Fréttablaðið - 23.06.2008, Blaðsíða 56
24 23. júní 2008 MÁNUDAGUR
sport@frettabladid.is
- lífið er leikur
www.motormax.is
Mótormax Reykjavík - Kletthálsi 13 - Sími 563-4400
Mótormax Egilsstöðum - Sími 470-5080 / 470-5070
Mótormax Akureyri - Sími 460-6060
Lífið er leikur
Mesta úrval landsins af fjórhjólum
Leiktæki og ferðahjól,- þú fi nnur fjórhjólið hjá Mótormax
Sea-Doo hraðbátar og sæþotur
Magnaður kraftur og glæsileg hönnun.
Einnig margar gerðir af bátum og utanborðsmótorum.
Mótormax er á kafi í vatnasportinu!
FÓTBOLTI ÍBV tapaði sínum fyrsta
leik í 1. deild karla í knattspyrnu í
gær. Eyjamenn heimsóttu þá
Hauka, sem skoruðu tvö mörk
gegn engu marki gestanna. „Við
vorum lengi í gang á gervigrasinu
eins og við mátti búast. Við erum
ekki góðir á því af þeirri ein-
földu ástæðu að við eigum
ekkert slíkt,“ sagði Heimir
Hallgrímsson, þjálfari ÍBV.
Staðan í hálfleik var marka-
laus en í upphafi seinni
hálfleiks fékk Ingi Rafn
Ingibergsson rautt
spjald og Haukar skor-
uðu svo tvö mörk. Þau
gerðu Goran Lukic og
Ásgeir Þór Ingólfsson.
„Mér fannst rauða
spjaldið mjög strangur
dómur og ég var ekki
sáttur með dómarann í
þessum leik. Hann er
samt sem áður góður
dómari og hefur oft dæmt vel hjá
okkur en hann á sína slæmu daga
eins og leikmenn. Í dag var einn
slíkur,“ sagði Heimir.
ÍBV tapaði þar með sínum fyrstu
stigum í sumar en liðið er enn á
toppnum með þremur stigum
meira en Selfoss, sem vann
Víking Ólafsvík 4-0. „Við viss-
um að það kæmi að fyrsta tap-
inu. Við höfðum spilað ein-
hverja 16-17 leiki án þess
að tapa. En ég tek ofan
fyrir mínum mönnum,
þeir börðust vel og
voru að mínu mati
betri aðilinn í síðari
hálfleik þrátt fyrir að
vera manni færri,“ sagði
Heimir.
KA niðurlægði Leikni
6-0 í gær, Víkingur vann
Þór 2-1, pg KS/Leiftur
vann góðan sigur á
Njarðvík, 2-3. - hþh
1. deild karla í knattspyrnu í gær:
Fyrsta tap ÍBV í sumar
„Tilfinningin var rosalega góð,“ sagði spjót-
kastarinn Ásdís Hjálmsdóttir, sem keppir
fyrir Íslands hönd á Ólympíuleikunum í Pek-
ing í sumar. Ásdís náði lágmarkinu á móti
með landsliðinu í Eistlandi þar
sem hún setti einnig Íslands-
met. Hún kastaði 57,49 metra.
Ásdís hefur lengi stefnt að
því að komast á Ólympíu-
leika. „Ég hef stefnt að þessu
frá því ég byrjaði í frjálsum
íþróttum. Ég var að æfa
badminton á veturna
og að leika mér í
frjálsum á sumrin
en ég byrjaði í
frjálsum á fullu
árið 2001,“ sagði
Ásdís.
Hún lenti í erfiðum meiðslum á síðasta
ári. Ásdís gekkst undir aðgerð í nóvember
og var óvíst hvort hún gæti yfir höfuð kastað
spjóti aftur. „Það kom rifa í sin í olnbogan-
um á mér. Sársaukinn var mikill og ég gat
ekki byrjað að kasta aftur fyrr en í febrúar.
Það var bara ekki möguleiki að byrja fyrr.
Undirbúningstímabilið var því heldur stutt,“
sagði Ásdís, sem lagði ótrúlega mikið á sig
til að ná upp fyrri styrk.
„Heldur betur, ég hef lagt gríðarlega mikið
á mig. Þetta lágmark er því enn sætara fyrir
vikið. Þegar ég eyddi tveimur klukkutímum
á dag í endurhæfingu fyrir utan æfinguna
sjálfa hugsaði ég hverja einustu mínútu
að ég ætlaði mér á Ólympíuleikana, þess
vegna væri ég að þessu.“
Ásdís er þó hvergi nærri hætt. „Það
er ekki nóg að koma á Ólympíuleika
bara með lágmarkið. Stefnan er hiklaust á
að kasta yfir sextíu metrana í sumar. Ég er
ekkert orðin södd,“ sagði Ásdís en með 59
metra kasti kæmist hún inn á HM á næsta
ári, sem er næsta takmark hennar.
Fyrir utan það að kasta spjóti og æfa
frjálsar íþróttir leggur Ásdís stund á nám
í lyfjafræði. Hún vinnur í apóteki í sumar,
sem er hluti af náminu. „Það kemur sér
ekki vel að þurfa að vinna, ég verð aldrei
starfsmaður mánaðarins,“ sagði Ásdís
glaðbeitt. „Ég þarf að vinna í þrjá mánuði
og það er enginn möguleiki fyrir mig að
gera það samfleytt. Ég tek þetta því yfir tvö
sumur,“ sagði Ásdís Hjálmsdóttir Ólymp-
íufari.
Evrópubikarkeppni landsliða lauk í gær.
Kvennaliðið varð í 6. sæti og karlaliðið í 7.
sæti. Ísland keppti í A-riðli 2. deildar.
ÁSDÍS HJÁLMSDÓTTIR: NÁÐI ÓLYMPÍULÁGMARKI Í SPJÓTKASTI EFTIR ÓTRÚLEGA ERFIÐ MEIÐSLI
Verð aldrei starfsmaður mánaðarins í sumar
> Eiður á sölulistanum?
Eiður Smári Guðjohnsen var í spænskum
fjölmiðlum í gær sagður vera kominn á
sölulista Joseps Guardiola, nýráðnum stjóra
Barcelona. Þar eru fyrir Ronaldinho,
Deco og Samuel Eto´o. Bæði
West Ham og Portsmouth
eru enn sterklega orðuð við
íslenska landsliðsfyrirliðann
sem er hér á landi í fríi
sem stendur. Hann fer
aftur til Spánar í byrjun
júlí, að öllu óbreyttu.
GOLF Þórður Rafn Gissurarson úr
GR og Magnús Lárusson úr GKj
þurftu að fara í bráðabana þar sem
þeir urðu efstir og jafnir á þriðja
mótinu í Kaupþingsmótaröðinni á
Akranesi um helgina. Báðir léku
þeir á pari vallarins á hringjunum
tveimur en í bráðabana léku þeir
18. holuna. Þórður vann á fyrstu
holu, hann fékk par en Magnús
skolla.
Einar Páll Long úr GR var þriðji
á fimm höggum yfir pari, Hlynur
Geir Hjartarson úr GK og Sig-
mundur Einar Másson úr GKG
urðu svo jafnir í fjórða sæti á sjö
höggum yfir pari. Sigmundur var í
forystunni ásamt Magnúsi eftir
fyrri daginn.
Þórður kom því og stal sigri líkt
og Ólöf María Jónsdóttir sem stalst
nánast til að spila í gær. Hún vann í
kvennaflokki en þetta er hennar
fyrsta mót á Íslandi í þrjú ár og lík-
lega það eina í sumar. Ólöf lék á níu
höggum yfir pari.
Ragnhildur Sigurðardóttir úr
GR varð önnur á tíu höggum yfir
pari og Helena Árnadóttir, einnig
úr GR, varð þriðja á ellefu höggum
yfir pari. Það var því mikil spenna
á toppnum en Ólöf lék á þremur
fleiri höggum en Ragnheiður í gær
og tveimur fleiri en Helena.
„Ég tók reyndar ekkert eftir því
að þetta væri svona jafnt þar sem
ég gat ekki fylgst með stöðunni. Ég
einbeitti mér bara að mínum leik.
En þetta var örugglega spennandi
fyrir þá sem voru að fylgjast með,“
sagði Ólöf glaðbeitt.
„Ég var að spila ágætlega. Ein-
beitinguna vantaði í nokkur högg
og ég púttaði ekki vel en það var
margt jákvætt. Ég get farið sátt út
úr helginni þrátt fyrir að skorið
hafi ekki verið það sem ég var að
vonast eftir,“ sagði Ólöf sem segir
að það sé ólíku saman að jafna því
að spila erlendis og hér heima.
„Þetta er allt annað sport hérna,
það er varla hægt að bera þetta
saman. Það þarf að lenda boltanum
fyrir framan flatirnar hér, sandur-
inn í glompunum og grasið er öðru-
vísi. Það er eiginlega flest sem er
öðruvísi úti en hérna,“ sagði Ólöf
María. Hún lék hringina tvo á 74 og
79 höggum
hjalti@frettabladid.is
Ólöf og Þórður stálu sigri
Það þurfti bráðabana til að knýja fram sigurvegara í karlaflokki á Kaupþings-
mótaröðinni í gær sem Þórður Rafn Gissurarson vann. Ólöf María Jónsdóttir sigr-
aði í kvennaflokki á fyrsta móti sínu í Íslandi í þrjú ár og líklega því eina í sumar.
EM 2008 Spánverjar mæta Rússum
í undanúrslitum EM eftir sigur á
Ítölum í vítaspyrnukeppni í gær. Í
henni mættust tveir bestu mark-
menn heims að flestra mati, Gian-
luigi Buffon og Iker Casillas. Sá
síðarnefndi varði tvær spyrnur í
vítaspyrnukeppninni en Buffon
eina og Spánverjar slógu heims-
meistarana þar með út úr keppn-
inni.
Spánverjar höfðu fyrir leikinn í
þrígang tapað í vítaspyrnukeppni
á stórmóti þennan dag, 22. júní.
Fyrst töpuðu þeir fyrir Belgum á
HM í Mexíkó 1986, síðan fyrir
Englendingum á EM tíu árum
síðar, 1996, og loks fyrir Suður-
Kóreu á HM 2002. Ofan á það datt
Spánn út úr riðlakeppninni á EM
2004 og árið 1988 tapaði liðið fyrir
Sovétríkjunum þennan sama dag.
Leikurinn fer seint í sögubæk-
urnar fyrir skemmtanagildi.
Reyndar aldrei. Bæði lið voru
ákaflega varfærin og þorðu lítið
sem ekkert að sækja. Mikið var í
húfi en fátt var um fína drætti.
Ítalir vörðust af sinni alkunnu
snilld á meðan Spánverjar reyndu
að spila góðan og skemmtilegan
sóknarbolta, án árangurs.
Leikurinn var markalaus fram í
vítaspyrnukeppnina þar sem
Spánverjar skoruðu úr fjórum
spyrnum af fimm og Casillas varð
tvær spyrnur Ítala. - hþh
Iker Casillas vann einvígi bestu markmanna heims í vítaspyrnukeppninni í gær:
Spánverjar afléttu álögunum
VARIÐ Casillas ver hér spyrnu De Rossi.
FRÉTTABLAÐIÐ/AFP
GÓÐUR Þórður slær hér eitt af 144
höggum sínum á mótinu um helgina.
FRÉTTABLAÐIÐ/VÍKURFRÉTTIR
VÍGREIF MÆÐGIN Ólöf María með syni
sínum, Gústafi Andra. Bæði virðast eðli-
lega vera í skýjunum með sigur Ólafar.
SIGURVEGARAR Þórður og Ólöf stilla sér
upp eftir sigurinn.
ÚRSLIT Í KARLAFLOKKI:
1. Þórður Rafn Gissurarson (GR)* 144, P
2. Magnús Lárusson (GKJ) 144, P
3. Einar Páll Long (GR) 149, +5
4-5. Hlynur Geir Hjartarson (GK) 151, +7
4-5. Sigmundur E. Másson (GKG) 151, +7
* vann eftir bráðabana
ÚRSLIT Í KVENNAFLOKKI:
1. Ólöf M. Jónsdóttir (GK) 153 högg, +9
2. Ragnhildur Sigurðard. (GR) 154, +10
3. Helena Árnadóttir (GR) 155, +11
4. Nína Björk Geirsdóttir (GKj) 157, +13
5. Þórdís Geirsdóttir (GK) 158, +14
VÍTASPYRNUKEPPNIN:
1-0 David Villa skorar fyrir Spán
1-1 Fabio Grosso skorar fyrir Ítali
2-1 Santi Cazorla skorar fyrir Spán
2-1 Casillas ver frá Daniele De Rossi
3-1 Marcus Senna skorar fyrir Spán
3-2 Mauro Camoranesi skorar fyrir Ítali
3-2 Buffon ver frá Daniel Guiza
3-2 Casillas ver frá Antonio Di Natale
4-2 Cesc Fabregas skorar fyrir Spán