Fréttablaðið - 25.06.2008, Blaðsíða 2
2 25. júní 2008 MIÐVIKUDAGUR
VIÐSKIPTI Kaupþing tók í gær 275
milljóna evra sambankalán eða
sem nemur tæplega 36 milljörð-
um króna. Lánið er til tveggja ára
og ber 1,5 prósenta álag á
millibankavexti, sem eru mun
hagstæðari kjör
en núverandi
skuldatrygg-
ingaálag
bankans segir
til um.
Guðni
Aðalsteinsson,
framkvæmda-
stjóri fjárstýr-
ingar hjá
Kaupþingi,
segir bankann
mjög ánægðan
með þetta lán. „Þetta sýnir að það
er hægt að fjármagna banka á
öðrum kjörum en skuldatrygging-
arálagið gefur til kynna,“ segir
Guðni.
Lánið fer til fjármögnunar á
hefðbundinni starfsemi bankans,
segir í tilkynningu. - as
LÖGREGLUMÁL Agnari Hólm
Jóhannessyni, sem rekur bón-
stöðina Dekurstöðina á Fosshálsi,
var heldur betur brugðið þegar
hann mætti til vinnu snemma síð-
asta laugardagsmorgun og upp-
götvaði að bókstaflega öllu hafði
verið stolið úr stöðinni í skjóli
nætur. Hann heitir þeim lífstíðar-
bóni sem veitt getur vísbending-
ar sem leiða til þess að hann end-
urheimti góssið.
„Í dag er maður eiginlega bara
orðinn atvinnulaus,“ segir Agnar,
greinilega enn steinhissa á bír-
æfninni. „Ég hef aldrei upplifað
neitt þessu líkt í lífi mínu. Það er
búið að kippa undan mér öllum
grundvelli til að draga fram lífið
og sjá fyrir mér og mínum.“
Þegar Agnar mætti til vinnu
eldsnemma á laugardagsmorgun
sá hann að verkstæðishurðin
hafði verið brotin upp. Þegar inn
var komið blasti svo við auðnin
ein. „Það var öllu stolið,“ segir
Agnar.
„Það var ekki einu sinni kaffi-
kanna eftir. Þeir tóku öll tæki til
að vinna með, djúphreinsivélar,
ryksugur, massavélar og bónvél-
ar og allt sem nöfnum tjáir að
nefna, nánast frá hnífapörum og
niður úr. Allur lagerinn af bóni,
símar, tölvur, prentarar, hátalar-
ar, bókhaldið, pöntunarbók, lyft-
ingabekkur og níðþung lóð. Þetta
er allt farið. Þeir tóku meira að
segja kaffið og snyrtibudduna
mína,“ segir Agnar. Auk alls þessa
var um hundrað þúsund krónum í
reiðufé stolið af verkstæðinu.
Til að bæta gráu ofan á svart
var Agnar ótryggður og því kross-
leggur hann nú fingur í von um að
þýfið komi í leitirnar.
Eftirlitsmyndavélar á vegum
annarra fyrirtækja eru á húsinu
en það var ekki kveikt á þeim
umrætt kvöld. Svo virðist sem
þjófarnir hafi hundsað merking-
ar sem vöruðu við myndavélun-
um. Agnar veltir fyrir sér hvort
þeir hafi vitað að augu vélanna
fylgdust ekki með þeim. „Kannski
er þetta bara öfundsýki. Ég er
búinn að vera að velta því fyrir
mér hvort ég eigi einhverja óvini
sem vildu gera mér illt,“ segir
hann.
Agnar segir tjónið hlaupa á
milljónum, fyrir utan vinnutapið
sem af þjófnaðinum hlýst. Hann
hefur fengið tæki lánuð hjá vinum
og vandamönnum til að geta hald-
ið starfseminni áfram í smærri
mynd en áður. stigur@frettabladid.is
Guðmundur Ingi, mótmælti
Helgi ekkert?
„Nei, hann mótmælir með okkur.“
Hljómsveitin Atómstöðin fékk Helga
Hóseasson, sem er oft kallaður mótmæl-
andi Íslands, til að sitja fyrir á umslagi
nýrrar plötu. Guðmundur Ingi Þorvalds-
son er söngvari Atómstöðvarinnar.
Gjörhreinsuðu bón-
stöð í skjóli nætur
Þjófar brutust inn á bónstöð um nótt og stálu öllu steini léttara. Kaffi, bókhald
og snyrtibudda eigandans er meðal þess sem stolið var. Eigandinn er ótryggður.
TÓMLEGT Agnar segir augljóst að þjófarnir hafi þurft stóran sendiferðabíl til að kom-
ast á brott með allt þýfið. FRÉTTABLAÐIÐ / ARNÞÓR
100.000 krónur
Borðsímar
Bókhaldið
Bón (heill lager)
Bónvélar
Djúphreinsivélar
Hátalarar
Kaffi
Kaffivél
Lóð
Lyftingabekkur
Massavélar
Prentarar
Pöntunarbók
Ryksugur
Snyrtibudda
Tölvur
MEÐAL ÞESS SEM
ÞJÓFARNIR STÁLU
DÓMSMÁL Karlmaður var í gær
sýknaður af ákæru fyrrverandi
nágranna síns um ærumeiðingar.
Maðurinn hafði spurt nágrannann
undir fjögur augu hvort hann hefði
gægst á glugga sinn. Granninn
brást illa við því og fór fram á háar
miskabætur og að maðurinn yrði
fangelsaður fyrir vikið.
Stefndi lýsti málavöxtum þannig
að hann hafi nótt eina í júní í fyrra
sofið á gólfinu fyrir sjónvarpið
ásamt sambýliskonu sinni. Konan
hafi þá rekið augun í nágrannann,
þar sem hann hafi setið á hækjum
sér og horft inn um gluggann.
Skömmu síðar hafi mennirnir
hist. Granninn hafi kastað á stefnda
kveðju, en stefndi ekki ansað og
granninn því kallað hann dóna.
Stefndi hafi þá spurt hvort nágrann-
inn hafi legið á glugga þeirra
umrædda nótt. Granninn bar hins
vegar að stefndi hefði fullyrt um
gluggagægjurnar, en alls ekki
spurt. Hugsanlegt væri að hann
hefði setið á hækjum sér fyrir utan
gluggann þegar hann var að hreinsa
innkeyrsluna.
Nágranninn taldi verulega að sér
vegið með ásökuninni, sem hann
sagði alls ósanna, og dró manninn
fyrir dóm. Hann krafðist þess að
ummælin yrðu dæmd dauð og
ómerk, að stefndi yrði fangelsaður,
hálfrar milljónar í miskabætur og
110 þúsund króna til að geta afritað
dómsorðið og dreift til þeirra sem
kynnu að hafa heyrt söguna.
Dómurinn féllst ekki á rökin og
gerði grannanum að greiða 290 þús-
und krónur í málskostnað. - sh
Fór fram á að nágranninn yrði fangelsaður fyrir að impra á gluggagægjum:
Rifist um rifrildi fyrir dómi
GLUGGI Gægðist granninn eða ekki? Úr
því var ekki skorið.
GUÐNI
AÐALSTEINSSON
Kaupþing tekur milljarðalán:
Stórt lán á hag-
stæðum kjörum
ÍRAN, AP Írönsk stjórnvöld sögðu í
gær að auknar refsiaðgerðir
Evrópusambandsins muni ekki
hindra kjarnorkuáætlun lands-
ins.
Mahmoud Ahmadinejad,
forseti Írans, lagði til að sérstak-
ur dómstóll yrði myndaður sem
„reyndi að refsa öllum heims-
glæpamönnum sem réðust gegn
réttindum írönsku þjóðarinnar.“
Evrópusambandið tilkynnti í
fyrradag auknar refsiaðgerðir
gegn Írönum til að reyna að fá þá
ofan af kjarnorkuáætlun sinni,
en Vesturlönd telja að Íranar
ætli að koma sér upp kjarnorku-
vopnum. - gh
Íransforesti svarar fyrir sig:
Rétta ber yfir
Vesturlöndum
VIRKJANIR Hreppsnefnd Skeiða- og
Gnúpverjahrepps samþykkti
samhljóða á fundi sínum tillögu
um breytingu á aðalskipulagi sem
gerir ráð fyrir Holtavirkjun og
Hvammsvirkjun í aðalskipulagi.
Tillagan fer fyrir Skipulags-
stofnun sem tekur afstöðu til nýs
aðalskipulags. Holtavirkjun er 50
MW og veitumannvirki hennar
verða við Búðafoss ofan Árness.
Hvammsvirkjun verður um
80MW en stöðvarhús hennar
verður við norðurenda Skarðs-
fjalls í landi Hvamms. - kóp
Tvær virkjanir í Þjórsá:
Þjórsárvirkjanir
á aðalskipulag
UMHVERFISMÁL „Við höfum náð
góðum árangri í því að nota
úrganginn til áburðargerðar og
bera á tún,“ segir Hallgrímur
Rögnvaldsson, framleiðslustjóri
hjá fiskvinnslufyrirtækinu Eyja-
berg í Vestmannaeyjum.
Heilbrigðiseftirliti Suðurlands
hefur borist ábending um lélega
umgengni og geymslu á úrgangi
við fiskvinnslufyrirtæki í Eyjum,
staðfestir Elsa Ingjaldsdóttir
framkvæmdastjóri. Farið hefur
verið fram á úrbætur hið fyrsta.
Hallgrímur viðurkennir að
lyktin sem leggur af úrganginum
sé ekki góð og sérstaklega ekki
nú þegar sólin skín upp á hvern
dag. „Við erum að finna betri leið-
ir til geymslu og höfum þegar
fengið til okkar tanka til að taka
við úrganginum,“ segir Hallgrím-
ur.
Nágrannar hafa gert athuga-
semdir vegna sjávarúrgangsins
en að sögn Hallgríms hafa þó
hvorki skapast vandamál né
mikið ónæði verið vegna þess.
„Úrgangur er hluti fiskvinnsl-
unnar og við höfum ekki mörg
úrræði til þess að koma honum í
lóg,“ segir Hallgrímur. „Við
megum ekki sturta honum fram
af hömrunum í sjóinn en gras-
spretta hefur verið góð þegar við
höfum borið hann á túnin.“ - ht
Sjávarúrgangur látinn úldna í kerum fyrir utan fiskvinnslufyrirtæki í Eyjum:
Nágrannar kvarta yfir ólykt
ROTNANDI SJÁVARÚRGANGUR
Nágrannar hafa kvartað undan ólykt
vegna sjávarúrgangs sem rotnar í kerum
fyrir utan fiskvinnslufyrirtæki í Vest-
mannaeyjum.
MYND/ÓSKAR P. FRIÐRIKSSON
ÖLMÓÐSEY Í ÞJÓRSÁ Vatnið úr Hvamms-
virkjun rennur út í Þjórsá í opnum skurði
neðan Ölmóðseyjar. MYND/LOFTMYNDIR
VERKFALL Kristján Möller sam-
gönguráðherra, vill ekki tjá sig um
fyrirhuguð verkföll flugumferðar-
stjóra. Náist ekki samningar
skellur fyrsta verkfallið á á
föstudag.
Róbert Marshall, aðstoðarmaður
ráðherra, segir að ráðherra muni
ekki tjá sig á þessu stigi málsins.
Það sé í samningum deiluaðila;
Félags flugumferðarstjóra og
Samtaka atvinnulífsins fyrir hönd
Flugstoða.
Næsti samningafundur er
boðaður á fimmtudagskvöld og
náist ekki samningar þá verða
flugumferðarstjórar í verkfalli á
föstudag frá sjö til ellefu. - kóp
Verkföll flugumferðarstjóra:
Ráðherra vill
ekki tjá sig
SAKAMÁL Fjórir karlmenn og tvær
konur voru handtekin í Hveragerði
í dag. Lögreglunni á Selfossi barst
tilkynning frá manni sem keypt
hafði glingur af þeim í Reykjavík,
á þeim forsendum að um gæða
skartgripi voru að ræða. Viðkom-
andi vissi af fólkinu í Hveragerði
og vísaði lögreglu á það.
Fólkið var enn í yfirheyrslu
þegar blaðið fór í prentun. Það
hafði meðferðis tvö ung börn sem
dvöldu með mæðrum sínum á
lögreglustöðinni; þó ekki í klefum.
Fólkið hafði ekki leyfi fyrir að
selja á götum úti og er þar að auki
grunað um að gabba kaupendur.
- kóp
Glingursalar í Hveragerði:
Seldur glingur
sem skíragull
SPURNING DAGSINS