Fréttablaðið - 20.06.2008, Blaðsíða 80
44 20. júní 2008 FÖSTUDAGUR
sport@frettabladid.is
FÓTBOLTI Ég kom nú ekki beint kok-
hraustur til leiks á Laugardals-
völlinn. Ég mætti þangað rúmlega
sex til að taka þátt í æfingu hjá
kvennalandsliði Íslands. Ég bað
um leyfi hjá landsliðsþjálfaranum
Sigurði Ragnari Eyjólfssyni til að
fá þrjár landsliðskonur til að
skjóta á mig nokkrum skotum
eftir æfinguna og var það auðsótt.
Ragnheiður Elíasdóttir hjá KSÍ
var svo vinsamleg að lána mér
íslenska landsliðsbúninginn. Ég
fékk forláta ljósbláa treyju, svart-
ar buxur og svarta sokka að láni.
Mér stóð reyndar önnur treyja til
boða en það var einróma mál
blaðamanna á Fréttablaðinu að ég
tæki mig betur út í þessari ljós-
bláu. Auk þess var hún minni, sem
sýndi betur að ég er ekkert á mínu
léttasta skeiði. „Þetta lúkkar,“
sögðu stelpurnar nú samt. Líklega
til að vera kurteisar, en takk
samt.
10 árum og 30 kílóum síðar
Það eru mörg ár síðan ég æfði fót-
bolta, þá var ég bæði í marki og á
miðri miðjunni. Augljóslega var
ég í marki til að þurfa ekki að
hlaupa jafn mikið. Frá því ég
hætti, fyrir mjög svo mörgum
árum síðan, hef ég ekki spilað
nema til að leika mér og bætt á
mig mörgum kílóum. Líklega í
tugatali. Giskum á þrjátíu.
Þegar ég æfði spilaði ég á litla
gerð af mörkum. Ég fékk því
ákveðið sjokk þegar ég kom inn í
markið á Laugardalsvellinum.
Þetta er miklu stærra þegar maður
er kominn inn í það en úr blaða-
mannastúkunni!
Við Sigurður höfðum fengið þær
Gretu Mjöll Samúelsdóttur úr
Breiðabliki, Katrínu Ómarsdóttur,
sprelligosa og athafnakonu úr KR,
og Sif Atladóttur úr Val til að taka
þátt. Við ákváðum að þær þrjár
myndu taka fimm skot á mann á
mig, öll rétt fyrir utan vítateig.
Ég stal markmannshönskum af
Söndru Sigurðardóttur og þakka
henni fyrir lánið. Stelpurnar voru
einróma um að ég tæki mig vel út
í treyjunni, sem var augljóslega
númeri of lítil og jú, ljósblá. Svo
hófst skothríðin.
Greta Mjöll Samúelsdóttir:
Hinn knái kantmaður gerði lítið úr
mér í fyrstu tveimur skotunum.
Nákvæmni hennar var slík að mér
datt þessi fyrirsögn á greininni í
hug. Mín glæsilegasta markvarsla
kom eftir skot frá Gretu, þrusu-
negla hennar stefndi beint upp í
samskeytin þegar ég kom svífandi
eins og köttur og sló boltann glæsi-
lega yfir með miklum tilþrifum.
„Nujjjj!“ sögðu þær og hrósuðu
mér í hástert. Feikilega ánægður
með þessa vörslu.
Katrín Ómarsdóttir:
Katrín var eins og Greta örugg í
fyrstu tveimur spyrnunum. „Ertu
að gefa okkur sjálfstraust?“ kall-
aði Katrín, augljóslega til að reyna
að koma mér úr jafnvægi, þegar
öll skotin flugu inn í fyrstu umferð-
unum. En ég lét ekki deigan síga
og lokaði markinu glæsilega
þannig að skot hennar fór yfir
markið.
Hún potaði svo einum bolta inn
en eins og henni einni er lagið
bauð hún upp á svokallað grín-
skot, þar sem hún stóð við boltann
og sveiflaði vinstri fæti aftur fyrir
þann hægri. Ég hló síðast þar sem
ég greip boltann auðveldlega.
Sif Atladóttir:
Valsstúlkan skoraði örugglega úr
fyrstu spyrnu en fyrsta skotið sem
ég varði var frá henni. Það var
lágt og alveg úti við stöng en
gömlu taktarnir sýndu sig og ég
sló boltann út fyrir stöngina með
glæsilegum hætti.
Sif skaut einu sinni rétt fram-
hjá, þar sem boltinn sleikti stöng-
ina, og skoraði svo annað gott
mark. Ég varði þó eitt skot í viðbót
frá henni, sem var hátt en ég varði
það nokkuð auðveldlega að mínu
mati.
„Þú varðir þvílíkt maður!“
Heilt yfir má segja að ég hafi stað-
ið mig ágætlega. „Þú varðir því-
líkt maður,“ fleyttu þær fram eftir
æfinguna. Einhvern tímann var
gert grín að því að ég fyllti nú bara
ágætlega út í markið. Þessi mörk
eru þó það stór að ég var nú ekki
nálægt því.
Þegar stelpurnar vönduðu sig
verulega skoruðu þær (fyrir utan
glæsimarkvörslurnar tvær) og að
mínu mati þarf landsliðsmark-
maður Slóvena að vara sig. Stelp-
urnar eru ákveðnar og tilbúnar í
slaginn.
Ég hlakka í það minnsta til að
mæta á völlinn á morgun, vitandi
til þess að ég gaf þeim aukið sjálfs-
traust með því að líta út eins og
villtur deyfður ísbjörn á Norður-
landi á milli stanganna.
hjalti@frettabladid.is
Eins og deyfður ísbjörn í markinu
Íslenska kvennalandsliðið mætir því slóvenska á morgun. Hjalti Þór Hreinsson, íþróttafréttmaður á Frétta-
blaðinu, tók hús á stelpunum fyrir leikinn og fékk að spreyta sig í marki. Árangurinn var æði misjafn.
KLÁR Í SLAGINN Hér sést ég klæða mig í hanskana frá Söndru markverði og Greta
Mjöll skýtur á mig léttu skoti áður en sjálf skothríðin hófst. FRÉTTABLAÐIÐ/DANÍEL
HRESSAR Landsliðskonurnar Greta Mjöll Samúelsdóttir, Katrín Ómarsdóttir og Sif Atladóttir tóku vel á móti blaðamanni Frétta-
blaðsins og brostu breitt eftir að hafa nánast skorað að vild gegn honum. FRÉTTABLAÐIÐ/DANÍEL
ÞVÍLÍK TILÞRIF Ég náði mér ágætlega á
strik um tíma og hér er mín besta varsla,
flaug eins og köttur upp í hornið og sló
boltann yfir. FRÉTTABLAÐIÐ/DANÍEL
HANDBOLTI Ein besta handknatt-
leikskona landsins, Rakel Dögg
Bragadóttir, mun ekki leika
áfram með Stjörnunni á Íslandi
því hún er búin að semja til
tveggja ára við danska liðið KIF
Vejen sem er kvennalið Kolding.
Þetta lið varð í fimmta sæti í
hinni geysisterku dönsku deild á
síðustu leiktíð þannig að ljóst er
að Rakel er að ganga í raðir mjög
sterks félags.
„Ég er virkilega ánægð og
óhætt að segja að draumurinn sé
að rætast. Ég hef stefnt að þessu
lengi og gaman að það hafi gengið
upp,“ sagði Rakel Dögg himinlif-
andi en ekki er langt síðan
Kolding kom inn í myndina hjá
henni.
„Þetta gerðist allt ótrúlega
hratt og í raun kláraðist það á tíu
dögum. Ég er búin að fara út og
æfa með þeim og líst vel á þetta.
Allt mjög fagmannlega unnið,
sterkur hópur og ljóst að ég þarf
að vinna mig inn í liðið sem er
skemmtilegt og krefjandi
verkefni,“ sagði Rakel en hún
samdi til tveggja ára.
„Þetta lið er talsvert meira
spennandi en hitt liðið sem vildi
fá mig og ég er nú ekkert viss um
að ég hefði tekið þeirra tilboði.
Það er mikil tilhlökkun hjá mér
en æfingar hefjast eftir mánuð,“
sagði Rakel sem segist hafa gert
ágætan samning en sé þó ekki
orðin rík.
„Svo er ég ágæt í dönsku, get
bjargað mér, þannig að það verða
engar stórar hindranir í upphafi,“
sagði Rakel kát. - hbg
Rakel Dögg til Kolding:
Draumurinn er
að rætast
KVADDI MEÐ TITLUM Rakel vann tvöfalt
með Stjörnunni síðasta vetur og fagnar
hér Íslandsmeistaratitlinum.
FRÉTTABLAÐIÐ/ANTON
GOLF Íslenska landsliðið í golfi
keppir á Evrópumóti áhugamanna
á Ítalíu í byrjun júlí. Þjálfarinn
Staffan Johansson valdi sex
kylfinga til þátttöku á mótinu.
Það eru Sigmundur Einar Másson
(GKG), Ólafur Björn Loftsson
(NK), Stefán Már Stefánsson
(GR), Hlynur Geir Hjartarson
(GK), Kristján Þór Einarsson
(GKj) og Sigurþór Jónsson (GR).
- hþh
Íslenska landsliðið í golfi:
Keppir á EM
áhugamanna
Helga Margrét Þorsteinsdóttir varð í gær fyrsta íslenska konan til
þess að ná yfir 5.500 stigum í sjöþraut þegar hún bætti tveggja ára
Íslandsmet Kristínar Birnu Ólafsdóttur um 122 stig á sterku alþjóð-
legu fjölþrautarmóti í Prag í Tékklandi. Helga Margrét fékk alls 5.524
stig og varð í sjöunda sætinu á mótinu.
„Þetta var markmiðið mitt í sumar og það er frábært að ná því
strax í fyrstu kvennaþrautinni. Ég ætlaði að fara yfir 5.500 stigin
þannig að ég er rosalega sátt með þetta. Ég sá eftir fyrri daginn að
ég ætti góða möguleika á metinu. Ég var samt ekki að hugsa mikið
út í stigin nema fyrir síðustu greinina og reyndi bara að einbeita mér
að einni grein í einu,” sagði Helga eftir að metið var í höfn.
„Hástökkið stendur upp úr í þessari þraut en það kom mjög
skemmtilega á óvart. Þetta er líka í fyrsta skipti sem það er ekkert
stórkostlegt klúður. Þetta er jafnasta þrautin sem ég hef farið í gegn-
um. Maður lærir alltaf meira og meira eftir hverja þraut og ég er ekki
hálfnuð að læra á greinarnar,” segir Helga Margrét sem hafði gaman
að því að hún fékk nákvæmlega jafnmörg stig og þegar hún varð
Norðurlandameistari á dögunum en þá keppti hún með léttari kúlu
og grindurnar voru lægri.
Helga hafði betur en Nikola Ogrodníková frá
Tékklandi sem lofar góðu fyrir komandi heimsmeist-
aramót í Póllandi. „Hún er einu ári eldri og vann
mig í fyrra á EM 19 ára og yngri þegar hún varð í
þriðja sæti. Ég vann hana núna með einhverjum 80
stigum sem ég var mjög ánægð með.”
Helga Margrét er samt ekkert farin að hugsa um
Ólympíuleikana þótt að hún nálgist lágmarkið.
„Það eru margir sem hafa verið að tala um
Ólympíulágmarkið við mig en ég segi það
alveg hreint út að það er ekki markmiðið.
Ég er bara sextán ára og ætla að komast á
Ólympíuleikana 2012,” segir Helga Margrét
en hún þyrfti að ná 5.800 stigum til þess að
ná lágmarkinu á leikana í Peking í haust.
„Ég ætla bara að koma heim og fara í
sveitina um helgina. Síðan ætla ég að fara
aftur í bæinn og keyra upp æfingarnar fyrir
heimsmeistaramót 19 ára og yngri.”
HELGA MARGRÉT ÞORSTEINSDÓTTIR ÚR ÁRMANNI: BÆTTI ÍSLANDSMETIÐ Í SJÖÞRAUT UM 122 STIG
Ætlar bara að fara í sveitina um helgina
> Kvennalandsliðið á Facebook
Stelpurnar í kvennalandsliðinu hafa verið duglegar að
vekja athygli á leiknum gegn Slóvenum á laugar-
dag og skal engan undra. Stelpurnar hafa meðal
annars sent hvatningarorð á heimasíðu KSÍ
og í gær skrifaði landsliðsþjálfarinn þar
pistil og óskaði eftir stuðningi. Nú
hefur einnig verið stofnaður stuðn-
ingsmannaklúbbur stelpnanna á
vefsvæðinu Facebook. Inni á því er
hægt að ganga í klúbbinn og senda
skilaboð til stelpnanna. Yfir 600
höfðu skráð sig í klúbbinn síðdegis
í gær.