Fréttablaðið - 18.06.2008, Blaðsíða 11
MARKAÐURINN 11MIÐVIKUDAGUR 18. JÚNÍ 2008
S K O Ð U N
Haukfrán augu
Gat ekki annað en glott út í annað
þar sem ég sat við eldhúsborðið á
föstudag, blaðaði í gegnum Mogg-
ann og las pistil hennar Agnesar
minnar Bragadóttur um endalok
skuldsettra yfirtaka. Henni tókst
að eigin sögn að lesa í framtíðar-
rúnir langt á undan öðru fjöl-
miðlafólki.
Svei, ef mér fannst ég ekki
hafa upplifað þetta nákvæmlega
sama augnablik nokkrum sinn-
um. Lesið sama stöff í viðtali við
Villa Bjarna fyrir nokkrum árum
og aftur þegar ég gluggaði í bók
Alans Greenspan, aldna banka-
stjórans, síðasta haust.
Tilefni Agnesar var grein um
Gillian Tett, viðskiptablaðamann
Financial Times, sem skrifaði ný-
verið um skuldsettar yfirtökur.
Taldi hún líkur á að skuldsett-
ar yfirtökur gætu brátt orðið á
allra vörum, lausafjárskorturinn
myndi skrúfa fyrir þær – alla-
vega í bili. Þetta sá hún í byrjun
júní – fyrir hálfum mánuði!
Ekki man ég lengur hvað ég
hef sett niður á blað í gegnum tíð-
ina. Einhver speki hlýtur samt að
vera inni á milli – jafnvel vísdóm-
ur. Bravó fyrir því.
En mikið ósköp voru þeir lengi
að þessu í útlöndum! Þetta er
hneisa. Hvað var Tett að pæla
áður en henni flaug það í hug að
lausafjárfarvegurinn var þurrk-
aður upp og lítið fyrir fjárfesta
að tappa af í skuldsettar yfirtök-
ur? Mér dettur helst í hug að teið
geri eitthvað við heilann á Bret-
um. Hún hlýtur að hafa dottað í
teið, blessuð. Í sirka ár.
Allir sem eitthvað vit hafa á
pjéningum, eins og skáldið tók
til orða, vissu fyrir löngu að pen-
ingarnir voru búnir í bönkunum
og aðeins á færi manna á borð
við mig að ræsa út hömmerinn
og moka upp hlutabréfum hist
og her. Já og á færi Agnesar,
sem vakti athygli á málinu í
september. Sem var síðastliðið
haust en ekki næsta haust, mín
kæra Tett! Já, hún ætti að hlusta
á Agnesi, sem hefur öðru hverju
vakið athygli á málinu frá síðustu
aldamótum. Agnes og félagar
hafa vakið athygli á þessu lengi,
lengur en maður kærir sig um að
muna. Klapp á axlir, kollegi spá-
kona. Ég bíð spenntur eftir næstu
pistlum og því sem hún sér hand-
an við hornið með sínu haukfránu
augum.
Spákaupmaðurinn á horninu
S P Á K A U P M A Ð U R I N N
Gylfi Sigfússon, forstjóri Eimskipa-
félagsins, var talsvert í fréttum í síðustu
viku þegar gengi bréfa í félaginu hrundi
bókstaflega í Kauphöllinni. Bréfin féllu
um þrjátíu prósent á tveimur dögum
eftir að tilkynnt var um níu milljarða
króna afskriftir félagsins vegna dóttur-
félagsins Innovate Holdings.
Gylfi Sigfússon var ráðinn til starfa
hinn 20. maí síðastliðinn. Hann á að baki
átján ára reynslu í flutningatengdum
rekstri og hefur starfað hjá fyrirtækinu
frá aldamótum.
Gylfi lauk prófi í viðskiptafræðum frá
Háskóla Íslands árið 1990 og var hann
sama ár gerður að framkvæmdastjóra
Tollvörugeymslunnar TVG. Árið 1996
réði Gylfi sig til Ambrosio Shipping Co.
í Bandaríkjunum. Hann var hjá Eimskip
í Bandaríkjunum árið 2001 og er því ný-
lega fluttur til landsins eftir rúmlega
áratuga dvöl þar vestra.
Gylfi er fæddur í Eyjum árið 1961
og er þriðji í röðinni af sex systkinum.
Faðir Gylfa, Sigfús J. heitinn, var John-
sen, en foreldrar hans tóku þá stefnu að
fylgja þeirri rammíslensku hefð og nota
Sigfúsar nafnið fyrir börnin sín en ættar-
nafn að erlendri fyrirmynd.
Meðal bræðra Gylfa eru Árni Sig-
fússon, bæjarstjóri í Reykjanesbæ, og
Þór Sigfússon, forstjóri Sjóvár, sem er
nýráðinn formaður Samtaka atvinnu-
lífsins og stjórnarformaður Árvakurs.
Björg ólfur Guðmundsson er sem kunn-
ugt er stærsti hluthafi í Árvakri og í
Eimskipafélaginu.
Gylfa er lýst sem afskaplega léttum og
kátum manni. Einn viðmælanda blaðsins
fullyrti að hann væri líklega sá bróðirinn
sem léttastur væri í skapi. Á uppvaxtar-
árunum í Hólahverfinu í Breiðholtinu er
Gylfi sagður hafa verið sá stríðnasti af
bræðrunum.
„Gylfi á eiginlega erfitt með að setjast
niður því hann vill vera stöðugt á ferð-
inni,“ nefnir einn viðmælandi blaðsins.
Gylfi spilar golf og einnig hefur hann
spilað fótbolta með gömlum félögum.
Fyrir átján árum reyndi Gylfi fyrir
sér í vídeóleigubransanum uppljóstrar
einn viðmælandinn. Eiginkona Gylfa,
Hildur Hauksdóttir, er dóttir Hauks Leós-
sonar, fyrrverandi stjórnarformanns í
Orkuveitu Reykjavíkur. Hildur og Gylfi
eiga tvo syni.
Þau hjónin starfa bæði í flutnings-
bransanum ef svo má segja þar sem
Hildur er framkvæmdastjóri Shop USA.
Reyndi fyrir sér í vídeóleigubransanum
S A G A N Á B A K V I Ð . . . G Y L F A S I G F Ú S S O N , F O R S T J Ó R A E I M S K I P A F É L A G S I N S
Netverslun ishusid.is
Er of hátt hitastig?
Loftkæling fyrir:
-Netþjóna
-Skrifstofur
-Veitingastaði
-Verslanir
Netversl ishusid.is
Endurvinnum – umhverfisins vegna
Núna er ekkert mál að endurvinna!
Blaðberi Fréttablaðsins er handhæg taska undir dagblöð og ýmsan
annan pappír sem fellur til á heimilinu. Blaðberinn kostar ekki neitt
og kemur þér á lagið með að endurvinna dagblaðapappír.
Nældu þér í Blaðbera og geymdu hann á góðum stað. ...góðar fréttir fyrir umhverfiðBlaðberinn...
Þú færð Blaðberann þinn í Skaftahlíð 24, alla
virka daga, frá kl. 8-17, á meðan birgðir endast.
F
í
t
o
n
/
S
Í
A