Fréttablaðið - 20.06.2008, Blaðsíða 74
38 20. júní 2008 FÖSTUDAGUR
tonlist@frettabladid.is
BRENNSLAN: SVAVAR KNÚTUR Í HRAUN
> Plata vikunnar
Sprengjuhöllin - Tímarnir okkar
Einhver ferskasta íslenska platan á
íslensku í langan tíma. Lögin hafa elst
vel þrátt fyrir að nokkuð sé liðið frá
útkomu hennar og nú er stefnt að því
að gefa hana út á vínyl. Gott framtak
fyrir safnara. - fgg
> Í SPILARANUM
Usher - Here I Stand
N.E.R.D - Seeing Sounds
Ýmsir - Hundrað bestu lög lýðveldisins
Bubbi - 4 naglar
USHER BUBBI
„Þessi lagalisti er tilvalinn til að
brjóta upp hvaða þunglyndiskast
sem er,“ segir Svavar Knútur
Kristinsson, trúbador og Hraun-
ari, um brennsluna sína, sem hann
kýs að kalla Geðsveiflubrennslu
Svavars.
1. Soundgarden - Zero Chance
„Lagið hans Bens Shepard á plöt-
unni Down on the Upside. Þung-
lynt og gleymt meistarastykki.“
2. Gomez - We Haven’t Turned
Around
„Eitt af þessum lögum sem breyttu
heiminum mínum og kristallar
angistina fyrir mér. Maður horfir
upp í himininn og öskrar „AF
HVERJUUU?!?““
3. Kris Kristofferson - Sunday
Morning Coming Down
„Yndislega melankólískt þynnku-
lag með þessum snilldarsöngv-
ara.“
4. Múgsefjun - Óskrifað blað
„Þetta er eitt fallegasta og sorgleg-
asta lag sem ég hef nokkurn tíma
heyrt. Hvílík dásemdarangist.“
5. Chavez - Lions
„Þetta er af plötunni Ride the
Fader, ótrúlega fallegt og ögrandi
stykki og vekur alltaf svona eymd-
arblandna kæti.“
6. Sandy Denny - The Seacaptain
„Ef eitthvert lag lætur manni líða
betur á hjólinu á svölu sumar-
kvöldi, þá vil ég endilega fá að vita
hvaða lag það er.“
7. Komeda - Rocket Plane
„Af plötunni The Genius of Kom-
eda. Þetta lag nær alltaf að gera
mig kátan og er eitt af þessum
lögum sem vöktu í mér einfalda
skringileikann.“
8. Joey Boy - Ragga Boom
„Taílenskur rappari sem ég kynnt-
ist í Bangkok í fyrra. Þetta lag
kemur mér alltaf í besta skap í
heimi.“
9. Herb Alpert - Tijuana Taxi
„Helber gleðisnilld!“
10. Schubert - Ókláraða sinfónían í
b-moll - fyrsti (fyrri) þáttur
„Þetta súmmerar upp pakkann og
dregur fram öll litlu músíkölsku
hrekkjusvínin í manni. Schubert
gefur mér svo endalausa gleði og
var svo mikill prakkari.“
ÖNNUR PLATA HRAUNS, SILENT TREAT-
MENT, KEMUR ÚT Í NÆSTU VIKU
Platan er mitt á milli depurðar fyrstu
plötu Hrauns og gleðinnar í þeirrar
næstu. Lagalisti Svavars sveiflast líka frá
þunglyndi til ofsakæti.
Nýja Coldplay-platan Viva La Vida
or Death And All His Friends kom
í verslanir í byrjun vikunnar.
Trausti Júlíusson hlustaði á gripinn
og forvitnaðist um hvað þeir félag-
ar hafa aðhafst síðan síðasta plata,
X&Y, kom út fyrir þremur árum.
Þegar Chris Martin tók við öðrum af tveimur
Brit-verðlaunum sem Coldplay fékk fyrir
þriðju plötuna sína, X&Y, í ársbyrjun 2006 þá
sagði hann m.a.: „Þakka ykkur fyrir. Nú
munum við ekki sjá ykkur í langan tíma...
Okkar bíður mikið verk.” Metnaðurinn sem
hefur einkennt Coldplay allan ferilinn
hefur ekkert minnkað. Eftir X&Y,
sem þótti ágæt en samt of lík fyrri
plötunum, ákvað Chris að nú þyrfti
sveitin aldeilis að leggja sig fram til
að næsta plata yrði betri. Og nú
er fjórða platan komin. Hún
heitir því þunglamalega
nafni Viva La Vida or Death
and All His Friends og var
tekin upp með tveimur
upptökustjórum, Brian
Eno og Markus Drays.
Eno kallaður til
Coldplay er ein stærsta
hljómsveit heims og
ein af vinsælustu sveitum breskrar tónlist-
arsögu. Hún hefur þegar selt yfir 30 milljón
eintök af fyrstu plötunum sínum þremur
Parachutes (2000), A Rush of Blood to the
Head (2002) og X&Y (2005). Hún er vinsæl út
um allan heim, þ.á.m. vestanhafs, en Banda-
ríkjamarkaður hefur oft reynst breskum
tónlistarmönnum erfiður.
Eftir gerð X&Y ákvað Chris Martin að
Coldplay þyrfti að „prófa nýja liti“ á næstu
plötu. Hann réð Brian Eno til að stjórna upp-
tökunum, en þeir kynntust árið 2001. Eno,
sem skemmti nýlega gestum Listahátíðar í
Reykjavík með spjalli og fékk þá til að syngja
saman, er einn af virtustu upptökustjórum
síðustu áratuga. Hann hefur mikið starfað
með U2 og stjórnaði m.a. upptökum á nokkr-
um af plötum Talking Heads. Chris og Eno
tóku sér góðan tíma árið 2007 til að fara yfir
aðferðafræði þess síðarnefnda án þess að
taka nokkuð upp. Svo var farið í upptökur
og á seinni stigum var öðrum upptöku-
stjóra bætt í hópinn, Markus Drays,
sem er þekktastur fyrir að hafa
stjórnað upptökum á Neon Bible
með Arcade Fire.
Bjartsýnisnafn og bölsýnisnafn
Auk þess að hafa unnið að nýju plöt-
unni hafa meðlimir Coldplay hlaðið
niður börnum á síðustu árum. Chris
á tvö með Gwyneth Paltrow, tveggja
og fjögurra ára, gítarleikarinn Jonny
Buckland á eitt sex mánaða, trommu-
leikarinn Will Champion á eitt tveggja
ára og nokkurra vikna gamla tvíbura
og bassaleikarinn Guy Berryman á
eitt 20 mánaða gamalt. Auk þess að
vinna með Coldplay hefur Chris
Martin unnið með tveimur af
stærstu nöfnunum í hip-hop heiminum síð-
ustu ár, Jay-Z og Kanye West. Um nafngift-
ina á nýju plötunni segir Chris að nöfnin séu
tvö til að maður geti valið hvort hentar manni
betur bjartsýnisnafnið (Viva La Vida!) eða
bölsýnisnafnið (Death And All His Friends).
Platan hefur fengið ágæta dóma. Aðkoma
Enos hefur gefið tónlistinni meiri dýpt og
platan er líka fjölbreyttari en fyrri plöturnar.
Hljómborðsleikarinn og „fimmti Coldplay-
meðlimurinn” Phil Harvey gerir góða hluti á
plötunni og það sama má segja um fiðluleik-
arann sem setur svip á nokkur laganna.
Vinsældirnar virðast líka ekkert vera að
dvína, a.m.k. er fyrsta smáskífulagið Violet
Hill vinsælasta lagið í íslensku útvarpi þegar
þetta er skrifað.
Trausti Júlíusson
Coldplay prófar nýja liti
ENO Í LIÐINU Það hefur
væntanlega ekki þótt
sæta neinum stórtíðindum
þegar Brian Eno gekk til liðs
við Coldplay enda hefur hann um
árabil verið einn helsti samstarfsmaður U2,
sem Chris Martin horfir mikið til.
COLDPLAY Fjórmenningarnir í Coldplay eru komnir með nýja plötu þrátt fyrir miklar annir við barneignir og
bleiustúss að undanförnu.
Rokksveitin Singapore Sling skrifaði
nýlega undir samning hjá hinu nýja
útgáfufyrirtæki, Microdot Music. Af því
tilefni mun hljómsveitin blása til tónleika
á Organ í kvöld. Hljómsveitin hyggst
frumflytja tvö ný lög af væntanlegri breið-
skífu sinni en einnig mun hljómsveitin
flytja eldri lög í nýjum búningi.
Tónleikarnir verða haldnir í samstarfi
við Johnny Walker. Evil Madness og Bacon
koma einnig fram en þeir eiga heiðurinn
af endurhljóðblöndunum sem finna má á
smáskífu sem fylgir frítt með götublaðinu
Reykjavík Grapevine. Smáskífan fæst í
takmörkuðu upplagi, eða aðeins í 500
eintökum, og hægt er að nálgast hana í
versluninni 12 Tónum, Skífunni Laugar-
vegi, Organ og í Smekkleysubúðinni.
Tónleikarnir hefjast klukkan 22.00 og
aðgangseyrir er 1000 krónur. - sm
Singapore Sling rokkar á Organ
SINGAPORE SLING Hljómsveitin er þekkt fyrir að
halda kröftuga tónleika FRÉTTABLAÐIÐ/ARNTOR
Skoðaðu: www.max1.is
G
C
I G
R
O
U
P
G
R
E
Y
A
LM
A
N
N
AT
E
N
G
S
L
Settugömlu
dekkinuppíný
Breyttu túttunum undirbílnumígæðadekk hjá Max1
Þú breytir gömlu túttunum undir bílnum í gæðadekk í dag.
Þú færð 2.500 kall fyrir hverja túttu upp í hvert nýtt gæðadekk.
Auktu umferðaröryggi þitt með Max1.
Svona erum við – fyrir þig. Max1 fargar einnig túttunum á
umhverfisvænan hátt. Komdu við hjá Max1 í dag.
Hér erum við fyrir þig:
Max1 Reykjavík
Bíldshöfða 5a (hjá Hlölla), beinn sími: 515-7095 eða 515-7096
Bíldshöfða 8, beinn sími: 515-7097 eða 515-7098
Jafnaseli 6 (við Sorpu), beinn sími: 587-4700
Max1 Akureyri
Tryggvabraut 5, beinn sími 462-2700
Uppítökuverð
2.500 kr.pr. dekk
Auktu umferðaröryggi
þitt og vertu á betri
dekkjum frá Max1
Max1 fargar gömlu
dekkjunum með
umhverfisvænum
aðferðum