Fréttablaðið - 20.06.2008, Blaðsíða 76

40 20. júní 2008 FÖSTUDAGUR
folk@frettabladid.is
Margfaldur heimsmeistari í
Boogie Woogie er meðal kennara
á sumarnámskeiði Háskóladans-
ins, auk Noregsmeistara í Lindy
Hoppi og rokki og róli. Námskeið-
ið hefst laugardaginn 21. júní og
stendur í fimm daga. „Ég held að
þetta sé í fyrsta skipti sem stofn-
að er dansfélag sem miðað er að
háskólanum. Allt er gert í sjálf-
boðavinnu, sem gerir okkur kleift
að hafa mjög lágt verð á nám-
skeiðum,“ segir Hrafnkell Páls-
son, einn stofnenda félags um
Háskóladansinn.
Fyrsti dansinn sem þau kenndu
var Boogie Woogie. „Við höfðum
verið að dansa folke-swing, eða
rokk og ról. Svo fór ég til Noregs
og lærði svokallaða ameríska
djass dansa, líkt og Lindy Hopp
sem er sá dans sem sést í gömlum
amerískum bíómyndum. Ég kom
aftur með þá þekkingu og kenndi
vinum mínum.“
Hrafnkell segir um áttatíu
manns hafa mætt á fyrsta nám-
skeiðið og flestir þeirra ekki lagt
stund á dans áður. „Fólk er oft svo
feimið við að byrja að dansa. Það
heldur að maður sé annaðhvort
fæddur dansari eða hörmulegur.“
Félagið er því að ná mörgum út úr
dansskápnum. „Það er okkar
markmið að búa til sem stærstan
hóp dansara. Það vantar dans-
menningu í flóruna hérna heima.“
Hápunktur sumarnámskeiðis-
ins er dansleikur í Iðnó, þriðju-
daginn 24. júní og kostar 500
krónur inn. „Þá verða leiðbein-
endur með sýningu, sem er auð-
vitað voða flott og svo geta allir
komið og dansað,“ sagði Hrafn-
kell.
Skráning stendur yfir á www.
haskoladansinn.is. - kbs
Stúdentar út úr
dansskápnum
SVEIFLAÐ Í SJÁLFBOÐAVINNU Guðrún
María Jónsdóttir og Hrafnkell Pálsson
eru meðal þeirra sem standa fyrir
Háskóladansinum. FRÉTTABLAÐIÐ/ARNÞÓR
> BRAST Í GRÁT
Duffy var stödd á MOJO Honours
List-verðlaunahátíðinni síðastliðinn
mánudag þegar Sex Pistols söngvar-
inn Johnny Rotten grætti hana með
ófögru orðavali sínu. Duffy ætl-
aði að gera sér lítið fyrir og leggja
hendur sínar yfir axlir Johnnys í
hópmyndatöku baksviðs þegar
söngvarinn brást ókvæða við og
jós úr skálum reiði sinnar. Duffy,
sem átti sér einskis ills von,
varð svo um við þetta að hún
brast í grát.
„Ég er áhættuleikari,“ segir Mikael
Torfason sem varð fyrir því óláni að
detta niður úr sex metra háum stiga
síðastliðið laugardagskvöld. „Ég er svo
rólegur undir álagi og fattaði að grípa í
handrið. Þannig dró ég úr fallinu,“ segir
Mikael sem lenti á bakinu og vankaðist.
Hann segist hafa misst minnið um
stundarsakir og hvorki áttað sig á stað
né stund. „Ég skildi ekki af hverju ég
var að mála. Ég hugsaði: „Ertu að
vinna við að mála?“ En áttaði mig á að
svo var ekki en þá spurði ég mig: „En
ertu ekki að vinna einhvers staðar?“ og
ég gat ekki heldur svarað því þar sem
ég vinn hjá sjálfum mér,“ segir Mikael
sem rekur eigið bókaforlag, GKJ, og er
einnig að skrifa bók.
María Óladóttir, kona Mikaels,
keyrði hann rakleiðis á slysavarð-
stofuna. Þar fékk hann þær upplýsingar
að ekkert hefði brotnað. „Ég hef aldrei
brotið mig, 7,9,13. Reyndar braut ég á
mér stóru tána í heitum potti þegar ég
var fullur unglingur í Húsafelli, en það
telst ekki með,“ segir Mikael.
Mikael sinnir þó áfram störfum
sínum sem bókaútgefandi og segir stóru
pantanirnar erfiðastar. Hann hefur
gefið út bókina Warren Buffett aðferðin
og einnig endurútgáfu af Fölskum fugli
eftir hann sjálfan. „Ég verð að viður-
kenna að Buffett selst betur, sem er
svekkjandi fyrir mig.“ Einnig er hann
að leggja lokahönd á sína nýjustu
skáldsögu, Vormenn Íslands, sem hann
segir í stíl Mikaels Torfasonar. „Ég fer
ekkert að skrifa eins og Guðrún frá
Lundi þó ég detti niður af þaki,“ segir
hinn óbrjótandi Mikael Torfason. - shs
Mikael datt niður sex metra
MIKAEL TORFASON Datt sex metra niður úr stiga
án þess að brjóta nokkurt bein.
FRÉTTABLAÐIÐ/STEFÁN
Meðlimir sveitarinnar Sign
hafa í nógu að snúast þessa
dagana. Þeir eru nýsnúnir
heim frá Bretlandi, þar
sem þeir spiluðu á tónlistar-
hátíðinni Download um
síðustu helgi í félagsskap
ekki síðri sveita en Kiss. Á
morgun leika þeir svo á tón-
leikum í tilefni af fimmtán
ára afmæli MND félagsins.
„Það er útihátíð eins og Download,
þó að hún hafi kannski verið aðeins
stærri,“ segir Ragnar Zolberg,
söngvari Sign, og hlær við. Hann
segir reynsluna á Download hafa
verið óraunverulega. „Það var
fullt af flottu liði þarna, og þetta
var eiginlega aðeins of mikið,“
segir Ragnar, sem gafst ekki færi
á að ræða við kappana í Kiss. „Nei,
ég held að þeir hafi nú bara stokk-
ið beint upp í einkaþotu þegar þeir
voru búnir að spila,“ segir hann.
Á morgun er Sign á meðal þeirra
hljómsveita sem að skemmta gest-
um og gangandi á Thorsplani í
Hafnar firði í tilefni af 15 ára afmæli
MND félagsins. Þar munu einnig
stíga á stokk Rúnar Júlíusson,
Bogomil Font og Davíð Þór Jónsson,
meðal annarra, en Örn Árnason
verður í hlutverki kynnis. Félagið er
Sign hugleikið, en faðir Ragnars og
Egils Arnar trommara, Rafn
Jónsson, var fyrsti formaður þess.
Hann lést úr sjúkdómnum, sem
herjar á hreyfitaugar líkamans, árið
2004. „Við höfum ekki komið fram á
vegum félagsins áður, en við ólumst
hins vegar upp með skrifstofuna
inni á heimilinu okkar,“ segir
Ragnar. „Okkur langaði að vera með
í þessu. Þetta er í rauninni félagið að
þakka fyrir stuðninginn í gegnum
árin og bjóða upp á tónleika og
skemmtun. Alþjóðlegi MND-dagur-
inn er á morgun, svo það er verið að
fagna því líka, og svo hefur hundrað
ára afmæli Hafnarfjarðar náttúr-
lega líka verið fagnað duglega,“
segir hann.
Næst á döfinni hjá Sign er að gefa
út plötuna The Hope í Bretlandi, en
hún kemur út í júlí. „Við byrjum á
því og sjáum svo hvað gerist. Ann-
ars erum við líka að reyna að fá smá
suamrfrí, við höfum verið á svolítið
miklum þeytingi,“ segir Ragnar. Þá
styttist í að plata frá honum, með
rómantískum formerkjum, líti dags-
ins ljós, en Ragnar vill sem minnst
um hana segja. „Það er bara undir
ábreiðu sem stendur. Það styttist í
að ég fari að tala um hana og þá
verður allt vitlaust,“ segir Ragnar
kíminn.
Tónleikarnir á Thorsplani, í
miðbæ Hafnarfjarðar, hefjast
klukkan 19 og standa til 23. Nánari
upplýsingar um MND-félagið má
nálgast á heimasíðunni www.mnd.
is. sunna@frettabladid.is
Spila fyrir MND félagið
FRÁ DOWNLOAD Á THORSPLAN Hljómsveitin Sign kom fram á tónlistarhátíðinni
Download fyrir viku, þar sem kapparnir úr Kiss voru á meðal sveita. Á morgun leikur
Sign á Thorsplani í Hafnarfirði, þar sem MND félagið býður gestum og gangandi upp
á tónleika í tilefni af afmæli sínu.
Við erum stolt af
því að leggja
góðu málefni lið.