Fréttablaðið - 23.06.2008, Blaðsíða 49
MÁNUDAGUR 23. júní 2008 17
UMRÆÐAN
Guðný Jóhannesdóttir svarar
Bakþönkum Þórhildar Elínar
Elínardóttur
Kæra Þórhildur, ég heiti Guðný Jóhannesdóttir og er ritstjóri
héraðsfréttablaðsins Feykis sem
gefið er út á
Norðurlandi
vestra. Mín
kæra Þórhildur,
ég er líka móðir
þriggja barna
sem hafa gaman
af því að leika
sér í náttúrunni
í kringum heim-
ili okkar á Sauð-
árkróki. Börnin
mín hafa hvorki lágt enni né langa
handleggi og gengur vel í skóla.
Börnunum mínum og börnum ann-
arra Skagfirðinga stóð ógn af
ísbirninum sem um daginn villtist
svo sorglega af leið og dvaldi við
bakgarðinn heima. Kæra Þórhild-
ur, hvernig hefði þér liðið vitandi
af ísbirni í Öskjuhlíðinni, nú eða
Heiðmörk?
Kæra Þórhildur Elín, ég er mjög
stolt af lögreglunni sem stjórnaði
vettvangi bæði á Þverárfjalli og
eins úti á Hrauni þann 17. júní sl.
Lögreglan tók erfiðar ákvarðanir
með öryggi íbúanna í huga. Kæra
Þórhildur, ef þú telur að þú hefðir
getað stýrt aðgerðum betur þá óska
ég fyrir hönd okkar Skagfirðinga
eftir því að þú sendir okkur þínar
hugleiðingar. Heimamann dreymdi
nefnilega þrjá birni og samkvæmt
því á einn eftir að koma á land.
Kæra Þórhildur, þú gætir
kannski varið okkur fyrir þeim
þriðja?
En að lokum mín kæra Þórhild-
ur, aðgát skal höfð í nærveru sálar,
við erum kannski ekki lattedrekk-
andi íbúar 101 Reykjavík og fötin
okkar eru yfirleitt samstæð en við
erum líka fólk og höfum hvorki
lágt enni né langa handleggi.
Kæra Þórhildur, þetta er nú
þegar orðið of langt hjá mér en mig
langar að benda þér á að hugsa þig
um tvisvar og jafnvel þrisvar áður
en þú skrifar næstu bakþanka. Að
mínu mati var ekkert að dómgreind
þeirrar vösku sveitar er gætir
hagsmuna okkar íbúa. Sá eini sem í
þessu máli, hér okkar á milli mín
kæra Þórhildur, sýndi dómgreind-
arbrest varst þú sjálf er þú kastaðir
af þínum háa stalli aur yfir íbúa
landsbyggðarinnar.
Kæra Þórhildur, börnin mín lásu
þessa bakþanka og þau eru særð.
Þú særðir þau.
Höfundur er ritstjóri héraðsfrétta-
blaðsins Feykis.
Aðgát
skal höfð
UMRÆÐAN
Örn Sigurðsson skrifar
um Reykjavíkurflugvöll
Hjörleifur Sveinbjörns-son, eiginmaður
Ingibjargar Sólrúnar
Gísladóttur formanns
Samfylkingarinnar og
einn helsti pólitíski
ráðgjafi hennar, skrifar
undarlega grein í Fréttablaðið 2.
júní sl. um flugvallarmálið.
Þar leggur hann til minnkaðan og
tilfluttan Reykjavíkurflugvöll innan
Vatnsmýrarsvæðisins til að leysa
þá stórstyrjöld, sem hann telur
geysa um flugvallarmálið. En það
sem Hjörleifur Sveinbjörnsson
nefnir ekki en hlýtur þó að vita um
er að gerð var skýrsla um þetta
flugvallarmál á vegum fyrrverandi
samgönguráðherra og birtist hún
vorið 2007. Í þessari faglegu skýrslu
er komist að því að það kostar þjóð-
arbúið a.m.k. 3,5 milljarða kr. á ári
að hafa flugvöllinn áfram í Vatns-
mýri og tæknilega og fjárhagslega
boðlegir kostir bjóðast í staðinn á
Hólmsheiði og í Keflavík.
Flugvöllurinn fari með hraði
Vegna andstöðu lands-
byggðarfólks við Kefla-
vík blasir Hólmsheiði
við sem pólitískt ásætt-
anleg staðsetning. En
hvað skeður þá? Sam-
gönguráðherra Samfylk-
ingarinnar dregur lapp-
irnar við að ljúka
veðurathugunum á
Hólmsheiði með því að
vilja ekki láta fara fram
tölvuhermun á veðrinu þar, sem
kostar um 6 milljónir kr og tekur
um 6 vikur, til þess að geta borið
því formsatriði við að ekki sé unnt
að ákveða hvort mögulegt sé að
flytja Reykjavíkurflugvöll upp á
Hólmsheiði vegna þess að veður-
athugunum þar sé ekki lokið!
Þetta er formsatriði vegna þess
að samkvæmt núverandi þekkingu
á veðri er lendandi á Hólmsheiði í
a.m.k. 96% tilvika. Allar frekari
veðurathuganir þarna eru í raun
einungis til að finna út hvar á bil-
inu 96-98% af árinu sé lendandi á
þessum stað og 95% nýting telst
viðunandi lágmark.
Ég er hér með tillögu að aðgerðar-
áætlun fyrir Hjörleif Sveinbjörns-
son, sem greinilega vill láta til sín
taka á þessu sviði: Undirritaður
leggur til að hann taki málið upp
við formanninn sinn og biðji hann
um að hnippa í Kristján L. Möller
samgönguráðherra í því skyni að
hann láti fara fram tölvuhermun á
veðrinu á Hólmsheiði og liggur þá
fyrir innan nokkurra mánuða að
veðrið þar er í góðu lagi.
Þegar Hjörleifur Sveinbjörns-
son, Ingibjörg Sólrún Gísladóttir
og Kristján L. Möller hafa afrek-
að þetta er ekkert því til fyrir-
stöðu að flytja Reykjavíkuflug-
völl upp á Hólmsheiði og uppfylla
þannig niðurstöðu almennra
kosninga frá árinu 2001, sem for-
maður Samfylkingarinnar hefur
hingað til talið pólitískt og sið-
ferilega bindandi niðurstöðu.
Tal Hjörleifs Sveinbjörnssonar
um flugvöll í Torontó vekur
furðu. Toronto City Centre Air-
port liggur á eyjum og uppfyll-
ingum í Ontariovatni, nokkur
hundruð metra frá landi, beint
undan miðborginni. Hann er í
eigu alríkisstjórnarinnar og hafn-
aryfirvalda í Toronto, sem vilja
stækka hann og margfalda flug-
umferð en mikil andstaða er
meðal borgarbúa, sem vilja að
flugvöllurinn verði lagður niður.
Hjörleifur ætti að þekkja
íslenskar aðstæður ögn betur.
Reykjavíkurflugvöllur var
byggður í seinna stríði í óþökk
Reykvíkinga á kjörlendinu, sem
þeir fengu 1. janúar 1932 til að
stækka bæinn. Þar hefur ríkis-
valdið viðhaldið honum æ síðan
gegn vilja og hagsmunum borg-
arbúa með hóflausri misbeitingu
illa fengins valds, með misvægi
atkvæðanna.
Höfundur er arkitekt og stjórnar-
maður í Samtökum um betri
byggð.
ÖRN SIGURÐSSON
DECUBAL
Húðvörur
– Fyrir þurra og
viðkvæma húð
Paraghurt®
Mjólkursýrugerlar
Við breytingum
á þarmaflóru
Íbúfen®
Lóritín®
Paratabs®
H
V
ÍT
A
H
Ú
S
IÐ
/
S
ÍA
-
0
8
-0
9
0
6
•
8
0
6
0
0
2
Að ýmsu ber að hyggja þegar haldið er í ferðalag.
Kannaðu hvað apótekið þitt hefur upp á að bjóða.
GUÐNÝ
JÓHANNESDÓTTIR