Fréttablaðið - 22.06.2008, Blaðsíða 18
LJÚFAR STUNDIR
Hrefna Sigurjónsdóttir skrifar
matur kemur út mánaðarlega með sunnudagsblaði
Fréttablaðsins. Ritstjórn: Emilía Örlygsdóttir og Roald
Eyvindsson Hönnun: Silja Ástþórsdóttir Forsíðumynd: Arnþór
Birkisson Pennar: Gunnþóra Gunnarsdóttir, Hrefna Sigurjóns-
dóttir, Klara Kristín Arndal, María Þóra Þorgeirsdóttir, Marta
María Friðriksdóttir, Mikael Marínó Rivera, Ragnheiður
Tryggvadóttir, Sigríður Theódóra Pétursdóttir, Vera Einars-
dóttir, Þórdís Lilja Gunnarsdóttir Ljósmyndir: Fréttablaðið
Auglýsingar: Stefán P. Jones spj@frettabladid.is
MATREIÐSLUBÓKIN
Fiskur
Ávextir
2 matur
Bára nýtur þess að hreyfa sig reglulega og er mikill hlaupari. Hún reynir að búa sem oftast til hollan mat, en börnin hennar þrjú, tveir unglingar og einn sjö
ára, hafa í gegnum tíðina ekki verið mjög hrifin af græn-
meti. Fyrir nokkrum árum síðan greip Bára til þess ráðs að
blanda ávöxtum og grænmeti saman í salat til að auka
grænmetisneyslu barnanna. „Þetta er mín leið til að bæta
grænmeti inn í mataræðið og það hefur gengið ágætlega. Salatið hefur unnið
á hjá unglingunum, en yngsti strákurinn minn er enn í því að plokka ávext-
ina út og borða þá eingöngu,“ segir hún.
Sjálf er Bára mjög hrifin af því að blanda ávöxtunum saman við grænmetið.
„Mér finnst salatið verða miklu betra fyrir vikið; ávextirnir gefa svo gott
bragð.“ Að sögn Báru er salatið heil máltíð í sjálfu sér, en hún útbýr það oft
og hefur með kjöti.
Bára telur blöndu af kletta- og lambahagasalati, rauðlauk og gúrku ómiss-
andi í salatið og svo bætir hún út í ávöxtunum sem til eru ísskápnum hverju
sinni. Hvað ávextina varðar þá finnst henni gott að nota vínber, mangó, epli
og melónur. „Þessir ávextir gera salatið enn þá betra, sérstaklega þar sem
ég nota enga sósu út á það.” - kka
VERSLUN SÆLKERANS
Nigella með hraði er bók sem aðdáendur bresku eldhús-
gyðjunnar Nigellu Lawson ættu ekki að láta fram hjá
sér fara. Þar sýnir hún, af sinni fágætu list, hvernig
hægt er að töfra fram heillandi og girnilega rétti á
skömmum tíma með lítilli fyrir-
höfn. Sjónvarpsþættirnir
Skyndiréttir Nigellu, sem eru
sýndir í RÚV um þessar mundir,
byggja á bókinni og því getur
verið áhugavert að hafa hana
við höndina einmitt nú.
Orðið skyndibiti fær nýja
merkingu í bókinnni því um leið
og matreiðslan er einföld eru
réttirnir gómsætir og spenn-
andi og ættu að falla í kramið
hjá sönnum sælkerum. Bókin
er skemmtilega uppsett og nefnast kaflarnir til að
mynda Í kapphlaupi við klukkuna, Vinningsréttir á virk-
um dögum, Hvunndagshetjur og Á hlaupum.
Bókin, sem er gefin út af Veröld, er 280 blaðsíður.
Hún fæst í verslunum Eymundsson og kostar 2.990
krónur á tilboði.
Skyndifæði sælkera
Sumar
og sól
Brauðhúsið í Grímsbæ
Í Brauðhúsinu í Grímsbæ, sem bræðurnir Guð-
mundur og Sigfús Guðfinnssynir reka í Efstalandi
26, er eingöngu notað lífrænt hráefni. Brauðin eru
aukefnalaus og eggin koma frá hænum sem vappa
frjálsar um tún. Bakaríið hefur haft þessa sérstöðu
frá árinu 1999 og er það eina sinnar tegundar á
landinu.
„Útgangspunkturinn er að baka úr lífrænt
ræktuðu hráefni. Við bökum mikið af súrdeigs-
brauði og notum aðallega speltmjöl. Þá leggjum við
áherslu á íslenskt hráefni og notum meðal annars
íslenskt bygg,“ segir Guðmundur.
Hann segir lífræna ræktun hafa ýmislegt fram
yfir aðrar ræktunaraðferðir. Hún skili sér ekki
eingöngu í hollari afurðum heldur hafi hún einnig
með umhverfissjónarmið að gera, en minni notkun
eiturefna og tilbúinna efna leiðir til umhverfis-
vænni ræktunar.
Í búðinni er auk brauðs boðið upp á bakkelsi, safa
og bökunarvörur svo eitthvað sé nefnt. Hægt er að kaupa súrdeig til að baka úr heima og liggja uppskriftir frammi í
búðinni. Brauðin fást víðar en í Brauðhúsinu en þeir bræður baka meðal annars fyrir Yggdrasil, Mann lifandi,
Heilsuhúsið, Melabúðina og Fjarðarkaup. - ve
Dulbúið
Bára reynir ýmislegt til að fá börnin sín til að borða
meira grænmeti. FRETTABLAÐIÐ/DANÍEL
SUMARLEGT
GRÆNMETISSALAT
Lambhagasalat og klettasalat
1/2 blómkálshaus
1/2 spergilkálshaus
1 rauð paprika
1 rauðlaukur
kirsuberjatómatar
agúrka
vínber
1 mangó
fetaostur, eftir smekk
gul epli, magn eftir smekk
vatnsmelóna
Allt skorið niður og sett í skál.
GRÆNMETISSALAT
Bára Jóhannsdóttir háskólanemi kann ýmsar aðferðir til að fá börnin sín til að borða meira
grænmeti. Ein þeirra er að blanda grænmeti og ávöxtum saman í sumarlegt og gott salat.
Girnilegt og
sumarlegt grænmetis-
og ávaxtasalat.
Veðrið hefur svo sannarlega leikið við Íslendinga síðustu daga og virðist ekkert lát vera þar á. Ekki veitir af góðu sumri eftir langan vetur og
dimma daga. Því er um að gera að njóta þessa tíma til
fullnustu. Þar skipa matur og mannfagnaðir stóran
sess og tengja margir góðar minningar við góðan mat.
Á sumrin er fólki efst í huga að matreiðslan sé sem
ferskust og fari vel í maga. Ljóst kjöt og fiskur er vin-
sælt á þessum árstíma þó svo safarík steik standi
alltaf fyrir sínu. Grillið er óspart notað við ýmis
tækifæri enda einföld matreiðsluleið. Ýmiss konar
salöt henta vel sem meðlæti eða aðalréttur og gaman
er að útbúa litrík og fersk salöt sem eru í senn
bragðgóð og falleg skreyting á matarborðið. Ljúffeng-
ur ís með ferskum ávöxtum setur síðan punktinn yfir
i-ið og fullkomnar hvaða máltíð sem er.
Gott veður og hlýrri tíð bjóða upp á fleiri mögu-
leika er kemur að borðhaldi þar sem hægt er að færa
veisluhöldin út á svalir, pall eða í garðinn. Einnig er
tilvalið að pakka niður góðgæti í körfu og bregða sér í
lautarferð. Ekki þarf mikla fyrirhöfn og má einfald-
lega smyrja góðar samlokur og setja ávexti í poka.
Hins vegar er gaman að nostra aðeins við veitingarn-
ar og skipuleggja lautarferðina þannig að hún
heppnist sem best. Osta, ber og bakkelsi er klassískt
að taka með og ekki spillir fyrir að útbúa girnilegt
salat. Nauðsynlegt er að hafa svaladrykk og hugsan-
lega eru einhverjir kaffiþyrstir með í för. Til að vel
fari um mannskapinn og matvælin er um að gera að
hafa með teppi, dúka og púða og góð ílát fyrir það
nauðsynlegasta. Síðan þarf að taka með poka fyrir
rusl og annað sem til fellur. Ef krakkar eru með í för
er tilvalið að hafa bolta, frisbídisk eða annað dót í
útileiki en auðvelt er svo sem að finna upp á leikjum
án þess að einhverjir aukahlutir séu með í för. Þegar
sólin kyssir kinn er því tilvalið að smeygja sér í
Nigellu-gírinn og pakka niður gómsætu nesti og
stefna út í móa.
Lautarferð er góð samverustund fyrir vini og
fjölskyldu og má með henni skapa dýrmætar
minningar. Hún sameinar í senn útiveru, matarveislu,
leiki og fjör og því hvet ég sem flesta til að skella sér
í lautarferð í góða veðrinu. Ekki þarf mikinn undir-
búning eða vinnu. Í raun er nóg að skella sér í næsta
almenningsgarð með djús og gotterí og skottast um í
sólinni með gleði í hjarta og sól í sinni. Hugarfarið
skiptir mestu máli þó ljúffeng matarveisla fullkomni
upplifunina.
SKÝRINGAR Á UPPSKRIFTATÁKNUM:
A Aðal-réttur Til hátíða-brigða
HvunndagsSmáréttirS