Fréttablaðið - 25.06.2008, Blaðsíða 6

6 25. júní 2008 MIÐVIKUDAGUR
KASTALI SEM S
EGIR KEX!
FYRIR FLOTTAS
TA KASTALANN
ER GLÆSILEG
ÆVINTÝRAFER
Ð TIL ORLANDO
Í VERÐLAUN.
www.nathan.is
EFNAHAGSMÁL „Við ættum að gera
eins og breska ríkisstjórnin gerði
á sínum tíma og yfirtaka bank-
ana,“ segir Atli Gíslason, þing-
maður Vinstri grænna, spurður
til hvaða aðgerða ríkisstjórnin
ætti að grípa í efnahagsvandan-
um sem nú blasir við.
Hann segir að ríkisstjórnin geti
annað hvort farið bresku leiðina
eða stofnað ríkisbanka upp úr
sparisjóðum landsins sem margir
hverjir standi illa.
Hann segir Vinstri græn hafa
lagt fram ótal tillögur á yfirstand-
andi þingi um lausnir á efnahags-
vandanum. „Við lögðum fram til-
lögu um aukningu
gjald eyrisforðans fyrir jól sem
ríkisstjórnin hefur loks tekið
ákvörðun um að gera.“
Atli segir að ef hann væri við
stjórnvölinn hefði hann stóreflt
Íbúðalánasjóð til eigin lánveit-
inga en ekki til þess að lána einka-
bönkunum eins og gert var á dög-
unum.
Ragnheiður Elín Árnadóttir,
þingmaður Sjálfstæðisflokksins
er ósammála Atla um lausnir
efnahagsvandans. „Það er okkur
öllum í hag að hafa sterka banka,“
segir Ragnheiður. „Hins vegar
finnst mér í lagi að ríkið grípi inn
í þegar aðstæður á markaðnum
eru eins og í dag.“
Hún tekur undir með Samtök-
um atvinnulífsins um frekari
virkjanaframkvæmdir til að
byggja upp atvinnulífið. „Ég sem
gamall Keflvíkingur fagna álver-
inu í Helguvík sem er í undirbún-
ingi,“ segir Ragnheiður. Lækkun
fyrirtækjaskatta úr átján í fimmt-
án prósent og afnám stimpil-
gjalda eru að mati Ragnheiðar
hvetjandi aðgerðir fyrir efna-
hagslífið.
Ragnheiður segir krónuna ekki
orsök allra vandamála íslensks
efnahagslífs. „Ef við værum með
annan gjaldmiðil en krónu mundi
niðursveiflan birtast með öðrum
hætti eins og með samdrætti og
auknu atvinnuleysi. Evran er
engin töfralausn og hefur aldrei
verið. Okkar hagsmunum hefur
verið betur varið með okkar litla
gjaldmiðli.“
- vsp
Atli Gíslason þingmaður Vg vill fara leið bresku ríkisstjórnarinnar:
Ríkið ætti að kaupa bankana
RAGNHEIÐUR ELÍN
ÁRNADÓTTIR
ATLI
GÍSLASON
BERLÍN, AP Á alþjóðlegri ráðstefnu
sem haldin var í Berlín í gær í
þeim tilgangi að stuðla að eflingu
lögreglu og dómkerfis palestínsku
heimastjórnarinnar tókst að safna
fyrirheitum um andvirði 20 millj-
arða króna fjárveitingar til
afmarkaðra verkefna. Þessu lýsti
þýski utanríkisráðherrann Frank-
Walter Steinmeier yfir að ráð-
stefnunni lokinni.
Ráðstefnan stefndi saman full-
trúum frá alls fjörutíu löndum. Þar
á meðal voru Salam Fayyad, for-
sætisráðherra palestínsku heima-
stjórnarinnar, ísraelski utanríkis-
ráðherrann Tzipi Livni og
bandarísk starfssystir hennar
Condoleezza Rice. Að sögn Stein-
meiers fór árangur ráðstefnunnar
„fram úr vonum“.
„Ég verð að segja að niðurstaðan
er skýrt teikn um stuðning við
uppbyggingu sjálfstæðs ríkis Pal-
estínumanna,“ sagði Steinmeier.
Tony Blair, erindreki alþjóðlega
fereykisins svonefnda sem vinnur
að því að koma á friði við botn Mið-
jarðarhafs, sagði að það að styrkja
öryggi og löggæslu á svæðum Pal-
estínumanna væri „grundvallar-
forsenda tveggja ríkja lausnar.“
Verkefnin sem styrkirnir eiga
að fara í eru til dæmis þjálfun lög-
reglumanna, að byggja réttar-
rannsóknastöð og fangelsi, að
koma upp öruggum fjarskipta-
kerfum og að byggja og reka dóm-
hús.
- aa
Alþjóðleg fjáröflunarráðstefna í Berlín til stuðnings löggæslustarfi í Palestínu:
Segja árangur framar vonum
BJART YFIR BERLÍN Salam Fayyad, Frank-
Walter Steinmeier og Condoleezza Rice
voru sátt við útkomuna. FRÉTTABLAÐIÐ/AP
Er rétt af borginni að mála yfir
skreytingar íbúa án viðvörunar?
JÁ 41,6%
NEI 58,4%
SPURNING DAGSINS Í DAG:
Óttast þú að missa vinnuna
vegna kreppuástands í þjóðfé-
laginu?
Segðu þína skoðun á Vísi.is.
ÍSRAEL, AP Ísraelar og Palestínu-
menn eiga að deila Jerúsalem.
Þetta sagði Nicolas Sarkozy
Frakklandsforseti í ræðu í
borginni Betlehem á Vesturbakk-
anum í gær.
„Hún er heilög borg þrennra
trúarbragða: gyðingdóms, kristni
og islam,“ sagði hann. „Getur
Jerúsalem tilheyrt einum þeirra
en ekki hinum? Ég held ekki.“
Sarkozy gagnrýndi einnig
múrinn sem Ísraelsmenn eru að
reisa til að vernda sig gegn
sjálfsvígsárásarmönnum. Sagði
hann múrinn ólíklegan til að stuðla
að friði. - gh
Sarkozy Frakklandsforseti:
Jerúsalem Ísra-
els og Palestínu
JERÚSALEM Bæði Ísraelar og Palestínu-
menn gera tilkall til borgarinnar helgu.
FRÉTTABLAÐIÐ/AP
BRUSSEL, AP Tveir af hverjum
þremur Írum hafa mjög jákvætt
viðhorf í garð Evrópusambands-
ins, þrátt fyrir að írskir kjósend-
ur hafi hafnað svonefndum
Lissabon-sáttmála sambandsins
fyrr í mánuðinum. Þetta sýna
niðurstöður nýrrar viðhorfskönn-
unar ESB.
65 prósent svarenda á Írlandi
segjast hafa jákvæða ímynd af
ESB.
Þessar niðurstöður styrkja það
sem talsmenn framkvæmda-
stjórnar ESB hafa haldið fram; að
viðhorf Íra til Lissabon-sáttmál-
ans og til aðildar að ESB sé
tvennt ólíkt. - aa
Viðhorfskönnun ESB:
Írar líta enn já-
kvætt á ESB
FÆREYJAR Þorskstofnar við
Færeyjar eru í sögulegu lágmarki
samkvæmt mælingum færeysku
hafrannsóknastofnunarinnar.
„Samkvæmt mati okkar hafa
þorskstofnar aldrei verið jafn litlir
og nú og það er mögulegt að þeir
nái ekki að endurnýja sig,“ er haft
eftir Hjalta í Jákupsstovu,
forstöðumanni stofnunarinnar.
Stofnunin leggur til verulegan
niðurskurð á þorskveiðum. - gh
Minnkandi þorskstofnar:
Lítill þorskur
við Færeyjar
Tuttugu boðaðir í skoðun
Um tuttugu bílar voru boðaðir í skoð-
un á Akranesi aðfaranótt Jónsmessu,
24. júní. Eigendum bílanna var með
því gert skylt að láta skoða bílana
innan viku, annars verði þeir sektaðir.
LÖGREGLUFRÉTT
DÓMSMÁL Tveir menn hafa verið
dæmdir fyrir þjófnað úr verslun
Olís á Kjalarnesi, auk fleiri brota.
Annar hlaut fimm mánaða
fangelsi, en hinn skilorðsbundinn
dóm fyrir að hleypa þeim fyrri
inn í verslun Olís og veita honum
upplýsingar um öryggiskerfið.
Sá sem þyngri dóminn hlaut er
ríflega þrítugur og hefur hlotið
sex fangelsisdóma frá árinu 1993.
Hann var jafnframt dæmdur
fyrir að brjótast inn í Bónusvídeó
í Lóuhólum í tvígang og stela.
Sá sem hlaut vægari dóminn er
tvítugur. Hann hlaut þriggja
mánaða skilorðsbundinn dóm.
- sh
Einn á skilorð, annar í fangelsi:
Stálu úr verslun
Olís á Kjalarnesi
HEILBRIGÐISMÁL Velferðarráð mun
á fundi sínum í dag afgreiða til-
lögu þar sem sviðsstjóra velferð-
arsviðs verður falið að leita eftir
heimild til að auglýsa eftir sam-
starfsaðila um rekstur hjúkrunar-
heimilisins Droplaugarstaða. Það
er heilbrigðisráðherra sem gefur
heimildina út.
Droplaugarstaðir hafa verið
reknir með halla mörg undanfarin
ár. Í fyrra fóru í gang viðræður á
milli borgarinn-
ar og ráðuneyt-
isins um rekstr-
arhallann. Þeim
viðræðum er
ekki lokið.
Jórunn Frí-
mannsdóttir,
formaður vel-
ferðarráðs,
segir rekstrar-
vandann for-
sendur tillög-
unnar nú. Að
öllu óbreyttu
stefni í 40 til 60
milljóna króna
halla á rekstrin-
um á þessu ári.
„Við hljótum
að spyrja okkur
að því hvernig
peningum skatt-
borgaranna er
best varið. Ef einhver er tilbúinn
til samstarfs um rekstur á þeim
daggjöldum sem við fáum frá rík-
inu, þá er það hið besta mál. Með
því mætti ná fram stærðarhag-
kvæmni,“ segir Jórunn.
Hún segir ekki vilja fyrir því af
hálfu ríkisvaldsins að hækka dag-
gjöldin með rekstrinum. „Þessi
daggjöld hafa dugað öðrum hjúkr-
unarheimilum. Við höfum farið í
mikla endurskoðun á rekstrinum á
Droplaugarstöðum en ekki tekist
að stöðva hallann. Það er því eðli-
legt að leita nýrra leiða.“
„Það er ljóst að ætlunin er að
einkavæða þessa perlu Reykvík-
inga í öldrunarmálum,“ segir Þor-
leifur Gunnlaugsson, fulltrúi
Vinstri grænna í velferðarráði.
Hann segir ljóst að ríkið svelti
Droplaugarstaði.
„Viðræður á milli formanns vel-
ferðarráðs og heilbrigðisráðherra,
sem eru mjög nánir pólitískir sam-
herjar, hafa bara verið skrípaleik-
ur. Það er augljóst í ljósi fyrri yfir-
lýsinga Jórunnar að stefna hennar
er að koma einkaaðilum inn í vel-
ferðarkerfið. Við erum því bara að
horfa upp á einkavæðingu.“
Jórunn segir að hér sé ekki verið
að taka nein ný skref. „Fjöldi
einkaaðila rekur hjúkrunarheim-
ili, nefna má Grund og Sóltún.
Ábyrgðin yrði enn sem fyrr á
herðum borgarinnar.“
Þorleifur segir Droplaugarstaði
mjög vel rekna. „Hér hafa verið
miklar byggingaframkvæmdir
sem skýra hallann. Heimilið sjálft,
stjórn og starfsfólk er til fyrir-
myndar. Þá finnst mér óeðlilegt að
svona tillaga sé keyrð í gegn rétt
fyrir sumarfrí án þess að hún sé
rædd almennilega.“
kolbeinn@frettabladid.is
Vilja samstarf um
Droplaugarstaði
Meirihluti velferðarráðs Reykjavíkur vill óska eftir samstarfi um rekstur Drop-
laugarstaða. Verið að einkavæða reksturinn segir fulltrúi Vinstri grænna. For-
maður ráðsins segir ábyrgðina verða áfram á herðum borgarinnar.
DROPLAUGARSTAÐIR Nokkur halli hefur verið á rekstri heimilisins undanfarin ár.
Miklar byggingaframkvæmdir hafa staðið yfir. Nú vill meirihlutinn leita eftir sam-
starfsaðilum um rekstur. FRÉTTABLAÐIÐ/VILHELM
JÓRUNN
FRÍMANNSDÓTTIR
ÞORLEIFUR
GUNNLAUGSSON
KJÖRKASSINN