Fréttablaðið - 24.06.2008, Blaðsíða 12

12 24. júní 2008 ÞRIÐJUDAGUR
nær og fjær
„ORÐRÉTT“
RV
U
N
IQ
U
E
03
08
04
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Glerfínar gluggafilmur
- aukin vellíðan á vinnustað
3M gluggafilmur fyrir skóla, sjúkrahús, skrifstofur,
verslanir og aðra vinnustaðiFagmenn frá RV sjá um uppsetningu
„Ég skrifa lokaritgerðina mína í hagfræði í
sumar og starfa einnig sem fréttaritari fyrir
vefsíðuna fótbolti.net,“ segir Guðbjörg
Gunnarsdóttir, markvörður í fótbolta.
„Ég er líka í endurhæfingu vegna
meiðslanna sem ég hlaut fyrsta apríl við
að stökkva í fyrirgjöf. Ég sleit hásin
og er að vinna að því að koma mér
aftur í stand, ég fer í sund á hverj-
um degi og hjóla líka.“
Guðbjörg segir endurhæfing-
una ganga ágætlega og er búin
að losna við hækjurnar sem hún
notaði í tvo mánuði eftir slysið. Hún
segir þó erfitt að segja til um hve-
nær hún geti aftur byrjað að spila.
„Aðgerðin gekk vel og læknarnir
miða við að þetta taki allt um hálft
ár en það er samt erfitt að segja.
Ég er samt ennþá í kringum
fótboltann með því að skrifa
fótboltafréttir.“
Guðbjörg ætlar að einbeita
sér að náminu í sumar auk
skrifanna um fótbolta. „Ég
ætla að skrifa lokaritgerðina
mína í sumar, útskrifast
í haust og er búin
að skrá
mig í meistaranám í fjármálahagfræði frá
haustinu.
Ritgerðin mín fjallar um áhrif fjármála
hins opinbera á íþróttaiðkun og þannig
tengi ég saman hagfræðina og áhuga minn
á íþróttum. Ég er að bera saman Ísland og
Norðurlöndin og það er spennandi að sjá
hvaða áhrif fjármál hins opinbera hafa til
dæmis á það hversu margir iðka íþróttir.“
Þá segist Guðbjörg vera að gæla við að
komast á Þjóðhátíð um verslunarmanna-
helgina. „Ég er ekki viss um hvort fóturinn
verði tilbúinn í það. Ég ætlaði líka í útskriftar-
ferð með hagfræðinni en mátti ekki fara
í flugið,“ segir Guðbjörg, sem stefnir
samt á að komast til útlanda í sumar.
„Mér finnst líklegt að ég fari til
London og fljúgi þaðan í sólina
þegar ég hef tíma.“
HVAÐ ER AÐ FRÉTTA? GUÐBJÖRG GUNNARSDÓTTIR MARKVÖRÐUR Í FÓTBOLTA
Skrifar fótboltafréttir og ritgerð í sumar
Hættulegar kosningar
„Við getum ekki beðið al-
menning um að kjósa, þegar
atkvæði fólks geta kostað
það lífið.“
MORGAN TSVANGIRAI, LEIÐTOGI
STJÓRNARANDSTÖÐUNNAR Í
SIMBABVE, TILKYNNIR AÐ HANN
HAFI DREGIÐ FORSETAFRAMBOÐ
SITT TIL BAKA.
Fréttablaðið 23. júní.
Hvunndagshetjan
„Ég greip í höndina á mann-
inum og sneri hann í jörðina,
þá missti hann dúkahnífinn.“
ARON PÁLMI AFVOPNAÐI MANN
SEM ÓGNAÐI UNGLINGSPILTI MEÐ
HNÍFI Í MIÐBÆ REYKJAVÍKUR.
DV 23. júní.
Sundgarpurinn Benedikt
Lafleur er í Dover á Eng-
landi og bíður uns veður
verður hagstætt til sund-
ferðar til meginlands
Evrópu. Það verður í annað
sinn sem hann reynir sund
yfir Ermarsund. Síðast varð
hann að leggja árar í bát
nokkrum kílómetrum undan
ströndum Frakklands.
Þegar Fréttablaðið sló á þráðinn
til Benedikts var hann ekki viss
um hvort hann legði í hann um
kvöldið eða hvort brottför yrði að
bíða næstu daga. En hvað segir
honum að þetta takist nú?
„Reynsluleysi mitt og föruneytis
varð okkur fjötur um fót í síðustu
ferð,“ segir hann. „Það eru um 34
kílómetrar á milli stranda þar sem
styst er en ég var örugglega búinn
að synda fjörutíu kílómetra. Síð-
ustu kílómetrana var ég ekki í
neinu sambandi við fylgdarbátinn,
sem er afar vont.
Svo höguðum við næringargjöf-
inni ekki nógu skynsamlega. Ég
varð að veiða næringarskammt-
inn upp úr háfi og þegar straum-
arnir voru hvað sterkastir gat
þetta verið mikið basl. Nú verður
þessu komið til mín á línu. Svo
blekkir tálsýnin syndandi mann.
Mér sýndist Frakklandsströnd
vera alveg við nefið á mér en sú
var alls ekki raunin.“ Það var því
súrt í broti þegar skipstjóri fylgd-
arbátsins tók þá ákvörðun að nú
skyldi sundi lokið en hann á síð-
asta orðið þegar ákvörðun er tekin
um sundlok.
Benedikt hefur að undanförnu
verið á Reykjum í Skagafirði þar
sem hann hefur unnið að uppbygg-
inu í ferðaþjónustu ásamt Jóni
Eiríkssyni frá Fagranesi, sem
betur er þekktur sem Jón Drang-
eyjarjarl. Benedikt segist oft hafa
horft til eyjunnar atarna og hugs-
að til Grettis, sem sennilega er
okkar frægasti sjósundskappi
hvað sem öllu Ermarsundi viðvík-
ur. „Mig langar iðulega að skella
mér til sunds á slíkum stundum
enda ætla ég að láta verða af því
síðar í sumar að synda út í Drang-
ey,“ segir hann en eins og allir vita
synti Grettir úr Drangey til lands.
Í Skagafirðinum hefur Benedikt
stundað sahaja-jóga, sem kemur
sér vel í sundinu þar sem einbeit-
ingar er krafist langtímum saman.
Sennilega kemur stóíska róin sem
umlykur Benedikt þaðan, þótt hann
eigi sextán klukkustunda til sólar-
hrings langt sund fyrir höndum.
„Í síðasta Ermarsundi var ég 22
tíma en ég stefni á að komast þetta
á 16 til 17 klukkustundum.“ Að svo
kveðnu er Benedikt kvaddur og
þess óskað að hann njóti morgun-
verðar á næstu dögum, sæbarinn
en sigursæll á Gráanefs höfða (Cap
de Girsnez) í Frakklandi.
jse@frettabladid.is
Nær sólarhring í sjónum
BENEDIKT LAFLEUR Í SKAGAFIRÐI Skagfirskur sjór hefur hert Benedikt upp fyrir sundið yfir Ermarsund sem hann á fyrir höndum.
Síðar í sumar fer hann aftur í Skagafjörðinn og syndir út í Drangey, sem virðist véla hann til slíkrar sundferðar. MYND/FEYKIR
Sjaldgæf sjón blasti við nokkrum Grafarholtsbúum
á sunnudag þegar hryssa áði ásamt tíu daga gömlu
folaldi sínu í einbýlishúsagarði í hverfinu.
Hryssan, sem heitir Bylgja, er verðlaunahestur og
er fífilbleik að lit, rétt eins og dóttir hennar, Göldrun
frá Geitaskarði.
Þær mæðgur komu við í Reykjavík á leið sinni til
Suðurlands, þar sem Bylgju beið mikilvægt verk-
efni.
„Bylgja var að fara að fjölga kyninu í samstarfi
við mikils metinn stóðhest,“ segir Sigurður E. Levy,
deildarstjóri sölu- og þjónustudeildar Lánstrausts
hf. og annar eigandi hestanna.
Nú er fyrri gangmálum að ljúka, en hryssur eru
yfirleitt annað hvort leiddar undir stóðhesta
snemma sumars eða síðsumars.
„Það er gaman að fara í svona ferð á þessum tíma
árs,“ segir Sigurður og bætir við að það hefðu ekki
aðeins verið mennirnir sem skemmtu sér í ferðinni.
„Mæðgunum líkaði áningin í Grafarholtinu vel, en
hún var nýtt til að næra sig og njóta hvíldar,“ segir
Sigurður. „Þær virtust kunna prýðilega við sig í
höfuðborginni.“ - ges
Tíu daga folald í Grafarholtinu
MÆÐGUR Í BORGINNI Líkast til hefur einhverjum brugðið við
að sjá hryssu og folald í einbýlishúsagarði. MYND/ SIGURÐUR LEVY
„Það er búið að eyða svívirðilega miklum pen-
ingum í þetta mál. Ég vil ekki að meira sé eytt
í þessa vitleysu af skattpeningunum mínum,“
segir Þorbjörn Jensson, forstöðumaður
Fjölsmiðjunnar og fyrrverandi landsliðsþjálfari
karla í handknattleik, um hugmyndir sem
uppi eru um að rannsaka meintar pólitískar
rætur Baugsmálsins. „Miðað við þann mikla
tíma og þær fjárhæðir sem hafa farið í þetta
mál er uppskeran heldur rýr. Það finnst mér
ákveðinn áfellisdómur yfir þeim sem fóru af
stað með málið í upphafi. Hverjir það eru
get ég ekki sagt til um. En hvort sem það eru
pólitíkusar eða aðrir, þá eru þeir einhvers
staðar í felum að skammast sín.“
SJÓNARHÓLL
FREKARI RANNSÓKN Á BAUGSMÁLINU
Ekki meiri peninga
í Baugsmál
ÞORBJÖRN JENSSON
Forstjóri Fjölsmiðjunnar.