Fréttablaðið - 18.06.2008, Blaðsíða 12
12 18. júní 2008 MIÐVIKUDAGUR
NOREGUR Samaþingið í Noregi
hefur styrkt samtök samískra
homma, sem aðeins hafa einn
félaga, um hálfa milljón norskra
króna eða um 7,5 milljónir
íslenskra króna. Jafnréttisráðu-
neytið í Noregi vill hins vegar ekki
styðja samtökin. „Við getum ekki
styrkt samtök sem ennþá hafa
bara einn félaga,“ segir embættis-
maðurinn Kjell Erik Øie.
Formaður Landsamtaka homma
og lesbía í Noregi hvetur Sama-
þingið til að skoða samísku
hommasamtökin betur, að sögn
Dagbladet. „Ég vona að Sama-
þingið fylgist með og sjái til þess
að peningarnir verði notaðir með
fullnægjandi hætti,“ segir Jon
Reidar Øyan, formaður landssam-
takanna. - ghs
Samaþingið í Noregi:
Styrkir samtök
með einum
homma
FJÖLMIÐLAR „Þessi gagnrýni er að
hluta til réttmæt og við munum fara
yfir það hér í okkar ranni hvernig
við getum bætt úr þessu. Í við-
bragðaáætlun vegna atburða af
þessu tagi verður þá tekið meira til-
lit til þarfa þessa hóps,“ segir Páll
Magnússon útvarpsstjóri.
Páll ítrekar að Ríkisútvarpið muni
bæta þjónustu sína við heyrnar-
skerta. Ekki megi koma fyrir að
táknmálsfréttir falli niður, eins og
gerðist í Suðurlandsskjálftanum.
Dr. Valdís Ingibjörg Jónsdóttir
gagnrýndi í aðsendri grein í Frétta-
blaðinu á sunnudag að þann dag
hefðu táknmálsfréttir á RÚV verið
látnar niður falla. Táknmálsfréttir
hefðu áður verið felldar niður þegar
mikið hefði legið við.
Hún fullyrðir að þjónusta RÚV
við heyrnarlausa sé lakari en það
sem þekkist erlendis.
Spurður hvernig hann hyggist
bæta þjónustuna bendir Páll á að
unnið sé að því að texta innlent efni
í auknum mæli. Sérstaklega erfitt
sé þó að texta eða túlka fyrir
heyrnar skerta þegar efni sé í beinni
útsendingu með skömmum fyrir-
vara, því þá þurfi að kalla túlkana
út.
„Við hvetjum heyrnarskert fólk
einnig til að nýta sér fréttasíðu
okkar. Það má hafa af henni talsvert
gagn á ögurstundu,“ segir Páll. - kóþ
Útvarpsstjóri tekur undir gagnrýni á þjónustu RÚV við heyrnarskerta:
Táknmálsfréttir má ekki vanta
PÁLL MAGNÚSSON Útvarpsstjóri segir
óviðunandi að táknmálsfréttir falli niður
eins og þær gerðu í Suðurlandsskjálft-
anum. RÚV muni bæta þjónustu sína.
FRÉTTABLAÐIÐ/DANÍEL
VERSLUN Húsgagnaverslunin
IKEA hefur ákveðið að innkalla
Femton-kastara vegna hættu á
ofhitnun. Viðskiptavinir sem skila
kastaranum í verslun IKEA munu
fá hann endurgreiddan. Þetta
kemur fram í fréttatilkynningu
frá fyrirtækinu.
Kastarinn hefur sveigjanlegan
arm og hann getur ofhitnað sé
perunni beint of nálægt yfirborði,
svo sem vegg eða hillu. Þetta er
niðurstaða sænska rafmagns-
öryggisráðsins. - gh
IKEA innkallar kastara:
Hætta á ofhitn-
un kastara
Hektari brann á Mýrum
Eldur varð laus í sinu í landi Þverholts
á Mýrum í fyrrakvöld. Að sögn lög-
reglunnar í Borgarnesi brann um einn
hektari. Bændur með haugsugur og
slökkviliðsmenn slökktu eldinn. Stóð
til að vakta svæðið fram eftir nóttu.
SINUBRUNI
TRÚMÁL Biskup
Íslands, herra
Karl Sigur-
björnsson, hóf
vísitasíu um
Vestfirði í gær.
Vísitasían
stendur til 27.
júní og mun
biskup skoða
kirkjur og
kirkjugarða,
taka þátt í helgistundum og ræða
við sóknarpresta og sóknarnefndir.
Þá mun biskup heilsa upp á
sumarbúðabörn og heimsækja
dvalarheimili aldraðra og sjúkra-
hús.
Allir eru boðnir velkomnir til
þátttöku í helgihaldi vísitasíunnar.
Guðsþjónustur í tengslum við hana
verða meðal annars í Bolungarvík,
á Ísafirði og í Súðavík. - gh
Vísitasía Biskups Íslands:
Biskup heim-
sækir Vestfirði
HERRA KARL
SIGURBJÖRNSSON
BJÖRGUN Rauði kross Íslands
sendir landslið í skyndihjálp til að
keppa fyrir Íslands hönd í
Evrópukeppni Rauða krossins í
endurlífgun. Keppnin verður
haldin 19.-22. júní í Liverpool á
Englandi. Þetta kemur fram í
fréttatilkynningu frá Rauða
krossi Íslands.
Sex liðsmenn verða í íslenska
liðinu. „Við erum voða spennt. Ég
spái engu um árangurinn, enda
stefnum við bara á að hafa gaman
og læra af þessu,“ segir Haf-
steinn Jakobsson, liðsstjóri
íslenska liðsins.
Þetta er í sjöunda sinn sem
Ísland sendir lið í keppnina. - gh
Rauði krossinn í Evrópukeppni:
Landslið keppir
í endurlífgun
GÓÐUR RÓMUR Ræðu Geirs H. Haarde var vel tekið af viðstöddum. Hvort allir fylgd-
ust náið með fyrirhugðum aðgerðum ríkisstjórnarinnar í efnahagsmálum skal ósagt
látið.
FYRSTI FORSETABÍLLINN Ólafur Ragnar Grímsson og Dorrit Moussaieff voru glæsileg
þegar þau stigu úr Packard-bifreiðinni frá 1942. FRÉTTABLAÐIÐ/DANÍEL
HÆ HÓ, JIBBÍJEI Skátarnir gengu fylktu liði niður Laugaveginn eins og venjulega og
fjöldi fólks fylgdi þeim í blíðviðrinu enda eitt sinn skáti, ávallt skáti.
Sól og blíða á 17. júní
Sólin lék við landsmenn á þjóðhátíðardaginn að þessu sinni, en hana hefur oft vantað. Í Reykjavík mátti sjá
hefðbundna viðburði, skátar gengu fylktu liði, börnin léku við hvern sinn fingur og fjallkonan flutti ávarp.
HÁTÍÐARHÖLD Segja má að helsta
nýjungin hafi verið gömul, því for-
setahjónin mættu til hátíðarhald-
anna á Packard-bifreið frá árinu
1942. Þetta var fyrsti forsetabíll
lýðveldisins og var notaður á upp-
hafsárum Sveins Björnssonar í
embætti.
Mannfjöldi var saman kominn
til að hlýða á ræðu Geirs H. Haarde
forsætisráðherra. Í hátíðarstúk-
unni mátti sjá fyrirmenni víðs
vegar að úr heiminum að heyra
boðskap ráðherrans.
Smáfólkið hafði meiri áhuga á
þeim fjölda leiktækja sem boðið
var upp á. Aðrir slökuðu á í góða
veðrinu, enda ekki á vísan að róa
með gott veður á þjóðhátíðardag.
Talið er að um tuttugu þúsund
manns hafi verið í miðbænum
þegar mest var í gær. - kóp
FJALLKONAN ER KOMIN Í SKRÚÐ... það er hún Áslaug, í efnalaug... sungu Hrekkjusvín
um árið. Að þessu sinni brá leikkonan Elma Lísa Gunnarsdóttir sér í hlutverk fjall-
konunnar og fórst henni það glæsilega úr hendi.
ÞARF EKKI AÐ VERA FLÓKIÐ Krakkarnir þurfa ekki alltaf flóknustu og nýjustu leiktæk-
in til að skemmta sér. Þessir kátu krakkar vita að listin er til margra hluta nytsöm,
bæði til hugar og handa.
OBBOBBOBB! Pilturinn ungi virðist
áhugalítill um málverk Visilys Pukirev
um hjónabandið, enda voru aðrir
leyndardómar í boði þennan dag á
listasafninu í Minsk, höfuðborg Hvíta-
Rússlands. NORDICPHOTOS/AFP