafa gefist vel. Sig-
urður Kári Kristjánsson alþingismaður segir fækkun nefnda verðugt verkefni.
HESTAR Starfshópur sér um að þá klæi ekki undan sumarexemi. FRÉTTABLAÐIÐ/GVA
■ Verkefnisstjórn átaks um sumar-
exem í hrossum.
■ Nefnd til að endurskoða reglugerð
nr. 638/1997 um bólusetningu sauð-
fjár og geitfjár til varnar garnaveiki.
■ Nefnd sem á að gera úttekt á
kostnaði við ferðalög íþróttafélaga á
viðurkennd mót.
■ Starfshópur sem falið er að leggja
mat á tillögur starfshóps mennta-
málaráðherra um listaverkafalsanir.
■ Nefnd um markaðssetningu
íslenska hestsins erlendis.
■ Nefnd um umsjón aðgerða vegna
rekstrarvanda loðdýraræktarinnar
■ Starfshópur til að kanna þörf
undirstofnana ráðuneytisins á
geymslurými.
NOKKRAR NEFNDIR
LANDBÚNAÐUR Mögulegar undan-
þágur gætu komið að einhverju
leyti í veg fyrir flæði hrás kjöts
hingað til lands. Þær eru meðal
þess sem verður skoðað sérstak-
lega í umsögn Bændasamtaka
Íslands um frumvarp um innleið-
ingu á matvælalöggjöf Evrópu-
sambandsins.
„Við erum ekki stuðningsmenn
þess að flytja inn hrátt kjöt,“
segir Haraldur Benediktsson,
formaður Bændasamtaka Íslands.
„Þetta snertir hag bænda að veru-
legu leyti og við verðum að gefa
umsögn sem eitthvert bit er í.“
Frumvarp landbúnaðarráð-
herra var ekki samþykkt á vor-
þingi. Bændasamtökin munu nota
tímann þar til þing kemur saman
á ný til að vinna ítarlega umsögn
um frumvarpið, segir Haraldur.
Samtökin munu ekki berjast
gegn frumvarpinu í heild. Þar
eru þó ákvæði sem samtökin geta
illa stutt og önnur þar sem þau
vilja jafnvel ganga lengra en
áformað er, segir Haraldur.
„Við reiknum ekki með að
frumvarpinu verði kollvarpað í
haust, heldur verði skerpt á
ákveðnum atriðum,“ segir Har-
aldur.
Meðal þess sem samtökin vilja
skerpa á er að tryggt verði að
kjöt og mjólkurvörur verði ekki
flutt inn frá löndum þar sem heil-
brigðisástandið er verra en hér á
landi. - bj
Bændasamtökin vinna umsögn vegna fyrirhugaðs innflutnings á hráu kjöti:
Skoða mögulegar undanþágur
SAUÐFÉ Bændasamtökin vilja skerpa á
ákvæðum um að hrátt kjöt verði ekki
flutt inn frá löndum þar sem heilbrigðis-
ástandið er verra en hér á landi.
PALESTÍNA Ríkisútvarp Egyptalands greindi frá því í
gær að Hamas-samtökin hefðu náð samningum um
vopnahlé við Ísraelsmenn.
Skömmu eftir að greint var frá þessu gerðu
Ísraelsmenn loftárás í suðurhluta Gaza-svæðisins,
nánar tiltekið í Khan Younis-bæ.
Flugvél sprengdi þar í loft upp bifreið og létust
allir fimm farþegarnir samstundis. Vopnahléið á
enda ekki að hefjast fyrr en á fimmtudaginn.
Talsmaður Hamas sagði að þótt Ísraelsmenn
virtust með þessu vilja setja friðarviðræðurnar út
af sporinu, myndu samtökin vinna áfram í átt til
friðar.
Ísraelsmenn staðfestu árásina og sögðust hafa
fellt „hryðjuverka-aðgerðarsinna“. Þeir vildu hins
vegar ekki staðfesta að þeir hefðu samið við
Hamas, en sögðu samningamann á leiðinni til Kaíró.
„Athafnir skipta meira máli en loforð,“ sagði
Mark Regev, talsmaður ríkisstjórnarinnar. „Ef það
verða engar árásir gerðar á Ísrael frá Gaza, ef þeir
hætta með öllu að safna að sér vopnum og ef
eitthvað gerist með gíslinn Gilad Shalit. Þá verður
sannarlega breytt staða,“ sagði hann. - kóþ
Ísraelsmenn sagðir hafa samið um frið við Hamas-samtökin:
Gerðu árás í friðarviðræðum
SLYS Tuttugu tonna olíutankur
rann af flutningavagni í Vest-
mannaeyjum í gær þegar dekk á
vagninum sprakk. Tankurinn hóf
að velta til hægri og vinstri þar til
festingarnar slitnuðu og hann
rann fram af vagninum.
Verið var að flytja tankinn frá
Fesinu að olíutönkunum á Eiðinu.
Hann er nú kominn á sinn stað.
Ekki urðu skemmdir á honum. - gh
Vestmannaeyjar:
Olíutankur valt
OLÍUTANKUR Flutningamönnum tókst
að bjarga málunum.
AÐ LOKINNI ÁRÁS Ísraelsmenn gerðu tvær árásir á Gaza-
svæðið í gær og vógu fimm menn og særðu tvo til viðbótar.
Um svipað leyti sendu þeir erindreka til Kaíró til að ganga frá
friðarsamningum. NORDICPHOTOS/AFP
HEILBRIGÐISMÁL Máli Magnúsar
Skúlasonar, fyrrverandi yfir-
læknis á Sogni, hefur verið vísað
til lögreglu.
Magnús hafði látið ávísa
ávanabindandi lyfjum á menn án
þeirra vitundar og án þess að
þau kæmust í réttar hendur.
Þrír aðrir læknar skrifuðu út
lyfin fyrir Magnús eftir að hann
var sviptur leyfi til þess í fyrra.
„Þeir skrifuðu lyfin út í góðri
trú, til skamms tíma, meðan fólk
væri að finna sér annan lækni,“
segir Matthías Halldórsson
aðstoðarlandlæknir.
Þó hafi ekki verið rétt að
farið. Læknunum hefur nú verið
gerð grein fyrir því og þeir
lausir allra mála. - ht
Gáfu sjúkum lyf í góðri trú:
Mál yfirlæknis-
ins til lögreglu
FR
ÉT
TA
B
LA
Ð
IÐ
/V
IL
H
EL
M
SLYS Félag Árneshreppsbúa
hefur hafið fjársöfnun vegna
brunans að Finnbogastöðum í
Trékyllisvík á mánudag. Guð-
mundur Þorsteinsson bóndi
missti allt sitt í brunanum, fyrir
utan fötin sem hann var í og
heimilisköttinn.
Þeir sem vilja leggja Guð-
mundi lið geta lagt inn á reikn-
ing 1161-26-001050, kennitala
451089-2509. Nánari upplýsingar
eru á síðunni trekyllisvik.blog.is.
- kóp
Bruninn að Finnbogastöðum:
Fjársöfnun haf-
in vegna bruna
BRUSSEL, AP Joe Borg, yfirmaður
sjávarútvegsmála hjá Evrópu-
sambandinu, hefur lagt fram
tillögur um aðstoð til veiðimanna
sem hætta veiðum eða endurnýja
vélabúnað skipa til að bæta
eldsneytisnýtingu. Tillögurnar
eiga að koma til móts við kröfur
um aðgerðir vegna hækkandi
olíuverðs, en jafnframt að draga
úr ofveiði á miðum Evrópusam-
bandslanda.
Tillögurnar eru lagðar fram að
kröfu sjö Suður-Evrópulanda. Lík-
legt er að þær muni ekki uppfylla
óskir margra veiðimanna sem
hafa krafist lækkana á eldsneytis-
gjöldum. - gh
Evrópusambandið:
Vilja aðstoða
veiðimenn
ÍRAK Að minnsta kosti 51 lét lífið
og 75 slösuðust þegar bílsprengja
sprakk í Bagdad, höfuðborg
Íraks, í gær. Tilræðið er hið
mannskæðasta í Írak í marga
mánuði.
Árásin átti sér stað nærri
strætisvagnastöð og útimarkaði.
Talið er að hryðjuverkasamtökin
al-Kaída standi að baki hermdar-
verkunum. Fréttastofa CNN
greindi frá þessu. - gh
Fimmtíu og einn lét lífið:
Mannskæð bíl-
sprengja í Írak
FINNBOGASTAÐIR Guðmundur missti
allt sitt í brunanum. MYND/HRAFN JÖKULSSON
Árni, voru þetta eintómir
bjarnarbófar að verki fyrir
norðan?
„Nei, þetta voru löggur!“
Bjarndýrið særða var fellt á flóttanum,
þegar átti að bjarga því til heimkynna
sinna. Lögreglan á svæðinu taldi ekki
óhætt að leyfa því að synda í sjónum.
Árni Finnsson er formaður Náttúru-
verndarsamtaka Íslands.
SPURNING DAGSINS