Fréttablaðið - 20.06.2008, Blaðsíða 8

8 20. júní 2008 FÖSTUDAGUR
ÍS
LE
N
S
ÍS
LE
N
S
ÍS
LE
N
SK
A
SI
A
K
A
SI
A
K
A
SI
A.
IS
M
S
.IS
M
S
.IS
M
SA
4
09
8
A
40
9809
A
8
04
/0
8
04
/0
8
04
/
888
DÓMSMÁL Héraðsdómur Norður-
lands eystra hefur dæmt karl-
mann á þrítugsaldri í 85 þúsund
króna sekt fyrir vörslur fíkniefna.
Maðurinn var ákærður fyrir að
hafa geymt í tösku í skotti bíls
síns 17,5 grömm af marijúana,
þegar lögregla tók hann. Hann
mætti hvorki fyrir dóm né boðaði
forföll þegar hann var boðaður.
Hann hafði hlotið dóm fyrir
ránstilraun 2004 og var þá
dæmdur í skilorðsbundið fangelsi.
Síðar hlaut hann dóma fyrir
fjársvik og fíkniefnabrot auk
fleiri brota. Með broti sínu nú
rauf hann skilorð dóms frá 2005
upp á ellefu mánaða fangelsi. - jss
Karlmaður á þrítugsaldri:
Með maríjúana
í bílskottinu
1 Hver fer fyrir starfshópi um
breytt varnarsamstarf Norður-
landanna?
2 Hverjir hafa boðað til tíma-
bundinnar vinnustöðvunar alla
morgna í júní og júlí?
3 Hvaða verslun verður sú
fyrsta á Íslandi til að selja
Victoria‘s Secret nærföt?
SVÖRIN ERU Á SÍÐU 50
EFNAHAGSMÁL „Auðvitað finnst
okkur slæmt að uppbyggingin geti
ekki hafist strax,“ segir Ragn-
heiður Hergeirsdóttir, bæjarstjóri
Árborgar. Áform um uppbyggingu
í miðbæ Selfoss eru stopp í bili
vegna frosts á fasteignamarkaði.
Aðstæður til uppbyggingar hafa
gjörbreyst á stuttum tíma, segir
Franz Jezorski, einn eigenda Miðj-
unnar, sem áformar uppbyggingu
í miðbænum. Hann segir óráðlegt
að fara af stað með svo stórt verk-
efni í núverandi efnahagsástandi.
„Við verðum að hafa kaupendur,“
segir Franz. Hann segir verkefn-
inu frestað tímabundið, áformin
séu enn jafn metnaðarfull og þau
fari í gang um leið og næsta upp-
sveifla.
Franz segir að lagt hafi verið í
töluverðan kostnað með kaupum á
lóðum og húsum. Útgjöldin hafi þó
að mestu verið fjármögnuð með
eigin fé, og Miðjan því í stakk búin
til að bíða niðursveifluna af sér.
Búið er að rífa tvö hús í mið-
bænum og flytja það þriðja á brott.
Að auki stendur til að rífa hið svo-
kallaða Pakkhús, sem hýsir Jarð-
skjálftamiðstöð Háskóla Íslands.
Franz tekur undir að óheppilegt
sé að rífa hús og geta ekki byggt í
beinu framhaldi. Það sé þó betra
að rífa húsin en láta þau standa
auð, öllum til ama. Allt hafi verið
gert til að ganga eins vel frá og
hægt hafi verið.
„Segja má að við höfum misst af
lestinni,“ segir Franz. Skipulags-
vinna og undirbúningur hafi dreg-
ist, upphaflega skipulagsvinnan
átt að taka sex mánuði, en nú séu
komin fjögur ár.
„Auðvitað kemur lestin aftur og
þá er bara að vera tilbúinn að
stökkva á hana,“ segir Franz.
Ragnheiður Hergeirsdóttir
bæjar stjóri segir skipulagsvinnu
taka sinn tíma þegar unnið sé í
góðri sátt við umhverfið.
Ýmsir hafa orðið til þess að
benda á rusl og slæman frágang á
svæðinu. Ragnheiður segir það
vissulega slæmt og lóðarhafar
þurfi að ganga vel frá lóðunum.
„Auðvitað þarf að hafa þetta
snyrtilegt fyrst ekki verður byrj-
að að byggja í sumar,“ segir hún.
brjann@frettabladid.is
Uppbygging á
Selfossi stopp
vegna kreppu
Framkvæmdir í miðbæ Selfoss verða stopp þar til
hreyfing kemst á fasteignamarkaðinn á ný. Tvö hús
hafa verið rifin. Lóðarhafar eiga eftir að ganga frá
lóðum og gera snyrtilegt segir bæjarstjóri.
SELFOSS Tryggja verður að snyrtilegt sé á fyrirhuguðu framkvæmdasvæði þó að
framkvæmdir fari ekki í gang í sumar segir bæjarstjóri. MYND/SUNNLENSKA
BRUSSEL, AP Evrópuþingið hefur
samþykkt nýjar samræmdar reglur
um ólöglega innflytjendur í Evrópu-
sambandinu. Samkvæmt reglunum
má halda þeim í sérstökum búðum í
allt að átján mánuði, en eftir það
megi senda þá til síns heima.
Ólöglegum innflytjendum verður
gefinn kostur á að yfirgefa landið af
eigin vilja. Ef samvinna er engin
eða óttast er að viðkomandi flýi, má
halda honum í varðhaldi í allt að sex
mánuði og framlengja það um tólf
mánuði ef nauðsyn þykir. Heimilt
er að setja fimm ára endurkomu-
bann á fólk til allra ríkja Evrópu-
sambandsins.
Þetta er í fyrsta sinn sem reglur
um ólöglega innflytjendur eru sam-
ræmdar innan ESB, en talið er að
þeir geti verið alls um átta milljónir
í aðildarríkjunum 27.
Reglurnar hafa sætt nokkurri
gagnrýni, meðal annars frá
Amnesty International. „Heimild
um varðhald í allt að hálft annað ár
og fimm ára endurkomubann getur
hert reglur í sumum aðildarríkjum
og gefur slæmt alþjóðlegt for-
dæmi,“ segir í tilkynningu samtak-
anna.
Ráðherra innflytjendamála í
Frakklandi fullyrðir að heimild um
varðhald verði ekki nýtt að fullu og
hámark þar í landi verði enn 32
dagar. Þá hefur verið bent á að nýju
reglurnar komi í veg fyrir að ólög-
legum innflytjendum sé haldið í
fangelsi með ótíndum glæpa-
mönnum. - kóp
Evrópuþingið samþykkir umdeildar reglur um ólöglega innflytjendur:
Innflytjendalög samræmd
EKKI ALLIR SÁTTIR Þessi Evrópuþing-
maður lét afstöðu sína skýrt í ljós við
atkvæðagreiðsluna á miðvikudag.
FRÉTTABLAÐIÐ/AP
Tillaga minnihluta Sjálfstæðisflokks
um að fallið verði frá áformum um
að rífa Pakkhúsið svokallaða var
felld á bæjarstjórnarfundi nýverið.
Í greinargerð Sjálfstæðismanna
segir að mikilvægt sé að eyða
óvissu um framtíðarstaðsetningu
Jarðskjálftamiðstöðvar Háskóla
Íslands, sem staðsett er í húsinu.
Best væri að starfsemin fengi að
vera í húsinu áfram, enda sé þetta
sögufræga hús sérhannað fyrir
starfsemina.
Ragnheiður Hergeirsdóttir
bæjarstjóri segir stöðu Pakkhússins
óbreytta, áfram sé áformað að rífa
húsið. Af niðurrifinu verði hins vegar
ekki þar til ljóst verði hvenær fram-
kvæmdir á svæðinu hefjist.
Ragnheiður segir enga óvissu um
Jarðskjálftamiðstöðina. Bæjaryfir-
völd séu þegar farin að litast um
eftir heppilegu húsnæði og sú vinna
fari á fullt þegar í ljós komi hvenær
Pakkhúsið verði rifið.
ÓVÍST HVENÆR PAKKHÚSIÐ VERÐUR RIFIÐ
VEISTU SVARIÐ?