Fréttablaðið - 18.06.2008, Blaðsíða 14
MARKAÐURINN 18. JÚNÍ 2008 MIÐVIKUDAGUR14
F Y R S T O G S Í Ð A S T
„Mývatnssveitin er í uppáhaldi,“
segir Lilja Pálsdóttir, útibús-
stjóri í Glitni í Þarabakka, en
hún er mikil ferðakona þegar
kemur að því að ferðast um land-
ið.
„Einu sinni á ári er allavega
farið í Þórsmörk,“ nefnir Lilja
og bætir því við að í síðustu
Þórsmerkurferð var gengið upp
á Valahnúk. „Í Þórsmerkurferð-
unum er tíminn nýttur til að fara
í léttar gönguferðir um svæðið
enda alltaf eitthvað nýtt að sjá.“
Nýlega uppgötvaði Lilja nátt-
úruperluna Þakgil, sem er á
Höfðabrekkuafrétti á milli Mýr-
dalsjökuls og Mýrdalssands. „Við
hjónin fórum þangað í fyrra-
sumar og gengum upp á jökul-
inn fyrir ofan Þakgil.“ Á þessu
svæði eru margar áhugaverðar
gönguleiðir og mikil veðursæld.
Í sumar ætlar stórfjölskyldan
að dvelja saman í sumarhúsi í
Danmörku í viku og eyða þar
tíma í bænum Højby. „Sumar-
fríið í ár verður að vanda einn-
ig notað til ferðalaga um landið,“
segir Lilja og nefnir að auðvitað
þegar ferðast sé um Ísland með
tjaldvagninn og allar græjur sé
stefnan tekin á þann stað á land-
inu þar sem góða veðrið er.
Það má segja að það líði ekki
sá dagur á árinu að Lilja fari
ekki út að ganga. „Enski sprin-
ger-hundurinn okkar heldur mér
efnið,“ segir hún, en hundinn
þarf að viðra á hverjum degi, í
hálftíma til þrjú korter í senn.
- vg
KOMIN Í FERÐAHUG Lilja Pálsdóttir
ferðast mikið um landið á sumrin. Hún
ætlar auk þess að dvelja í sumarhúsi í
Danmörku í eina viku.
MARKAÐURINN/GVA
Útivist og gönguferðir
Lilja Pálsdóttir ferðast mikið um Ísland á sumrin.
6.00 Fer á fætur og hef mig til fyrir vinnudaginn. Mér finnst gott að
taka daginn snemma en leiðinlegt þó að hitta ekki Hilmar Sæ, litla
sólargeislann minn sem sefur sem fastast.
6.30 Mætt í vinnuna og byrja á því að yfirfara samninga.
8.00 Spjalla við samstarfsfélaga mína sem eru á leið í hin ýmsu verk-
efni á vegum fyrirtækisins.
9.00 Fundur og undirskrift samninga með verktökum sem
Orkuveitan hefur ráðið til ákveðinna verkefna.
10.00 Sendi fjöldann allan af tölvupóstum. Þeim, sem og verkefnum,
hefur fjölgað mjög á síðustu vikum.
11.00 Heimir, sambýlismaður minn, kemur við með Hilmar Sæ sem
hleypur í fangið á mér og vill svo fara út á svalir að skoða bílana. Sá
stutti er í sumarfríi í leikskólanum og fær hann því að eyða deginum
með pabba sínum og síðar ömmu sinni.
12.00 Fer út að borða á Gamla Bauk með samstarfsfélögum mínum.
Fáum okkur dýrindis rauðsprettu og súkkulaðiköku í eftirrétt.
Spjöllum, hlæjum og njótum þess að breyta til.
13.00 Áfram halda tölvupóstsamskipti og símhringingar vegna
samninga og annarra mála sem ég er að vinna að.
15.00 Vinn að og klára skýrslu um rafveitueftirlitsgjald til
Neytendastofu.
16.30 Sæki Hilmar Sæ sem er í góðu yfirlæti með tengdamömmu og
systursyni Heimis. Við förum svo öll í sund.
18.00 Komum heim og borðum kvöldmat. Síðan tekur við leikur með
bíla og borvélar.
20.00 Hilmar Sær fer að sofa eftir að hafa „lesið“ úr bók fyrir
mömmu sína og sýnt henni allt það sem merkilegast er að hans mati.
Þegar hann sofnar reyni ég að tengjast vinnunni heiman frá en teng-
ingarnar eru bilaðar. Set það á minnismiða í símanum mínum að fá
aðstoð við að koma því í lag.
22.30 Leggst upp í rúm með bók og les þar til ég lognast út af.
FRAMKVÆMDASTJÓRINN VIÐ ORKUVEITUHÚSIÐ Finnst gott að taka daginn
snemma og vaknar fyrir allar aldir. MARKAÐURINN/ÖRLYGUR
D A G U R Í L Í F I . . .
Guðrúnar Erlu Jónsdóttur, framkvæmdastjóra Orkuveitu Húsavíkur ehf.
F R Í S T U N D I N
Jón Aðalsteinn Bergsveinsson
skrifar
„Þetta er algjör perla,“ segir Júlíus Þorfinnsson,
framkvæmdastjóri samskiptasviðs hjá FL Group.
Flatey á Breiðafirði verður einn af áfangastöðum
hans í sumar en þangað hefur hann komið nokkrum
sinnum með fjölskyldunni.
Eyjan skoraði hátt í óformlegri könnun Markaðar-
ins. Ísland trónaði á toppnum með 45 stig, heilum
35 stigum fyrir ofan Spán, sem vermir annað sætið.
Frakkland lenti í þriðja sæti en flestir þátttakendur
í könnuninni ætla að bregða sér til suðurhluta lands-
ins. Á eftir fylgja Ítalía, Svíþjóð, Bandaríkin og Eyja-
hafið. Önnur svæði á heimskringlunni fengu færri
stig.
Júlíus segir miklu skipta um Flatey að þar sé lítið
sem ekkert farsímasamband. „Sagan segir að einn
punktur sé á eyjunni þar sem menn geta hringt úr
farsímum ef á þarf að halda. Ég held samt að einn
af göldrunum við Flatey sé einmitt að það næst ekki
í mann,“ segir Júlíus. Punktur þessi kom reyndar
við sögu í eftirminnilegu atriði í kvikmyndinni
Brúðgumanum sem frumsýnd var um áramótin.
„Það rímar vel við eyjuna – maður losnar við síma-
garganið og á ekki að spá mikið í það sem gerist
utan hennar.“
Júlíus telur miklu skipta að gistimöguleikum hafi
fjölgað í Flatey. Gistiaðstaða hafi verið fremur fá-
brotin þar til fyrir nokkrum árum, þá helst svefn-
pokapláss. Fáir aðrir kostir hafi verið á eyjunni nema
fyrir þá sem þekktu einhvern sem átti hús í Flatey.
„Nú er þarna komið fínasta hótel og veitingastaður
þar sem ferskmeti úr bakgarðinum – Breiðafirði – er
í aðalhlutverki,“ segir hann.
„Að koma til Flateyjar er pínulítið eins og að fara
til útlanda. Stemningin þar er öðruvísi og maður
breytist um leið og stigið er á land,“ segir Ingibjörg
Pétursdóttir, hótelstýra á Hótel Flatey á Breiðafirði,
sem hefur rekið hótelið í þrjú ár. Þar er hún á sumrin
en starfar í höfuðborginni á veturna. „Ég er ekki
hissa á því að Flatey sé vinsæl, þar er svo afslapp-
andi,“ bætir hún við.
Hótelið byggir á þremur húsum, sem hafa verið
endurnýjuð mikið. Herbergin eru þrettán talsins og
eingin tvö þeirra eins. Hverja helgi á sumrin er boðið
upp á lifandi tónlist þjóðþekktra tónlistarmanna.
Ingibjörg nefnir sem dæmi Tómar R. Einarsson, Jóel
Pálsson og Ólöfu Arnalds, sem troða upp í sumar.
Ingibjörg segir það í raun ekki rétt að ekkert far-
símasamband sé á eyjunni. Hið rétta sé að eyjar-
skeggjar óski eftir því við gesti að þeir tali ekki
mikið í símana. „Það er eins og allir verði við því og
ákveði að njóta fuglanna og náttúrunnar í staðinn,“
segir Ingibjörg og hlær lágt. „Sambandið er reynd-
ar voðalega nýtilkomið og allir vilja halda í hitt,“
segir hún og viðurkennir að sjálfri finnist sér það
skemmtilegra að sambandið sé lítið sem ekkert.
HRIFINN AF
FLATEY Júlíus
Þorfinnsson hjá
FL Group segir
að galdurinn
við Flatey sé sá
að þar sé erfitt
að ná í mann.
MARKAÐURINN/DANÍEL
Ísland heitasta landið
Flatey á Breiðafirði er vinsælasti áfangastaðurinn í sumar,
samkvæmt könnun Markaðarins.
GIMSTEINN Í FLATEY Hótel Flatey á Breiðafirði er í raun þrjú mikið endurnýjuð pakkhús. Herbergin eru þrettán og engin tvö þeirra
eins. Hótelstýran segir að ferð til Flateyjar sé eins og að fara til annars lands.