Fréttablaðið - 22.06.2008, Blaðsíða 64
24 22. júní 2008 SUNNUDAGUR
sport@frettabladid.is
FÓTBOLTI Tvö skot Slóvena að
marki ollu Þóru B. Helgadóttir
markmanni engum áhyggjum.
„Ég þurfti ekki að hafa áhyggjur
af neinu nema „taninu“ í dag. Það
kæmi mér ekki á óvart að ég væri
sólbrennd. Maður er auðvitað
orðinn þeldökkur eftir þetta.
Þetta var leiðinlegasti leikur sem
ég hef spilað en það var afar
skemmtilegt að klára hann,“ sagði
Þóra glaðbeitt.
- hþh
Ekkert að gera í markinu:
Bara áhyggjur
af „taninu“
KUNNUGLEG SJÓN Þóra horfir hér á
leikinn fjarri boltanum eins og svo oft í
leiknum í gær. FRÉTTABLAÐIÐ/RÓSA
Ísland - Slóvenía 5-0
1-0 Margrét Lára Viðarsdóttir (víti, 11.), 2-0
Margrét Lára Viðarsdóttir (26.), 3-0 Margrét
Lára Viðarsdóttir (50.), Katrín Jónsdóttir (63.),
5-0 Katrín Ómarsdóttir (85.)
Tölfræðin:
Skot (á mark) 15–2 (7–0)
Varin skot Þóra 0 – Knesevic 0
Horn 7–1
Aukaspyrnur fengnar 10–11
Rangstöður 7–1
Staðan í riðlinum
1. Frakkland 7 6 0 1 28 18 stig
2. Ísland 6 5 0 1 17 15 stig
3. Slóvenía 7 3 0 4 -12 9 stig
4. Grikkland 5 1 0 4 -15 3 stig
5. Serbía 7 1 0 6 -18 3 stig
UNDANKEPPNI EM
FÓTBOLTI Ásta Árnadóttir fór í
skemmtilegt handahlaup og heljar-
stökk þegar henni var skipt af velli
á 69. mínútu. „Ég var að bæta upp
fyrir að detta á rassinn,“ sagði
Ásta, sem flaug á hausinn og upp-
skar mikill hlátrasköll í einu af sér-
stæðum innköstum sínum.
Ásta tekur svokölluð flikk-flakk
innköst þar sem hún fer í heljar-
stökk með boltann áður en hún
fleygir honum langt inn á teiginn.
„Það var valkvíði hvoru megin við
enda hlaupabrautarinnar ég ætti
að setja boltann niður og endaði
bara á rassinum svo fólk myndi
gleyma hinu,“ sagði Ásta skælbros-
andi. Það tókst eflaust ekki. - hþh
Ásta Árnadóttir fór í heljarstökk í skiptingunni:
Var að bæta upp fyrir
að detta á rassinn
FLIKK-FLAKK INNKÖST Ásta sýndi skemmtilega takta með innköstum sínum í gær.
Þetta hér heppnaðist vel en eitt þeirra mistókst þannig að Ásta datt á rassinn og fékk
í þokkabót dæmt á sig vitlaust innkast. FRÉTTABLAÐIÐ/RÓSA
FÓTBOLTI Margrét Lára Viðarsdóttir hefur nú skorað
40 mörk í 42 landsleikjum fyrir Íslands hönd.
Tölurnar tala sínu máli en árangur hennar er hreint
einstakur. Í gær skoraði hún sína fjórðu þrennu.
Hinar komu gegn Póllandi 2003, Skotlandi 2004 og
gegn Portúgal 2006 þar sem hún skoraði reyndar
fjögur mörk.
„Ég veit hreinlega ekki hvað ég á að segja um þetta.
Er þetta ekki bara markheppni?“ spurði Margrét Lára
brosandi. „Þetta eru auðvitað flottar tölur og allt það
en það er margt á bak við þetta. Ég hef frábæra
liðsfélaga og þetta er bara rosalega gaman. Það er
kærkomið að skora þrjú fyrir mig þar sem ég hef
verið að glíma við meiðsli og þetta gefur mér bara
aukið sjálfstraust fyrir framhaldið,“ sagði Margrét,
sem vildi alls ekki láta skipta sér útaf eftir þrennuna.
Hún ræddi við Sigurð landsliðsþjálfara í dágóða
stund á meðan leikurinn var í gangi á hliðarlínunni.
„Við vorum að taka ákvörðun um þetta, hann vildi
vera skynsamur. Maður vill aldrei fara út af. Hann
þurfti að sannfæra mig um það. Við erum auðvitað
með frábæra varamenn líka sem komu sterkir inn
þannig að við þurftum ekki að hafa áhyggjur af neinu.
Eftir á að hyggja var þetta skynsamlegt. Ég hef verið
að berjast við meiðsli og hef lent svolítið illa í því.
Með hjálp góðra sjúkraþjálfara tekst mér það,“ sagði
Margrét ákveðin.
Sigurður hrósaði Margréti einnig. „Þetta er
náttúrlega magnað. Hún skorar í nánast hverjum
einasta landsleik og stundum fleiri en eitt. Hún er
alltaf að verða betri og betri og þegar maður heldur
að hún geti ekki bætt sig meira gerir hún eitthvað
svona. Það er frábært að hafa svona leikmann í
liðinu,“ sagði landsliðsþjálfarinn. - hþh
Hin 21 árs gamla Margrét Lára hefur skorað 40 mörk í 42 landsleikjum:
Vildi ekki fara út af eftir þrennuna
FÓTBOLTI Leikmenn íslenska karla-
landsliðsins í handbolta hafa löng-
um verið kallaðir „strákarnir
okkar“. Með enn einni glæsilegri
frammistöðu í gær er nú óhætt að
kalla kvennalandsliðið í knatt-
spyrnu „stelpurnar okkar“.
Ísland vann Slóveníu 5-0 og
hefur þar með tryggt sér réttinn
til að leika í umspili um laust sæti
í úrslitum Evrópumótsins á næsta
ári. Vinni liðið Grikkland á
fimmtudag leikur það úrslitaleik
gegn Frökkum ytra í haust um
beint sæti á mótið þar sem liðinu
dugir jafntefli.
Leikurinn í gær var einstefna
frá upphafi til enda. Íslenska liðið
náði strax góðum tökum á leiknum
og eftir að Margrét Lára Viðars-
dóttir var toguð niður í teignum og
hafði skorað úr vítinu sjálf var
leikurinn nánast búinn.
Slóvenska liðið gerði sig nánast
aldrei líklegt til að sækja og átti
aðeins tvo skot í átt að marki
Íslands í leiknum. Hvorugt olli
nokkrum usla. Lið Slóveníu var
ekki svipur að sjón og það gat
hreinlega ekki neitt. Slóvenarnir
lágu einnig í valnum hvað eftir
annað og biðluðu um miskunn sem
þeim var ekki sýnd. Stelpurnar
hreinlega gengu frá þeim.
Margrét Lára skoraði sitt annað
mark eftir að jafnbesti maður liðs-
ins í gær, Sara Björk Gunnars-
dóttir, hafði unnið boltann af mik-
illi hörku og sent á Hólmfríði, sem
lék á varnarmann áður en hún
lagði knöttinn á Margréti sem
skoraði auðveldlega. Sara var frá-
bær í leiknum, barðist úti um allt
og lét finna vel fyrir sér. Hún er
sautján ára gömul.
Staðan í hálfleik var 2-0 og eftir
Bahamatakta Ingó í leikhléinu
héldu yfirburðir Íslands áfram.
Margrét Lára fullkomnaði þrennu
sína eftir vel útfært horn þar sem
hún fékk sendingu frá Katrínu
Ómarsdóttur frá nærstönginni.
Gott mark hjá liðinu. Margrét Lára
fékk svo dýrmæta hvíld þegar hún
var tekin út af á 57. mínútu.
Fyrirliðinn Katrín Jónsdóttir
skoraði fjórða markið eftir vel
útfærða aukaspyrnu og skömmu
síðar var mark sem hún skoraði
dæmt af vegna rangstöðu. Rakel
Hönnudóttir skaut í þverslána en
Katrín Ómarsdóttir rak síðasta
naglann í kistu Slóvena með
fimmta og síðasta markinu með
þrumuskoti á lokamínútunum.
Flott mark hjá Katrínu.
Í raun var íslenska liðið varla að
spila á fullum krafti því það á enn
meira inni. Stelpurnar voru farnar
að hægja mikið á sér undir lokin
og náðu þar með að spara sig
örlítið enda er stutt í næsta leik.
Sigurður Ragnar Eyjólfsson held-
ur áfram að ná frábærum árangri
með liðið, sem spilaði góða knatt-
spyrnu í gær.
„Þetta voru meiri yfirburðir en
ég bjóst við,“ sagði Sara Björk
eftir leikinn. „Við settum mark á
þær snemma og það var mjög
mikil vægt. Við þurfum að halda
einbeitingu í 90 mínútur og gerð-
um það. Slóvenska liðið er frekar
slappt en leikur okkar var klár-
lega eins og við viljum hafa hann.
Við áttum allar góðan leik í dag.“
hjalti@frettabladid.is
„Stelpurnar okkar“ stóðust prófið
Ísland hafði mikla yfirburði í 5-0 sigri á arfaslöku liði Slóvena í gær. Leikurinn var einstefna frá fyrstu mín-
útu og sáu slóvensku stúlkurnar aldrei til sólar. Margrét Lára Viðarsdóttir skoraði þrennu í leiknum.
VÍTI Margrét Lára brýst í gegn og fiskar
víti sem hún skoraði úr. Margrét skoraði
þrennu í leiknum. FRÉTTABLAÐIÐ/RÓSA
GLEÐI Í LAUGARDALNUM Margrét Lára fagnar þrennu sinni
með því að hlaupa til landsliðsþjálfarans. FRÉTTABLAÐIÐ/RÓSA
Sigurður Ragnar Eyjólfsson landsliðs-
þjálfari var að vonum brosmildur
í sólinni eftir leikinn. „Þetta
þróaðist mjög vel fyrir okkur.
Við fengum mark snemma
leiks og það stútar þeim svolítið
þegar við skorum annað markið.
Slóvenska liðið er heldur ekki
vant að spila fyrir framan
svona marga áhorfendur
og það hefur kannski
slegið þær svolítið út
af laginu. Það var líka
mjög jákvætt að geta
hvílt Margréti eftir
þriðja markið,“ sagði
landsliðsþjálfarinn.
Hann talaði
við Margréti á
hliðarlínunni í dágóða stund og svo virtist
vera sem hún vildi hreinlega ekki yfirgefa
völlinn. „Við ræddum aðeins saman. Það
vill enginn fara út af en við ákváðum að
taka skynsemina á þetta og ég held að það
hafi verið rétt ákvörðun,“ sagði Sigurður og
Margrét tók einnig undir það.
„Mér fannst jákvætt hvað við sköpuðum
okkur mikið af færum. Leikskipulagið okkar
gekk vel upp og sóknin gekk mjög vel. En
maður vill reyndar alltaf meira,“ játaði
Sigurður glottandi.
Nammipokinn á varamannabekknum
tæmdist líklega næstum því enda fá
leikmenn og starfsmenn þar nammi
í hvert sinn sem Ísland skorar. „Það
er mjög mikilvægt starf að kaupa í
nammipokann fyrir hvern lands-
leik,“ segir þjálfarinn.
„Halldóra Gylfadóttir liðsstjóri sá um
það núna og þegar við skorum fá allir eitt
nammi. Sumir stela sér reyndar tveimur,
þremur, fjórum og jafnvel fimm bitum,“
sagði Sigurður, sem þvertók fyrir að nefna
nöfn þeirra seku þrátt fyrir ágengni blaða-
manns. „Þetta býr til góða stemningu á
bekknum.“
Sigurinn þýðir að Ísland hefur tryggt sér
sæti í umspili fyrir lokakeppni EM. „Það er
frábært að ná því þegar tveir leikir eru eftir
í riðlinum,“ sagði Sigurður. Auk þess dugir
Íslandi nú jafntefli gegn Frökkum ytra vinni
liðið Grikkland á fimmtudaginn.
„Með sigri í þeim leik fáum við líka veikari
andstæðing en ella í umspili,“ sagði Sigurður
og það er því ljóst að það er til mikils að
vinna í leiknum á fimmtudag, sem hefst
klukkan 16.30.
SIGURÐUR RAGNAR EYJÓLFSSON LANDSLIÐSÞJÁLFARI: NAMMIÐ Á BEKKNUM HELDUR UPPI STEMNINGU
Stoltur landsliðsþjálfari í sólskinsskapi
FLOTTUR LEIKUR Sigurður
Ragnar Eyjólfsson landsliðsþjálf-
ari heldur hér sigurræðu yfir
íslenska landsliðinu í gær. Það
vann öruggan 5-0 sigur á slöku
liði Slóvena.
FR
ÉT
TA
B
LA
Ð
IÐ
/R
Ó
SA
> 3.922 áhorfendur í Laugardalnum
Fín stemning ríkti heilt yfir á Laugardalsvelli í gær. Tólfan
studdi vel við bakið á liðinu en á stundum vantaði að fleiri
tækju undir. Stelpurnar voru ánægðar með stuðninginn.
„Vonandi fáum við fleiri áhorfendur næst en ég þakka
þeim sem komu kærlega fyrir
stuðninginn. Ég var mjög ánægð
með hann,“ sagði fyrirliðinn Katrín
Jónsdóttir. Næsti leikur Íslands er
á fimmtudaginn gegn Grikklandi.
Hann hefst klukkan 16.30.