Fréttablaðið - 18.06.2008, Blaðsíða 29

MIÐVIKUDAGUR 18. júní 2008 21
Ekki fór allt sem skyldi á Tilrauna-
maraþoninu sem haldið var í
byrjun Listahátíðar í Reykjavík í
síðasta mánuði. Þar ætlaði lista-
maðurinn Roger Hiorns að fremja
gjörning sem því miður varð ekk-
ert af þar sem að koparsúlfat sem
hann ætlaði að nota til verksins
kom ekki til landsins í tæka tíð.
En nú er koparsúlfatið komið til
landsins og því boðar Listasafn
Reykjavíkur í Hafnarhúsinu til til-
raunar sem gestir geta fylgst með
í fjóra daga. Tilraunin er gerð í
nokkrum þrepum og fer fyrsti
hluti hennar fram á morgun á milli
kl. 17 og 22. Gjörningurinn felst í
því að bílvél nokkur verður böðuð
í koparsúlfatinu í fjóra daga og má
vænta þess að hún sæti nokkrum
breytingum við meðferðina. Safn-
gestir geta fylgst með því kl. 17
þegar tæknimenn listasafnsins
hefjast handa við að blanda upp-
lausnina sem vélin verður síðan
sett í. Blandan getur reynst hættu-
legt við snertingu og þurfa þeir
sem blanda hana að gæta sérstakr-
ar varúðar. Hún ætti þó ekki að
valda skaða þeim sem horfa á.
Koparsúlfatið þarf að leysast upp
við ákveðið hitastig og sömuleiðis
þarf að gæta vel að því að vélin sé
sett í upplausnina á réttum tíma-
punkti. Þetta ferli getur tekið
nokkrar klukkustundir en lýkur á
fimmtudagskvöldinu.
Síðari hluti tilraunarinnar felst í
því að taka vélina upp úr kopar-
súlfatslausninni og verður það
gert að viðstöddum gestum á
sunnudag kl. 14. Þá verður spenn-
andi að fylgjast með hvaða breyt-
ingar hafa átt sér stað á bílvélinni,
en kenningunni samkvæmt ætti
hún að skrýðast glæsilegum bláum
hjúp eftir meðferðina. - vþ
Bílvél böðuð koparsúlfati
KLÆÐIST BLÁU
Hér má sjá segulkubb sem Roger Hiorns
baðaði koparsúlfati.
Út er komin hjá Háskóla-
útgáfunni bókin
Frá manni til
manns eftir Harald
Ólafsson, próf.
emeritus. Ævi
hvers manns er
þroskasaga frá
upphafi til enda,
frá ósjálfbjarga ungbarni til fullþroska
mannveru. Á svipaðan hátt hefur
mannkynið þróast frá fyrstu mann-
verunum sem hófu langa för fyrir
milljónum ára, til nútímamannsins
sem býr yfir þekkingu og hefur skap-
að fjölbreytta menningu. Haraldur
Ólafsson skipulagði fyrstur manna
nám í mannfræði við Háskóla Íslands
og kenndi þar í hartnær þrjá áratugi.
Bókin Nýsköpunar og frumkvöðla-fræði eftir Ívar Jónsson kom
nýverið út á vegum Háskólaútgáfunn-
ar. Bókin fjallar um nýja fræðigrein,
sem hefur skapað sér fastan sess
við háskóla á
Vesturlöndum,
helstu viðfangs-
efni hennar og
tengsl við aðrar
fræðigreinar. Gerð
er grein fyrir hvers
vegna skólaspeki
viðtekinnar hag-
fræði og hagrænn-
ar frjálshyggju er gagnslítil til skýringar
á hreyfiöflum nýsköpunarstarfsemi.
Jafnframt er fjallað um snertifleti
hennar við sálfræði, félagsfræði og
stjórnmálafræði.
Bókin Frá Sýrlandi til Íslands: Arfur Tómasar Postula eftir Jón Ma.
Ásgeirsson og Þórð Inga Guðjónsson
kom nýverið út hjá
Háskólaútgáfunni.
Í henni eru þrjú rit
kennd við Tómas
postula gefin
út á einni bók,
Tómasarguðspjall,
Tómasarkver og
Tómas saga post-
ula, en öll eru þau
talin eiga uppruna sinn á Sýrlandi.
Bókinni er skipt í þrjá hluta. Í þeim
fyrsta er að finna þrjá yfirlitskafla um
Tómasarkristni. Í öðrum hluta eru
formálar að útgáfum ritanna þriggja.
Í þriðja og síðasta hluta eru ritin sjálf
með lesbrigðaskrám og skýringum.
Nýverið kom út í kilju bókin Stalín-grad eftir
Antony Beevor.
Orustan um
Stalíngrad var ekki
einungis sálfræði-
legur vendipunkt-
ur síðari heims-
styrjaldarinnar;
hún breytti einnig
nútímahernaði.
Í bókinni er lýst reynslu hermanna
sem börðust við ómannúðlegar
aðstæður, svo og reynslu óbreyttra
borgara sem sátu fastir mitt í átök-
unum. Sagnfræðingar og gagnrýn-
endur um víða veröld hafa borið
lof á þessa bók Antony Beevor um
orrustuna miklu. Bókaútgáfan Hólar
gefur út.
NÝJAR BÆKUR
Skáldafélagið framsækna Nýhil
lætur ekki deigan síga frekar en
fyrri daginn og efnir til krass-
andi ljóðaveislu á Næsta bar,
Ingólfsstræti 1a, í kvöld kl.
20.30.
Ærin ástæða er fyrir hátíða-
höldunum enda eru nú 100 ár
liðin frá því að Íslendingur tók í
fyrsta skipti þátt í Ólympíuleik-
unum. Kvöldið er þannig sér-
staklega helgað glímukappanum
Guðmundi Sigurjónssyni Hofdal
sem tók þátt á Ólympíuleikunum
í Lundúnum árið 1908 fyrir
Íslands hönd. Hann er jafnframt
eini Íslendingurinn sem dæmdur
hefur verið fyrir „sódómíu“.
Til að hylla þennan merka
mann stíga á stokk ýmis ung og
öfugsnúin skáld sem hylla lífs-
villuna með ljóðum sínum.
Hópinn skipa þau Kristín
Eiríksdóttir, Ingólfur Gíslason,
Kristín Svava Tómasdóttir, Jón
Örn Loðmfjörð, Bergþóra Einars-
dóttir, Gísli Hvanndal, Una Björk
Sigurðardóttir og Arngrímur
Vídalín. - vþ
Glímt við öfuguggahátt
KRISTÍN SVAVA TÓMASDÓTTIR Eitt skáldanna sem koma fram á Nýhil-kvöldinu á
Næsta bar í kvöld.
www.toyota.is
ÍS
L
E
N
S
K
A
S
IA
.I
S
T
O
Y
4
24
48
0
5/
08
Toyota Kópavogi
Nýbýlavegi 2-8
Kópavogur
Sími: 570-5070
Toyota Akureyri
Baldursnesi 1
Akureyri
Sími: 460-4300
Toyota Reykjanesbæ
Njarðarbraut 19
Reykjanesbær
Sími: 420-6600
Toyota Selfossi
Fossnesi 14
Selfoss
Sími: 480-8000
Toyota Austurlandi
Miðási 2
Egilsstaðir
Sími: 470-5070
Bifrreiðaverkstæði Reykjavíkur ehf.
Bæjarflöt 13
Reykjavík
Sími: 577-7080
Bílatangi ehf.
Suðurgötu 9
Ísafjörður
Sími: 456-4580
Kaupfélag Skagfirðinga
Ártorgi 1
Sauðárkrókur
Sími: 455-4500
Bílaleiga Húsavíkur ehf.
Garðarsbraut 66
Húsavík
Sími: 464-2500
Toyota - Varahlutir
Núna er 15% afsláttur af rúðuþurrkum hjá sölu- og þjónustuaðilum Toyota um allt land.
Gildir til 30. júní 2008. Njóttu sumarsins og fegurðar landsins í gegnum hreina framrúðu.
Komdu og skiptu um þurrkur – fyrir ánægjulegri akstur.
Viðurkenndir Toyota varahlutir í alla bíla, alls staðar.
Njóttu útsýnisins í sumar
Auglýsingasími
– Mest lesið